自由講場 今日: 50 | 主題: 1351160

積分: 9775

1^#

發表於 09-5-4 15:46 |只看該作者 |正序瀏覽 |打印

我有一個22個月大既仔.

因為我地兩公婆都要返工,阿仔就由99幫手湊.

我地同99一齊住.

每次放工返到屋企,99都會將照顧阿仔既責任交

返畀我地兩公婆.

我唔懂得同佢相處,應該話係,佢唔係好聽我講!

每次佢想攪攪震時,

我都好嚴厲咁話佢知:NO!唔可以攪架!

佢都要同我作對.好似要挑釁我咁.

無奈既係,佢始終係細.佢有不服,我係知.

佢又點會去聽我講.

佢好痴99,我了解點解.我一D都唔妒忌,係應該!

每晚,我都負責去"暗"佢訓覺,佢次次都係唔理我.

但,99一入房"暗"佢,佢就即訓.

果刻我個心係:你同我作對!

我知一樣野:無付出,無收入!

因為我對佢既關懷唔及99既多,

所以,佢唔懂我.<---但我又幾懂佢?

我只係做到一樣野,佢基本既生活需要,我做到足.

但,咁細個既人仔.明唔明我想點??

我唔識教呀???

0 0 0

做一個c9唔係易事.

私人傳訊

AA媽媽

積分: 6598

醒目開學勳章

49^#

發表於 09-5-6 10:31 |只看該作者

樓主, 唔好咁灰心. . .我大仔細個果陣, 情況同你一樣。不過小朋友大大下呢, 就會清楚明白邊個係媽媽架喇。呢個情況我諗只係暫時性架啫...同埋分唔到身唔係錯, 所以唔駛太內疚既。

私人傳訊

tsuitung

伯爵府

積分: 18456

48^#

發表於 09-5-6 10:31 |只看該作者

小朋友兩歲，而且一直是麻麻湊，好自然會對麻麻既愛多ｄ。

小朋友還少，有時你制止佢甚麼都say no的話，第一：小朋友會唔開心、第二：好自然會有抗拒感，嘗試放開一ｄ，係你們的視線範圍內，小朋友做的是安全，你可以放心讓他做，而且小朋友是對這個世界充滿好奇麻。

還有，回家後，你可以攬他多ｄ，跟他談心，可以問他今天你做了些甚麼？雖然他表達會不多，但每天跟他溝通多點，好自然他會親多ｄ你地架。

世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)

私人傳訊

gingerbeer

積分: 3216

47^#

發表於 09-5-6 09:37 |只看該作者

原帖由 nicolwong 於 09-5-5 15:50 發表

我有諗過,亦知道成日同佢玩既結果係乜:

我老公次次同個仔玩得好癲,形成爸爸係一個
"玩"既角色.

所以,老公係餵唔到仔仔食飯,因為佢只知"爸爸=玩".

當然,我了解你既意思,唔好迫到大家咁辛苦,輕鬆D.

由佢果個方面 ...

剛剛相反 ~ 我老公成日話我一日到黑就嗮的仔女，佢地成日要話玩，但我就話佢地已經做嗮我要佢地做既野，我肯定要同佢地玩啦。吾乖咪吾玩籮，等聼日有乖就即刻玩。我肯定佢地服我多D但我先係同佢地玩得顛果個。

I love Jesus!

私人傳訊

8C9

積分: 1078

46^#

發表於 09-5-5 17:49 |只看該作者

若你可以令佢坐定定食飯, 証明係得, 只不過教孩子真的要用好多時間. 而且係值得既. d小孩好聰明, 你奶奶唔想跟你個套唔緊要, 最緊要個仔知道夜晚同假日你係揸fit人, 一定要聽你話.

其實睇你既回應就知你個仔唔屬於難教個類. 小朋友扭計好正常, 亦唔需要下下諗得佢好衰, 擇花既野, 你作個故事教佢擇左朵花, 等於朵花離開自己屋企, 冇得再見佢既媽媽同嫲嫲, 用擬人化令佢覺得呢個行為唔好, 小朋友係可以領略到既.

你多d錫下佢啦. 我大女已經10歲, 我仲成日攬佢錫佢, 仲周時同佢講'i love you'架.

原帖由 nicolwong 於 09-5-5 15:46 發表

你話教佢規矩,阿仔依家食飯仲要我地追幾條街先肯食,

又唔肯坐定定食飯!

