今日鬧咗一場交. 令我對C6突然好心淡, 往後嘅日子應該點面對佢好呢?
由於以下所寫係事實, 但只係我地兩人嘅意見. 如有得罪某些會員之處, 敬希見諒!
中午時C6話整燕麥飯俾我食. 之前食過一次但我唔鍾意個味道所以話唔食. 佢好嬲, 開始話我唔理自己健康. 見我越嚟越肥驚我心臟及血管有事, 所以叫我食. 我之前都覺得佢係好意, 所以食咗一次. 點知今日佢越講越激動, 原來佢咁緊張我健康係驚我會病, 返唔到工, 咁就會俾人炒, 無錢供應屋企開支. 我好嬲, 我話如果我係FTM或者已經退休, 你應該會話知我死. 你關心嘅係我份糧而唔係我個人.
跟住C6就停唔到口, 係咁話我後生唔加入政府. 以前嘅公務員到今時今日退休有份類似MPF嘅退休金, 每個月仍有長糧. 兩公婆都係咁就唔使憂. 我話我明. 但後生時唔識諗到咁長遠, 而家講咩都無用. 我話如果你係咁”目標為本”, 當初就唔好娶我,
娶個公務員老婆,或者而家揾過個都得. 你娶老婆唔係想揾個鍾意嘅人一齊建立家庭, 係想多一個人幫手揾錢等你生活過得富裕D, 老咗多份長糧.
我話我後生時都幾鍾意學習新事物, 覺得政府工無乜挑戰, 學唔到乜嘢, 所以無諗過入政府(只係個人意見, 因為我知自己唔係一個好叻好聰明嘅人, 政府入面咁多人升級比較難). 我話香港亦只有17萬多公務員, 係咪所有打私人工嘅就係娶唔過, 佢地就係無鬼用?
C6話你打私人工, 係有得搏. 但你睇你, 做到就嚟退休, 咪又係職員仔一個? 搏到咩呀?! 你做到高層我就無說話講. 我唔怕老婆叻過我, 養埋我架!
老實講, 我同我C6差幾年. 佢做幾十年公務員, 無轉過部門. 佢嘅認知就只係政府入面嘅嘢. 而家退咗休真係同時代有距離. 人地同佢講D新鮮D嘅嘢佢完全”懵盛盛”咁. 對新事物, 電腦電子產品一無所知, 反應又遲鈍. 有時同埋佢去見朋友我都幾尷尬. 做嘢又慢到係頂唔順因為政府入面人多, 完全唔須要講效率. 呢個係電子時代, 填表申請嘢, 好多嘢都係上網做, 佢一見到就驚到不得了, 好似個電腦會食人咁. 全部旨意我去攪. 我做私人工無可能唔學新嘢, 所以雖然一把年紀好多新嘢都難唔到我.
C6退休少咗收入, 成日咿咿哦哦話唔夠使. 我有份糧, 所以好多時我都爭住出錢. 佢睇中我鍾意去旅行, 其實佢比我更想去因為悶. 但死都唔認自己想去, 一定次次都屈我話我想去, 佢只係陪我, 費事我嘈. 都算. 去邊要佢話晒事, 又話要豪華. 到俾錢嗰陣又講埋D難聽說話, 話我大使, 使腳唔抹腳. 我認我唔”襟激”, 就唔使佢俾我俾晒, 為咗塞住佢把死人口.
係唔忿氣架! 不過有時又勸下自己兩公婆何必咁計較. 都幾十歲, 去得一次得一次, 開心一日得一日啦! 如事者幾年嚟使咗我至少廿萬.
有一次同佢D舊同事一齊去玩. 個個都羨慕佢退咗休都仍然有咁嘅生活質素, 去旅行唔豪華都唔去. 佢半句都無講過佢係免費, 有人支持佢.
我出錢出力, 半句多謝都無. 今日咁樣話我.
我一把年紀仲可以點吖. 唯有自己收埋喊同上BK呻下囉!
~~ 多謝收看, 不喜勿插 ~~
發表於 
樓主仲唔為自己諗？真係到時你冇做野點算？
返回列表
