吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 中環寶x醫務羅醫生令我對香港ivf失去了所有信心!! ...

想生BB 今日: 0|主題: 109589

收藏本版

發帖

返回列表

跳至頁

查看: 26680 | 回覆: 38

中環寶x醫務羅醫生令我對香港ivf失去了所有信心!! [複製鏈接]

christine2047

別墅

積分: 533

1^#

發表於 19-5-5 00:27 |只看該作者 |正序瀏覽 |打印

本帖最後由 christine2047 於 19-5-5 00:29 編輯

大家好, 本人今年39, 心路歷程有d長篇, 希望大家原諒。

之前嘗試自然懷孕幾年冇結果, 曾經自然流產過一次, 之後又睇中醫又針灸成年, 結果梗係唔中啦。舊年年中的起心肝, 打算嘗試人工受孕, 所以去左中環好出名嘅寶x醫務何x超既診所, 我5月已經預約, 但要8月先有得睇, 心諗咁出名等下都應該, 去到7月尾醫務所打比我, 話何醫生唔再收新症, 轉介我去同診所既羅xx醫生。

初診感覺幾好, 好似好nice好細心, 照左陰超抽血, 佢認為我好大機會係因為子宮有息肉所以未能懷孕, 建議我去切除手術, 我考慮左兩日, 心諗都行得呢步就要信, 加上又覺得自己年紀已大, 所以好快去做手術, 喺嘉諾撒醫院做, 埋單兩萬幾, 之後休息左一個月等子宮復元。

我同先生都想試左iui先, 雖然知道成功率低, 但都希望試下, 羅醫生開左促卵藥比我, 谷到都係三粒, 但size都好ok, 第一次當然衰左, 問羅醫生原因, 佢話冇原因, 只係建議我地做ivf , 但我同先生都覺得係咪有d檢查可以做左先呢? 問羅醫生會唔會塞左輸卵管呢?羅醫生話睇我唔似係塞左, 叫我試多次iui唔得就要考慮ivf, 我堅持要檢測AMH同輸卵管, 結果發現AMH值好低, 一邊輸卵管閉塞。當然再次iui都係失敗啦.......

真心, 如果呢一間係生育專科, 咁羅醫生前前後後我睇左佢7次, 佢完全冇做到佢既責任, 所有檢查都係我自己要求做, 佢每次係好nice, 但係好nice咁例行公事咁檢查, 開初問佢ivf既詳情, 佢只係用三幾句說話講左個流程就講價錢, 問佢PGS係咩, 佢話我唔需要做, 但咩檢查都未做, 又點知我冇需要呢? 我只係feel到佢每次都好想快手睇下一個! 我打左破卵針, 但兩次做iui時再照陰超都係未破卵, 後來好多野都係自己上網爬文先知自己傻傻下, 咁我覺得唔會有個不孕既女人一入黎已經知道咩係iui同ivf, 排卵促卵破卵係要點! 唔會知自己需要做咩檢查! 好多野都係上網再睇先發現自己蠢左, 醫生亦冇比咩意見, 所有野都係靠自己搵資料。

我呢篇係負能文, 我想講呢d醫生真係好商業, 佢只係想快快push你做ivf, 但ivf成唔成功都係唔會有原因, 我問羅醫生, 佢話係無成功率估計, 好多人都做幾次先得, 但香港做一次要十幾萬, 冇解釋冇原因冇估計, 咁佢地提供既只係服務同儀器, 咁生育科醫生既專業呢?

所以以上所有原因加埋, 令我對香港做ivf失去信心, 所以轉戰台灣愛群, 我會喺另一篇再講, 多謝大家聽我申訴!!

0 0 1

私人傳訊

christine2047

別墅

積分: 533

39^#

發表於 19-5-9 16:49 |只看該作者

ReyWong_FB 發表於 19-5-8 18:57
回覆 christine2047 的帖子

羅醫生絕對是一個沒有經驗的醫生，如果我是2x歲正常女仔佢就處理得到冇問題！ ...

Sorry for your lost, 加油jm!! 你啱, 佢真係浪費d高齡女士既時間, 我真心想知佢自己有冇仔女既呢? 點解可以咁冇同理心....
"冇原因" 呢幾隻字真係令人好反感, 我明好多因素會影響ivf/iui成功率, 但解釋可以詳盡d, 唔係三個字就解釋完, 羅醫生咁樣, 其實佢只係一對機械手囉, 因為只係配合儀器, 咁佢完全冇醫生既作用啦!

