吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得c6好自私, 覺得同佢好難溝通, 好唔開心 ...

夫婦情感今日: 17|主題: 42734

收藏本版

發帖

返回列表

跳至頁

查看: 2927 | 回覆: 21

我覺得c6好自私, 覺得同佢好難溝通, 好唔開心 [複製鏈接]

winkho

大宅

積分: 3186

1^#

發表於 09-4-27 13:18 |只看該作者 |正序瀏覽 |打印

我同c6都一齊好多年, 以前得一個仔都覺得冇咩事, 但自從第2個仔出世後, 我便時時有恨佢的感覺.
其實生第2個, 係大家都同意. 但生完之後, 我係我媽度坐月, 佢就一個星期先黎睇我一次, 到我坐完月番屋企住, 因為99幫我湊大仔, 我老公番夜班, 所以夜晚得我一個人對住bb, 佢晚晚都喊, 令到我覺得好煩, 後來我發現自己有情緒問題(因為第1個仔唔係), 我同佢講, 他只是回答:你太胡思亂想者, 唔好諗咁多啦. 然後就瞓. 直至有一次我真係忍唔住, 自已一個係房度喊, 佢先發現有問題. 經過我自己一番努力下, 終於冇事. (但都係我自己去面對咋)
這半年來, 我每次放假都會好頭痛, 因為我哋收入唔高, 且是租樓住, 地方唔大, 兩個小朋友冇請工人, 只係日頭99湊, 夜晚我湊. 所以放假對於我來說是仲辛苦過返工. 由早上6:00-晚上12:00不停站的做, 好彩的會有1小時午睡. 我老公佢只會掛住自已上網, 睹馬, 除非我叫佢, 佢都會好唔願意咁做, 但一定唔會主動幫我, 搞到我成日披頭散髮,好冇自信心. 因為我地依家搵緊樓, 好多時都因為意見唔同己有吵架, 大家都唔明白大家. 佢仲話想博博去買窩論, 我唔贊成, 佢就話唔博就無發達咁話番我.
佢昨日仲話, 不如搵間細d的樓, 佢可以供番部車, 咁我即時好唔開心咁同佢講, 點解你咁自私, 如果有錢, 點解你唔清番個工人幫輕下我呢, 佢就黑口黑面咁走去返工. 至於我.........咪又一個人係到好sad囉

2h媽咪

0 0 0

私人傳訊

shanshanchen

別墅

積分: 894

22^#

發表於 09-5-7 10:20 |只看該作者

我老公佢只會掛住自已上網打机, 看波, 除非我叫佢, 佢都會好唔願意咁做, 但一定唔會主動幫我!!!(完全都系我既心聲!!!)
男人真係好自私..以前結婚都覺得無咩野后来4年后生埋個B就真係忍唔到..
為左呢D野我都发过几次颠,大声闹我個仔,其实是闹俾我老公看,后来佢都有帮手咯,不过好快打回原型咯

私人傳訊

my1215sui

男爵府

積分: 6328

21^#

發表於 09-5-7 09:31 |只看該作者

原帖由 OneTwoThree 於 09-5-3 00:27 發表
-

唉...我都覺得男人真係好自私,好自私~~~
現今男人女人都一樣要返工,但女人放工仲要湊仔女,煮飯,家務...好多好多野做,但男人就好似個大帝咁,仲要叫一叫先郁一郁,完全吾識自動波,好在同我媽咪住可以幫輕下我,但我自己都吾好意思,唉...叩一叫先郁真係想死,做左少少又好似好勁咁~~~吾係做一次半次就叫好,係要日日都要幫手先得MA~~~

傾完又傾咁,我都吾知點....吾係對住電腦就打機,仔女已經早目訓啦,放工返黎主動陪下仔女都玩一陣都好MA,係一齊玩吾係只是望住佢地喎,唉...總之感覺上就好吾開心~~~

私人傳訊

OneTwoThree

男爵府

積分: 5598

20^#

發表於 09-5-3 00:27 |只看該作者

-

[ 本帖最後由 OneTwoThree 於 09-5-3 00:32 編輯 ]

私人傳訊

olimo

伯爵府

積分: 17377

好媽媽勳章

19^#

發表於 09-4-29 15:02 |只看該作者

原帖由 winkho 於 09-4-29 10:51 發表
hi 小manman
你講得啱, 當初真係冇考慮清楚, 一心諗住可以生多個陪大仔玩. 同埋好多野真係要發生左先知.
可能以前得1個, 我自已搞得掂, 冇諗到第二個完來會搞到自已咁煩

其實我6299都好好, 因為我個大仔都好反叛, ...

係呀，真係發生左先知難頂
生多一個 b，不是加多對筷子咁簡單
我都係有2個b，一個人照顧一個 b係 ok的
有2個b，而丈夫不幫手的話，真係吃不消
算罷，好好照顧自己和bb
不要理會那自c 的傢伙

私人傳訊

jennyleung

子爵府

積分: 13193

18^#

發表於 09-4-29 11:57 |只看該作者

唉...點解有d男人真係咁大想頭...小賭咪算lor, 有錢仲想買car??? 比錢老婆買野好過啦...

