吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 劉子健醫生照結構之超強非常不愉快經歷 ...

懷孕前後今日: 1|主題: 330521

收藏本版

發帖

返回列表

跳至頁

查看: 77433 | 回覆: 161

劉子健醫生照結構之超強非常不愉快經歷

[複製鏈接]

12 3 4 5...9

xNicKx

複式洋房

積分: 155

1^#

發表於 18-8-20 21:56 |只看該作者 |正序瀏覽 |打印

我想講下我今日係劉子健醫生度照結構嘅超級不愉快經歷！佢係母胎權威，我13週度頸皮厚嘅時候已經即時搵佢睇，QE有安排我抽絨毛但因為始終有流產風險，同埋我想睇多個醫生再決定，當時佢好專業，比左好多寶貴意見我，耐心講解，亦比充足嘅時間我發問，令我覺得好安心，因爲對佢有信心，所以即日已經決定係佢度抽絨毛，加埋DNA chip, 收費萬六，但無辦法，為左bb都要做，仲即刻卜埋20週照結構。兩星期後醫生親自打比我講解報告，報告一切正常，醫生態度和藹可親，亦令我覺得醫生好好，好負責任，因為通常一切正常係會由姑娘打比電話通知。
到今日去照結構，登記時姑娘話電腦無我booking, 我話無可能因為我上次黎抽絨毛好肯定已經卜定結構，同埋我知醫生係好full的，所以上次一定有卜，佢行開一輪話搵到我booking, 叫我坐低等。到我入到去，醫生本身已經黑黑地面，簡單傾左兩句就攤上床照，一開始佢已經頗為用力隊我個肚，我話痛，之後佢無理，仲越照越用力，我有再講多兩次我痛，都係無理我，之後我唯有忍，諗住忍一忍好快過，而且佢又係權威，山長水遠去中環搵得佢照，無理由走，跟住佢就叫我肚放鬆，話好實佢好難照，我都明我都知，但我講左痛無人理，我要忍痛就自不然放鬆唔到，咁都好正常吖！我答佢我痛，佢話痛你就話比我知，我地唔照，我唔知佢嘅唔照係咩意思，到底係陣間照定skip 左佢唔照，當時我無出聲，唯有新呼吸嘗試放鬆，佢再三話我個肚實，話我同佢鬥頂佢好難照，我又無出聲，自己叫自己痛都要放鬆。照腳趾，第一下bb稍為郁左佢就已經jip jip聲，嫌我bb郁，bb其實成個過程都已經算合作，無勁郁同無遮住自己，係角度唔啱定唔知點，只得左手同塊正面照唔到，醫生已經好唔滿意好無耐性不停講照唔到，以我所知照唔到係會叫孕婦出去抖陣，陣間再照，但醫生無咁做，不停更大力去隊我個肚，我其實好痛苦，但我唔敢出聲，亦唔敢要求話出去抖陣

0 0 0

私人傳訊

Nataliela

複式洋房

積分: 216

162^#

發表於 19-2-3 00:15 |只看該作者

全都是劣評！我老公仲話佢好出名想搵佢照，而家真係要諗諗

私人傳訊

lotti

別墅

積分: 595

161^#

發表於 18-10-22 03:10 |只看該作者

回覆樓主:

我上年生囝囝既，無搵過劉醫生，印象中孕期照咁多次超聲煮無一次會比人整到好痛架，佢咁奇怪

不過分享下，我本身有心漏，要每年返醫院覆診，由細到大都係QE跟同照超聲波心電圖，無試過不愉快經歷。但最近轉左聯合跟，去照超聲波，個醫生話搵唔到我心個窿，跟住又係將果支棒狂質我心口，質左起碼10mins, 我比佢質瘀左

第一次咁樣，真係想知係咪有需要咁大力，有無得投訴。。。最尾佢都係搵唔到我心個窿 ... Qe次次好快就照到，但佢要求我轉院follow，無計 ...

私人傳訊

mamanK

大宅

積分: 1497

160^#

發表於 18-10-22 00:11 |只看該作者

xNicKx 發表於 18-8-20 21:57
怕陣間都係照唔到佢會更大力同發脾氣，之後醫生叫我打側訓，打側訓個肚會大過平躺，所以佢隊嘅每一下會比平 ...

