昨日見左一份工，係一間中上至大規模的公司，係某著名食品大公司。
上到Head Office，總部位於大圍，最初感覺環境好靚，成棟building都係佢地公司。
【公司名提示："DiDi姐" 代言的 "樓下" ，有賣燕窩，地區：大圍的總部 HEAD OFFICE】
首先輪流見左3個人（HR assistant、line manager x2），原本感覺工作性質好唔錯，已經feel到適合，我亦有信心，我又好有興趣。
但最尾一輪，到HR manager入來，向我講了幾個入職條件，我聽完打個突：
[佢話有責任同我講呢幾項條件，如果比offer我，要我入職前再考慮下]
(1）當我決定accept offer 以及 sign contract 時，HR要求我即時交出一張金額相等於一個月月薪的支票，直至3個月試用期過了，才會還返張支票比我。如果試用期3個月期間內離職，就無得拎返張支票。佢講到出口話：「公司絕對唔想人騎牛搵馬，所以有呢項措施！我地公司只係幫你『保管』住你呢張支票，我地最後一定會退還比你！」
（舉例：假設佢最後比offer你$20000，你要簽contract時立即比$20000支票，換言之佢「綁」你三個月，等你無得走。)
（舉例：佢話：「就算試用期內有其他公司突然比你offer $40000，你決定要轉工，我地會恭喜你，但支票我地係唔會退返比你。」）
【我打左去勞工處問，佢話勞工法例不是這樣，無提到要求僱員俾錢。如果有需要的話就要報警，因為這是求職陷阱】
(2）試用期內，遲到2次，會立即terminate。（就算遲到一分鐘都當遲到一次）
佢補充：「係呀！無辦法，公司老闆對員工遲到方面非常非常極度嚴格，呢個係公司以前成立一直以來都係咁，目的係想大家準時返工...」
我：「哇，咁如果係交通意外導致遲到，咁點處理先？！」
佢：「我明白，無理由當日萬一全港大塞車，唔通公司炒曬全部人？所以過試用期，一年內最多申請兩次。so far呢度同事返工都好準時。」
(3）病假通常無得claim $，不過基本會跟勞工法例，好似話如果累積3 or 4 日可以claim 返 4/5...
<< 呢個實質我唔sure係點，想問問勞工處法例係點。
======================================
後尾聽其他人講，先知呢間出曬名係PK公司，無良僱主！
發表於 
返回列表
