超長篇，呢個故事發生我朋友既父母身上，我得到我朋友既同意分享
媽咪由係我地出世前已經跟住爸爸捱，一路捱到我爸爸風生水起
當爸爸有成就，媽咪就每隔一兩年提義去旅行，爸爸每次都應承媽咪會去，但係爸爸次次都有不同理由最終都去唔成，開頭就話諗諗下想儲多啲錢俾我同丫妹或者旁身，之後一係公司需要錢周轉，一係男家有事或是朋友有事需要借錢，久而久之媽咪都冇再提義去旅行。
到我同丫妹大左出黎搵錢，請兩老去旅行爸爸都唔俾，話岩岩出黎社會賺到兩個錢唔好咁快洗哂佢，之後到我同妹結左婚生埋小朋友，我再提義一家去旅行，爸爸依舊一樣，唔係話儲錢俾下一代就話女婿生意岩岩上軌道唔好搞咁多野。
有一次家庭聚會，我話我地已經都大哂，事業都好成功，我話爸爸不如真係認認真真同我地一家人去一次旅行，當係還媽咪一個心願好冇？
爸爸：你地啲仔女仲讀緊書....（說話未講完媽咪已經唔俾佢講）
媽咪話：我已經買左我同你既機票去一次旅行，行李都執埋，今次去旅行既錢係用我媽留俾我既遺産去，你賺返黎既錢就留俾啲孫。我知你想講咩，老啦...唔想郁咁多，去旅行好麻煩呀嘛。我唔逼你..你自己決定啦。你黎唔黎都好，我都會照飛。一個心願還唔到，還半個都好。同你捱左大半世人，我想輕輕鬆鬆過埋剩底既日子。
爸爸今次冇出聲，媽咪亦黎左我到住幾日俾爸爸考慮清楚。
過幾日媽咪真係自己飛左去旅行，一去就去左幾年環遊世界。
呢幾年我地亦同爸爸一齊住。上年媽咪終於返黎，亦自己搬左出去住，一直冇見過爸爸。
有日我屋企收到封律師信，係媽咪俾爸爸既離婚協議書。我問媽咪點解，媽咪話佢已經時日無多，年紀大亦唔想去醫，依加只係想做自己想做既事。離婚，只係想拋底爸爸呢個包袱咁走，同你爸爸已經大半世人，夠架啦。
原來幾年前媽咪決定去旅行已經知道自己身體出現左問題，唔講因為對爸爸已經心淡，同埋唔想我地擔心。
返到屋企，爸爸已經簽左名。
果晚，係我同妹同爸爸傾計傾得最耐既一晚，亦係媽咪出殯既日子。爸爸堅決要留係到守夜。
爸爸：你地由細到大有咩頭暈身興都你媽一個人處理，年終冇休。就算病都冇抖過一分鐘，一句怨言都冇。
咁多年，我為呢個家付出既唔夠你媽多，以前你地丫媽呢，就有兩個男仔追既，一個係x叔，一個係我，當年我身無分文，底褲都冇多條，你地丫媽諗都唔諗就嫁左俾我跟住我捱，佢成日都話捱唔緊要，幸福、開心就夠，最多他日事業有成同佢去個旅行開心一次就當還返俾佢。
我知你地丫媽好想去旅行，佢既目的唔係係個旅行到，目的係想我真真正正陪係佢身邊，陪佢真真正正既開心幸福。
以前我成日顧住頭家，顧住盤生意，到退休就顧住你地老公，顧住啲孫。
到見到果張離婚協議書，我先明白幾年前你地丫媽果番說話係想試探我，想我去顧佢一次，一次咁多都好。
當初我仲以為佢係發我脾氣。
其實你地丫媽既要求好簡單，係我既真心，屬於我對佢既真心、屬於我對佢既關懷、屬於我對佢既關心。
你地丫媽有病唔講係唔想我因為內疚而同佢去旅行。
呢幾年，你地丫媽一直都俾緊機會我去搵佢，所以每日都會post facebook佢既行蹤。
離婚，亦代表機會已經冇左，就算我依加內疚、後悔已經太遲，你地丫媽講得冇錯，對於佢黎講我呢個包袱係時候要放底，所以我簽左名，俾佢走得好過啲。
一個男人左個點既女人，決定著佢婚後既生活品質，我既家庭可以咁好咁順利真係多得你地丫媽。相反你地丫媽就嫁錯郎.....
過左幾個月，爸爸亦係睡夢中走埋了，臨終前爸爸寫左封信俾我同丫妹，內容只係好簡單既幾句：後生時我應承左你地丫媽，要將我同佢既骨灰撈埋一齊撒落大海，你地丫媽話到我地百年歸老都要我同佢一齊周圍去。呢個承諾就要靠你地幫我實現。唯一可以兌現既承諾。
各位有家庭既朋友，家庭固然之緊要，但係唔好怱略身邊既伴侶。愛得太遲就會變遺憾。
jt77 發表於 19-2-26 22:39
好多人都話好膠，但我姨丈正正係呢重人，好顧家、兒女事業有成，孫仔讀緊醫，孫女做緊醫生，生活無憂，但就 ...
發表於 
.
返回列表
