吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 回應VincentChan0588【和理非非到底有咩用？】之謬誤 ...

時政擂台今日: 0|主題: 60303

收藏本版

發帖

返回列表

跳至頁

查看: 5214 | 回覆: 81

回應VincentChan0588【和理非非到底有咩用？】之謬誤

[複製鏈接]

12 3 4 5

rrr8r88r

民房

積分: 29

1^#

發表於 19-6-12 20:36 |只看該作者 |正序瀏覽 |打印

本帖最後由 rrr8r88r 於 19-6-13 01:55 編輯

個人忍唔住出聲。原貼和理非非到底有咩用？

更正：

1. 「星期日103萬人和平岀左黎」

老實講，民陣話103萬人；警方話高峰24萬人；雷鼎鳴：平均人數19.9萬
數字邊個岩取決於你想信邊個，根本無咩絕對手段做判斷，又唔係公投。確實人數有討論空間，唔好一黎就不當預設有100萬人。
人數較近幾年遊行多係事實。

2. 「特首有無理你呀？」

個個都反對修例？特首聽民意等於要聽一邊民意？你憑咩覺得你地D立場大哂？
點解多人反對代表特首就要退？
如果有700萬人話要行共產主義或者分哂李氏家族D財產；or殺人合化法特首又要聽？
特首權力可以咁大咩？不如下下公投決定啦，洗鬼用代議政制？正因為大部份民眾唔識思考、唔想思考，無從政經驗唔識政治，
所以先搵D「尊貴的議員」去代議，
隨便比大部份人決定成個國家的未來？
英國脫歐咪好例子，玩死自己。

民主制度有多好種，最重要需要符合法制和國家憲法，
「失控的民主是滋養獨裁極權的溫床」 —柏拉圖
沒管制的民主？大陸過去文革囉，人人都可以批判政府架。
呢種叫多數人暴政。

3. 「到時條例過左，你係呢到亂吠幾句都可能比人拉呀聰明。連少少批判思考都無，做左幾十年人都咁蠢真係讀屎書都不如。」

我覺得呢部份指責好適合你。你連修例修乜都唔知。

A. 修例針對逃犯，你係逃犯？
B. 大陸犯法，香港都犯法 2者符合先會被引渡，你唔翻大陸，邊個拉到你？
修例通過左你係香港繼續反共都無人理你。
C. 要判7年或以先引渡，咩叫亂吠幾句都可能比人拉？就算係大陸，顛覆國家政權罪判刑都3-4年多，少有10年，你好嚴重先有咁既機會。仲要經多種手段先有機會通過移交。
D. 就算大陸亂up，只要你唔係顛覆國家政權，無人會理你；大部份情況下咪又思想教育下你班人。

4.「如果你對中國既法治咁有信心既，咁翻上去講下政治囉，睇下你有無命翻落黎。」

講政治無問題，顛覆國家政權先有問題。大陸人好鐘意講政治。香港人講法治多，不過近年情況調轉哂。

仲有，如果你對中國的法治無信心，建議你盡快移民，離開香港。.

因為一國兩制係中共比，而家仲有一國兩制係因為中共想玩。

政治講實力地位的。

中共真係要玩殘香港大把手段。香港有好一部份人浪費哂一國兩制，唔洗交稅比中央又有各種支援同軍事保護，
對香港咁都叫唔好？又要陰謀論又驚中共驚到死

5. 「中國慢慢蠶食香港你都睇唔到，日日大媽係到跳舞，日日黎搶奶粉，同你個仔爭學位。醒下啦」

大媽係到跳舞都叫蠶食香港？

「搶奶粉」 >>> 老實講，

A. 奶粉對方有比錢買的。
B. 我可以理解要考慮香港的環境和承受能力
C. 目前有限奶令

「爭學位」

A. 大部份學位都係香港人，少部份學位比D大陸人。
B. 而且香港都有好多人出外國讀書，咁香港人都爭緊其他國家的學位架喎？

一、唔該唔好用爭爭搶搶呢D字眼誤導人。
二、同修例有咩關係？

==============

中國自古以來的暴政有哪一次是以和平理性的手法推翻呀？試舉例說明呀！邊一次係用愛去感化個皇帝架？

1 . 你不當預設左目前有暴政，你可以食自助餐，可以比你廢up，香港可以有邪教有神棍有狀棍有政棍，咁都叫暴政？
2. 沒錯，人類歷史上—中國歷史都係通過戰爭推翻政權。

但係我再講多次：政治講實力地位。

你有咩實力地位？你隸屬咩組織？你有咩武器？你有核武？化武？
你以為你羅住D黃傘、鐵棍，跟住暴力D咁對付警察就有實力啊？
你有幾多人信念同你一致？有幾多人知道自己做緊咩？
更重要，有多人，或者至少你家人或你願意戰死？

