夫婦情感 今日: 4 | 主題: 42710

積分: 47012

開心吸收勳章

1^#

發表於 19-5-29 12:22 |只看該作者 |正序瀏覽 |打印

問一下各位，覺得自己是一個「施予者GIVER」，還是一個「索取者TAKER」呢？

姑勿論你是那一種人，在擔當著這個角色時，有沒有想過接受施予的一方，或者被索取的一方，他們的心態是如何的呢？又有沒有想過自己呢？

擔當GIVER的一方，相信都是有一顆助人的心，希望能夠幫人渡過困境，但有時會忘記了審視自己的能力，究竟自己有沒有足夠的能力去幫人？若然幫了人換來的是反效果，被對方埋怨甚至恩將仇報時，你有足夠的心理質素去面對嗎？人家的事情會影響你自己的心情嗎？會影響你的生活甚至家庭嗎？若果以上的你全都不介意的話，你便有足夠資格去當一個成功的GIVER了！若然你幫人是想有回報的，其實你只是一個扮演GIVER的TAKER而已！

若然你選擇當一個TAKER倒是比較簡單，只要你調整好心態，過得到自己心理上的一關，肯放開自己去接受別人的幫助就可以了，有人肯去幫你渡過難關其實是一種福氣呢！但接受別人的幫助後，你會如何？有想過報答人嗎？還是覺得理所當然？可能一聲「謝謝」對方已足夠了，因為對方只是希望你能夠好好的生活下去吧！但有些人會埋怨對方幫得不夠徹底，甚至將自己的憤恨發洩在幫你的人身上，對方又如何自處？同時GIVE的那一方一定要有很好的EQ才能理解對方的抱怨，繼續的給予幫助。然而作為一個給予者亦應該給自己一個底線，去到某一個點時便不應該無止境地被TAKER繼續消費你的時間，因為這樣的被消費下去，最後會把自己切拖垮了！會嚴重影響自己的心情，生活甚至家庭。

每段關係當中都會有GIVE & TAKE的存在，有時角色是固定，有時又會互換，是很微妙的。幫人尤如借錢給別人一樣，總不會把錢借給別人而令自己足襟見肘吧！對自己好一點，自己有「本錢」才可以有足夠的能力幫人！而作為一個TAKER問問良心是否仍然存在？人家不是要回報啊！你真的能恩將仇報去對待幫你，照顧你的人嗎？

*今天有感而發，不喜勿插，但歡迎討論。

0 0 0

百花叢裡過，片葉不沾身。

私人傳訊

積分: 47012

開心吸收勳章

38^#

發表於 19-5-31 09:40 |只看該作者

DarkChing 發表於 19-5-30 17:44
盡自己能力就夠

對冥頑不靈嘅人，盡咗力了！

百花叢裡過，片葉不沾身。

私人傳訊

DarkChing

複式洋房

積分: 332

37^#

發表於 19-5-30 17:44 |只看該作者

盡自己能力就夠

私人傳訊

積分: 4707

親子王國15週年勳章

36^#

發表於 19-5-30 17:38 |只看該作者

mini1204 發表於 19-5-30 16:47
咁如果只係呻，無乜所謂咪當筆友，對方亦無乜負擔。佢頂吾順自然吾會覆。
...

咁著實，年年月月落嚟，我都真係用咗GIVER唔少時間心機，WHICH IS佢唔一定要用係我身上。
至於頂唔順，誠實地講，咁多年GIVER點都一定有，都係因為我心急咗，貪心咗，所以亦有發生埋怨，言語有時冒犯咗等等嘅情況。

其實作為TAKER嘅我一樣想回報對方，或者倒轉個角色，令個關係BALANCE啲，但我叫得佢SUPERMAN，彼此LEVEL都真係有段距離。

私人傳訊

mini1204

翡翠宮

積分: 79224

35^#

發表於 19-5-30 16:47 |只看該作者

kamkaka 發表於 19-5-30 16:39
點講呢，有少少似角色定咗掛，由於我同GIVER絕大部時間都係文字上嘅溝通，日復日，年復年，係真係慣咗咩都 ...

咁如果只係呻，無乜所謂咪當筆友，對方亦無乜負擔。佢頂吾順自然吾會覆。

私人傳訊

積分: 4707

親子王國15週年勳章

34^#

發表於 19-5-30 16:39 |只看該作者

mini1204 發表於 19-5-30 16:16
點解會比自己長期做受方？

點講呢，有少少似角色定咗掛，由於我同GIVER絕大部時間都係文字上嘅溝通，日復日，年復年，係真係慣咗咩都同佢講，情況唔一定係我日日都有嘢要佢幫，好似我之前所講，佢係我樹窿＆SUPERMAN。

私人傳訊

mini1204

翡翠宮

積分: 79224

33^#

發表於 19-5-30 16:16 |只看該作者

kamkaka 發表於 19-5-30 14:53
GIVER係一個有能力之人，亦如樓主講，幫人係不為回報，相識以來，要到我幫手嘅時候講真又真係唔多，但如果 ...

