吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 窮媽媽的心情,有誰明白?

0-6個月今日: 0|主題: 37471

收藏本版

發帖

返回列表

跳至頁

查看: 6851 | 回覆: 53

窮媽媽的心情,有誰明白? [複製鏈接]

12 3

babyyanyanpig

大宅

積分: 2032

1^#

發表於 18-12-1 02:23 |只看該作者 |正序瀏覽 |打印

本帖最後由 babyyanyanpig 於 18-12-10 11:01 編輯

BB已經5個月大,食奶同訓覺都唔係好乖. 話說BB好喜愛媽媽,但奈何媽媽就係唔夠奶, 由BB出生開始, 最多都係泵得3OZ,到依家,每次泵30分鐘都係最多得2OZ. BB差不多每次食樽都爆咸, 要=佢差不多訓著就可以食曬6OZ奶, 好多GROUP都話不停埋身,就可以夠奶,我曾經係佢第一個星期試過,埋身完,一放低就咸,佢真係唔夠飽
好想全人奶,因為佢真得好喜歡埋身,唔喜歡奶樽,所以有時覺得自己好似欠左BB, 每次佢食樽爆咸,婆婆話佢唔乖,其實可能係佢由2個月開始已經分到媽媽同奶樽,佢只係唔喜歡食樽,只可惜我滿足唔到佢的需要,到依家,我係要工作的,奶又唔多,每次要泵3次先剛剛夠佢一餐,感覺奶越來越少,其實已經無限次想放棄,但係因為BB太喜歡啜,所以堅持到依家,但係屋企人覺得,你又唔夠奶,佢因為埋身,所以食樽又唔乖,你唔好比佢食啦...依家BB可能已經當我係奶咀吧啦,喜歡啜到訓,家人沒有人支持再埋身吧. 全屋人訓曬,埋身完,再補奶樽餵埋BB,再拍埋訓,再去泵奶,果種心情真係好孤單吧.

又要泵,又要埋身,又要洗奶樽,又要洗泵,真係好疲倦, 就來6個月加固, 可唔可以唔再泵,不再擔心KEEP住個少少奶, 直接比BB當奶咀,可以嗎?其實如果無奶,係咪唔好比BB啜?我唔想取走BB的安全感,但係,有時,佢可能係因為肚仔餓,所以半夜成日醒,我比佢埋身,但係又滿足唔到佢,我半夜比佢埋身,我又好似無訓, 心又會想,其實我係咪唔應該比佢再埋身? 咁佢食樽係咪會乖D, 訓覺有會好D.......作為身手媽媽,我都唔知應該怎樣才是對BB最好.

0 1 0

私人傳訊

babyyanyanpig

大宅

積分: 2032

54^#

發表於 18-12-21 10:04 |只看該作者

efren 發表於 18-12-19 21:52
我都是窮媽媽，每2，3個鐘泵一次儲埋幾次先得50 ml 囝食80ml ，仲要c6想我全人奶，佢把口叫我放鬆，但我覺 ...

佢想全人奶,佢自己試下每2-3鍾起身,如果要泵,真係好辛苦,特別係半夜,完全明白. 唔好理佢,或者發洩下,咸下,話番佢都OK, 奶呢樣野,我回想,心情, 睡眠, 有沒有人識TAKE CARE BABY, 自己生產後的狀態, 好多好多原因都會影響,如果比我再來一次, 一次會請個陪月, =有人好好TAKE CARE BB,我又有飯食, 有休息,心情好D,就會有奶. 不過,唔夠,就比D信心自己, 如果食奶粉同人奶都好,因為一次吸收2邊營養, 做到就做,我依家都係夠BB一餐, 我真係超級窮,無,我都無辦法, 叫少少,我盡左力, 就算啦..目的都會希望佢健康成長,加油呀...唔開心,呢度好多人會明白同支持你. 你不是一個人,我們都一同面對同樣的問題. 加油.

私人傳訊

ccyin387

大宅

積分: 1046

53^#

發表於 18-12-20 01:11 |只看該作者

回覆 efren 的帖子

如果老公唔支持真係仲辛苦，明白的，加油啊！

私人傳訊

efren

大宅

積分: 2365

52^#

發表於 18-12-19 21:52 |只看該作者

回覆樓主：

本帖最後由 efren 於 18-12-19 21:53 編輯

我都是窮媽媽，每2，3個鐘泵一次儲埋幾次先得50 ml 囝食80ml ，仲要c6想我全人奶，佢把口叫我放鬆，但我覺得比得最大壓力我係佢囉，成日問我泵左未，我食緊飯又叫我埋身

又話我無奶係因為係醫院果幾日無泵同喂得少

私人傳訊

babyyanyanpig

大宅

積分: 2032

51^#

發表於 18-12-19 17:09 |只看該作者

啜啜怪^3^ 發表於 18-12-18 13:19
建議樓主換過第二款奶樽！聽過有啲媽媽換左幾款先啱阿B 食！

換過，無用，不過，佢近期食奶雖然要分2-3次色，但總算肯食，我都唔使咁擔心

私人傳訊

babyyanyanpig

大宅

積分: 2032

50^#

發表於 18-12-19 17:07 |只看該作者

ccyin387 發表於 18-12-19 15:14
好明白.../ .\
好多人同你講埋多啲身啦！飲多啲嘢啦！就有奶
咁自己都好努力咁不停埋不停餵，盡量唔補粉， ...

