心聲留言 今日: 1 | 主題: 17467

積分: 9182

1^#

發表於 19-5-4 21:52 |只看該作者 |正序瀏覽 |打印

仔仔下個月四歲，越大越激心，每一晚都同自己講唔好再鬧仔仔，但到第二日又做唔到。
出親街永遠扭買玩具/零食，叫走永遠唔願走，成日自己想去邊就走左去，望下野幾秒鐘就唔見左人，越叫唔好越要做，扶手電梯自己行，捉實佢就坐係度，搭巴士唔扶住，係度玩，唔坐定，行行下突然踢d野，等一陣（eg等lift）永遠走左去，入左lift成日都大力用腳揼地扮恐龍叫/踎係度。餐廳食飯，企凳，訓枱。
成日係街做d行為令人眼望望，我實在無心同佢去玩，講極都唔聽，細聲講道理，大聲鬧，罰佢即刻大喊。
係屋企玩玩具永遠倒曬出黎，路都無得行，梳化無位坐，床無位訓，全部都係玩具。

0 0 0

私人傳訊

Sinmasinma

複式洋房

積分: 308

19^#

發表於 19-9-19 01:55 |只看該作者

ricky0223 發表於 19-5-4 21:52
仔仔下個月四歲，越大越激心，每一晚都同自己講唔好再鬧仔仔，但到第二日又做唔到。
出親街永遠扭買玩具/零 ...

你有冇睇過一本書～3-6歲做對管教！
依本書應該可以幫助你教小朋友同控制自己情緒，我仔7個半月，我睇0-3歲個本，我發覺自己唔識做人媽媽，原來我平時所做既事對佢心理發展好大影響，當我睇到一半我發覺我要改變我對個仔既態度方式 3歲前佢明白你既說話，但佢唔會知道咩叫規則，3歲之後佢會知咩叫規則但唔會記得點樽守！本書會教如何應對
我仔7個半月我又要返工，依家佢唔跟我，就係可能因為我成日同佢講No No No !

私人傳訊

積分: 9182

18^#

發表於 19-9-14 13:43 |只看該作者

我覺得4歲又係另一個階段，明知唔岩，都係要做，故意作對唱反調，而家大個左少少，開始知道後果，慢慢就好左好多啦。
老人家同我講，唔曳就唔係細路仔，坐定定企定定唔嘈既果d係一碌木，特別係中意蝦湊自己果個，無計，只有堅持唔可以妥協，有時嬲到爆停一停，多d搵人幫下手湊半日抖下氣。
講就易，做就好難，特別係返半日幼稚園，太多時間對住，假期又多，暑假放足50日

有時覺得自己精力不足，太累啦

時時提醒自己，勿忘初心，當初陀住bb時只希望佢健康快樂成長。
香港地，生養小朋友絕對唔易，大家一起加油

私人傳訊

lassie1111

積分: 1874

17^#

發表於 19-9-14 00:49 |只看該作者

ring_ring_hey05 發表於 19-9-12 18:35
樓主。我仔都係4歲。也很難教。日日同自己講唔好咁惡鬧佢。但佢永遠細細聲教就耳邊風，係要我鬧佢先做，唉 ...

“細細聲教就耳邊風，係要我鬧佢先做” 好明白你感受.......

私人傳訊

秋天與楓葉

珍珠宮

積分: 32599

16^#

發表於 19-9-14 00:02 |只看該作者

坦白講句
仔喺其他人面前乖，淨係同你一齊先咁百厭，咁係你管教出現問題，你之前縱慣咗
小朋友好聰明，識得試大人底線
小朋友年紀愈大能力愈大，自我意識日漸增加，就嘗試用言語/行為去了解自己能力去到邊，家長要定立清晰規矩
4歲識守規矩，明白後果
4歲應該自己識執玩玩具，有基本自理能力，識自己着衫、換衫、着鞋、用完嘅物件擺返原本......
全部都需要家長從小開始教，我相信無一出世就乖嘅小朋友，需要靠家長管教好小朋友

私人傳訊

ring_ring_hey05

複式洋房

積分: 117

15^#

發表於 19-9-12 18:35 |只看該作者

樓主。我仔都係4歲。也很難教。日日同自己講唔好咁惡鬧佢。但佢永遠細細聲教就耳邊風，係要我鬧佢先做，唉

私人傳訊

Junjuncheung

積分: 5114

14^#

發表於 19-8-17 01:01 |只看該作者

我女29個月喇
睇到樓主禁講我都好擔心
答車唔乖唔捉實我就有的心得，
我會無心理準備之下一稱稱我個女落車
同拒講唔乖唔聽話就落車！
仲要講，我大把時間慢慢同你玩
到第3次拒地就會知道唔乖好嘈唔捉住就會比我趕落車
其他個的我都無本事教人喇
自己個女都唔係乖

私人傳訊

ccty720

複式洋房

積分: 184

13^#

發表於 19-8-15 20:59 |只看該作者

你同佢最熟所以得寸進尺⋯⋯或者佢知你鬧來鬧去都係咁，你要讓佢知道你的底線！唔聽話後果好嚴重⋯

第一件事收起所有玩具，配給制

出親街永遠扭買玩具/零食
* 話無預錢買你個份，返工先有錢買，叫佢扮返工，幫下你手，拎野之類

叫走永遠唔願走，成日自己想去邊就走左去，望下野幾秒鐘就唔見左人，
* 有沒有試過扮走失？

越叫唔好越要做，扶手電梯自己行，捉實佢就坐係度，搭巴士唔扶住，係度玩，唔坐定，行行下突然踢d野，等一陣（eg等lift）永遠走左去，入左lift成日都大力用腳揼地扮恐龍叫/踎係度。