點解會比自己長期做受方？

私人傳訊

積分: 4707

親子王國15週年勳章

32^#

發表於 19-5-30 14:53 |只看該作者

~小樹兒~ 發表於 19-5-30 12:28
作為Taker咁耐，你有冇曾經做啲咩報答你Giver，為奴為婢?

GIVER係一個有能力之人，亦如樓主講，幫人係不為回報，相識以來，要到我幫手嘅時候講真又真係唔多，但如果他日有地方我可以幫得上忙，WHY NOT？
人有時角色就係咁，我對佢係TAKER，但同時，我亦可以係其他人嘅GIVER。

私人傳訊

~小樹兒~

男爵府

積分: 6156

31^#

發表於 19-5-30 12:28 |只看該作者

kamkaka 發表於 19-5-29 17:26
我十分同意GIVER要有好好嘅EQ去處理TAKER，呢樣係過程中，好重要好重要好重要既元素。
TAKER都有清醒嘅時候 ...

作為Taker咁耐，你有冇曾經做啲咩報答你Giver，為奴為婢?

私人傳訊

積分: 4707

親子王國15週年勳章

30^#

發表於 19-5-30 12:14 |只看該作者

wing1388 發表於 19-5-30 11:35
妳似乎講漏咗有啲TAKER覺得GIVER係欠咗佢嘅，覺得GIVER幫過佢，到下次唔幫或幫遲一陣就埋怨GIVER！所以妳 ...

呢樣我都試過，所以我話我都會放肆咗，"想"多咗變咗"貪"，覺得應份咗，方法亦錯誤。
如果方法係成功，佢就係強TAKER，否則，佢只係一個失敗嘅TAKER。

私人傳訊

積分: 47012

開心吸收勳章

29^#

發表於 19-5-30 11:35 |只看該作者

kamkaka 發表於 19-5-30 10:59
我認同係一啲問題上，做開TAKER係會習慣咗，包括有咩冬瓜豆腐搞唔掂，佢就會搵返同一個人，就好似有人會係 ...

妳似乎講漏咗有啲TAKER覺得GIVER係欠咗佢嘅，覺得GIVER幫過佢，到下次唔幫或幫遲一陣就埋怨GIVER！所以妳話TAKER弱？弱係邊？

百花叢裡過，片葉不沾身。

私人傳訊

積分: 4707

親子王國15週年勳章

28^#

發表於 19-5-30 10:59 |只看該作者

我認同係一啲問題上，做開TAKER係會習慣咗，包括有咩冬瓜豆腐搞唔掂，佢就會搵返同一個人，就好似有人會係討論區開PO，有人會約朋友飲酒呻餐飽。
點講呢，我諗每個GIVER同TAKER嘅關係都唔同，有人問完三幾個問題，講聲多謝，然後走咗去；有人會當咗GIVER係自己嘅樹窿，對佢嘅情感係好複雜，有時係長輩，有時係好好嘅朋友，有時係平輩咁，咁樣，我諗有好有唔好啦，的而且確我有時都會放肆咗，所以，咪俾GIVER話我係"100分TAKER"。
如果關係裡面我有能力可以做到互換，我願意㗎，只係，我應該未到嗰個層次。
至於有問題，係難以啟齒吧，所以明明大家都係一個網名，有人會開新ACCT講自己問題，有人會揀PM私底下傾，有人依然CD-ROM。

私人傳訊

積分: 47012

開心吸收勳章

27^#

發表於 19-5-29 18:18 |只看該作者

kamkaka 發表於 19-5-29 17:26
我十分同意GIVER要有好好嘅EQ去處理TAKER，呢樣係過程中，好重要好重要好重要既元素。
TAKER都有清醒嘅時候 ...

再者，我唔明白有問題有咩咁羞恥？邊個人冇困難唔使人幫？睇醫生妳都要向醫生講妳邊度唔舒服啦！唔通妳覺得出POST講自己問題嘅JM都係羞恥？

百花叢裡過，片葉不沾身。

私人傳訊

積分: 47012

開心吸收勳章

26^#

發表於 19-5-29 18:10 |只看該作者

kamkaka 發表於 19-5-29 17:26
我十分同意GIVER要有好好嘅EQ去處理TAKER，呢樣係過程中，好重要好重要好重要既元素。
TAKER都有清醒嘅時候 ...

