36歲的藝人梁靖琪（Toby）與圈外男友Jonathan（施雋賢）拍拖接近兩年，早前二人在港入紙排期結婚。梁靖琪於IG晒婚宴的相片，她以英文留言：「I Married The Love Of My Life」
新娘子感動到喊
Toby跟男友早有共識，今年內會步入教堂，鑑於Jon乃圈外人，所以二人一直打算把婚禮低調進行，雙方親友也未有「洩蜜」。Toby與Jon都是基督徒，他們於28日先到教堂，在雙方父母及過百名親友的見證下進行行禮及簽字儀式；晩上婚宴在酒店進行，好姊妹文頌嫻、姚樂怡等都有出席，而湯盈盈、周家蔚、鍾麗淇更充當姊妹團；據現場友人指，新郎哥在晚宴上，向Toby及其家人作出感人愛的宣言，感動得新娘子忍不住流下淚水。
阿佘冇到
正式成為施太的Toby興奮地說：「因為老公係圈外人，我哋想低調進行婚禮，朋友同親友都好好，幫我哋保守秘密，但最不好意思的，是因為晚上婚宴，雙方屋企都有不少朋友，我同老公又好多朋友，所以唔少朋友都請唔到。」問到姊妹團只得三個？她說：「我冇偏心㗎，畀佢哋自己揀，睇吓邊個有時間可以全日陪住我，好可惜就係阿佘（佘詩曼）因為不在港要開工嚟唔到。」
目標生兩個
說到Toby在台上感動爆喊：「我同老公在晚宴上，向到賀的人道謝，但我事前不知道佢會講一D touching嘢，當我聽到佢向我同我父母承諾會愛我forever，照顧一生一世 ...我就喊到儍左，姊妹屋企人都有喊，同埋我同老公都係教徒，所以在教堂行禮，感覺好神聖、莊嚴又浪漫，大家唔係只係簽字，係在神父見證下，我同老公都特別感動。」問到「造人」大計時，老公Jon表示二人也好喜歡小朋友，父母也恨「抱孫」，所以最希望可以有兩個小朋友，Toby笑說：「希望目標兩個啦！」
正式成為施太的Toby興奮地說：「因為老公係圈外人，我地想低調進行婚禮，朋友同親友都好好，幫我地保守秘密，但最不好意思的，是因為晚上婚宴，雙方屋企都有不少朋友，我同老公又好多朋友，所以唔少朋友都請唔到。」
藝人郭政鴻在社交網上載與Toby在宴會上的照片，見到Toby身穿低胸晚裝、盛裝亮相，打扮高貴猶如主人家一樣，其母親蕭笑鳴亦打扮得相當隆重。宴會上其他賓客還有古天樂、歐陽震華夫婦、陳山聰、艾威等人，各人都官仔骨骨盛裝赴會。
好Sweet呢！
等你哋好消息。
梁靖琪好性感！
歐陽震華（左）、郭政鴻
鄧穎芝都有到。
開始人生新一頁！
好溫馨。
大合照。
古天樂（左）、郭政鴻
Toby目標生兩個。
可惜好姊妹唔喺現場。
陳山聰（左起）、古天樂、郭政鴻、歐陽震華
發表於 
返回列表
