現年35歲的洪永城（Tony）去年5月與唐詩詠甩拖，期間曾傳復合，他否認之餘更一直堅稱「想搵個新嘅」，估不到上月仍表示未有對象的他，近日已火速撻着模特兒兼長跑教練梁諾妍。據悉愛跑步的Tony不時參加長跑活動而結識女方，梁諾妍於8月時仍表示有拍拖兩年的北京男友，最終不敵Tony力追，二人一撻即着戀火熱燒，相戀短短日子已極癡纏，雖然Tony近日忙於宣傳劇集《大帥哥》，仍爭取時間與女友蜜會。
「驚嚇親佢」
日前下午約3時，Tony與梁諾妍於男方的西貢寓所度春宵後離開，原本他驅車接載女友往乘港鐵，沿途發現記者後即四出兜圈，未能撇甩追訪的他及後直駛電視城。記者上前拍照時他表現鎮定，還嘴角含春手指指示意要入停車場，反而梁諾妍一臉尷尬，不時頭耷耷避鏡。
駛入電視城後，Tony即下車護送女友從另一出口離開，沿途被問到過夜及拍拖一事，春風滿臉的他未有回答，只指着女友說：「唔好影啦，驚嚇親佢。」女友聞言即含情脈脈望着男友，Tony更多次輕撫女友肩膊安撫，及後送女友往電視城外上車後便往開工。梁諾妍則往中環其開設的健身中心，逗留約兩小時後離開，問到新戀情，她說：「唔好意思，我趕時間。」之後上車離開。
[p=28, null, left]撐冇腳搭兩船
翌日Tony現身電視城拍新劇，被問及與梁諾妍拍拖幾耐？他甜爆說：「哈哈……了解中啦……」提到女方有穩定男友，Tony即一臉認真說：「佢應該冇男友，以我所知……（佢北京有個男友喎！）據我所知應該係冇嘅。（點識佢？）畀啲空間我啦。」問到是否跑步認識？他一臉冧爆，更甜笑到腰果眼說：「佢跑步教練嚟嘛，你哋追咗佢去中環都知啦，佢自己間舖，唔好嚇親佢啦。」說罷急急腳入廠開工。
兩口子度完春宵後，頭髮蓬鬆嘅Tony見到記者就手指指！
捉住女友手臂嘅Tony為女友擋駕，記者問問題，梗係佢答晒啦！
其實佢哋真係幾襯。
第二日Tony心情依然咁靚。
同唐詩詠已成歷史。
不過佢就勁風騷，仲笑吟吟咁款！
同女友講拜拜。
梁諾妍返上中環開設嘅健身中心～～～
Tony仲一口咬定女友冇第二個男朋友。
反觀梁諾妍冇乜食過夜粥，個樣有啲尷尬！
發表於 
返回列表
