吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 知道老公出軌後的轉變，純分享（超長文） ...

夫婦情感今日: 0|主題: 42797

收藏本版

發帖

返回列表

跳至頁

查看: 16168 | 回覆: 49

知道老公出軌後的轉變，純分享（超長文） [複製鏈接]

12 3

chukamchun

大宅

積分: 3331

1^#

發表於 19-1-8 09:56 |只看該作者 |正序瀏覽 |打印

同老公拍拖四年後結婚，到今天已結婚二十二年，有一個十九歲女兒。
婚後一直恩愛，亞女小學中學時期都會keep住一年去一兩次旅行，而性生活方面咁多年來一星期會有一至兩次，生活平穩安定，雖然間中有爭執但不會嬲對方超過一天，感覺平靜穩定。

直到上年九月中，在一次爭執中，老公突然向我和女兒説出對我不忠，對方是他一個相識多年嘅同事，而那個女我亦知道是誰，老公向我和女兒説他四年多前第一次與對方上床，地點是在那個女的屋企，而老公上那個女屋企是因為那個女要求老公上去佢屋企整野，整完野之後那個女就攬住老公......老公受不住引誘就做錯事！

老公之後同我講，那時貪新鮮而做錯事，同對方上了兩次床之後便感到不想繼續，而且老公從來無鍾意過對方！其實那個女沒有樣貎沒有身材，可以講係醜樣，老公話一路以來同佢只是傾得埋的同事，是一種友情，而錯誤地做出超越友情的關係！係果四年多以黎，老公多次同對方講唔想繼續落去，但對方就以搵我黎要脅老公話要搵我，話比我同個女知佢地曾經上過床！老公就是害怕就拖拖拉拉左四年幾！而佢解釋佢果時唔講一來係害怕無左頭家，二來係唔想影響女兒考大學，因為個女係佢命根！

其實係呢幾年，我真的未能察覺老公對我不忠的事，可能我警覺性唔夠！咁多年來，我地每年都會去三、四次旅行，任何節日，任何時候我叫佢去邊都永無拒絕，從來沒有係出面過夜唔番屋企瞓。老公講佢呢幾年不斷找藉口唔同佢見面，到頂唔到先上去佢屋企，所以佢話呢幾年期間同佢一年只會上四、五次床，因為那個女不斷要求老公同佢上床，當然呢樣野唔能夠證實老公有無講大話！而我只可以講老公同我嘅性生活是很美滿，作為一個女人，係真心感到老公係一種愛嘅表現！

知道事情後，我當然好傷心同失望，女兒亦都感到憤怒，那天老公對我同女兒坦白，女兒同我都問老公要唔要我地兩母女同這個家，老公亦即時話唔可以無左我地兩母女，做錯得好緊要，求我地原諒，之後女兒要求老公即時打比那個女，我老公就同那個女講老婆同個女已經知道件事了，仲話唔駛再比佢要脅！係電話當中那個女係咁問點解我地兩母女會知，老公就話知咪知唔需要問點解，但那個女還死纏不休話想同我老公做番普通朋友，係工作上有問題想搵我老公教同幫忙，我老公即刻一口拒絕話以後不相往來、不拖不欠同永不見面永不聯絡！之後那個女就話咁好啦！叫我老公保重！

係呢幾個月，老公同我都喊左好多次，老公自己亦主動搵社工求助，我亦講過要離婚⋯⋯最後我選擇左比機會老公。直到今天，老公對我同女兒呵護備至，去邊做乜都會同我講，樣樣都以我為先！現在嘅生活真的比以前拍拖更相愛！

我想大家分享自己嘅經歷，係想比大家知有些女人係好不知羞恥，明知個男人有屋企有老婆仔女都會作出引誘，會用盡一切方法去糾纏！當然我老公都係衰格，唔理後果去做出破壞家庭破壞婚姻嘅事，就算老公之後幾悔不當初，我同佢都已經被破壞！

最後希望大家有幸福的家！有個愛錫自己老婆/老公，作為老婆/老公要好好維繫家庭，不要做出傷害對方同子女的事

共勉之

0 0 0

私人傳訊

chukamchun

大宅

積分: 3331

50^#

發表於 19-1-12 11:56 |只看該作者

係！比左機會就要努力向前，努力去維繫個家！
祝大家幸福快樂呀！

私人傳訊

小飛亞

子爵府

積分: 12616

49^#

發表於 19-1-11 22:41 |只看該作者

人生好短暫,既然原諒了就不用再想了再努力去維繋。

私人傳訊

chu媽

大宅

積分: 3530

48^#

發表於 19-1-11 21:42 |只看該作者

回覆 chukamchun 的帖子

其實佢地係咪真心悔改冇人知，我淨係知道曾經被傷害，即使結婚幾多年，多年黎所建立嘅信任，愛，夫妻關係，都比佢地粉碎晒，想重新再建立，人生有幾多個十年，何況我同c6三十年婚姻，要再重新類績三十年嘅信任任同愛，好難，係無法補償佢地對我地嘅傷害

