吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我唔識點樣教個女…有無人可以俾意見我？ ...

自由講場今日: 125|主題: 1355582

收藏本版

發帖

返回列表

跳至頁

查看: 17996 | 回覆: 155

12 3 4 5...8

積分: 249

1^#

發表於 19-5-30 17:26 |只看該作者 |正序瀏覽 |打印

本帖最後由 chau2000 於 19-5-31 09:17 編輯

係咁嘅…我知道個女自小就貪念好重，讀k個時，不時都攞其它同學嘅野返黎，我不停地講道理，勸說，要佢歸還物品俾同學，自問我作為mama，要正視嘅問題，我有去正視，k個時，我不時聯絡班主任，話佢有帶左d唔屬於佢嘅野返屋企，老師話佢仲細，未識分會慢慢教佢，同佢傾… 提供俾佢嘅物質，一定唔缺，但我亦控制自已唔可以咩都俾佢，我想佢知道唔係下下打開隻手就有野，但我亦都知道，完全唔俾佢係唔得，所以我知同學仔個輪興咩公仔，我都會買個類文具俾，唔係咩都唔俾佢個d家長…
一年班，不時帶小文具返黎，擦膠又有，公仔鉛筆又有，跌錢樂園d鑽石又有，我有問佢邊度黎，佢話同學送，有時話同同學換返黎。我講明，唔可以，以後唔可以收同學d野，亦唔可以換野…點知…有次俾我發現佢偷左同學舊擦膠，當時我同佢講，已經一年班，應該好清楚呢個行為係唔啱，係犯法，即使唔值錢嘅野，唔屬於自已嘅，都唔可以拎… 我要佢同個個同學道歉並歸還。佢應承我以後不再犯…

二年班，同學們開始帶鉛芯筆，有次又俾我發現佢攞左人地支鉛芯筆返黎，我大怒，（其實中間都有d濕濕星星嘅野，萬字夾，貼紙…九唔搭八都有）我又再同佢講道理，我亦主動聯絡班主任，話佢知有件咁嘅事，班主任話會了解，我亦有同老師講，佢呢個行為唔係第一次，可唔可以睇下有無輔導老師可以同佢傾下，之後，老師又係俾機會佢，而我亦都有打俾個個同學家長，帶埋個女同支鉛芯筆去歸還兼親自要佢道歉。我本來諗住揾學校幫忙，睇下點樣教返好個女，因為我實在道理講過，手掌打過，開過偷竊嘅法例，youtube俾佢睇，等等… 但係覺得學校都係幫助唔大，我唯有自已出去搵輔導員幫忙，呢d唔係walk in 就得，排左大半年，仲未安排到，其間又發生…

三年班開學，竟然俾我發現佢又偷左同學d文具，我嬲到喊，我每次都有了解佢呢個行為嘅原因，佢每次都話 “因為想要“，我問咁唔可以自已買咩？佢話要等好耐先買到，為左滿足個下慾望，佢又去偷… 我好失望，但係我無咩辦法，都係同次前一樣，好唔好意思咁帶埋個女同d文具去同個同學道歉，我仲要佢寫低封信俾我，寫低自已做錯左咩事，保証以後唔再犯，點知… 上星期又俾我發現佢偷左人地野… 我喊左一日，一諗起就喊，成個星期，我個心都好“藝“… 我覺得自已教得佢好差，我好驚佢第日行差踏錯…

我有諗過佢係米有病？但佢好清楚知道自已係因為 “想要“而去偷，並唔係人地有病個d 要剌激，快感，單純係“想要“ 我究竟要點教佢？

補充下:
多謝大家嘅意見, 私人, 明愛, 社署....我今日都會著手搵.....學校就....唔驚動啦...1來就考試, 2來上次經驗感覺學校幫助唔大....
其實我女用緊個d文具都唔平, smXXgle 筆袋都有兩個 (生日時親戚送)... 3-40蚊鉛芯筆都有好多(有d佢自己用利是錢買, 有d我買俾佢)....無印有顏色個d 水筆, 螢光筆又好多 (我買嘅)....加水變水彩嘅木顏色筆都有兩盒....除左零用錢外 (每星期$10), 佢每次默書測驗我都有獎勵, (低小, 9未頭都唔難攞, 十次都7次啦~~) 我俾佢自己揀的, 但佢十次有九次都係揀書, 唔要文具.....所以我都唔明, 如果佢"想要"文具, 應該會要求我獎文具.... 所以..佢應該唔係"人有我無"嘅心態...