引用返我上一段回覆：GIVER唔一定比TAKER強，相反TAKER係更強！

但睇妳咁講，妳並不如妳所講個自己咁樣，因為如果妳係一個完美TAKER只取不給的話，妳根本唔會犯同樣錯誤，因為妳係唔會俾妳個GIVER停止給予，但妳又話自己重複犯錯去令GIVER放棄，原因妳自己應該好明白。

然而，如果妳以一個TAKER嘅心態去計算GIVER，根本係一種侮辱，妳用咗自己嘅準則去衡量，GIVER根本冇諗過要妳報答，如果要回報的話，呢一種係公平交易，雙方各取所需，彼此都係TAKER！

百花叢裡過，片葉不沾身。

私人傳訊

積分: 47012

開心吸收勳章

25^#

發表於 19-5-29 17:54 |只看該作者

本帖最後由 wing1388 於 19-5-30 12:02 編輯

kamkaka 發表於 19-5-29 17:20
我係樓主所指嘅TAKER，仲係被GIVER “稱讚” 為100分嘅TAKER。明白樓主同其他JM都好STRONG，好羨慕你哋有能 ...

首先TAKER唔一定係弱者，相反可以係一個強者，強到可以呼風喚雨，難道妳覺得DONALD TRUMP係一個GIVER嗎？因為有一種人係靠向其他人索取所需去「為生」的！佢自己唔係冇能力，而係慣性咁覺得自己「應份」去接受另人嘅給予！

舉例有一個FTM覺得打理好屋企就已經盡咗所有責任，老公就應份俾家用，應份循規蹈矩，應份聽佢呻，俾佢埋怨，聽是非...如果呢個關係只係一單交易的話！FINE！正所謂受人二分四！但可惜唔係，心靈上，肉體上嗰部份有冇做妥先？而呢啲亦涉及價值觀上嘅問題。呢個世界已經變得好現實，夫妻都可以只談金錢利益，只係妳接唔接受到？咁講似乎扯得太遠了，先返去個題目先。

其實做TAKER唔係妳想唔想，而有啲人係習慣咗返唔到轉頭，今日有個GIVER俾過嘢佢，聽日佢就覺得GIVER俾其他人就會分薄咗自己嗰份，於是會埋怨GIVER，妳覺得TAKER弱嗎？但咁睇佢以乎比惡霸更惡！

常言道NO FREE LUNCH，唔知JM妳有冇見過街上有啲外籍人士舉張紙皮話要籌旅費，跟住就會有啲人自動送錢以示支持？呢啲外籍人士最基本都要預俾一件道具去達到目的話，之後就齋坐或者同旁邊條女吹下水，連賣藝都慳返，咁妳又係咪覺得TAKER真係咁難做？佢哋嘅心路歷程唔見得有幾複雜，只係目標為本！

我文中講過GIVE & TAKE係每一段關係上係可以互換的，TAKER都可以做GIVER，只係睇妳想唔想？先唔好覺得妳自己係最慘嗰個，唔知妳有冇去過法庭聽審強姦案，事主唔單只要自己覆述個過程，仲要俾對方律師好「深入」咁問，但佢要嘅係討回公道呀！佢係想TAKE，妳覺得妳對住一個GIVER去掀肚皮難定佢對住一個庭咁多陌生人難呢？

藉口人人都識搵，其實就好似講大話一樣，連自己都唔信的話，點呃到人？

百花叢裡過，片葉不沾身。

私人傳訊

積分: 4707

親子王國15週年勳章

24^#

發表於 19-5-29 17:26 |只看該作者

我十分同意GIVER要有好好嘅EQ去處理TAKER，呢樣係過程中，好重要好重要好重要既元素。
TAKER都有清醒嘅時候，好怕自己成為別人既負累，左諗右諗，又怕自己啲負能量影響到GIVER，但又好明白自己嘅情緒有時真係並不容易控制，而大多數TAKER都好敏感，可能好少好少嘅事都會掀動到佢哋嘅神經。嚟料時，TAKER覺得自己解決唔到，正路第一個反應一定係搵GIVER，GIVER係TAKER嘅心目中，係比親人更親，甚至乎同救世主無咩分別。
能夠遇到自己嘅GIVER當然係一種福氣，受過人幫助嘅TAKER其實都會感恩，你見好多時，GIVER同TAKER會做到好CLOSE嘅朋友就知，係古代，甚至乎會受人恩惠，終生願意為奴為婢。
我諗無論GIVER同TAKER都有自己嘅底線，GIVER心態簡單得多，GIVER本來就比TAKER STRONG，面對TAKER犯錯／覺得理所當然／唔珍惜等等問題，從此STOP就可以，GIVER會一次又一次原諒TAKER，我估，係因為GIVER都有代入去TAKER角色去理解點解會又犯錯。
作為TAKER嘅我，坦白講，亦時常犯錯，犯錯之後好痛苦，GIVER講一句你唔啱，TAKER係會乘大100咁去怪自己，怪自己做得唔好，怪自己又累到人，怪自己又控制唔到情緒，怪自己講錯嘢，總之，累人累物，然後又LOOP返去嗰個困局度，鬧自己當初就應該唔好搵人幫，鬧自己點解永遠都做唔好，依家個個都離你而去，全部都係你唔啱，等等。最後，GIVER離去，TAKER好可能係舉手投降，認輸。

以上都係個人經歷，寫出嚟，係想大家知個心路歷程。

私人傳訊