吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 考慮緊生唔生第二胎

夫婦情感今日: 0|主題: 42799

收藏本版

發帖

返回列表

跳至頁

查看: 45868 | 回覆: 128

考慮緊生唔生第二胎

[複製鏈接]

12 3 4 5...7

AAV

男爵府

積分: 5391

1^#

發表於 18-7-12 13:45 |只看該作者 |正序瀏覽 |打印

本帖最後由 AAV 於 18-7-12 13:47 編輯

雖然唔係好關「夫妻關係」事，但都算「家庭關係」吧，借呢到問下各位意見。本人33歲，已經有一個2歲半女，最近諗緊生唔生多個。想生原因：1）鍾意湊小朋友，我女出世時我有少少未準備好心態，自覺錯過左好多美好時光，想再湊多次。（雖然生多個都可能有情緒影響都係enjoy唔到。）2）覺得有手足一起成長係幸福事（雖然都唔保證他們會相處得好。）我自問呢兩個想生原因都好薄弱。而唔想生既原因：1）經濟壓力：我地兩公婆而家搵4萬頭，老公之後會有人工加，會多而家$10000左右。有層樓供緊$15000左右。而家無請工人，如果生多個一定要請。呢幾年都會幾大壓力。亦覺得會影響到將來培育小朋友資源，會由1個緊緊地變成2個都無得培育。2）屋企唔夠住：屋企2房，一大一細，細房得6尺x7尺，如兩小朋友加工人太迫，要搬大少少，但邊有錢搬呢？3）老公唔叻湊小朋友：老公有幫手，但唔太叻唔放心佢湊，一個小朋友已影響到我地關係，唔知2個會點。（雖然有工人的話應該會解決一部分家務、湊小朋友壓力）。4）唔知點湊2個小朋友，怕第二個難湊。亞女好好湊
。
都就33歲，要生就要快，大家可俾意見我嗎，想了一排仍未想通。我所考慮的都正常正確嗎？多謝大家。

0 0 0

私人傳訊

princesscupcake

侯爵府

積分: 21342

129^#

發表於 18-8-20 10:27 |只看該作者

回覆樓主

你意思點樣一個小朋友已經影響到你哋關係

私人傳訊

AAV

男爵府

積分: 5391

128^#

發表於 18-8-20 07:19 |只看該作者

begoodtome 發表於 18-8-18 23:13
我生完阿2就出去搵工，好好彩搵到份人工幾級跳既工。u never know.

你就好，可能我對未來都無咩信心。

私人傳訊

begoodtome

大宅

積分: 4232

127^#

發表於 18-8-18 23:13 |只看該作者

AAV 發表於 18-7-15 11:19
唔想降低生活質素係我考慮緊都幾茅盾。

我生完阿2就出去搵工，好好彩搵到份人工幾級跳既工。u never know.

私人傳訊

begoodtome

大宅

積分: 4232

126^#

發表於 18-8-18 23:11 |只看該作者

AAV 發表於 18-7-13 12:49
嘩，聽到咁真係驚！

我而家有2個，頭3年係超級辛苦。但而家佢2個自己玩，自己商量，商量完會同我講想點點點。我放假瞓可以係梳化睇佢地玩。如果一個，你就要一直同佢玩到十幾歲。2個玩，真係玩，父母陪玩係扮玩，唔同。

私人傳訊

begoodtome

大宅

積分: 4232

125^#

發表於 18-8-18 23:07 |只看該作者

AAV 發表於 18-7-12 18:25
咁其實我都想聽下，獨仔獨女既心聲，會唔會覺得好寂寞？會唔會覺得大壓力？會唔會好享受是獨仔獨女？有無人 ...

我自己係獨，我同自己講他日一定唔會生一個。由細到大，我唔識同同輩相處。因為屋企全世界就我。到出黎做野，唔識做人，處處撞板。到而家，兩老開始老，家用我一個人俾，佢2個有咩事我要睇實幫手。冇人可以同我分擔。

私人傳訊

siujanjan

珍珠宮

積分: 31519

BK Milk勳章

124^#

發表於 18-8-18 11:18 |只看該作者

AAV 發表於 18-8-18 10:30
如果我女讀小學，我就大約37歲。都唔係無可能既，不過到佢大都差唔多退休了。。。不過暫時唔適合生啫，可能 ...

想生女都唔一定生到，可能係仔架，始終香港唔可以揀。
我生細佬時37，兩姊弟相差5歲，都叫玩得埋。

私人傳訊

AAV

男爵府

積分: 5391

123^#

發表於 18-8-18 10:30 |只看該作者

兔兔小馬甲發表於 18-8-18 01:54
bk好多月入20萬嘅勁人，好羨慕⋯

如果我女讀小學，我就大約37歲。都唔係無可能既，不過到佢大都差唔多退休了。。。不過暫時唔適合生啫，可能過幾年心態又唔同。謝謝你。

私人傳訊

AAV

男爵府

積分: 5391

122^#

發表於 18-8-18 10:20 |只看該作者

北寄貝發表於 18-8-17 22:26
本帖最後由北寄貝於 18-8-17 22:29 編輯

我係獨生，由細到大都獲得屋企所有關注同資源。可能一直慣左 ...