我都照過！一樣，照到jipjip聲，推肚勁心急，我以為我係當日最後一位佢先咁樣

私人傳訊

Mochimi

複式洋房

積分: 164

159^#

發表於 18-10-21 23:59 |只看該作者

回覆樓主:

我幾次重要檢查都係搵劉子健，每次佢都有笑笑口，照結構都有耐性同仔細，仲同我講笑添... 有啲位佢要大力照都有同我講：如果痛要出聲... So far我睇佢嘅感覺係好好的

睇醫生都係人夾人，如果感覺唔好就轉吧，唔好搞到自己唔開心了，始終媽媽心情好重要！

私人傳訊

efren

大宅

積分: 2365

158^#

發表於 18-10-20 20:38 |只看該作者

回覆樓主

我成日覺得讀書甘叻既人，情緒一定會控制得好好

私人傳訊

Babyloveypig

複式洋房

積分: 261

157^#

發表於 18-10-20 19:33 |只看該作者

xNicKx 發表於 18-8-21 00:06
依個經歷真係好慘，無諗過比咁多錢出去睇個權威都會咁！多謝你，我喊完無事了
...

我都覺得佢情緒飄忽，第一次做nifty 同初步結構佢態度麻麻地，我又係問左一條問題，佢就有點有耐煩。不過之後果次照結構，佢又無乜野，態度好過第一次。

私人傳訊

jessica5228

大宅

積分: 1446

156^#

發表於 18-10-18 17:31 |只看該作者

我都係搵劉醫生照，佢俾我感覺好好，好專業。仲不斷令我唔好緊張想我放鬆啲。佢專業到因為佢有啲位照唔到，BB打側左身，所以佢叫我向另外一個角度微微傾斜個身體，結果BB真係轉返佢想要嘅位置。

不過聽到你呢個經歷都明白你點解唔開心

私人傳訊

evazz

洋房

積分: 43

155^#

發表於 18-10-18 15:01 |只看該作者

xNicKx 發表於 18-8-21 00:30
佢用力都算，仲要態度極之差，我已經一直無問問題無出過聲，等佢專心照，最後只係開口問左一條問題佢已經 ...

香港咁多有母胎醫學婦產科醫生，找另外一d囉，我就吾會俾錢買難受

私人傳訊

shuikwan

別墅

積分: 540

154^#

發表於 18-10-18 14:29 |只看該作者

陳創斌醫生幫我照結構佢好好人態度非常之好，多個選擇俾大家!

私人傳訊

corgibb

大宅

積分: 2408

153^#

發表於 18-10-18 10:44 |只看該作者

回覆 LoveRilakkuma 的帖子

我完全認同, 因為劉XX脾氣係真係唔好, 同埋照時好粗魯會整痛PATIENT, 因為我兩胎都係搵佢, 第一次時都係咁...無耐性, 黑面, 同照時會係咁CHOK個超聲波整到個肚好痛...但第二胎都隔左幾年，其實只係諗到第一次都係搵佢..而且又係呢方面專家，同埋只諗到可能咁岩個次係咁，無諗過完來佢本身E德係咁, 但今次都係一樣, 黑面, JIPJIP聲(因為我B唔合作, 但政府同其他私家E生照時都會..但未見過咁無耐性),大力CHOK個肚整到你痛.

之後再同朋友講起, 佢話佢個時都係咁, 所以應該係劉XX本人E德真係有待考究，如有機會有第三胎..我一定唔會搵佢!

私人傳訊

chichic4u

別墅

積分: 888

152^#

發表於 18-8-26 10:30 |只看該作者

xNicKx 發表於 18-8-26 09:59
總有人次次睇完佢都滿意，亦有好似我依d賴哂野比錢仲要受氣，當睇彩數囉，有人會黎share返佢同我一樣嘅慘 ...

我係林勇行接生的，佢其實係冷面笑匠，可能照一次結構好難同佢有深入嘅接觸，我自己同佢交流咁多次我覺得佢好專業有時仲會講下爛gag(但自己唔笑) 我幾個朋友搵佢生，有啲人有突發情況都母子平安。我覺得搵佢真係好安心。佢連我bb腳趾似老公、磅數、預產期都全部中唒。（我係7wk 照嗰個預產期正日生, 足40wk)我下胎都會搵返林勇行如果佢未退休的話。