.................................................

大家一定會問,無買high-chair咩?!

無!

依家我多次嘗試要佢坐係到,面對面餵佢食,

...

私人傳訊

imkaren

積分: 3147

好媽媽勳章畀面勳章

45^#

發表於 09-5-5 16:59 |只看該作者

唔好灰心, 努力呀~~
我個囝 (16個月) 朝早係我媽媽湊, 我放工就返去照顧佢, 我同我媽媽一齊住既~~
我個囝囝都好痴我架, 我一返屋企開門佢就知係我~ (因每晚都係上差唔多時間返到), 我每晚都會同佢沖涼, 切生果佢食, 開奶比佢訓覺, 咁夜晚訓覺就一定要搵我, 唔會要其他人架, 有時我個妹整古佢, 話同佢一齊訓, 佢就會"fing" 開我妹妹~
如果我放假o個兩日, 有我同婆婆, 佢就一定痴住我, 唔駛婆婆tim... 我放假一定24小時陪住佢, 或者帶佢去下公園, 行下街, 總之我去邊都帶埋佢去~
你比多d時間陪佢, 同佢玩多d, 咁佢自然會親媽媽架喇, (我有時見佢naughty都會打佢), 因為始終我地係佢媽媽, 佢係知道架, 你唔好以為佢人仔細細咩都唔識, 其實佢地好叻架~ ~~

[ 本帖最後由 imkaren 於 09-5-5 17:18 編輯 ]

私人傳訊

angelaJJ

積分: 3675

好媽媽勳章

44^#

發表於 09-5-5 16:14 |只看該作者

放心, 佢一定知道邊個係最錫佢既媽媽...有一個方法.... 你一定暗到佢訓.... 就係你99要行開幾日不在家, 到時佢一定好痴你 & 知道你係鍚佢

私人傳訊

積分: 9775

43^#

發表於 09-5-5 15:54 |只看該作者

原帖由 VKwan 於 09-5-5 09:26 發表
更正：你唔係冇付出，你付出比你99更多！
你努力工作，付出勞動力，賺取酬勞，
你付出(犧牲)左你同仔仔的親子相聚時間，
你冇法親眼見証個仔成長中一舉一動，
你付出左同個仔的親密關係，

你無奈地失去你作為母親應有的特權，因為你要賺 ...

有時講FAIR都好睇一個人既既"黃金時候".

唔係代表你努力搵錢,可以畀佢有一個唔愁既家庭.

但,唔代表你又得到佢對你既感情.

當然,感謝你既講出在職媽媽既心聲.

做一個c9唔係易事.

私人傳訊

積分: 9775

42^#

發表於 09-5-5 15:50 |只看該作者

原帖由 gingerbeer 於 09-5-5 10:04 發表
其實樓主吾洗太擔心，慢慢來，你的99識做已經係一件好事，我建議你在這個階段不要想教他太多的知識，妳小朋友還小，盡量同他玩就好了。我想縂有一些遊戲是你99不會同他玩的，這樣就是你的機會，如果他覺得開心就自然想同你玩多D，建 ...

我有諗過,亦知道成日同佢玩既結果係乜:

我老公次次同個仔玩得好癲,形成爸爸係一個
"玩"既角色.

所以,老公係餵唔到仔仔食飯,因為佢只知"爸爸=玩".

當然,我了解你既意思,唔好迫到大家咁辛苦,輕鬆D.

由佢果個方面出發!

做一個c9唔係易事.

私人傳訊

晴B媽

水晶宮

積分: 53013

熱血金章至尊種植勳章畀面勳章 2011精緻種植勳章大廚勳章 BK Milk勳章

41^#

發表於 09-5-5 15:48 |只看該作者

原帖由 nicolwong 於 09-5-5 08:53 發表

當佢做左一d唔好既野.eg, 摷櫃桶, 入廚房,

飲水時特登吐D水出黎..........

應該點教./講?