暫時每次發現, 都係文具個類野, 反而唔係貴嘅 (當然, 係佢心中唔知價值係幾多, 可能佢覺得好貴都唔定) 多數都係d無謂野, 有香味擦膠, 特別少少形狀嘅萬字夾, 出街佢唔會, 因為每次都同我一齊...但我內心都好驚如果佢改唔到, 終有一日佢自己出街, 會做錯事, 所以我好擔心....

佢每次俾我發現, 我都要求佢道歉, 我以為用呢個方法可以令佢面對自己嘅錯誤, 幾次後, 好佢對佢無乜用, 好似道歉完, 寫完悔過書就無事咁....我真係要諗諗點搵人幫佢....

真係好多謝大家, 俾左好多方面我去諗.....唉...有時都好灰心, 我都唔望佢將來有幾成功, 只希望佢唔好做個壞人....

0 0 0

私人傳訊

swanmonki

水晶宮

積分: 52895

2025勳章 2025勳章蛇年勳章虎到金來勳章 2018復活節勳章

156^#

發表於 19-5-31 18:24 |只看該作者

小糖糖123 發表於 19-5-30 18:23
你係一個好好嘅媽媽，加油(emoji)

認同!

私人傳訊

soiebb

大宅

積分: 1674

155^#

發表於 19-5-31 15:03 |只看該作者

007~sa 發表於 19-5-31 11:59
我好幸福係被「富養」
曾經有同齡已經大學年齡朋友比個大廿年男人呃去做小三上哂床
原來只是送咗隻$1400 ...

唉，其實一千幾百對大人黎講真係唔係乜野（勿插）如果d細路真係好想要咪俾囉⋯⋯當然係要嗲下父母...唔好覺得老奉就好...唔係既話一同身邊d fd比較就唔開心，唔開心就去偷呃拐騙，最慘係比d麻甩佬呃

我地d港女咪又係會同同事朋友比較咩咩手袋，去邊旅行搭咩航空，其實d細路都一樣...我老細個仔讀國際學校...個個月都要幾千蚊置裝費

...

私人傳訊

唔好煩我

水晶宮

積分: 50391

154^#

發表於 19-5-31 14:04 |只看該作者

趁仲細，報警等警察嚇吓佢可以嗎？

私人傳訊

小嵐妹

大宅

積分: 1698

153^#

發表於 19-5-31 13:50 |只看該作者

回覆樓主:

我唔知可以點幫你，但你會唔會試下罰佢重d，但唔係打閙，例如，扣佢最鍾意既野，或佢偷擦膠一次，就罰佢無零用錢一個月，仲要用自己之前存既零用錢賠返10賠擦膠比人，講明，你可以試下再犯，但懲罰自會會越來越重，媽咪呢件事唔會心軟。

私人傳訊

xi_belle

公爵府

積分: 27275

母親節2025勳章 HiPP勳章(2) 2018父親節勳章 2018復活節勳章親子王國15週年勳章

152^#

發表於 19-5-31 12:42 |只看該作者

可能偷嘢只係表徵 (表面徵狀), 去COVER咗另一些ROOT CAUSE (例子: 同同學關係唔好, 想引父母注意等等)
交返比專業人士處理會好D。
媽媽, 加油!!

妳已經做得好好, 亦試咗好多方法去幫小朋友。

私人傳訊

tingting2200

子爵府

積分: 14368

151^#

發表於 19-5-31 12:40 |只看該作者

chau2000 發表於 19-5-30 17:26
係咁嘅…我知道個女自小就貪念好重，讀k個時，不時都攞其它同學嘅野返黎，我不停地講道理，勸說，要佢歸還 ...

