吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇JM可以分享對付懶散小朋友技巧？

自由講場今日: 176|主題: 1349713

收藏本版

發帖

返回列表

跳至頁

查看: 6033 | 回覆: 64

12 3 4

積分: 19642

1^#

發表於 18-8-13 13:04 |只看該作者 |正序瀏覽 |打印

借位嗔下

一直以來，大嫂話搞唔掂大女讀書做功課(係打都唔做)，所以大嫂有時會搵我同侄女溫書，做功課。

因為侄女係超級懶散型，要好惡咁對佢，先肯做。

上個星期，大嫂同我講大侄女成本暑期作業做得三頁，二侄女只係做咗一半，話想帶兩個小朋友上我家做功課，咁我上星期三特登請左半日假招呼佢地。

做咗到夜晚九點幾(食埋飯)，二侄女都做左10頁，大侄女做左就6頁。我同大侄女講，你做得太慢啦，聽日開始每日起碼要做5版，我星期六再睇。

咁星期六，二侄女成本暑期作頁淨返3頁，但大侄女就只係星期三做完果6頁，大嫂話叫極都唔做，打都唔做，講埋答案比佢聽都唔寫。

咁我話好啦，同大侄女講你今日做晒18頁先返屋企；兩點做到六點(中間有比佢休息)，做左 6頁。跟住發皮氣，話之前講明每日做６頁，唔會再做，仲丟支筆落地。

我話你前兩日冇做，今日做唔夠10頁你唔好走，今晚在我屋企訓，明早繼續，現在比兩個選擇，1. 現在食飯，食完飯繼續做；2. 食個杯麵抖15分鐘再做。佢就扒喺枱喊，又話肚痛去廁所，去左半個鍾。

食飯我都有同阿嫂傾，話大侄女今年升小五，考呈分試啦，再唔緊張就冇得救。我話唔係要佢做啱晒，但最起碼要有責任心，自已識得走去做功課。

食完飯，阿哥上來拉阿嫂佢地走，話聽朝去睇戲，早啲返去訓，大侄女都走埋，我冇出聲。

有冇JM布有應付懶散小朋友經驗？其實大侄女係咪冇得再迫?

0 0 0

私人傳訊

musiccisum

子爵府

積分: 11711

65^#

發表於 18-8-14 23:41 |只看該作者

OforOsaka 發表於 18-8-13 13:04
借位嗔下

一直以來，大嫂話搞唔掂大女讀書做功課(係打都唔做)，所以大嫂有時會搵我同侄女溫書，做功課。

你唔駛諗點教，阿哥都唔合作，叫佢做功課仲話聽日去睇戲

私人傳訊

chingmon

禁止訪問

積分: 8654

64^#

發表於 18-8-14 23:40 |只看該作者

提示: 作者被禁止或刪除內容自動屏蔽

私人傳訊

tutik

公爵府

積分: 25092

63^#

發表於 18-8-14 23:21 |只看該作者

OforOsaka 發表於 18-8-14 00:05
佢個情況係、有啲真係唔識。但有啲情況係、中文重組句子、個個字識讀識解、但都唔肯去諗、坐喺度半個鍾玩 ...

感覺小朋友學習動機太低，要父母用心不斷做思想教育來等佢開竅，靠其他家人/補習社代勞，真的難見成效，且讓父母誤以為問題解決而害過教育時機。
解答你問題，遇上小朋友比較拖拉，可以用個計時器。佢自己定所需時間，達摽可以讚下佢。若然連續三次做到，賞佢一啲鍾意嘅嘢，例如女仔貪靚，搽一隻腳指甲，大概佢會希望離開前集齊十隻！總之讓事情變得有趣。
有關重組句子嘅題目，主要係要小朋友有足夠語感先至容易應付。可以先標記有關詞語或者連接詞，再用数字排列好，朗讀一下是否通訓，才把答案寫上，用啱方法事情就容易多，覺得容易就唔再拖拉。

私人傳訊

honeyjerry

大宅

積分: 2469

62^#

發表於 18-8-14 08:01 |只看該作者

OforOsaka 發表於 18-8-13 13:04
借位嗔下

一直以來，大嫂話搞唔掂大女讀書做功課(係打都唔做)，所以大嫂有時會搵我同侄女溫書，做功課。

有無獎勵先，係咁現實。

打工仔，年尾都特別勤力d.