係呀，真的是這樣，不過，過左頭一個月心情就好D，到依家個B就來6個月，開始煩佢加固等等，雖然都辛苦，但心情就輕鬆D，只希望BB健康成長！你都巳經好叻，加油媽媽。

私人傳訊

ccyin387

大宅

積分: 1046

49^#

發表於 18-12-19 15:14 |只看該作者

好明白.../ .\
好多人同你講埋多啲身啦！飲多啲嘢啦！就有奶
咁自己都好努力咁不停埋不停餵，盡量唔補粉，想返工前追到奶
但餵極佢都唔夠，唔夠又訓唔著，結果搞到佢訓又唔好食又唔好咁
佢一啜又啜成半個鐘至一個鐘，搞得黎已經又下一餐，個乳頭又痛，好努力咁密集去做，啲奶都無乜增長，但bb又越食越多，好沮喪，有一輪晚晚入夜就喊，因為好攰個人，大家又同你講半夜要餵半夜要泵先上奶，結果好怕夜晚來臨
真係好想放棄，連佢基本都唔夠食，莫講有多泵出來
睇中醫話血氣唔好，脾虛又影響奶水，可能有時真係唔係努力就有奶，體質都有影響，迫到自己好緊，壓力又大，更加無貨
唯有調節自己盡力而為，奶粉不是毒藥，總好過佢食唔安訓唔安，可能影響仲深遠
加油啊各位窮媽媽！
真的，有時唔喺努力一定有回報，所以有奶媽媽的也不要常常一面倒「提醒」窮媽媽要埋多啲身，唔偷懶一定有奶果啲說話，真係對我地造成好大壓力
我自問好努力了，唔可以話無奶，但回報一定唔喺想像中咁多，真係好灰心

私人傳訊

啜啜怪^3^

大宅

積分: 2275

48^#

發表於 18-12-18 13:19 |只看該作者

建議樓主換過第二款奶樽！聽過有啲媽媽換左幾款先啱阿B 食！

私人傳訊

小瓜

複式洋房

積分: 286

47^#

發表於 18-12-14 10:58 |只看該作者

各位都要加油呀～

私人傳訊

mtcat

別墅

積分: 578

46^#

發表於 18-12-11 00:30 |只看該作者

talktime 發表於 18-12-9 21:09
BB 頭一兩年體重好影響成長，佢食唔飽仲差過唔食人奶啦，點解要無限煲大，人奶好處？
...

人奶好過奶粉係不爭嘅事實，但咁唔代表奶粉係毒，我地呢輩根本90%以上係食奶粉大，咪一樣健健康康

我亦唔明點解啲人要覺得餵唔到人奶要內疚～咁就要內疚其實係咪唔適合生b?

私人傳訊

babyyanyanpig

大宅

積分: 2032

45^#

發表於 18-12-10 10:53 |只看該作者

goldenpineapple 發表於 18-12-9 02:26
樓主，你的心情我太明白了！話說我阿媽係富媽媽，我自己BB嗰陣全人奶全埋身，我阿媽D奶多到我完全飲唔哂， ...

多謝你的分享,只有經歷過才會明白,埋身完再泵,真的辛苦,比全泵,全埋身都辛苦.你好叻,可以一日7泵,返工仲可以一日4泵,我個仔好粘人,我又好容易塞,所以我果時/依家都做唔到, 所以,你真係好叻.

我覺得BB日日都不同,之前想食就啜,近幾日想訓/大家都習慣奶睡,BB已經當奶咀. 我記佢NEWBORN時,D護士話唔好啜住訓,所以頭2個月,我都刻意唔比,到依家,如其要抱UN拍,不如比佢奶睡. 如果我繼續有奶,我都唔介意, 其實想返轉頭,可能佢以前係好無安全感,雖然依家都無,所以訓得唔好.作為新手媽媽,其實睇左好多,有好多理論,但係依家覺得好野都唔係紙上談兵, 唔係你比BB什麼,佢都會接受. 好似人奶,未生前我係滿有信心,奶粉又無買,連睇都無睇, 就可能係咁, 所以之前好抑鬱, 如果再比第二次,我會知道點樣做.但係時間就係返不到轉頭了.

依家仲有好多野要想,加固,BB訓覺,學習,太多太多....之前的就算做成怎樣,都過去了,BB都在成長中....所以,我知道都不要太執著,最重要係珍惜依家同BB的每個時刻及BB健康成長....

私人傳訊

talktime

珍珠宮

積分: 35853

母親節2025勳章

44^#

發表於 18-12-9 21:09 |只看該作者

mtcat 發表於 18-12-1 03:40
點解要覺得餵唔到人奶就欠咗bb?
唔夠人奶咪奶粉囉，又唔係毒藥，何必要辛苦自己搞到咁大壓力？睇開啲個人先 ...