「秋瑾之所以為後人讚頌，是因為她被五花大綁處斬時，只昂首丟下一句「秋風秋雨愁煞人」，她沒有求饒、沒有痛哭、更沒有左躲右避。毛澤東把兒子送上抗美援朝戰場，最後兒子死在異鄉炮火下，毛一言不怨、一淚不下，這就是革命，這就是代價。」—仁慈的鯊魚，屈穎妍

你有無讀過書？有無讀過史？讀多D中國歷史啦

國民黨、共產黨打仗既時侯、國共內戰個時死過幾多人？用幾多時間同人去清掃日本侵華份子？

你要推翻既如果係共產黨，共產黨全黨人數至少8千萬人，計哂全港人口730幾萬人，10份1都無，你個個組織幾多人？1個打10個？全香港人都係你個組織？

我點醒你啦，你如果有呢種用武力推翻政權的打算，唔該用時間精神付出，培養一個比中共更強的組織出黎，發明更厲害既武器，仲有必死的精神，仲有，你係要去搵共產黨。

否則唔該收手啦，唔好2頭唔到岸，只係係到製造混亂。
無組織無計劃，只係用傷害香港傷害別人的方式去表達！

醒下啦，小朋友。

==================

對反修例的疑問：

1. 你覺得身邊有個係國外走黎香港殺人犯，入唔到罪無佢辨法都無問題？
2. 可能比大陸司法狀況更差的國家（印度、印尼、以色列、蒙古國、菲律賓、馬來西亞、斯里蘭卡、南非、烏克蘭）都有同香港有引渡條例，點解無人反過？
3. 引渡條款唔係只係同大陸，同其他無的簽司法管轄區都會有修例引渡，無拉拉點解同大陸又址到上關係？
4. 你有無回鄉證，會唔會翻大陸？如果有的話，你連大陸都翻驚咩？
5. 如果因為唔信大陸而反對，咁你都唔會信一國兩制，點解仲唔移民？或至少努力以移民為目標？

利申 &btw：

1. 本人係90後。

2. 歡迎理性討論。

3. 支持反對修例都無所謂，我有所謂的係 A. 你知唔知修例為乜？ B. 可唔可以比個理由我。 C. 請以和平方式表達。

4. 個人本身對修例無意見。
但直到對有人使用暴力後好反對暴力，心痛點解香港變成咁。加上本人認為呢次修例可以引起咁多國家關注，仲一唱一和，只係被我感覺係中美貿易戰戰場的延伸，幫中國製造麻煩，所以從貿易戰角度講，我現在認為條例非常需要通過。仲有，我個人唔驚大陸，我驚身邊有個殺人犯多D。

5. 如果你反對修例，又唔認同暴力，請你同暴徒劃清界線，唔好比人代表。

補充內容 (19-6-13 16:23):
*仲有因為政治言論學術宗教因素都唔會引交囉

點評

特派員政治及有關爭拗話題或最終演變成相關討論，現已移到時政擂台發表於 19-6-13 09:48

0 0 0

私人傳訊

rrr8r88r

民房

積分: 29

82^#

發表於 19-6-13 18:57 |只看該作者

回覆大笨鐘的帖子

講到尾，如果只係因為信唔信大陸的分別，呢個討論已經無意思了。只不過係一種偏見，一樣信仰，一個宗教。

私人傳訊

rrr8r88r

民房

積分: 29

81^#

發表於 19-6-13 18:53 |只看該作者

回覆 moma1023 的帖子

可否告知我唔認同的地方？

私人傳訊

rrr8r88r

民房

積分: 29

80^#

發表於 19-6-13 18:52 |只看該作者

回覆 09729loklok 的帖子

97啊

私人傳訊

rrr8r88r

民房

積分: 29

79^#

發表於 19-6-13 18:52 |只看該作者

回覆 Hk123hk 的帖子

小弟唔上討論區，更可況呢類媽媽forum。無意中見到個個post忍唔住出聲先註冊個acc講幾句。

私人傳訊

tredd

子爵府

積分: 10930

78^#

發表於 19-6-13 16:49 |只看該作者

本來等緊討論，竟然冇! 依個帖真可惜，還要入埋時政

私人傳訊

青青河邊草

侯爵府

積分: 24362

77^#

發表於 19-6-13 13:30 |只看該作者

ian723 發表於 19-6-13 10:29
咁都嫌字多唔睇

難怪比人誤導

其實呢啲係香港人的通病。
任何年紀的人，好多都係咁，一字多就話唔睇，結果，無乜邏輯分析力，只識睇改圖，轉ＦＢ大相

私人傳訊

青青河邊草

侯爵府

積分: 24362

76^#

發表於 19-6-13 13:29 |只看該作者

Lovely媽咪發表於 19-6-13 12:01
講得好,相信肯俾小小時間去睇吓條條例既人都會明,但可惜大部份年青人都只睇雞精,每次問佢地究竟知唔知係咩, ...

