自由講場 今日: 3529|主題: 1345006

星夢歌手「木偶哥」林師傑與拍拖將近四年的藝人歐陽巧瑩結婚，並於尖沙咀The Mira酒店筵開卅五席宴請親朋。今晚一對新人在兄弟姊妹團陪伴下，現身接受傳媒訪問，身穿透視大露背婚紗的歐陽巧瑩明艷照人，並在傳媒要求下，與新郎哥林師傑360度轉住錫足一分鐘，之後，林師傑更深情望住歐陽巧瑩講：「I Love You！」然後抱抱，冧到痺

談到今日沒有接新娘環節，林師傑為此解說：「今日最重要嘅環節叫『瞓晏啲』，因為想大家開心同可以分享呢個喜悅，我都知大家好忙！屋企人又好好，唔使我哋跟足傳統，所以冇接新娘環節。今朝我哋都六點先瞓，瞓到十二點，要去搞座位表嘅嘢，因為好多調動，但過程都算順利。」

而歐陽巧瑩大爆新郎哥林師傑好緊張，心跳得好快：「我哋拍拖四年，都冇見過佢咁緊張，攬住佢嘅時候，覺得佢成身震晒同好熱，同埋佢話畀我聽佢好緊張同想喊，頭先一開始講嘢就嚟料（指喊），第一次見到佢咁，好得意！佢個樣好尷尬同手足無措，好搞笑，但我當時都有啲眼濕濕。」林師傑則笑言：「一直都聽人講搞婚禮好大壓力，同埋自己一向都好怕麻煩人，好多嘢都會安排好晒，想大家舒服啲，今日見到大家為咗我咁忙，好感動！」

歐陽巧瑩直言因婚宴場地問題，有些朋友未能安排前來：「請咗好多朋友，但因為場地問題，地方有限，最後有啲朋友請唔到，自己都唔知點開口，好彩大家都好體諒，好多謝大家。」問到今晚會否有表演？林師傑表示：「會，我寫咗首歌叫《美麗的妳》送畀太太，但只係寫咗半首，因為下半世未過完，兄弟團之一嘅譚俊彥會彈結他。（打算講甚麼愛的宣言？）知道自己多嘢講，安排咗上菜後先會講，希望都盡量精簡。」

[p=28, null, left]談到生仔問題，問兩人會否婚後不設防即生B？新娘子表示：「唔想咁快做媽咪住，兩年後先，都明白有仔趁嫰生，但想過吓二人世界先。」而在旁的林師傑亦表示：「等我儲多啲錢先，依家有啲抆水，大家都喜歡小朋友，一仔一女都好正！自己好擔心小朋友讀書嘅問題，但我事業暫時未起飛得好好，有小朋友要花好多時間去陪佢哋，好似屋企人培養我一樣……」說到此處，林師傑有點感觸想喊，歐陽巧瑩即笑言：「好搞笑！」

兄弟團

捉實老婆手仔。

新郎個樣冧到爆～

林師傑眼濕濕～

歐陽巧瑩、林師傑嘅英文名牌。

餐桌布置。


姊妹團

甜蜜咀嘴～

恭喜一對新人！

場内擺放一對新人嘅浪漫婚照。

有蠟燭點綴～

真係好浪漫～


（後排左起）駱胤鳴、蔚雨芯、麥美恩、Samuel Way、林師傑、歐陽巧瑩、歐陽巧瑩妹妹BUBU、朱晨麗、劉佩玥、王子涵。（前排左起）PD Calvin、張明