BB 頭一兩年體重好影響成長，佢食唔飽仲差過唔食人奶啦，點解要無限煲大，人奶好處？

私人傳訊

goldenpineapple

別墅

積分: 875

43^#

發表於 18-12-9 02:26 |只看該作者

babyyanyanpig 發表於 18-12-1 02:23
BB已經5個月大,食奶同訓覺都唔係好乖. 話說BB好喜愛媽媽,但奈何媽媽就係唔夠奶, 由BB出生開始, 最多都係得3 ...

樓主，你的心情我太明白了！話說我阿媽係富媽媽，我自己BB嗰陣全人奶全埋身，我阿媽D奶多到我完全飲唔哂，據聞會噴到我成面都係奶，日日以奶洗面。我阿媽喺我生之前叫我定D嚟，話我一定會好似佢咁勁谷奶。點知我生完之後，等了又等，說好的上奶谷奶完全無出現過，噴奶更加係天方夜譚。BB狂啜都係唔夠濕片，唯有補奶粉，我同你差唔多，不斷重複三步曲，埋身補奶粉再泵，每次泵得40ml兩邊加埋，灰爆！人哋話初生嬰兒每兩個鐘餵一次，我試過俾BB啜足兩個鐘，點知跟住佢勁喊，好肚餓咁，之後補奶粉，極速成支飲曬。我好唔開心，生完傷口又痛咗好耐，個人好抑鬱，喊咗好多次。

雖然件事好困難，呢個三步曲模式我一直堅持到BB兩個幾月，開始返工先減少埋身。每日7泵，好在BB好快戒咗夜奶，輕鬆咗D，半夜淨係泵奶。我返工泵，放工埋身再泵。慢慢奶粉越補越少，去到三個月幾月竟然唔使補粉，不過都係用樽餵為主，BB埋完身再飲一支人奶。有一段時間BB好鐘意埋身啜啜，唔肯飲奶樽，湊B團隊（阿媽同奶奶）嗌曬救命，強烈要求先用樽餵奶，再埋身，咁樣比較容易餵。我都同意嘅，BB鍾意埋身係當我人肉奶咀，但飲得唔多。如果無埋身，我可以泵4安，如果埋完身泵，我仲可以泵3安，即係飲咗1安咁大把，所以主力用樽餵。

去到四五個月時，BB好鍾意夜晚啜住瞓著，但聽人講咁樣唔係咁好，有幾日我客意唔俾佢埋身，想佢唔好倚賴啜啜瞓覺。點知BB就咁戒咗埋身，再俾佢埋身，佢好唔鍾意，勁扭計，我再努力都已經改變唔到。我嗰陣好失落，無咗同BB嘅親密時光，不過自己的確更加輕鬆咗。到依家BB就嚟一歲，我一直做泵媽，一日4泵。

樓主，唔使客意唔俾BB埋身嘅，如果時間允許，keep住都幾好啊！呢段時光好寶貴，好好珍惜。做唔到全人奶，唔緊要啦，奶粉有奶粉嘅營養，BB飲人奶又飲奶粉，咪兩邊嘅好處都攞到啦！唔好意思，咁長篇，因為你嘅分享我好有共鳴。加油加油

私人傳訊

babyyanyanpig

大宅

積分: 2032

42^#

發表於 18-12-8 13:07 |只看該作者

gamtrulia 發表於 18-12-2 16:11
有邊個想做窮媽我地都想俾最好的阿b
我第一胎都系人粉兩溝試過跌左樽人奶落地抱住阿女喊話阿媽對你唔住 ...

我都試過,唔小心跌左樽人奶就咸爆,果是可能真係HORMONES影響,好抑鬱,咁大個人都未試過..我B就來6個月,開始加固,我唔再追奶,而家都係盡力KEEP先,又谷,又塞真係好辛苦GA..我都唔知之後我的奶路應該如何走,見步行步,佢想食,咪比佢食,真係無奶,就無奶.....

只係有時晚上泵奶時...有時會覺得有些唔開心..因為佢喜歡埋身食,但我就要迫佢食樽,呢種心情,真係唔好受,因為如果我夠佢食,可能佢係肥B...唔洗成日迫.....我希望加固會好D.

私人傳訊

babyyanyanpig

大宅

積分: 2032

41^#

發表於 18-12-8 13:00 |只看該作者

Mrs_Tiu 發表於 18-12-3 21:33
本帖最後由 Mrs_Tiu 於 18-12-3 21:34 編輯

我同你情況一樣，順產突然變緊急開刀，傷口痛，好難埋身， ...

BB 只是半個月大,應該可以追到,我回想點解我之前唔夠,係因為唔夠訓,無休息,同飲水少,休息真係好好好重要....所以,你仲有得追,加油...唔好咁大壓力

我依家的壓力,係BB唔食樽,我又唔夠奶....我都在學習中,依家在計劃加固了..你好好享受佢係NEWBORN的時間.因為真的太可愛,我果是可能太大壓力,好似好似段片,唔記得佢NEWBORN的時間,成日咸,追奶追奶,好唔開心....其實只要休息夠,泵多同埋身多,應該會好D,你都加油呀.