本帖最後由 858D 於 19-5-12 01:56 編輯
PTMCYS 發表於 19-5-11 15:47 
上夫妻版你怕收诱惑，你个人咁易受惑架。。
再講，这裡的人大部份係香港，想同你玩sp, 成本好高啫。。。
嘻嘻，係吖，我係好容易受誘惑嫁。但我知我受邊D誘惑，我受的全是非性事上的誘惑。所以相信冇男人會同我玩到sp.
換句話講，我係鍾意同享受有愛無性的關係，乜嘢關係都好。所以我知道，我肯同男人建立關係，人地都唔肯。因為我冇性事畀到佢。
我仲好容易思想出軌，不過都係唸D完全同性事無關的。
好在我前夫同我現任先生都係美國文化的白人，容許我就係咁容易思想行動（非性事上）出軌的。
我前度未婚夫係青少年時期移民到美國的華人。雖然係咁，跟左佢，我都受限制。例如佢趁我放暑假翻來香港響我屋企住，食飯時，有從小六就開始鍾意我的男生打電話來同我傾計，我傾完電話，坐埋佢旁邊繼續食飯。就開始感覺到佢靜默無聲，對我嚴肅左好多。晚飯完，佢平心靜氣話帶我落街行下。於是佢拖住我手同我去屋企附近既海港旁，二人排排坐下。一路上，佢都不吭半隻字。我也默默地守後在佢身邊，陪著佢坐了好長時間。然後才聽到佢開金口。佢依然語氣溫和但帶有嚴肅：「我唔鍾意我將來的太太 （那時我地已經定了婚）除翻工外仲要應酬上司，同事，、、、」之後果D話我已經唔記得佢係點用字來表態的。大概係佢唔鍾意我周旋於男人之間搞公共關係 （公關）。 好似頭先 我同男生傾電話，佢已經咁大反應要落規例畀我守。我唸左成晚，到第日佢帶我出街，在小巴上，我開聲向佢落一個承諾：「如果我以後都唔單獨同男 生出街會取悅你既，我願意遵守。」當我下了如此承諾後，佢先開始relax地流露喜悅之情。立刻佢回覆對我的正常互動。我講得出，做得到。在佢還未同我退婚那段日子，佢在美，我在香港，好多不同男生單獨約我出街，我都約埋個女友與我同赴約。有個男生常上我屋企坐。我認為OK吖。我冇同佢單獨出街吖。而且個個認識我既男生，我都主動講佢地知我有個未婚夫響美國。
最近我問我先生，「點解D男生明知我有未婚夫響美國，我又唔發姣，又性冷感，行出來就係一副男女授受不親既 我係淑女，唔好掂我既款，都依然繼續守在我身旁？」
我先生笑回：想做後等。如果你地散左，就可以隨時申請做妳正印。
我當年就係唔想佢地知道有機可乘，即使我前度未婚夫移情別戀（其實係因為我唔做婚前性行為）主動同我退婚後，我都沒有公佈我的自由身。但就解除了不單獨赴男生之約。
Love is when the other person’s happiness is more important than your own ~ H. Jackson Brown
識我19年仲唔知我想要什麼嗎? 仔仔開始大, 諗起甩身都開心唔切, 唔會另起爐灶咁笨啦.... 妳諗咁多, 不如對我好D啦, 唔好成日同我爭論依樣果樣令我不爽好過啦.... 
我前夫都係咁同我講。我都唔需要結婚。
發表於 
原來系你
你太太好幸福
返回列表