因為bb悶, 所以去做呢d衰野。

我姑仔的仔仔比你更少時間同仔仔相處, 因為她返shift, 所以要把仔寄住在外家, 一星期只有幾小時的相處時間, 但佢阿仔依然好痴佢, 當然也痴阿婆啦。

其實方法很簡單, 你每晚回到家, 不要只是看著他, 不是叫他自己玩, 你這個媽媽一定要全情投入去親子, 陪佢玩玩具, 講故事, 一齊唱歌.....etc. 當你阿仔無時無刻都有你陪玩陪學, 還邊有時間作怪? 佢唔作怪, 你就唔駛喝罵, 又唔會傷感情。你阿仔一定痴你。

私人傳訊

積分: 9775

40^#

發表於 09-5-5 15:46 |只看該作者

原帖由 8C9 於 09-5-5 11:15 發表
唔好介意我講, 我真係覺得你付出唔夠. 你有一個咁識做既奶奶, 係好有福啦. 要個仔痴你, 頭兩三年, 你係要有好大既犧牲先得.

我個陣唔俾工人同d女沖涼, 一定放工自己做. 晚飯自己餵. 同佢地玩, 瞓前講故事唱歌. ...

你話教佢規矩,阿仔依家食飯仲要我地追幾條街先肯食,

又唔肯坐定定食飯!

.................................................

大家一定會問,無買high-chair咩?!

無!

依家我多次嘗試要佢坐係到,面對面餵佢食,

都會同佢傾下偈.(我知有人唔會建議食飯講野!)

佢坐得乖,唔會郁一d就想落地,我就讚佢.

尋晚,佢都可以坐成5-7分鐘,算叻架啦!

(平時99都係抱住佢食!)

咁我咪同99講,

"其實仔仔係可以乖乖地一個人坐係到食飯架!"

99畀左一個好失望既答案我:

"唉,呢d交畀你喇!"

我只係覺得,我平時要返工,對得仔仔最多既係你.

好多時餵飯既人又係你.如果次次都係等我放工返黎先餵.

有咩成效?!

我唔係想推卸責任,而係"實行"呢個字既機會率會好低,

同好長時間先會完成到.

做一個c9唔係易事.

私人傳訊

積分: 9775

39^#

發表於 09-5-5 15:33 |只看該作者

原帖由 ngtsuio 於 09-5-5 12:38 發表
係樓下見過有老人家只會係小朋友後面睇住佢玩，只要唔跌親，唔危險，就好似完成任務，雖然個小朋友係由老人家全日照顧，但個小朋友係一d都唔跟佢。

想反，佢媽媽一放工，個小朋友一見到個阿媽就衝埋去，而個阿媽會同個小朋友傾解，玩 ...

我個仔好硬頸,而家落街.佢一見到花就指住"花花,花花",

然後,走過去擇落黎.係因為99!!!

99知阿仔識用言語,行動黎表達所需,就會好開心.

因為呢種開心,蓋過愛護植物既教育!

所以阿仔同我地落街,一見到花,就會花花,

然後咪過去想擇囉!

我同老公都同仔仔講:花花,係用眼睇,睇.唔可以擇.

佢係咁扭,係咁扭,扭到唔肯行路.

要衝過去擇先得,抱起又扭.仲放軟個身.唔理佢.

又大喊.試過畀佢覺得"再唔乖,媽咪,老豆就走!"

(轉身行,當然有會頭望一望.)

佢一於少理,係都要擇.

..........................................................

我試過分散佢既注意力,指住頭上既樹,"嘩!樹樹喎!"

都係唔聽!

仲可以點?

做一個c9唔係易事.

私人傳訊

積分: 9775

38^#

發表於 09-5-5 15:23 |只看該作者

原帖由 Froggy_joe 於 09-5-5 09:07 發表
首先回答左你問題先……
做唔正確的事/危險既野，一定要stop佢，但應該把道理"告訴"佢，而唔係大聲話，此外，在他做得正確的時候，要不吝嗇咁讚佢，用正面的讚來代替負面的鬧，讚到口水乾都要繼續。因為越鬧只會破壞你地的關係，相反，有 ...

我個仔係好鍾意做一d野,只要你係有咩反應都好.

佢就覺得自己成功引你,並繼續做.

好似我最憎既係飲水唔正經,含係口度,然後慢慢由佢流.

佢一見我地有任何反應都好,佢就好開心咁笑.

而呢種笑,就係:我整古到你喇!!哈哈!

...................................

試過有一次(lur水)教極佢都唔理/聽,我唔畀反應佢.望住佢,

佢就一直做,做到我忍無可忍,我出手大力打佢手板仔,

佢都仲可以對住我笑!

激到我著煙.........我入房冷靜唔理佢.

....................................................

面對呢個情況可以點??