私人傳訊

christine2047

別墅

積分: 533

38^#

發表於 19-5-9 16:43 |只看該作者

isisbaby 發表於 19-5-8 15:58
可能真係唔好彩是遇到佢
我一開始係養和做iui
當時醫生都冇叫我做輸卵管檢查

所以呢位醫生比我既感覺係唔夠專業, 因為高齡求子分秘必爭, 唔可以話一句"唔覺得"你會有某d問題就唔check, 至少可以問下病人既意願, 我知有d病人係比較敏感, 覺得醫生會趁機屈佢地驗身, 但我覺得佢一句叫我割息肉, 我都好聽話即割, 始終佢唔係收得平, 我覺得某程度佢需要provide多d專業同意見囉!

私人傳訊

Coolgirl1015

大宅

積分: 1224

37^#

發表於 19-5-8 19:03 |只看該作者

回覆 christine2047 的帖子

我剛剛喺寶X取咗卵，最後取左19粒，醫生好好，叫我唔洗驚一定冇事，我話有D凍，醒番已經係兩個半中頭後（手術後訓咗兩個中），仲發現我被冚左三張棉被😮，護士問我想飲柚子蜜定朱古力，之後就喺出面坐低飲杯朱古力），experience同我喺bk睇D comment好唔同，希望喺寶X做緊嘅JM唔好太擔心，因為我收倒好多jm嘅私信，所以喺度寫噃我嘅經歷，祝各位好孕。

私人傳訊

ReyWong_FB

民房

積分: 4

36^#

發表於 19-5-8 18:57 |只看該作者

回覆 christine2047 的帖子

羅醫生絕對是一個沒有經驗的醫生，如果我是2x歲正常女仔佢就處理得到冇問題！老實講，揾得你就係有問題啦！他所做的好似唔識變化，冇用心去幫病人，浪費我們保貴的時間。一個月就是一個月。我都睇過他，又係何醫生唔接新症，姑娘轉介。就是他冇經驗，我的一個PGS 成功的胚胎到了17週停止生長，他解釋又係'冇原因'! 只是叫我休息完再做IVF. 我一定唔會再睇他或介紹給朋友。

私人傳訊

isisbaby

別墅

積分: 941

35^#

發表於 19-5-8 15:58 |只看該作者

christine2047 發表於 19-5-5 00:27
大家好, 本人今年39, 心路歷程有d長篇, 希望大家原諒。

之前嘗試自然懷孕幾年冇結果, 曾經自然流產過 ...

可能真係唔好彩是遇到佢
我一開始係養和做iui
當時醫生都冇叫我做輸卵管檢查
直至兩次失敗後，我問係咪要檢查下
佢又係似你個醫生甘
唔覺得我有塞，又話甘後生唔會
我堅持檢查後發現一邊塞左
第3次做用藥都失敗
之後連我打去諗住約再做都冇覆我
我後來都諗番其實iui係咪應該要做某啲相應既檢查先開始？
我之後轉左你呢間clinic
但係跟另一個醫生
我話都想再試多次iui 結果係成功中左
雖然8週冇左心跳，但至少我知自己係懷到孕
你提既呢位醫生，我係開針ivf個日睇過佢(因為我睇開個醫生放假)
佢俾我感覺真係唔多好，好求其
唔知係咪我本身唔係佢病人
但係的確係見過佢打住機入樓下化驗所

私人傳訊

christine2047

別墅

積分: 533

34^#

發表於 19-5-7 19:23 |只看該作者

chubama 發表於 19-5-6 19:21
可惜，你遇左唔好醫德既醫生

我之前睇仁安董曉方，雖然我iui失敗，

醫德香港地買少見少.....

私人傳訊

christine2047

別墅

積分: 533

33^#

發表於 19-5-7 19:21 |只看該作者

felixsky 發表於 19-5-6 16:51
你個醫生真係為左賺錢，其實你曾經小產即意味著有塞輸卵管既風險，跟本就唔應該未check之下做iui啦！你個 ...

所以講出黎都係希望諗住行人工既jm小心.......

私人傳訊

chubama

大宅

積分: 3283

32^#

發表於 19-5-6 19:21 |只看該作者

christine2047 發表於 19-5-6 16:23
其實之前我都仲睇過一個婦科醫生, 人地介紹, 好大年紀好有經驗, 但又係咁囉, 咩都唔同我check,只係話我曾 ...

可惜，你遇左唔好醫德既醫生

我之前睇仁安董曉方，雖然我iui失敗，
但董曉方醫生，絕對係好清楚明白咁，
樣樣解釋我知，話我知有幾高成功率，
成功率高低，成功率低既，以我狀況，
試一次就夠，試得多嘥錢，嘥黃金時間，
俾機會及決定我選擇，試唔試iui，
叫我之後全力做ivf，
亦有不斷鼓勵我，俾成功例子我。

我到而家，都好感激！
仁安「董曉方醫生」
瑪麗「吳鴻裕醫生」
佢哋好有heart，唔係利字當頭！
會用病人角度解釋困惑，有醫德！

私人傳訊

Yes_Mom

男爵府

積分: 5135

31^#

發表於 19-5-6 17:28 |只看該作者

回覆 chubama 的帖子

我睇過藍乜梅。。永遠blacklisted。。

點評

christine2047

發表於 19-5-7 19:22

私人傳訊

felixsky

男爵府

積分: 9626

30^#

發表於 19-5-6 16:51 |只看該作者

christine2047 發表於 19-5-6 16:23
其實之前我都仲睇過一個婦科醫生, 人地介紹, 好大年紀好有經驗, 但又係咁囉, 咩都唔同我check,只係話我曾 ...

