吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同C6向生仔的事上唔同步

夫婦情感今日: 16|主題: 42733

收藏本版

發帖

返回列表

跳至頁

查看: 19525 | 回覆: 73

12 3 4

積分: 264

1^#

發表於 19-5-7 05:46 |只看該作者 |正序瀏覽 |打印

本帖最後由 SillyDogDogDog 於 19-5-7 05:50 編輯

我29歲同而家老公一齊，而家都36歲，結左婚3年，其實當年識佢第2年己經傾過結婚，但佢唔想結，後來拖下又一年，到第4年佢屋企人催，就結左，我一路結婚都係想生BB，但結左後，佢又話唔想比人催生仔，總之一講生仔就唔高興，今年已經去到第3年，佢都開始被人催，中間又發生左好多事，我向公司有另一個同事追，佢終於話不如今年要個BB，但其實我己36歲....唔知點解，當佢都想生時，我己經唔想同佢生，我想離婚....我覺得佢一直都唔知係幼稚定特登同我作對，佢冇理過我GE身體，就算而家佢想，但又再發現佢果方面係可能有問題交唔足功課，其實我好擔心，好煩，即使佢而家想生仔，但佢仍然係懶懶閒，唔多理，其實我真係冇時間，我有提過36都開始要排人工，但佢聽完都唔點回應，我亦唔想再講，以免佢又唔高興，但我覺得好忟好激氣，好多問題，我知婚姻唔一定要小朋友，我好似當佢係生仔機器咁，我亦知自己只係因為唔生仔就想離婚係唔夠愛佢，其實我咪做錯左? 為生仔而結婚係唔岩? 唔愛係咪要離婚? /_\
我又想問有幾多人為左真愛而結? 我同佢結，都係因為覺得終於搵到個覺得有將來GE人，就算唔係好鐘意，至少覺得適合，但唔知點解而家都搞成咁?

0 0 0

私人傳訊

momobbpig

大宅

積分: 3216

74^#

發表於 19-6-1 08:49 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

其實離婚唔洗等兩年的，如你同佢都同意，申請離婚時聲名雙方已分居兩年，就會即時進入程序，唔會問你攞證明幾時開始分居。
好明白你現正的感受，當初我同ex分開時都係咁諗，已經35歲，再去認識一個人再去了解又花幾年，仲想生bb，覺得冇咩可能⋯果時已諗定下半世自己一個人過。但有時只能講緣份天註定，我申報離婚大約半年後，果時都未正式收到離婚頒令，我現在的c6就開始追我，其實我地之前已認識左8、9年。我地拍拖未夠一年就結婚了，bb就快也出世

所以，不要灰心，不要對自己和人生失去信心，加油啊(emoji)(emoji)(emoji)(emoji)

私人傳訊

pple

大宅

積分: 2377

73^#

發表於 19-5-31 20:14 |只看該作者

加油呀樓主！我覺得生仔要犧牲好多野，唔應該為一個自己唔愛亦唔值得既人生！而家呢個年代，女人唔一定要嫁先會幸福，相反嫁錯只會令自己更痛苦，你要愛自己多d，有自信既女人就算唔靚都會有人欣賞架！

私人傳訊

Nancy20090615

瑪瑙宮

積分: 136465

72^#

發表於 19-5-31 17:09 |只看該作者

SillyDogDogDog 發表於 19-5-31 16:23
可惜我媽唔係咁GE人，佢係相反的人
我由入U開始，就一直比阿媽催要拍拖要生仔，佢一直都好驚我冇下一代， ...

今晚去見輔導就好, 加油!

私人傳訊

SillyDogDogDog

複式洋房

積分: 264

71^#

發表於 19-5-31 16:23 |只看該作者

Nancy20090615 發表於 19-5-31 11:37
你 d 諗法真奇怪, 不如你去見下心理輔導, 大家都無愛點行落去. 你可以收養小朋友, 我離婚我家姐無嫁, 我 ...

可惜我媽唔係咁GE人，佢係相反的人
我由入U開始，就一直比阿媽催要拍拖要生仔，佢一直都好驚我冇下一代，成日都好擔心好擔心，記得我廿幾歲時我媽已經周圍同人講驚我嫁唔出，見我未拍拖佢就會覺得我好似怪人咁，好似對我絕望咁，佢仲想大陸D親戚介紹人比我識，記得有次返大陸探親，我成班親戚向房外邊討論我未嫁，果種感覺真係好難受好難受

到而家結左婚，但未生仔，我媽的難聽說話又再，記得有天佢又話我地唔生，我好想話佢知我而家的難處，但我得到的，係我媽怪我脾氣好，我講我老公的唔好，佢好似聽唔到咁，佢話：你唔好唔記得你自己年紀都咁大你生唔到。

