自由講場今日: 2629|主題: 1360850

收藏本版

發帖

返回列表

跳至頁

查看: 6836 | 回覆: 38

太高太矮都麻煩 183cm高妹：我試過畀天花燈燒頭髮 [複製鏈接]

小源

伯爵府

積分: 17730

1^#

發表於 18-10-20 13:39 |只看該作者 |正序瀏覽 |打印

https://hk.lifestyle.appledaily.com/lifestyle/realtime/article/20181020/58812510%20

高妹的空氣特別清新？嬌小女生常常買童裝？183cm的CYE
146cm的Chloe身高相差37cm，她們的生活因此而不一樣。從日常小事如買衫褲鞋襪、搭車，到感情方面，都有截然不同的經歷和想法。不少女生都希望自己高一點或矮一點，究竟做高妹好還是做嬌小女好？

183cm高妹：試過畀天花燈燒頭髮
說起高妹，大家第一時間會覺得她們是衣架子。183cm的CYE坦言，作為購物狂的她可以在女裝和男裝買衫，是做高妹最開心的事。但高妹襯衫真的毫無困難嗎？原來有一樣單品讓她煩惱：「我着絲襪嘅時候褲襠比較低，只係去到大腿中間，為咗可以令絲襪返番原本位置，我會着完絲襪之後再着一條打底褲。」對於六呎的CYE來說，穿絲襪真的不是一件易事啊！香港男性的平均身高是173cm，CYE足足比他們高10cm。「我曾經幻想過自己矮啲會唔會有男仔鍾意，但後來發現愛情同身高無關，如果有男仔鍾意我，但覺得我太高而冇發展落去，我都唔會選擇一個冇自信嘅男仔」，CYE沒有對愛情抱任何負面態度，反而覺得自信的男生才值得她投入愛情。CYE曾經與178cm的男生拍拖，在這段女高男矮的戀愛中，生活細節比一般情侶特別，她笑說：「我男朋友正常咁企嘅時候，我會稍微傾斜個身，咁我哋就可以做到一個微妙嘅身高差距。」

作為獨特的一個，CYE的身高為她帶來不少「爆笑」的趣事。「有一個女仔同我講，『你生得咁高應該30幾歲啦』，我話，咁老人家70幾歲，都應該六米幾高啦！」她即場大笑，又分享了一次在樓底較低的太子聯合廣場的經歷。「我等緊朋友，突然覺得好熱，跟住開始唔妥，有陣味，我摸一摸後尾枕，原來係天花板盞燈燒燶咗啲頭髮！」面對這個小災難，樂觀的她直言是「搞笑」多於「慘」。

146cm嬌小女：我最唔鍾意人哋話我可愛！
童裝根本是嬌小女生的天堂！146cm的Chloe坦言有一半的衣服都在童裝部買，「鞋我都係買童裝！如果我買行山鞋，可以慳一半錢。」看來嬌小女生省下來的錢，分分鐘有機會多過你同我。身高偏嬌小的女生，高跟鞋都是她們的朋友，但Chloe卻沒有穿高跟鞋的習慣，反而獨愛行山鞋，除了穿着感到舒服外，原來裏面埋藏了一個小秘密，她靦覥地笑道：「因為行山鞋嘅鞋底比較厚」。

嬌小女生一直給人軟弱的印象，不少人都會不期然對她們寵愛有加。被標籤為「受保護動物」的Chloe，卻不特別喜歡被人過份保護，「如果我自己處理到，我會開聲同佢哋講，我自己可以，唔使幫我。」能力與身高並不能掛鈎，就算只得146cm，也可以是獨立、有能力的女生。因為身高，Chloe曾遇過一件不快的事，「以前有個我唔太熟嘅老師，突然間走過來話我好可愛，就摸咗一下我塊臉。」「可愛」也是嬌小女生的代名詞，但Chloe則說：「我最唔鍾意人哋話我可愛！其他人話我可愛，我會鬧佢！」

「我想去廁所嘅時候，打開門發現自己唔夠高坐係馬桶上面！」曾經去歐洲交流的Chloe，在當地去廁所竟遇到這個意想不到的困難。她又說，在香港亦遇到哭笑不得的事情，「我喺一個好多人嘅地鐵站度，被人凌空『夾』起咗！」，記者聽到都覺得驚險，但Chloe卻笑着面對，「矮唔係一個好大嘅缺陷。」

有「不正常」的身高又如何？CYE說：「如果唔接納自己的話，身材有幾好有幾靚，都一樣會自卑。」

採訪：周華欣
攝影：伍慶泉、林正言