真係好自c....

私人傳訊

winkho

大宅

積分: 3186

17^#

發表於 09-4-29 10:51 |只看該作者

hi 小manman
你講得啱, 當初真係冇考慮清楚, 一心諗住可以生多個陪大仔玩. 同埋好多野真係要發生左先知.
可能以前得1個, 我自已搞得掂, 冇諗到第二個完來會搞到自已咁煩

其實我6299都好好, 因為我個大仔都好反叛, 我都知道佢地辛苦. 每一晚返到去, 都好多投訴, 因為佢實在太頑皮. 所以就算幾攰都好, 一放假我會自已湊番.
我都希望佢地快d大, 冇咁辛苦.
依家真係唔想聽到c6把聲,今早佢放工打電話來, 只係問我點解個now電視開唔到, 佢睇唔到波, 同埋個電腦點解開唔到,上唔到網, 買唔到馬仔喎. 激死我啦.
2h媽咪

私人傳訊

zuzu888

子爵府

積分: 12305

Poo得好勳章瞓得好勳章開心吸收勳章美好大世界2017勳章 Xmas吸收勳章好媽媽勳章畀面勳章

16^#

發表於 09-4-28 16:22 |只看該作者

我c6 都係咁~
好多時都自顧自...唔會主動幫手..
出街都係自己 dress up 自己...

我dress up 自己到個女...冇停過...佢就企係度...話完佢...好1次...下次又係咁....

似乎你 99 都仲係ok...唔係加多個難頂 99....真係救命...

不過咁的時艱...你 c6仲話要買呢買路...仲要唔等使....頂....勁興喎~你反佢...佢一定唔 likey....但總好過你唔表達自己的意見喎~

我都唔建議請工人....2個仔仔加多個工人....好費神...而家d 工人冇個好...真係ga....搵又要時間...又要錢...又要比地方...又要時間夾...

自己 handle 到都頂啦~

加油呀...仔仔大左...可以舒服d...時間好快過 ga~!!

私人傳訊

newcook

水晶宮

積分: 51368

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

15^#

發表於 09-4-28 16:09 |只看該作者

"佢仲話想博博去買窩論, 我唔贊成, 佢就話唔博就無發達咁話番我"

對唔住, 我無聽講過有人因為買窩輪發達, 反而贏左之後輸突就聽得多, 你老公..

私人傳訊

小manman

翡翠宮

積分: 85432

14^#

發表於 09-4-28 15:48 |只看該作者

樓主:
睇完你的case真係覺得生bb前要考慮清楚~~~

我有少少野唔明,就係有好多野(你老公返夜班,你地收入唔多,租住的乎方唔大,請唔到工人,你公司好忙......)係你地生第2個bb之前已經清楚知道,咁點解仲要生第2個bb呢???

不過,講真一句,生第2個bb係佢都同意既,既然有多餘錢買車,都應該租間大d的屋,比好d的生活比你同兩個bb喇!!!

私人傳訊

kathyfcc

大宅

積分: 1116

13^#

發表於 09-4-28 14:43 |只看該作者

我個c6同妳個係一模一樣, 我的情況都係同妳一樣, 有精神病時都係我自己攪掂, 佢都係從來無理過我, 每日係屋企只係上綱, 賭馬, 賭波. 都係覺得唔博無得發達, 亦曾經唔聽我講玩窩輪. 我都好心淡, 對佢都無晒感覺, 但睇在個女又唔想離婚.

原帖由 winkho 於 09-4-27 13:18 發表
我同c6都一齊好多年, 以前得一個仔都覺得冇咩事, 但自從第2個仔出世後, 我便時時有恨佢的感覺.
其實生第2個, 係大家都同意. 但生完之後, 我係我媽度坐月, 佢就一個星期先黎睇我一次, 到我坐完月番屋企住, 因為99幫 ...

私人傳訊

winkho

大宅

積分: 3186

12^#

發表於 09-4-28 13:38 |只看該作者

唉, 真係好有同感.
其實我都有諗過同c6講, 但係我又唔知點講, 我老公返夜, 基本上我地好小見面, 有時可以見到半個鐘-1個鐘(因為我會係99度食埋飯先湊小朋友返屋企), 有時都未必會見到.
唔想一見到面就講d佢唔鐘意聽的野, 佢話成日見到我唔開心, 但問題是我已經做到謝左(因為公司也很忙),昨晚細仔扭計由10:00-12:00, 我等佢瞓左, 我先至可以做家務(己經係必要做的先做咋, 其他已經冇理).
我係屬於不吐不快的人, 但係又唔知點講, 真係好矛盾呀.
其實我都覺得再長此下去, 唔會有好結果. 因為我都唔想聽佢打來的電話(基本上我們是電話作溝通)