到底你想點呀？屈完一鑊又一鑊~~
第一屈︰話我哋乜都唔俾你掂(因為你年紀大，唔想你再咁辛苦，同埋你每次做完，我哋都要再做多次，咁就無謂喇)
第二屈︰話我哋乜都無得俾佢食，攪到佢無啖好食(夜晚專登煮多 d ，等你第二日午餐只係用飯反熱就可以食，你又唔鐘意，係都要開爐，你又唔認自己論盡無記性，三番四次煲燶煲，咁樣好危險之餘仲會連累鄰舍架嘛)
第三屈︰話我哋想趕你出走廊瞓(真係從來都冇講過，如果真係咁衰，就唔會剩係趕你出走廊督眼督鼻，索性趕你返去大或二佬到喇)
第四屈︰話我哋唔俾你洗衫(咁係唔俾啦，你經常連埋 d 厠紙、牙籤、散銀等等一齊洗，部機會頂唔順架，呢部岩岩先換，因為你又要call 人上黎整喇，我冇咁多錢又換機)
第五屈︰話我哋收埋你張回鄉咭(你係咁口出惡言咒我哋，又話我哋陰毒，陰濕，到最後你搵返喇，又見你講對唔住)
第六屈︰話我哋收埋你隻手錶(都話你經常唔記攞返 d 野出黎，就咁掟落洗衣籃架喇，老公開機洗衫時，幫你攞番出黎，見你問阿仔，咪叫阿仔俾番你，仲話俾你知係你件底衫到搵到，點知事後你仲係要話我哋收埋你)
第七屈︰話我哋連大門鎖匙都收埋(上星期你又係自己論盡唔見咗，又再次係度閙，仲走圍話俾街坊知，話我哋收埋唔俾返你，我睇返片，見你返入屋時有鎖匙，當你完你 d 垃圾之後，係你離開間屋既時候，我已經唔見條鎖匙係你身上啦，今日我見到你掛反呢條鎖匙係身上，即係你又搵返啦，又唔見你講對唔住)
第八屈︰離譜到同二佬講，話我哋從來都冇俾過鎖匙俾你(咁請問你點可以每日係我哋返晒工返晒學時冇其他人既時候，你都可以自出自入呢？)
暫時呻住咁多先~~~因實在太多，不能盡錄
無奈歸無奈，灰心歸灰心，果個始終係生我既阿媽，無得選擇，無得逃避，唯有接受事實加忍耐﹗我咪唯有上黎呻吓﹗發洩吓咁囉﹗What can I do？
今日我先再一次安慰老公~~就假設我倆前世係汪洋大盜，濫殺無辜，所以今世係黎還債，如果今世還得清，咁下世可能會好 d 呢﹗
有時都要阿 Q d 咁諗，人都冇咁悲觀
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
咪唯有叫佢盡可能都唔好同佢正面衝突，免招人話柄，至多有乜頂唔順，我會洗耳恭聽~~現階段都只有等佢申請到另一個屋，整件事先可以解決到
mouth:
返回列表