做一個c9唔係易事.

私人傳訊

yuenwa

積分: 5774

37^#

發表於 09-5-5 13:14 |只看該作者

有個嬤嬤咁開通, 係屋企搞乜都得, 我都會鐘意嬤嬤多d.

不過唔使灰心, 只要做好媽媽教養子女本份, 就唔使怕.

好似我咁, 我亞囡由出世到兩歲, 都係我亞媽揍. 但我亞囡見到我同老公, 就會好跟我地, 佢唔係好跟婆婆, 因為我老公係氹細路高手, 再加上我亞囡食人奶, 自然覺得跟爹地媽咪有jetso.

如果婆婆縱佢, 由佢倒旦, 我會好嚴厲罰佢, 就算係bb我都會好惡咁閙佢, 等佢知道婆婆唔係檔箭牌.

到亞囡兩歲, 我就送佢返全日制幼兒園, 接送全由我兩公婆包辦, 婆婆冇機會埋手.

私人傳訊

ngtsuio

洋房

積分: 295

36^#

發表於 09-5-5 12:38 |只看該作者

係樓下見過有老人家只會係小朋友後面睇住佢玩，只要唔跌親，唔危險，就好似完成任務，雖然個小朋友係由老人家全日照顧，但個小朋友係一d都唔跟佢。

想反，佢媽媽一放工，個小朋友一見到個阿媽就衝埋去，而個阿媽會同個小朋友傾解，玩。

遇到唔可以做的事，會慢慢同個小朋友解釋，或者抱開佢，雖然小朋友唔可以玩會大喊，但過一陣又會跟返阿媽。反而打或罵，成效好似無咁理想。

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

35^#

發表於 09-5-5 11:35 |只看該作者

唔使咁擔心, 我個囡都係大你個b幾個月,
初初我放工佢都唔采我架, 我99走佢就喊到cc下, 而家佢生性好多架啦, 我朝早起身, 佢會講媽媽返工呀~~
我返黎又會大叫媽媽~~
其實小朋友會慣架, 我唔會因為少揍佢就縱佢架, 佢做錯事都鬧到佢cc下架~~
大家講得好啱架, 血濃於水, bb知邊個係啊媽架, 放假時, 我囡痴我痴到不得了架, 佢唔俾99抱架~~

私人傳訊

8C9

積分: 1078

34^#

發表於 09-5-5 11:15 |只看該作者

唔好介意我講, 我真係覺得你付出唔夠. 你有一個咁識做既奶奶, 係好有福啦. 要個仔痴你, 頭兩三年, 你係要有好大既犧牲先得.

我個陣唔俾工人同d女沖涼, 一定放工自己做. 晚飯自己餵. 同佢地玩, 瞓前講故事唱歌. 最後支奶自己沖. 放假時所有起居飲食自己做番哂. 教佢地認物件, 認形狀, 認顏色, 數123, 全部都親力親為. d細路係認照顧佢個個. 佢對你既感情一定同你服侍佢(係俾佢見得到既)既時間成正比.

你個仔22個月啦, 你要趕快補償佢. 你奶奶肯合作, 係最好不過啦. 同埋佢係冇責任教你個仔, 個責任係你度. 家中有咩規矩, 係應該你同個仔講, 要賞要罰, 都應該係你做, 咁佢先會聽你話. 你唔好以為佢細, 由佢開始理解simple instruction 開始, 你已經可以教佢咩可以做, 咩唔可以做, 配合一套consistent 既賞罰, 佢會好快知道d規矩, 當然做就要時間去訓練啦.

私人傳訊

BABYPURPLE

子爵府

積分: 13261

33^#

發表於 09-5-5 10:19 |只看該作者

我個大仔都係一出世就係我姑奶同我老爺湊...我只係放工後同放假湊返佢...而我係同老爺奶奶一齊住既...
佢係歲幾時....係好跟爺爺架....不過我成日攬住佢...話媽咪好鐘意佢...好錫佢...當然...佢做錯時都會鬧啦...但慢慢....佢就變得好痴我...係痴得好勁果隻....到我個仔而家就快3歲....佢一得閒就會話好鐘意媽咪....
所以...只要比多d時間同個仔玩...比佢知道你係好錫佢既...你始終係佢阿媽..慢慢就會跟你架啦...如果急...反而會弄巧反拙...

私人傳訊

gingerbeer