有時經過望到呢到d post, 95%都係比較負面既，我都明白家家有本難念的經，好既6299比例比較少(或者少d新抱分享)。而我就係個5% 幸運既新抱，所以都想分享一下6299 既好，新既一年多d正面開心事。(唔係哂，純分享，都歡迎大家分享)
我同我老公識左幾年之後結婚，而家都做左人新抱兩年。我自問唔係滿分既新抱，一般新抱做既例如屋企家務，得閒請佢地食下飯送下小禮物都會，但…我唔識煮飯(係真係好差個隻)……6299由我第一次見面已經知道，但係好好到而家從來都無比說話我聽，只會叫老公有時間煮比我食，無時間6299會煮比我食，老公唔係香港而我要OT時都會留比我。
未係新抱時都當我係新抱，所有家庭活動都預埋我，仲叫埋我爸爸媽媽一齊去，意外地佢地相處得好好，而家差唔多每個月都會見面。
6299唔偏心，對仔女都一視同仁。我同老公有事，大至搬屋，小至買食物，6299都二話不說盡心幫忙，係真心愛錫我地。今個情人節同老公都無打算慶祝，老公工作太忙碌，99都靜雞雞幫老公買左幾支花俾我，好感動。
到而家expect緊小生命既來臨，6299更加關心我地，擔心我係老公唔係香港時我有無食好訓好。而且由有左個一刻，已經同我地講會幫手凄孫，對我呢位新手要返工既媽媽黎講，係好大支持。
老公都係好孝順既仔，有個好習慣係每星期都會同6299去食飯，每年都會同佢地去一次旅行。
6299太多優點不能盡錄，好感恩有佢地。亦希望你們家庭生活都幸福快樂。
發表於 
這是緣份 
返回列表