多謝你回覆，你既回覆安撫我不少。你都講得好啱，就算有兄弟姊妹，婚後都一家一主，未必可以依靠得到。嫁個好老公令父母多半邊仔都好。

私人傳訊

兔兔小馬甲

男爵府

積分: 7045

121^#

發表於 18-8-18 01:54 |只看該作者

本帖最後由兔兔小馬甲於 18-8-18 01:54 編輯

bk好多月入20萬嘅勁人，好羨慕⋯

我同樓主同齡⋯

我bb7個月大，每個月平均洗5000蚊，對住bb好難控制到自己嘅購買慾，見到乜都想買俾佢。如果生多個，開支會大到唔敢想像⋯

老公見到bb好乖，好可愛，整日都話想生多個，其實我都想，但諗到如果生多個，大嗰個依家嘅嘢會被分薄個陣，又會覺得有小小唔忍心⋯

所以，暫時唔諗住，等bb讀小學先決定生唔生，依家大把人40幾歲生bb，我覺得我仲有好多時間考慮，唔洗急於一時。樓主都係，唔好心急做決定，過多幾年先諗都未遲。

生活可以将就，生活也可以讲究⋯⋯

私人傳訊

北寄貝

男爵府

積分: 7481

120^#

發表於 18-8-17 22:26 |只看該作者

AAV 發表於 18-7-12 18:25
咁其實我都想聽下，獨仔獨女既心聲，會唔會覺得好寂寞？會唔會覺得大壓力？會唔會好享受是獨仔獨女？有無人 ...

本帖最後由北寄貝於 18-8-17 22:29 編輯

我係獨生，由細到大都獲得屋企所有關注同資源。可能一直慣左，我唔會覺得悶，而且為人好獨立，加上身邊好多朋友，完全無問題。甚至我好享受一個人。
細個時，阿媽成日提我，要比心機讀書，照顧到自己，因為我無兄弟姊妹，無人可以依靠。其實就算有兄弟姊妹，大左都係一家一主，對方又有伴侶，都唔依靠得幾多喇！
如果硬要講缺點，就係父母年紀大左，得我一個照顧，無乜人可以分擔（金錢和時間），壓力有點大。不過結左婚，有c6,佢又好錫我屋企，咁就無問題了。

私人傳訊

Yutaki

大宅

積分: 3006

119^#

發表於 18-8-17 01:16 |只看該作者

李露眉發表於 18-7-13 11:32
你平養定貴養.
平養就生,讀書津校.

其實真係講得好啱，分別只係介乎平養定貴養，大把人兩公婆收入加埋都冇五萬，冇樓，冇工人，咪又係咁樣生兩個或者三個小朋友，屋企兩房一廳係現今社會都已經不過不失了，大把人屋住環境仲擠逼啊，人哋咪又係咁生存！

家陣d人成日話一代不如一代，係因為太嬌生慣養，唔捱得苦...

所以問題其實係父母...是否甘願為子女犧牲一切，包括以往享受！因為生多一個，開支事實會大左，但我相信家庭總收入5萬係咪叫做冇能力養多一個呢

就要睇你諗住點樣喇，小朋友係一張白紙，呢個世界唔一定要私校/名校先會出到個狀元，普通學校都會有資優生，何況成績固然重要，但學好品行和正確的價值觀更為重要！

難道家庭總入息低的人，家中的小朋友學業就一定會比富貴人家差嗎

其實我個人覺得，樓主係應該同老公商量呢個問題，而唔係上討論區問人:mother:因爲將來面對問題的人係你們，而並非我們，況且每個人家庭環境/經濟都不同，我們的意見可代表什麼呢！

點評

兔兔小馬甲

發表於 18-8-18 01:38

私人傳訊

blacklabel82

別墅

積分: 537

118^#

發表於 18-8-2 12:50 |只看該作者

回覆樓主

我有兩個小朋友，大同細相差4年，有時係旁邊睇住佢兩兄弟玩，互相照顧嗰種感覺真係好正，我始終認為一個小孩，能有一位手足陪伴一齊成長比較好，細細個開始學分享及互相體諒

私人傳訊

AAV

男爵府

積分: 5391

117^#

發表於 18-8-1 18:01 |只看該作者

crazypaper 發表於 18-8-1 17:28
我初初都係打算只生一個，可集中資源。過咗4年後，突然想生多過，最後生多一個，大同細差5年。又要由頭湊過 ...

多謝你咁用心既分享。你講得好啱，針無兩頭利，要就自己想法、實際情況考慮同取捨。不過開心既係你問既獨生朋友無覺得獨生唔好。而我自己，似乎無得因爲唔生而後悔，因為似乎係無能力，我係無奈咁接受無能力生多個。

私人傳訊

crazypaper

珍珠宮

積分: 41433

116^#

發表於 18-8-1 17:28 |只看該作者

我初初都係打算只生一個，可集中資源。過咗4年後，突然想生多過，最後生多一個，大同細差5年。又要由頭湊過。本身可以輕鬆點。
但係見佢地相親相愛我無後悔。雖然無人地成日去旅行，又無得行街shopping,我仲要無請工人既。係好累。我想大既有個伴，即使自已老咗，都唔洗得一個探我或照顧我，有多個可減少佢地心中既壓力。又或者有天我唔係到，佢都叫做有個親人係佢身邊。要哂精神金錢照顧佢地係好累架，但時間過咗就會開心。
要睇你想要啲咩，針無兩頭利。有得有失。財政好睇你自已，住屋我覺得細有細住，我自已唔會覺有咩問題。錢係一個問題，因為讀書都幾多洗費，仲有課外活動等等。
我曾經都有問過獨生仔女，佢地孤獨嗎？我問親既都話唔會，因為有朋友，而具父母可以集中對自已好都唔錯。
但我問過只生一個既父母，有部份係後悔以前唔生多過，唔洗自已既獨生仔/女咁大負擔，屋企有咩事，只有個獨生仔/女一個人面對，如果多一個，可以有商有量咁話。
所以好睇你決擇。