私人傳訊

kayer

男爵府

積分: 5357

61^#

發表於 18-8-14 06:50 |只看該作者

回覆樓主

其實教小朋友都係父母責任，好多時候父母覺得比左學校，老師教就得。但係父母先係小朋友最重要的老師

私人傳訊

Cheddar85ang

水晶宮

積分: 57057

60^#

發表於 18-8-14 06:25 |只看該作者

OforOsaka 發表於 18-8-13 13:49
本帖最後由 OforOsaka 於 18-8-13 13:50 編輯

其實係大伯、不過平時叫開呀哥打錯左

大伯錯重點，唔係資質差的問題，係學習態度差、無責任心的問題。累死個女，第日出嚟做嘢就累死啲同事。

私人傳訊

BBG520

男爵府

積分: 8627

59^#

發表於 18-8-14 04:28 |只看該作者

回覆樓主

好老實我真係唔會幫人教小朋友呀，教得好就話姐，教得唔好比人講成世呀，不過因為我同男家關係唔好姐，你感情ok咪幫到幾多就幾多囉

私人傳訊

foggyao

珍珠宮

積分: 37830

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

58^#

發表於 18-8-14 03:29 |只看該作者

Catabella 發表於 18-8-13 14:02
樓主、恕我直言

現在好多小朋友自殺、唔知你侄女咩性格、你有心教好佢、一陣佢頂唔住走去做空中 ...

呢句真

就算唔係真自殺，只係玩嘢，扮嘢，樓主都會變成千古罪人

私人傳訊

monkeydiary

伯爵府

積分: 17400

57^#

發表於 18-8-14 03:18 |只看該作者

OforOsaka 發表於 18-8-13 13:04
借位嗔下

一直以來，大嫂話搞唔掂大女讀書做功課(係打都唔做)，所以大嫂有時會搵我同侄女溫書，做功課。

我覺得係父母無做好身教，教壞自己d女囉！教好仔女係父母責任，佢地都唔緊，你為什麼要這麽緊張呢？

私人傳訊

Vinymqq

大宅

積分: 2798

56^#

發表於 18-8-14 02:50 |只看該作者

回覆樓主

老實講，佢唔做我會尤得佢欠交，等老師處理，自己既父母都唔理自己小朋友，我一定唔會介入，免得傷感情俾人話多事！

私人傳訊

LuckyBBB

男爵府

積分: 8524

55^#

發表於 18-8-14 01:08 |只看該作者

回覆樓主：

本帖最後由 LuckyBBB 於 18-8-14 01:12 編輯

嗱。。。好坦白講佢地唔做功課有無娛樂先 ?
如果佢地有得繼續電視,看戲,手機。。。吃渴玩樂去公園, 點會願意去做 ,因為佢唔做都無影響佢地最鍾意既野。(無論用獎或罰既方法,都係用佢地最著緊既野去增加佢地去做既動機)

同意#53 所講 ,先要搵出小朋友唔做功課原因係 , 如果純粹因為懶先可用我講既方法 ,如有學習上困難就要對症下藥

我自己屋企一向規矩係。。。兩個女都係做完每日功課先可娛樂或出街玩,無完成當日要做既野就算放假都吽在屋企 ,無電視,無手機,無 iPad, 無玩具, 就咁坐在度發呆囉。
食飯之前唔收拾好玩具,咪無得食住 , 到我地大人食完而佢地都唔執或未執好既就無得食呀喇 !

私人傳訊

OforOsaka

伯爵府

積分: 19642

54^#

發表於 18-8-14 00:05 |只看該作者

tutik 發表於 18-8-13 18:58
做幾多頁唔係重點，其實有冇認真做或者底太差唔識做，才咁抗拒。本來唔想回，因為唔應該係你去煩惱，呢個責 ...

佢個情況係、有啲真係唔識。但有啲情況係、中文重組句子、個個字識讀識解、但都唔肯去諗、坐喺度半個鍾玩筆、同你鬥磨、要你比答案。

私人傳訊

OforOsaka

伯爵府

積分: 19642

53^#

發表於 18-8-14 00:01 |只看該作者

ChristieMing 發表於 18-8-13 23:37
認真講，連父母都管唔到，你又可以管到幾多?
我都曾經做過「架兩」，想教好個姨甥，因為冇人會認真去罰佢， ...

謝謝你的忠告

我覺得大伯大嫂佢地好矛盾、一方面知自己個女懶要揾人治佢、一方面見到個女喊又心軟。

今晚都同老公傾過、出年我地個小朋友都升小學、要幫都係幫埋今年、佢地想上來做功課照比佢地上、做到累嗌走就由佢、唔好出聲。

私人傳訊

ren

子爵府

積分: 11126

52^#

發表於 18-8-13 23:58 |只看該作者

回覆樓主:

其實小朋友係懶散，但其實作業係識做的(嫌低能唔想做), 定係教極唔明好挫敗個種唔肯做，甚致係有讀寫障礙家長唔知，或者adhd,
我估要起碼找出原因才有對應方法。。。
同埋父母嘅處理方法真係令我 o咀。。。
阿媽攪唔掂就推俾姑姐，阿爸直頭為左唔好嘈唔好唔開心，直接逃避，如果爸媽都唔為對女嘅學業緊張，小朋友點識着緊？