吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有對唔錫自己既父母⋯家人真係冇得揀

自由講場今日: 302|主題: 1351986

收藏本版

發帖

返回列表

跳至頁

查看: 20842 | 回覆: 91

12 3 4 5

積分: 6616

1^#

發表於 18-10-25 21:27 |只看該作者 |正序瀏覽 |打印

本帖最後由 fungenergy 於 18-10-25 21:55 編輯

有感而發
我屋企共五個人，我有一個家姐，一個細佬由細到大父母都重男輕女，細佬年紀最細，名乎其實「孻仔孻心肝」，以前無論細佬點曳，都唔會打佢鬧佢第一時間會鬧我點解唔睇住佢，總之所有既錯都唔會係細佬錯

17歲o個年，父母離婚，我一向親爸爸多d，但係因為係佢有第三者，所以先離婚，老豆留左間居屋俾阿媽，我地三姊弟就同阿媽住
有時我同老豆聯絡（因為生活費同學費係老豆俾），阿媽知道我搵老豆就會好嬲，鬧我搵個衰人，叫我走，同個衰人一齊住
直到有一次，阿媽發左好大脾氣
佢將我衣櫃入面所有衫掉出黎，掉落地下，趕我走
我o個時好傷心，執左行李，打俾老豆，第二日搬去老豆度暫住
呢個係人生既轉捩點，當年我18歲，仲讀緊書

至於我老豆，佢已經同個第三者一齊住緊，好在有間空房可以俾我住住先
我天真地以為可以讀埋幾年書再打算，點知個小三經常單單打打，唔鍾意我住o係度⋯最後我捱左一年
詳細唔多講，後來我quit左讀書，搵左一份$7500既工，租左一間$1500既細村屋，就係咁，20歲既我開始一個人住

另一方面，我細佬，由細到大俾父母縱，縱到佢中三綴學，唔識同人相處，飯來張口
而家28歲，做左十年廢青
人地講佢一句，佢就話係咪想迫死佢
中學時我細佬好憎我，因為我係唯一忍唔住氣出聲話佢既人

到今日，我老豆仲怪我唔識包容個細佬，話阿媽鬧細佬搞到佢有病
其實根本人人都就晒佢，阿媽日日煮佢鍾意食既野，去酒樓飲茶都打包一大袋俾佢，keep住俾錢佢洗⋯

我細佬番過幾份工，大部分做兩日又話辛苦又話俾上司鬧就唔做
我同我老豆講，其實係你縱到佢咁，縱到佢變廢人
你都會老，你照顧得佢幾多年？

有時覺得，父母最唔錫自己
但係被忽略o個個先係最識諗
因為呢個成長背景，令到我性格好大轉變，中學時期好開朗，慢慢變到諗野複雜又悲觀，唔相信人，唔相信婚姻⋯
好在訓練到我習慣獨處習慣堅強，而家我有份好工，有個錫我既老公
第時我希望生個女，我一定會錫晒佢，錫到公主咁，唔想俾佢經歷我既痛苦

其實我既經歷應該可以寫本小說
純粹今日聽完我老豆打黎，覺得好委屈，抒發下
多謝大家睇晒

0 0 0

私人傳訊

已刪除用戶

已刪除用户

積分: 13568

92^#

發表於 18-10-29 12:30 |只看該作者

提示: 作者被禁止或刪除內容自動屏蔽

私人傳訊

小詠

珍珠宮

積分: 48475

91^#

發表於 18-10-29 12:22 |只看該作者

本帖最後由小詠於 18-10-29 12:23 編輯

KTKTKT5 發表於 18-10-29 12:16
玩得開心就好了 , 亞媽唔識欣賞咪唔買比佢, 費事貼錢買難受

人大左, ...

