吳若A 新朵「臭希」
旅遊節目長做長有，同樣地方同樣地點，想吸引觀眾製造話題，無可否認致勝關鍵就係主持人的功力同特色。添食添到去第二輯的《森美旅行團》除咗有森美掛帥，唯一有得冧莊黐住森美周圍去嘅仲有麥美恩 (Mayanne)，無綫都知森美、麥美恩默契一流、互窒互玩係最大賣點！不過據悉新加入主持群的吳若希完全搞錯狀況，以為自己至係美貌與名氣並重、地位完全在麥美恩之上，幕前幕後都踩住上，搞到一向大方玩得、朋友多多嘅麥美恩都周圍呻，繼續辣火頭犯眾憎的吳若希，更有個新朵叫「臭希」！
撰文：東方新地｜圖片：新傳媒圖片庫、吳若希IG、麥美恩IG
無論《森美旅行團》定返到香港做港姐司儀、商業活動主持，麥美恩可謂係繼小儀之後最能同森美擦出火花的女拍檔。麥美恩放膽玩、真情流露、又去到邊被森美窒到去邊係因為默契同製造節目效果，不過吳若希就完全會錯意，生完女回流無綫、撈拍劇又做主持，收復失地 企圖明顯，以為有麥美恩墊底自己終於脫離下把位，自抬身價窒埋一份，據知情人士透露，第二輯《森美旅行團》拍攝全程，二人表面上玩作一堆，背後實情不相往來。
合照、笑臉實屬《森美旅行團》節目宣傳期間限定，據悉吳若希同麥美恩私底下交流少得可憐，吳若希狂踩狂恰Mayanne，工作人員背後叫佢「臭希」，Mayanne更加怕咗佢，對佢避之則吉。
點解嘅？點解連麥美恩咁易話為都頂唔順吳若希？知情人士爆麥美恩向幕後工作人員呻爆內容：「Mayanne份人其實好玩得，又唔介意為咗節目效果扮醜扮喪，上一輯同高Ling、黃心穎跟住森美一齊去日本，都相安無事。人哋森美窒係為節目效果，二人又合作好多次，Mayanne覺得心甘命抵完全冇hard feeling，但係今次吳若希就仲『高大上』同矜貴過高Ling，窒人又冇分寸，當正自己係省靚節目門面，破壞形象騎呢位全部都避之則吉推Mayanne頂上，對住Mayanne恰得就恰，啲工作人員都睇唔過眼背後叫吳若希做『臭希』。其實吳若希已經唔係第一次，兩年前拍《實習天使》時恃寵生驕、不停擺星夢一姐款，Mayanne老死岑麗香都已經領教過，聽完朋友講自己再親身瀨過嘢，所以Mayanne今次都忍唔住同人呻，話唔想有下次喎！」人氣下滑啫，係唯獨是非呢樣嘢，吳若希同生B前一樣去到邊跟到邊！
生女前自恃係星夢一姐、何哲圖愛將，吳若希拍攝劇集《實習天使》時已經有傳完全不屑與其他女演員埋堆，扮大牌行徑當年已經犯眾憎。
合作過《實習天使》瀨過嘢，據悉岑麗香當年都同閨密麥美恩呻過，如今百聞不如一見，除咗向工作人員，麥美恩當然亦有同香香滙報。
mayanne（@mayannem）分享的貼文 於 PDT 2018 年 4月 月 22 日 上午 10:01 張貼
自以為名氣地位高一班、又希望踩住上擺脫主持群下把位，吳若希連個人IG發po都句句有骨。
有你在，我終於可以做回正常人🤗🤗 #森美旅行團2
吳若希（@jinnyng）分享的貼文 於 PDT 2018 年 5月 月 27 日 上午 8:02 張貼
麥美恩癲喪係為節目效果亦因此成為個人特色，大把粉絲撐，不過吳若希就在公在私都借此窒爆對手，鏡頭前後都被吳若希恰到盡頭的Mayanne，同吳若希時刻保持距離。
覺得自己很Chok 很搶戲， 然後看到圖右一， 我五體投地⋯甘拜下風⋯ #森美旅行團2
吳若希（@jinnyng）分享的貼文 於 PDT 2018 年 5月 月 25 日 下午 7:09 張貼
麥美恩同森美上一輯《森美旅行團》已經一拍即合大量發放笑彈，因此再被無綫睇中合作主持港姐又添食第二輯，默契冇得輸。
mayanne（@mayannem）分享的貼文 於 PDT 2017 年 9月 月 13 日 下午 8:15 張貼
mayanne（@mayannem）分享的貼文 於 PDT 2017 年 9月 月 12 日 下午 5:08 張貼
可惜吳若希就以為在旅遊節目中扮仙女、玩矜貴至係上策，全程拍得錫身又處處窒住麥美恩，實情在《森美旅行團》中作用極少。
吳若希（@jinnyng）分享的貼文 於 PDT 2018 年 8月 月 15 日 上午 4:49 張貼
mayanne（@mayannem）分享的貼文 於 PDT 2018 年 8月 月 13 日 上午 1:51 張貼
吳若希處處製造易相處、朋友多形象，IG內同主持拍檔麥美恩合照極少，亦冇其他私下來往，完全唔啱嘴形。
吳若希（@jinnyng）分享的貼文 於 PDT 2018 年 6月 月 16 日 上午 9:59 張貼
mayanne（@mayannem）分享的貼文 於 PDT 2018 年 8月 月 19 日 下午 10:47 張貼
《森美旅行團》台前幕後感情融洽，為配合大家，吳若希同麥美恩亦齊齊出席聚會，不過就離行離列冇交流。
吳若希（@jinnyng）分享的貼文 於 PDT 2018 年 8月 月 10 日 上午 9:15 張貼
生完女人氣同星夢一姐位都不保，吳若希歌唱事業 不濟，惟有發功嗲何哲圖劇拍 主持做，不過《森美旅行團》表現不濟，在無綫新劇《多功能老婆》中亦行行企企發揮不多。
發表於 
返回列表
