自由講場今日: 1013|主題: 1355508

收藏本版

發帖

返回列表

跳至頁

查看: 222779 | 回覆: 916

好開心!幫到我表妹30萬hkd成家人移民加拿大

12 3 4 5...46

積分: 21443

wyeth冷知識勳章畀面勳章

1^#

發表於 19-4-14 03:00 |只看該作者 |正序瀏覽 |打印

呢10，8年我都係加拿大香港兩邊住，眼見香港好似愈黎愈大壓力，有感呢邊環境可能無加拿大果邊咁適合小朋友讀書，我自己家庭就long stay左幾年啦。
幾個月前新年番黎香港過年，同由細玩到大既表妹有傾有講，(30頭，有個女，佢同佢老公都係工薪藍領(sales)，學歷一個中五，一個中三，無物業，無資產)
講起移民，好老實咁講，
就咁睇佢咁既背景，基本上都唔使諗咩送個女外國讀書呀，搵景鴻呀，咩投資移民更加係堅離地啦

但係我呢幾年都係長住係加拿大，發現左政府仲有一個好好既政策，如果唔留意又真係無乜人知。

雖然成件事都係由加拿大呢邊律師攪，但係政策就白紙黑字寫哂係政府網站既，www.cic.gc.ca
我覺得，如果有興趣去國外換下環境呀，帶埋仔女黎讀書，真係可以諗諗! 附加拿大政府網站，自己睇睇。

我簡單d咁總結下，就係主申請人(18歲以上，中三或以上)經律師係加拿大申請學簽，成功左之後，主申請人既配偶可以無條件拎到同樣時效既工簽(譬如佢讀2年書，佢配偶工簽就有2年)，主申請人既子女(18歲以下) 就免費入讀公立中小學。畢業會拎到3年畢業生工簽(譬如讀2年+3年畢業工簽=可留在加5年)，2年後畢業完考埋語言試(法語)，合格就可以移民。

成件事佢俾左學費hk20萬/2年，律師樓hk60000(尾數係成功左先俾，今日星期六所以未約幾時去律師樓找數)
政府申請費hk2000，政府學校申請費hk900，大學法文班(未俾，佢未開始讀，好似係hk18000-20000半年)
機票呀食呀都係有限錢，所以我計成30萬hk啦。
至於生活日常要幾錢真係好難講，因為佢暫住我屋企包食住啦叫做，地鐵巴士月票300hk就係佢平時洗費囉

有興趣想知個生活水平大概係幾多，可以去www.walmart.ca睇睇，價錢乘6就係hkd，呢邊食野買野基本上係平過香港。

我咁鼓勵我表妹去試下，就係因為佢完全係nothing to lose,係香港果份工，連呢邊最低工資都不及，又唔係要供樓，父母又後生有自己工作，咁佢試下申請，成功就係新出路，失敗都可以當係旅行既者!
就係咁，過完年就帶左佢番加拿大，見下律師呀，俾下資料簽下合約呀，入學申請(政府正規學校，唔係果d呃學歷私校)，
2個幾月過左喇，終於今日佢收到政府send email俾佢通知佢成功批左，雖然我無做過乜，但係真係好鄧佢開心!
依家佢whatsapp安排緊佢老公同個女黎長住，我就係度幫佢搵緊我屋企附近有咩租盤岩佢(7000hkd左右已經有1大房，3邊落床果隻，1大廳，市中心)

香港人，唔好灰心，仲有好多出路既!

我個人見意係: 要申請，絕對要避開中國人中介，搵正規律師樓啦！自己申請基本上係無乜可能(我最初有嘗試過想幫佢慳律師費，恃住識多少法文諗住幫佢申請，不會我都係放棄左，因為我發現當中有d文件同技術，律師同教育局都唔會教仔咁講清晰你聽，門外漢自己申請成功率真係好低)，仲有d移民局文件往來，一錯就有拒簽記錄，第時去美加旅遊肯定好大影響。

留意番: 我唔係咩中介，完全幫唔到任何人申請，呢d要係加拿大有牌照既人先可以幫人申請架，普通律師無考果個牌都幫你唔到

，我只係由車變既機械主婦一枚*