老實講, 大家唔開心為乜, 咪公平兩隻字

好似我咁, 爸只鍚1個仔, 其他仔女當透明, 爸死前無乜錢留下, 剩下老人金出三糧都用來買左副眼鏡比廢兄, 我一條毛都無.... 都算啦, 爸走左身後事, 都是我和大哥兩個去做晒佢, 廢物乜都無做過只是去大酒店坐下咁啦同埋收晒D帛金來用, 話要帶我媽去玩散心

聽講抑鬱太多好易生癌, 如果唔開心為左呢D血親而傷身和傷心太不值得

總知, 呢個世上無人會關心我愛鍚我, 乜鬼都靠自己, 就算幾無安全感都好, 仍要去生活

所有遇見，皆有因果
要是每個人都懂你，那你得有多平凡

私人傳訊

KTKTKT5

珍珠宮

積分: 38871

90^#

發表於 18-10-29 12:16 |只看該作者

小詠發表於 18-10-29 12:01
去完啦, 玩得開心, 好在有聽你講, 東新宿都OK 交通方便, 坐地鐵比都好方便, 食左好多好野,

我買了好多小 ...

玩得開心就好了

, 亞媽唔識欣賞咪唔買比佢, 費事貼錢買難受

人大左, 真係要學好保護自己, 唔好為左d對自己唔好嘅人費神

私人傳訊

小詠

珍珠宮

積分: 48475

89^#

發表於 18-10-29 12:01 |只看該作者

本帖最後由小詠於 18-10-29 12:24 編輯

KTKTKT5 發表於 18-10-29 11:56
妳唔係去東京玩咩? 唔好諗唔開心的了事

去完啦, 玩得開心, 好在有聽你講, 東新宿都OK 交通方便, 坐地鐵都好方便, 食左好多好野,

我買了好多小食送人, 係乜都無買比自己亞媽

因為以前送比佢, 佢轉頭掉, 仲會批評點樣食壞人買D垃圾比佢食之類話

日本食物有幅射, 仲浪費錢請佢老人家食, 怕佢話我害佢

所有遇見，皆有因果
要是每個人都懂你，那你得有多平凡

私人傳訊

小詠

珍珠宮

積分: 48475

88^#

發表於 18-10-29 11:58 |只看該作者

fungenergy 發表於 18-10-27 13:37
細佬番過兼職，可能幾個月就唔做
有d長工做一日唔做
佢中三之後冇番學，其實超過十年啦

我個件廢兄就係同你細佬同類人

我離婚無家可歸回去求父母收留, 呢年廢兄同爸媽講自己難受, 無左自己房間好唔開心, 最後父母為了他, 幾難聽既話都講盡迫走我

明明我有拿錢回家養兩老, 件垃圾食兩老就叻

所有遇見，皆有因果
要是每個人都懂你，那你得有多平凡

私人傳訊

KTKTKT5

珍珠宮

積分: 38871

87^#

發表於 18-10-29 11:56 |只看該作者

小詠發表於 18-10-29 11:48
你都唔好想太多唔好既事, 為呢D人和事唔開心一D都唔值
好似我咁, 我那個外家只有一個只鍚亞哥, 只想要我既 ...

妳唔係去東京玩咩?

唔好諗唔開心的了事

私人傳訊

小詠

珍珠宮

積分: 48475

86^#

發表於 18-10-29 11:48 |只看該作者

本帖最後由小詠於 18-10-29 11:50 編輯

KTKTKT5 發表於 18-10-26 00:27
you’re not alone

我都有個我好憎佢嘅衰亞媽! 衰事實在太多, 現在寫出來今晚一定嬲到瞓唔著。因為明天要 ...