咁你帶女女去同被偷野同學道歉時，佢有冇覺得差愧？

私人傳訊

sui019

子爵府

積分: 13007

2018父親節勳章畀面勳章 DHA勳章

150^#

發表於 19-5-31 12:14 |只看該作者

我仔上學期都有拎同學D文具返屋企，我了解過，同佢傾過，佢話知道偷野唔岩，但見到同學有錢買野飲買野食，又有靚文具，好羨慕，所以先有呢個舉動。

後來，我反省過自己，我所提供既文具一向好平實，見到同學文具5花八門，的確好大引誘。

我亦上網睇過一篇文章，文章講話小朋友有偷竊行為姐係佢已經進入成長階段，唔需要發脾氣，呢個行為好平常，跟住，我就跟文章教既方法，先收起家中錢，再了解佢為咩偷野，教育佢。

同老公商量後，決定左比零用錢（以前無），$50入8達通用兩星期，如果8達通超過$100，可要求提款，一來我知佢D錢用左起邊，二來佢為左提款取錢亦都會節省左用錢，將提到既錢儲起。

到依傢目前都見唔到再有其他同學文具出現啦...仲學識左儲錢。

私人傳訊

007~sa

伯爵府

積分: 18109

149^#

發表於 19-5-31 11:59 |只看該作者

soiebb 發表於 19-5-31 05:31
Yes....睇新聞話有少女出黎做援交為買手機，但原來家裡中產，佢老豆一定好傷心物慾好強果d小朋友真 ...

我好幸福係被「富養」
曾經有同齡已經大學年齡朋友比個大廿年男人呃去做小三上哂床
原來只是送咗隻$1400的手錶佢就以為人地勁愛佢仲同父母反面
而我中一、二已經有隻$900 ice watch
真係唔明憑咁點呃人

等於新聞有時運毒新聞我地都會笑個傻仔為咗$2000運，係咪唔知巿價。不評論是否正確但比人笑係一定

私人傳訊

hellomimi201

禁止訪問

積分: 1133

148^#

發表於 19-5-31 11:57 |只看該作者

提示: 作者被禁止或刪除內容自動屏蔽

私人傳訊

miu2012

男爵府

積分: 9147

陪月勳章

147^#

發表於 19-5-31 11:53 |只看該作者

搵下社工同啊女單獨傾下咩原因啦

私人傳訊

超級特務

琥珀宮

積分: 197983

親子達人勳章 BK猜猜猜慶中秋

146^#

發表於 19-5-31 11:47 |只看該作者

回覆樓主:

好多會員俾既意見我都認同，唔再加把口，只想同你講聲加油，你已經做得好好。

你若盛開, 蝴蝶便來!

私人傳訊

pipip929

子爵府

積分: 10774

好媽媽勳章

145^#

發表於 19-5-31 11:45 |只看該作者

美之選468 發表於 19-5-31 01:42
小朋友似係有強迫癥，應該睇心理醫生也許有幫助。

agree

私人傳訊

Hoining

禁止訪問

積分: 39090

畀面勳章

144^#

發表於 19-5-31 11:30 |只看該作者

提示: 作者被禁止或刪除內容自動屏蔽

私人傳訊

VickyCY

男爵府

積分: 8526

143^#

發表於 19-5-31 10:28 |只看該作者

我覺得不斷滿足佢想要的慾望都唔係根治方法呀。而家仲細就話只係文具，再大d要名牌手袋要電話要飾物，父母滿足到幾多次。而且一星期十蚊都唔算少，阿女基本上真係零消費，如果只係買普通文具兩個星期左右都儲到了。而且而家偷野做錯事，反而有得加零用錢，會唔會係反而令佢有錯誤觀念。
佢可能真係好自我控制果方面要幫助。佢一剎那好想要，就滿足左自己想要的慾望先。但你之後隔兩日拎去問佢，佢心裏真係覺得非要不可到要偷嗎？
佢而家已經第三年都仲有呢個習慣，可能覺得自己好多次都無出事，只要唔俾人發現就得。就算俾人發現，道個歉人地就會原諒佢。睇到媽媽你都好盡力