吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 顯眉靚飄眉黑店

美容扮靚今日: 17|主題: 137585

收藏本版

回覆發帖

返回列表

跳至頁

查看: 11544 | 回覆: 25

顯眉靚飄眉黑店 [複製鏈接]

meme2020

洋房

積分: 66

1^#

發表於 19-3-25 15:20 |只看該作者 |正序瀏覽 |打印

本帖最後由 meme2020 於 19-3-26 10:39 編輯

錦上路盈匯坊有間叫顯眉靚嘅一人舖，個老闆娘兼師傅嘅飄眉技術真係差到無倫，枉佢可以攞咁多證書呃飯食，咁多客排隊揾佢，起版連定點都唔畫，正式係學壞師！但求快手做多兩個客紋到界都出埋，成日喺眉嘅邊界位界啲曱甴腳叉晒出嚟好似恥毛咁，又慣性將人嘅眉頭紋到拱起成坐山咁，唔通個個八字眉一字眉先靚？仲有，有乜理由眉頭嘅眉毛方向會向上界吖？仲要有啲腳仔插出嚟成個鐘馗道長咁，加上條眉個外框又唔清，搞到望上去好似冇修眉好多雜毛咁。仲有明明上次係加粗咗一行色嘅點知唔上色，返到嚟補色時你又睇唔到照整返幼，咁不如照我舊有嘅飄眉底做啦，咁我洗鬼揾你！而家搞到本來加粗嘅地方一個黑印要日日畫眉呀！

講到態度呢位師傅好惡劣。緊係啦，咁多客我喺佢舖頭呱呱叫，要求多多容乜易趕客？話說第二次補色時我即場有同佢溝通過，因為上次有好多位上唔到色，問佢需唔需要先畫眉再補，但佢就為咗慳返冇咁做，點知佢一落刀已經將眉頭嘅開始位紋錯五、六刀，好彩我即時感覺到叫停佢，並且捽返啲顏料出嚟，此時佢先肯拎支筆頭好掘嘅眉筆叫我自己畫，問究竟要補邊忽，但礙於筆頭太鈍根本畫唔到，佢就開始屈我唔識畫眉，總之態度就差到冇人有啦！到臨走時可能佢都知衰，原本上次已繳付$2000蚊嘅我，今次返嚟補色尾數只係俾$100蚊，但佢走出廳嘅時候突然用好串嘅語氣話:「你唔洗俾錢我！」大佬啊！你估我揾你係為咗慳錢咩？我見你Facebook 咁多人讚好先慕名而來咋！你如果覺得自己水準達到國際級大可以定價高啲㗎！交埋啲垃圾貨俾人侮辱自己專業！

相中紅色嗰度係原本落錯刀捽返啲顏料出嚟嘅位置

0 0 0

私人傳訊回覆引用

meme2020

洋房

積分: 66

26^#

發表於 19-4-3 22:10 |只看該作者

回覆 Poohpooh_bb 的帖子

佢唔係返唔到轉頭嘅問題，我懷疑佢學藝未精，本身審美觀同大眾有異呀！有乜理由眉頭頂紋到叉起晒啲眉毛吖！佢拍宣傳片話自己台灣學師嘛，好！又對比下人哋台灣做飄眉幾成熟，飄出嘅眉係多層次羽絲眉毛，而顯眉靚手勢就只會將眉頭一條條眉毛楝上頂，對眉毛自然生成嘅方向毫無認識。

私人傳訊回覆引用

Poohpooh_bb

大宅

積分: 3547

25^#

發表於 19-4-3 21:39 |只看該作者

番吾到轉頭

私人傳訊回覆引用

meme2020

洋房

積分: 66

24^#

發表於 19-4-3 21:38 |只看該作者

一次過真係數唔晒顯眉X啲衰嘢！人哋而家做飄眉嘅有晒尺輔助定位，有黃金比例，V字45度角，最重要同客人溝通配臉型，而佢做飄眉就只喺眉心畫一條線自己認為，為咗做多個劈價客，拿西到不顧專業，連眉頭都可以起錯。