你都唔好想太多唔好既事, 為呢D人和事唔開心一D都唔值
好似我咁, 我那個外家只有一個只鍚亞哥, 只想要我既錢, 無關心我愛我既媽, 和那個好怕我回家, 會搶佢福利, 唔做野等老人和兄弟姐妹供養既哥

仲有死去的那個從來心入面有有那個廢兄, 無愛我無理我感受, 由我自生自滅既爸

我無家可歸時, 都不能回去那個無我份的外家, 就算求都唔會收留, 好心回家想陪媽食個飯, 廢兄都推話無飯比我食

一個人唔知可以去得邊, 寧願坐在巴士站旁既椅, 都唔好敢上巴士走回去外家

呢D所謂家人, 血親, 全是垃圾

所有遇見，皆有因果
要是每個人都懂你，那你得有多平凡

私人傳訊

C.yan110

男爵府

積分: 7211

85^#

發表於 18-10-29 11:10 |只看該作者

本帖最後由 C.yan110 於 18-10-29 11:14 編輯

C.yan110 發表於 18-10-26 12:17
每次我覺得自己好慘時, 我都會諗自己已經係"比上不足, 比下有餘"了... 講慘有大把人慘過自己, 最緊要自己5 ...

見到有JM想知道多D我既故事, 咁我繼續講:

故事之前講到幾經辛苦終於捱過左讀書比人欺凌既日子, 原本想繼續讀書, 但因同母異父既細佬出世, 家庭經濟問題, 我就冇讀書出左去做野, 之後就自己搬左出去住...

出黎做野發現D人成熟好多, 或者其實佢地5多5少都有D歧視你(我腳既問題), 但至少5會太表現出黎~ 由個時開始, 我開始有D朋友, 變得開朗起來! 之後仲識到人生中第一個BF, 我地拍左好多年拖, 但最終都係行5到去最尾, 但佢個人本身係好既!... 不過, 有時5到你5信, 緣份既野係有安排既~~ 同個BF分開個時, 咁岩我婆同姨一家吵大鑊, 姨一家搬走左, 擬於我舅父佢地成日聽到我婆呻話自己住冇人理, 死左都冇人知...呢D說話, 咁我舅父佢地就叫我不如返去同婆住啦! 我都諗左好耐好5好咁做, 因為始終同返婆住有點易入難出的感覺, 大家相處有咩問題想搬, 又比人話掉低個老人家一個... BTW, 最後我都係搬左返去住, 一來個時聽到婆講到咁, 2來自己讀書5多腳又有問題, 所以份工都5係賺得多...

咁搬返去, 又一個惡夢既開始...
個時因為剛分手不久, 所以個人心情5太好. 咁我家個位老人家好中意講野有骨, 所以搞到D仔女都5多願去搵佢... 咁大家應該都明我地知同有興趣既野同佢地會5同, 所以除左講下電視劌之類既野, 都冇咩特別野可以講太多... 咁老人家就成日話你冇野同佢講, 同朋友就大把... 又會成日搵D野黎話你, 係日日!!!! 所以我明點解我姨佢一家會頂5住搬走... 咁其實我姨呢件事都好影響佢地幾兄妹既感情, 但後來大家講返先知其實係老人家對人講人話, 對鬼講鬼話, 搞到件事搞到咁... 雖然冰釋前嫌, 但始終大家心都一定會有條刺... 5好以為呢D野5關我事, 係關!!! 因為老人家一見你放假係屋企, 佢就將所有野LOOP一次, 話曬全家, 怨氣極重!! 我可以點? 咪硬食囉!!! 我食左4, 5年, 好彩我家下C6同我結婚, 咁有理由可以搬走先完咋!! 我覺得個幾年自己係有情緒同抑鬱病的... 真係好辛苦, 放工明明好攰想返屋企休息, 但5想同老人家有咁多接觸磨擦, 就去食D野, 之後係公園坐到咁上下先敢返去... 都5知點解自己要咁慘...

從來好事都冇點發生係我身上, 但每次諗到以前讀書比人欺凌最慘最苦既日子都捱過, 冇去自殺... 咁家下到要去應付麻煩99同男家班煩親戚, 已經算係好小事... 不停不停好多5好事繼續發生係我身上, 但我諗人總5會黑一世掛?!!...