*全部危機野，要話佢會受傷，如果可以比佢跌下，下次就知唔聽媽咪話有咩後果⋯⋯

餐廳食飯，企凳，訓枱⋯⋯無禮貎，佢唔停低，走人返屋企！

我都係學習中，仔仔一樣4歲，唔敢話好聽話，不過有危機意識。

私人傳訊

cookieman

積分: 6265

開心吸收勳章我的育兒心得勳章

12^#

發表於 19-5-11 07:41 |只看該作者

樓主，我個小朋友都係咁,4歲半，淨係蝦我一個，我本身有返工，佢係屋企人湊，屋企人話佢半時都正常，但我一返黎佢就好跩，不停倒玩具同人爭電視嗰d,我自己本身有出去上堂學管教佢嗰d,係會有改善，有時都會控制到，但佢嘈起上黎都係沒完沒了，令人好忟

私人傳訊

HamoBaby

積分: 3122

11^#

發表於 19-5-6 12:44 |只看該作者

加油，做父母唔易，佢會蝦你會否是你平時太就佢，唔夠堅持，我囡細個時成日扭計，但我堅持唔就佢，要佢坐naughty corner，等佢冷靜後才慢慢同佢講道理，慢慢地佢就知道唔可以胡亂發脾氣，

對自己的心誠實!

私人傳訊

kelly6688

積分: 4899

10^#

發表於 19-5-5 12:53 |只看該作者

ricky0223 發表於 19-5-4 21:52
仔仔下個月四歲，越大越激心，每一晚都同自己講唔好再鬧仔仔，但到第二日又做唔到。
出親街永遠扭買玩具/零 ...

我仔仔4-5歲時都很難教，反叛期，會打人會扔東西會大哭，會一唔開心就走遠遠，我都罰過，鬧過，日日講道理，之後日日話他知道媽媽有底線：1 ，唔好打人打自己，2 唔好扔東西，3，係街度唔準離開媽媽10步之內。如果觸犯底線就會罰企罰收玩具電視，嚴重會小小體罰。如果冇觸犯底線就可以有積分讚賞換禮物。過完這段時間，現在6歲就好好多，聽話懂事很多。每個小朋友都會有個階段難教，媽媽加油！小孩會懂事的時候。大點就越明白道理和指令。加油！

私人傳訊

2628

積分: 2381

9^#

發表於 19-5-5 02:58 |只看該作者

ricky0223 發表於 19-5-4 22:44
點解坐校車來回一個鐘都會綁好安全帶坐定定，點解我湊佢去街10分鐘左右都唔肯坐好，係要踢凳敲窗？:bashful ...

我小朋友都4歲。。。。你打去健康院聽下個好似3P講座，很值得聽的，既然學校爸爸湊都冇問題，便聽下專家意見吧！

私人傳訊

lindia

伯爵府

積分: 16303

8^#

發表於 19-5-4 22:44 |只看該作者

呻完有無好d？現代人，做家長真不容易。一齊努力！

私人傳訊

積分: 9182

7^#

發表於 19-5-4 22:44 |只看該作者

點解坐校車來回一個鐘都會綁好安全帶坐定定，點解我湊佢去街10分鐘左右都唔肯坐好，係要踢凳敲窗？

真係唔想鬧仔，好想開開心心同仔仔親子每一天，而家除左上堂，其他時間都唔想同佢去街

私人傳訊

積分: 9182

6^#

發表於 19-5-4 22:33 |只看該作者

一歲之前，好乖，肥肥白白食一得訓得，歲幾識行好中意咩住佢周圍去，仲有時間開爐整蛋糕餅仔，唔知由幾時開始，越來越唔聽話，而家簡直係怕左同佢去街，但問過老師，係學校又正常，返學開心，同小朋友相處好愉快。
點解呢？晚上臨訓同佢傾計，又答唔到點解要咁，明知唔岩，明知媽媽會嬲會傷心會罰都係要做。

私人傳訊

mickeywinnie3

翡翠宮

積分: 79711

2025勳章 2025勳章蛇年勳章

5^#

發表於 19-5-4 22:32 |只看該作者

帶大一個孩子，他在不同年齡階段都有難奏的時候！我兩個仔我明有幾痛的！

自由太多會令世人失去平衡

私人傳訊

積分: 9182

4^#

發表於 19-5-4 22:21 |只看該作者

好辛苦好辛苦，每日都係咁重複又重複，越來越無心機去湊，真係真係唔想鬧仔仔，幾時先會乖少少？係咪我問題？我無用，我唔識教？我已經用盡自已所有精力/時間/方法去教啦，以前都唔會咁，點解越大越難教？

私人傳訊

積分: 9182

3^#

發表於 19-5-4 22:15 |只看該作者

佢係蝦我，其他人，例如爸爸湊佢又乖好多，返學，興趣班，老師都話佢係聽教既，唔知點解我湊，永遠自己想點就點，叫佢行東偏行西，唔想鬧，好羨慕人地小朋友聽教，叫得聽，幾個月大辭職湊到就四歲，點解越大越唔乖，好沮喪，講道理，講後果，鬧，罰，唔理佢由佢喊，好一段時間遲d又係咁，做左媽媽先知，原來有種細路係咁難教。
兩歲開始返上午n班，而家返緊上午k1，好想搵學校轉全日，無人幫手，困身，唔聽話勞氣，夫妻感情唔好，好辛苦，又無咩朋友，唔知可以點。

私人傳訊