私人傳訊回覆引用

Sa姨弄眾

男爵府

積分: 5415

23^#

發表於 19-4-3 13:41 |只看該作者

毛，幫樓主推

私人傳訊回覆引用

meme2020

洋房

積分: 66

22^#

發表於 19-4-3 11:49 |只看該作者

以前500蚊，最近好似搞劈價2千整眉包眼線㖭，谷鬼晒啲客上去等，變到好拿西。
佢畫過咁多客支眉筆紋紋下有傷口都可以俾我畫嘅，你話幾拿西吖！
如果你想去嘅，記得講明要佢開張正式收據，因為消費者委員會個職員同我講，
今次如果有單據嘅話，我可以向顯眉靚追討我兩次洗眉同執手尾費用。
至於佢的證書，全部係完成課程，有出席就有嘅，冇乜馨香。
佢個漸增眼線1500蚊你真係唔好搏㖭，佢顧咁多客邊有心機整，專頁啲相都係得一個作品靚，其他幾肉酸……

私人傳訊回覆引用

Mekopoon

複式洋房

積分: 493

21^#

發表於 19-4-2 13:22 |只看該作者

meme2020 發表於 19-3-28 18:22
我眼線都有揾過佢做，係ok交到正常貨嘅，但我之前本身都有紋上眼線，即係有個底再去做㗎，佢幾分鐘就搞掂 ...

眼線幾錢呢？見佢有分幾款的

私人傳訊回覆引用

meme2020

洋房

積分: 66

20^#

發表於 19-4-2 13:11 |只看該作者

私人傳訊回覆引用

meme2020

洋房

積分: 66

19^#

發表於 19-4-2 11:35 |只看該作者

以後最緊要攞單據，有收據可以正式追討執手尾費用

私人傳訊回覆引用

Belusa

複式洋房

積分: 194

18^#

發表於 19-4-2 02:56 |只看該作者

樓主好慘去第二間有保證既執返靚佢啦

私人傳訊回覆引用

meme2020

洋房

積分: 66

17^#

發表於 19-4-1 10:51 |只看該作者

本帖最後由 meme2020 於 19-4-1 14:16 編輯

del

私人傳訊回覆引用

meme2020

洋房

積分: 66

16^#

發表於 19-3-31 10:03 |只看該作者

最激氣有人話覺得我條眉其實都冇乜嘢，自從去完顯眉靚我真係日日皺眉頭做人！淨係眉頭3條黑痕都做咗兩次激光洗，仲要未清得晒，我忍佢包容佢有多少不完美，照樣返去間黑店補色，明知佢有洗眉機都費事打搞佢，免得話完佢又冇心機幫我整，點知佢收完2千蚊真係唔志在補眉嗰1百蚊象徵式收費，漏成行顏色冇補，死都話自己追蹤到啲顏色，你話有時佢話冇，仲叫客人指佢睇要補邊忽，叫客自己畫眉，而佢就行出行入，去第二間房同另一個客敷痳藥，交低支好掘，畫唔準位置嘅眉筆俾我，嗰支筆咁多人用過，佢紋紋下先叫我畫，有傷口又點畫得上色呢？成條眉俾佢紋到崩晒散晒，試問你去餐廳食到曱甴會唔會周圍唱？消費者對店舖俾評分好正常，更何況我係中伏嗰個。

其實而家成條眉嘅眉型都係由舊嘅飄眉底托起，所以你哋視覺上睇落去先覺得唔太差。我自己由廿幾歲就開始做飄眉，洗色重做又試過，可以話好了解做飄眉是什麼回事，而而家呢條眉嘅缺陷，全部都係由顯眉靚加上去嘅，唔明嘅話其實YouTube都有好多片睇，點樣定位係有尺度嘅，唔係因為我係麻煩客要求高，而且如果冇要求嘅亦唔會去整一條工整嘅眉，客人俾錢就係想買嘢，一個唔收你補眉費嘅紋繡師你仲可以有乜期望，佢根本唔希望你回頭幫襯，冇能力賺你啲錢，咁仲唔係侮辱自己專業？講到宣傳片，佢放上YouTube嘅，叫什麼顯眉靚飄眉實況+送大禮，入面講嘅乜乜4D，佢一個D都做唔到！什麼幫客人設計眉型，佢連最基本同客人溝通都有問題，成日扮聽咗敷衍兩句應酬，其實客人做飄眉係一刀刀雕嘅，有憂慮同緊張好正常，但佢例牌cool同不秋不睬，你有你等，佢有佢遲到，完全唔憂做，一個咁有性格嘅人鐘意咪交下好貨囉！整衰咗咪推個客麻煩奄尖囉！咁我話佢侮辱自己專業，冇職業道德有乜唔成立呢？