[size=1.00em]我係一個新手媽媽，經歷請3個『衰陪月』上門，最後遇到一個比較盡責既『好陪月』。奉勸各位準媽咪，小心請人，衰陪月真係不如唔請，慳返個錢買補品。
[size=1.00em]第1位，唔煲薑水，唔整炒米茶，話可以飲暖水。8小時工作，但黎到最主要都只係煮午餐，同準備晚餐材料，掃風連環快手平掌打到bb磅磅聲，日日怨我屋企遠，開口埋口都係彈3彈4。
[size=1.00em]第2位，24小時陪月，買餸冇單，2000蚊一星期餸錢，食物份量好少。懶，平均4-5個鐘先換一次尿片，攪到bb紅哂pat pat，餵奶唔定時，夾硬質bb食奶，拖長餵奶時間，有時3個幾鐘餵一次，有時4-5個鐘餵一次，最離譜甚至6個鐘先餵。（初生人奶bb，應該每2個鐘餵一次）餵夜奶掃風5分鐘就訓覺。就係佢整到我bb又要食胃藥，又胃液倒流，易嘔奶。
[size=1.00em]第3位，part time 新手陪月，真係唔多識湊，但又唔跟指示，唔識煲藥材但又亂黎，夜晚餵3次奶，整到bb嘔兩餐。同埋唔老實收完錢又偷偷地早走。
[size=1.00em]以上3位其實仲有好多細節都係衰，唔每一樣都數，但絕對唔建議各位請佢地。想知道名資料可以問我，但我唔po出黎啦。
[size=1.00em]最後終於請到一個盡責既好陪月，叫安妮，英文名Anna，起碼幫我定時餵bb, 定時換片，bb而家嘔奶同個胃好返好多，肥得快左，pat pat紅屁股都好返好多。煮飯亦有心機，抵得諗，誠實，買野全部有單，價錢同份量都岩。
[size=1.00em]由面試陪月到前後請左4個陪月，見過7，8個衰陪月，真係面試講咩都唔好太信，可以msg問我面試心得。
[size=1.00em]講真，陪月衰，寧願唔請，請兩個月24小時，夠請菲傭年幾兩年，請兩個菲傭好過。d陪月衰，拍下屁股就走，佢地轉頭又搵到第二個僱主，收左你訂金，但隨時唔做佢地又唔洗賠錢比你，對僱主完全冇保障。
發表於 
發表於 
返回列表