我知道我生仔好大原因係為左唔想再承受別人言語的壓力如果我唔生我將會有排受，講我5年 10年..?
其實你講得好岩我最近先醒覺知人生係我自己的我已疏遠左我阿媽亦打算唔再返大陸見果D親戚

心理輔導...我今晚會去見了
多謝各位鼓勵，我都知好多問題係我自己的價值觀同諗法，我都好想快D可以走出問題我會努力

私人傳訊

Yusum

大宅

積分: 4190

70^#

發表於 19-5-31 15:47 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

本帖最後由 Yusum 於 19-5-31 15:55 編輯

個樣靚唔靚係天生的，無法改變，但做女人肯定係要有自信先會美麗！你連自己都睇唔起你自己，邊個會睇得起你呢？你自己都唔接受自己，仲點會有人接受你？
呢個世界你無可能控制掌握到人地，但你可以控制同掌握你自己！
呢個世界無野係解決唔到！唸住去死係最蠢的行為！講到生BB，人地電視嗰個52歲自然受孕先第一胎都有得生，你都係36啫！何必樣樣都要唸到咁灰呢？
路係自己行出來，你肯行，太陽一定會照耀著你！
樓主，你要振作呀！能抬頭凡事也可能！
https://youtu.be/Lg0Djk3DoQI
呢首歌係我覺得好難受撐唔住嘅時候一直扶著我成長，希望呢首歌都能鼓勵到你！

加油！

私人傳訊

Nancy20090615

瑪瑙宮

積分: 136465

69^#

發表於 19-5-31 11:37 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

你 d 諗法真奇怪, 不如你去見下心理輔導, 大家都無愛點行落去. 你可以收養小朋友, 我離婚我家姐無嫁, 我媽唔會話點解我 d 女搞成咁. 你唔好比人講講就影响左你.

私人傳訊

nikfan

子爵府

積分: 11574

68^#

發表於 19-5-31 10:58 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

其實你已經亂，你問清楚自己係想要一個伴丶一粒精子定一個小朋友友

你字裡行間，已經唔愛你老公，你係想搵人同你生BB，但依現在情況，有小朋友問題祇會更難處理，亦睇唔到你地嘅關係都唔會因爲小朋友而改變

私人傳訊

mini1204

翡翠宮

積分: 79224

67^#

發表於 19-5-31 09:42 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

因為自己吾靚因為自己想生仔
同一個性格咁有問題自己亦吾愛佢既人一齊

痴線的嗎

私人傳訊

DarkChing

複式洋房

積分: 332

66^#

發表於 19-5-31 09:14 |只看該作者

唔同時機，唔同想法

私人傳訊

smilingfacee

別墅

積分: 758

65^#

發表於 19-5-30 23:59 |只看該作者

SillyDogDogDog 發表於 19-5-30 23:46
我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會 ...

雖然你老公咁講係好賤格.但係男人始終係唔成熟的人，好多時候都只係唸自己，同埋真係衰到失去左先會識得珍惜。你到底有幾愛佢，你自己最清楚，旁人不會知情。就算你們不太愛，但係最後都結左婚，其實都係緣份啊。你地大家唔記得當初點樣解鐘意大家，咁耐以來相處對方的好嗎？有無試過睇性治療？你自己有無試下用其他方式，可以主動挑逗比多d新鮮感？或者佢平時自己打飛機係咪都完唔到事？我覺得咩都可以試下先，最後真係唔work咪分開，放生自己。記住啊，Be convinced that each of you has within you something precious and unique，愛情，生b唔係人生的全部，你試下放低呢兩樣是，對自己好d！

私人傳訊

SillyDogDogDog

複式洋房

積分: 264

64^#

發表於 19-5-30 23:46 |只看該作者

mini1204 發表於 19-5-25 05:52
咁梗係即走啦喊乜鬼
最緊要佢肯認你吾洗再估
你話好啦咁拿拿聲分手等你重振雄風

我好想我真係好想走時時刻刻都想走
然而身邊好多人問我好多野佢地話我唔靚有人話我唔好食所以老公會咁樣
佢地話唔好話小鮮肉想難搵過第2個都難
我有兩個朋友38歲同40歲都岩岩流產左
就算而家即刻離婚雪卵都要等2年至離得成 2年後再結婚先可以做人工到時我已經都38 仲未計要認識要了解要再磨合
有人可以接受一個咁GE人咩

我個心真係好痛好痛好似冇野可以行得通
上星期我同阿媽飲茶，阿媽一路都好想我有小朋友，佢話，點解我D女會搞成咁
我都好想知點解

有好多晚我都向電腦前喊
但身邊果個一早就熟睡左
有好多刻我都想好比車撞諗唔通諗而家死都唔錯，冇咩野好期待...