今天太多歪理橫行，做父母的好難做。
我地又要文明，唔可以強加思想俾佢～要我好似教協班人咁樣洗人腦，我做唔出。
但係，見住佢地愈發似一隻野獸，你又好驚，驚佢地自己的前途，驚佢地長大後的香港仲可以係點。

私人傳訊

鄧鍾

大宅

積分: 1812

75^#

發表於 19-6-13 13:25 |只看該作者

支持你樓主

私人傳訊

Lovely媽咪

版主

積分: 18438

減齡達人勳章 2018母親節勳章 15週年勳章親子王國15週年勳章熱血勳章畀面勳章大廚勳章 BK猜猜猜慶中秋

74^#

發表於 19-6-13 12:01 |只看該作者

講得好,相信肯俾小小時間去睇吓條條例既人都會明,但可惜大部份年青人都只睇雞精,每次問佢地究竟知唔知係咩,得到既答案就係------引導囉,係街行行吓都有機會俾人捉返大陸

冇錯大部份年青人真係真心想為香港出一分力,佢地係冇諗過俾人利用,個班人好聰明,佢地會將呢班人年青人盡量安排係非前線,我仔同我講佢地完全見唔到有人掘磚,因為蘋果係唔會影個啲位,不定時向佢地發放啲假訊息,警察開槍,警察打人等....激起佢地既情緒.
我朋友細佬係警察,佢話11號晚已經有大班黑社會係到聚集,第2日10分鐘內就霸佔幾條馬路,呢啲全部係有計劃咁做,佢有同事俾磚掉傷頭,俾鐵枝插中,但蘋果係絕對唔會影呢啲,班年青人睇到既既係警察打人先,佢地唔明點解佢地咁和平,點解要放催淚彈,只可以講佢地既洗腦工程真係做得好成功.

我個仔都係其中一個洗哂腦既年青人,我只可同佢講可唔可以試吓用其他角度去睇同一件事,唔好盲目去相信,唔好做犯法既嘢,做咩都要想一想後果,依家太多大愛既大人,不停講佢地係細路,要保護佢地,就算錯都唔可以怪佢地,每次去衝前就話會承擔法律責任,到判咗要坐監就話係政治迫害,要俾機會年青人,咁樣就係對佢地好

私人傳訊

ian723

珍珠宮

積分: 41166

畀面勳章環保接龍勳章親子達人勳章

73^#

發表於 19-6-13 10:29 |只看該作者

OHIMESAMA 發表於 19-6-13 09:44
字多就唔想睇⋯

咁都嫌字多唔睇

難怪比人誤導

私人傳訊

國民A

男爵府

積分: 9653

72^#

發表於 19-6-13 10:28 |只看該作者

我同意你的睇法，只可惜，依家既問題涉及信任，說無得好講了

私人傳訊

ian723

珍珠宮

積分: 41166

畀面勳章環保接龍勳章親子達人勳章

71^#

發表於 19-6-13 10:27 |只看該作者

rrr8r88r 發表於 19-6-12 20:36
個人忍唔住出聲。原貼和理非非到底有咩用？

更正：

謝謝詳盡分折

讓我了解更多

私人傳訊

特派員

管理員

積分: 62115

2026勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章畀面勳章

70^#

發表於 19-6-13 09:49 |只看該作者

政治及有關爭拗話題或最終演變成相關討論，現已移到時政擂台

私人傳訊

OHIMESAMA

子爵府

積分: 13598

69^#

發表於 19-6-13 09:44 |只看該作者

大叮噹發表於 19-6-12 20:45
好多謝你打咁多字，但實在太多字，唔想睇，只用圖片回應你第一個問題。

...

字多就唔想睇⋯

私人傳訊

露比2006

子爵府

積分: 13562

68^#

發表於 19-6-13 09:07 |只看該作者

回覆樓主:

寫得好。90後

民房

正苦PR

私人傳訊

arkilok

大宅

積分: 4414

畀面勳章

67^#

發表於 19-6-13 09:00 |只看該作者

講得好，講出左好多重點。

好心好啲嫌多字唔睇，咁理咩嗰條條例姐，嗰啲要反果條條例，都唔睇細節，同啲大媽文盲有咩分別，佢有佢大媽生活嘅態度麻木咁跟反一樣，可以不理。一味：「信唔過中國」，根本就唔關信唔信中國事，咪就係因為咁嘅理解能力，先會覺得搵返年輕人去抗爭到頭破血流嘅時候，學大媽腔咁講：「你冷血你唔聽人意見，害死啲後生仔」，實在接受唔到意見嘅係自己。