你個醫生真係為左賺錢，其實你曾經小產即意味著有塞輸卵管既風險，跟本就唔應該未check之下做iui啦！你個醫生擺明屈人做ivf....

私人傳訊

christine2047

別墅

積分: 533

29^#

發表於 19-5-6 16:27 |只看該作者

Coolgirl1015 發表於 19-5-6 08:38
回覆 christine2047 的帖子

我知道有一類醫生係用超聲波評估左先，如果覺得妳唔似輸卵管有事就唔會叫妳照 ...

我同羅醫生講我試左兩年..... 你又啱喎, 塞輸卵管仲做咩iui, 我真係完全冇諗過叫佢賠償, 咁佢都肯定有成功case既, 但可能係佢口中大部份都唔係一次得, 係好有錢咁做幾次囉~ 我感覺係佢確認唔到你會做ivf, 佢會hea你直到你比錢ivf為止。

私人傳訊

christine2047

別墅

積分: 533

28^#

發表於 19-5-6 16:23 |只看該作者

felixsky 發表於 19-5-6 13:53
我之前都有朋友跟你個個醫生，佢同我講返佢做既野真係唔係好掂！好彩我個時跟左另一個醫生....如果跟著佢可 ...

其實之前我都仲睇過一個婦科醫生, 人地介紹, 好大年紀好有經驗, 但又係咁囉, 咩都唔同我check,只係話我曾經小產過就證明可以懷孕, 叫我自己計排卵試下, 仲比左幾支排卵捧比我叫我用, 三個月唔得先搵佢, 我已經知佢冇heart.....呢個之後就遇到羅醫生....所以我對香港既ivf真係失去信心, 可能佢地齋打疫苗同做產檢都夠啦。

私人傳訊

christine2047

別墅

積分: 533

27^#

發表於 19-5-6 16:19 |只看該作者

ｍｉ發表於 19-5-6 14:58
你好啊~
我都係不孕,都諗緊IVF,希望你台灣順利啊,再同我哋分享,唔好放棄,為你打氣為你加油 ...

你都加油呀, 求子之路不易, 大家一齊努力!!

私人傳訊

christine2047

別墅

積分: 533

26^#

發表於 19-5-6 16:18 |只看該作者

chonglulu 發表於 19-5-6 08:25
佢係差，應該話唔夾羅，好商業，無heart.你feel到佢係打份工心態
同一診所有其他醫生好好，不過ivf我建議你 ...

係, 真係打份工既feel! 其實我先生一早已經覺得, 但我就認為唔可以一開始就challenge個醫生, 我應該一早聽我先生講.....

私人傳訊

ｍｉ

別墅

積分: 779

25^#

發表於 19-5-6 14:58 |只看該作者

你好啊~
我都係不孕,都諗緊IVF,希望你台灣順利啊,再同我哋分享,唔好放棄,為你打氣為你加油

私人傳訊

felixsky

男爵府

積分: 9626

24^#

發表於 19-5-6 13:53 |只看該作者

我之前都有朋友跟你個個醫生，佢同我講返佢做既野真係唔係好掂！好彩我個時跟左另一個醫生....如果跟著佢可能宜家仲等緊運到

私人傳訊

Coolgirl1015

大宅

積分: 1224

23^#

發表於 19-5-6 08:38 |只看該作者

回覆 christine2047 的帖子

我知道有一類醫生係用超聲波評估左先，如果覺得妳唔似輸卵管有事就唔會叫妳照，我本身已經試左一年，醫生見我內膜好靚仲屬於多卵，問題好可能同輸卵管有關，所以第一時間叫我照，我響診所見過幾次D婦女帶著一個細路，再大住肚睇羅醫生，唔排除佢係有D料到，不過根據妳既描述，真係好差，我係妳我直情會寫信要佢賠償IUI既費用添，大佬IUI都唔平，輸卵管塞左做口羊IUI呢，IVF對身心影響好大，妳要盡量放鬆，發生口羊事都要話比自己聽自己已經好西利，好多人有錢都未必做倒IVF，有D開唔倒針，有D無卵抽完成唔倒，有D樣樣good fit 又著床唔倒，所以成個過程都要不停鼓勵同安慰自己，anyway希望妳搵倒個夾妳既醫生，㊗️妳好孕啊！