網購天地今日: 3|主題: 70690

收藏本版

發帖

返回列表

跳至頁

查看: 5972 | 回覆: 22

[淘寶] X寶網 - 垃圾集運公司, 不負責任, 好勞氣!!! [複製鏈接]

dimdimspace

複式洋房

積分: 158

1^#

發表於 19-1-30 13:43 |只看該作者 |正序瀏覽 |打印

我件貨11月尾話到倉, 我連埋其它件12月頭一次過集運去香港自提, 上到去拎發現少咗件貨, 自提點職員話一係我成批貨唔拎等佢地搵返先一次過攞貨, 一係照比晒集運錢簽收及拎走已有既貨先, 佢哋再幫我報比公司話漏貨, 同一時間叫我自己上網同客服報案. 我最後梗係拎走有既貨先啦, 因為都唔知等幾耐先搵得返, 同埋諗住咁大間公司打開門做生意, 無理由呃我哋呢啲小市民嗰少少錢咁仆街!

我上網同客服講完, 比埋佢哋要既資料後, 客服即時問我開票人全名同想去邊度拎票, 我嗰下仲心諗咁有效率, 呢間公司幾好喎. 但原來我錯了, 高估咗呢間仆街公司. 當我一問到幾時有票時, 對方係答我"有消息我地會通知客人的" + "我地會盡快跟進的". 如事者再過咗一星期, 我再問進度, 對方回覆: "抱歉，物流部同事暫未回復"+ "有消息我地會盡快通知客人的". 如事者又過咗2星期, 今個月頭我同佢哋講我唔要貨唔駛再搵, 我要佢哋賠錢, 對方回覆: "抱歉，我地盡快處理", 然後又再一星期我再問, 回覆: "已通知理賠部同事盡快處理" + "我地再追追理賠部", 當我再追問時, 對方答我: "下星期左右會開好票", 好! 我就再等. 但一星期又過去, 回覆都係"有消息我地會盡快通知客人的" + "我問問理賠部同事", 直到今天對方回覆:"由於年尾理賠部同事較忙，已幫客人再追追理賠部同事，如有消息會盡快通知客人".

每次問親回覆都係話會盡快處理、我地再追追理賠部同事. 其實都唔明我件貨都唔細又唔算輕, 都唔明點解可以唔見咗件貨, 仲要咁耐都搵唔返, 又唔賠錢, 我件貨仲要係好幾百蚊人仔, 佢哋又已經收埋我呢件貨既運費, 而家一味只係拖字訣. 若果佢哋既理賠部咁忙, 搞賠償都搞咁耐, 好明顯一係太多賠償個案, 根本清都清唔晒, 一係就根本呢間公司無諗住賠錢比客, 搵客服拖住個客. 上網仲發現原來已經有好多人遇到相同遭遇,好多人已經報警、報消委會都話無用, 呢間多X網集運公司依然厚面皮, 繼續整唔見客啲貨, 繼續唔賠錢, 仆街到暈! 枉佢哋喺阿里旺旺度個名叫"香港良心正品".

而家我貨又無, 賠錢又收唔到, 唯有喺度呻下, 等大家知道有咩集運公司可靠, 有邊間唔好用啦, 呢間我都用咗好一段時間, 但今次之後, 我都要搵過第二間真正有良心既集運公司.

有無苦主同我一樣? 一齊Share吓啦, 等唔好再有咁多人受害同埋唔好再助長呢啲無良公司. 順便大家有無邊間可靠既集運可以介紹返比我?