私人傳訊

chukamchun

大宅

積分: 3331

47^#

發表於 19-1-11 21:19 |只看該作者

我老公係好野就唔會出軌啦！係咪扮委屈搏同情，話一年係咪只上四丶五次床仲話那個女要老公上佢屋企，如果老公唔上佢就話要搵我爆大鑊，我都唔能夠證實老公有無講大話！而我知嘅所有都係老公同我講，是真是假只有佢知，佢要再繼續呃我我係唔會知道！

以後我只係會睇老公係咪知錯能改！係咪仲愛呢個家同我地兩母女，我都希望我一家人以後可以過幸福快樂嘅生活！

私人傳訊

y2k60000

大宅

積分: 3582

2025勳章蛇年勳章虎到金來勳章 BK Milk勳章

46^#

發表於 19-1-11 20:09 |只看該作者

回覆樓主:

你老公都唔係好野黎啦！而家怕東窗事發就扮委屈, 玩自爆搏你兩母女同情！
你講到個女人無樣貌無身材, 係醜女, 你老公一年都同佢上床四五次？仲乜比機會兩人有獨處機會？更加無人用槍指住你老公除褲去上床架！
既然你都選擇原諒, 就忘記過去！好好守護呢一個家啦！
希望你老公真係知錯能改！否則你另謀出路！

私人傳訊

Bgor

洋房

積分: 51

45^#

發表於 19-1-11 19:23 |只看該作者

樓主同老公以後都會幸福快樂

私人傳訊

chukamchun

大宅

積分: 3331

44^#

發表於 19-1-11 08:46 |只看該作者

那個女唔敢亂黎因為佢份工都要繼續係果度做！那次我老公係電話度講我已經知道件事，佢都有問我老公我會唔會上去佢寫字樓找佢......所以佢都驚我會找上門唱衰佢！

而我覺得自己今次係件事當中處理得比較理智，沒有做出傷害自己嘅事，亦無做出損害自己尊嚴的事！雖然有哭有傷心，亦曾經要求離婚，但好彩有亞女嘅支持同安慰，加上老公痛極思痛，決心回頭的表現，心情和情緒都可以得以平復！而我和女兒亦向老公表明，今次我地不是完全原諒佢，係比一次機會大家可唔可以仲一齊，可唔可以繼續維繫這個家，將來會怎樣，就要睇佢喇！

奉勸各位人夫和人妻，諗下自己能唔能夠承受到出軌嘅後果，係咪可以無左個家同子女？做之前請三思！

私人傳訊

TIGER_B

大宅

積分: 1940

43^#

發表於 19-1-10 23:08 |只看該作者

回覆 chukamchun 的帖子

一路睇你回覆，一路留眼淚，好彩那個女人冇再糾纏你們，我曾經失去清醒傷害了自己，個種絕望係我第一次經歷，我老公都有同個女人講，就算離婚都唔會同佢一齊，佢現在都變得好痴身，係屋企離開佢視線範圍，佢就會搵我，因佢擔心我又亂諗野，我想要咩都買比我，成日陪我去散心，黎公司等我幾個鐘收工，亦都記住婚姻輔導教佢點安撫我情緒，感受到他真心悔改，雖然希望可以重新開始，但我有創傷後遺症，我好難再信任佢，希望終有一日我可以放低，希望你們一家以後幸福快樂

私人傳訊

TIGER_B

大宅

積分: 1940

42^#

發表於 19-1-10 22:41 |只看該作者

回覆 soso1227 的帖子

係，我都認為佢怕比人知，其實都係我會忍唔住攞佢電話睇先發現個女人咁癲，老公話由得個女人煩佢，叫我唔使理個女人send咩黎

私人傳訊

chukamchun

大宅

積分: 3331

41^#

發表於 19-1-10 20:42 |只看該作者

TIGER_B 發表於 19-1-9 22:19
回覆 chukamchun 的帖子

謝謝你的分享，我都有相似經歷，一直有看這討論區，但從來冇留言，但看到你的分享 ...

唉......一山還有一山高！睇怕你老公都係見過鬼都怕黑！

我老公自從同果那個女斬攬後，直到現在都無找過我老公，老公話呢幾年都有同那個女講唔想再咁落去但那個女唔肯放手，而老公就一直同佢講如果件事穿左比我同個女知，老公就會即刻同佢斷，就算無左個老婆亦都唔會同佢一齊，可能係咁那個女有哂心理準備啦！

事後到現在，我老公變得好痴身，就算係屋企我行開一陣佢都要我同佢坐埋一齊，返工時佢會每隔個零鐘就whatsapp 我，到放工佢就電話到要約埋係地鐵站等一齊返屋企，佢話驚見唔到我驚我離開佢.....佢話果幾年過左人唔似人鬼唔似鬼嘅生活（當然佢係咎由自取），唔想再諗起。我覺得佢有創傷後遺症！

我真心祝福你同老公能夠克服一切困難，重新開始！盡力忘記過去，我都知有d野係終身難忘，但就當比次機會大家，試下可唔可以繼續一齊！

事後我老公去買左對介子，佢跪低向我求多次婚，話想同我重新開始，希望你同你老公都可以重新開始吧！