如果發現臭蟲、木蝨、床蝨千萬勿用殺蟲水、滅蝨蛋之類殺佢地，因為殺唔死佢地會令佢地走到周屋都係。
發現木蝨、臭蟲、床蝨。
首先你發現身上有一連串排狀、一堆堆既咬痕。每晚訓教都有類似既情況。就要用電筒放大鏡、一張冇用既咭。刮開床玉邊、床單邊角位。有冇黑點、蟲卵及深棕色既扁身既蟲。如果有就係木蝨、床蝨、臭蟲全部都係同一樣野有組員提供用藍色光線既電筒照容易搵D.鴨療街一帶有好多 但記得要用入電電筒。無記錯 ，有間叫成X記 ，值得去買， 不過 揾唔到，其他都可以。
首先 **** 記住千其唔好亂用殺蟲水、滅蝨蛋、艾條之類既野。一定殺唔死, 仲可能令佢地通屋走
1. 你要決定自己做？交比滅蟲公司做？
2. De粉、無敵仕、苦鍊油等參考資料
自制一支外國有網站教自制整一支野一噴即死既野
1. 洗衣粉2茶匙, 滴路2茶匙, 飲用水500ml, 溝埋落去個噴壼度，一見成蟲就噴落去即死。
藍威寶噴落去都會即死。
2. 吸塵機(唔洗買貴。最好有紙塵袋。唔建議手提吸塵機、貴吸塵機)
4. 高熱風槍(建議鴨記買) : 昌記電業/鴨寮街208号地下(唔一定要E間買)
熱風槍主要係唔可以用響膠質、布質、紙類、床玉。由於佢溫度高。都有成200度以上。千其唔好搵手去試溫度。用響床架、羅斯、窿la位、夾縫接駁住櫃內櫃桶邊位、櫃背位地腳、牆位都可以用。但用響床架上如果係焗漆就要離遠小小唔好定位黎吹。焗漆會燶。係首先吸走左之前既de粉。然後再同熱風槍吹。吹完再吸、兩落de粉。每7-10日做一次。做足兩個月。
要整理及留意的事如下 :
決定物件去留, 物件掉之前。一定要介爛之後包密實掉去垃圾站
建議床、床玉一定要掉左佢。
床底儲物一定要檢查清楚。除非之前已經包封實既物件(袋一定唔可以穿。先可以免疫)
如超過幾年冇用過既物件掉左佢。有記念價值既物品。先處理好。然後都要包封實。
布質 ~ 衣物就可以拎晒去洗衣鋪磅洗。返黎唔好拆開加多個膠袋密封。當然之前你一定要簡選e兩個月常常著既分開黎磅洗。分開袋。
如果自己處理就(有蝨既)先用 滾水浸半個鐘然後再用洗衣機較60度以上水加洗衣粉滴露洗。洗完涼乾。然後再封。(唔肯定有冇蝨)用60度水梘粉滴露正常洗。洗完再浪乾。密封。或【用膠袋倒大約60度既熱水落膠內浸焗衣物20分鐘】
如果有煤氣乾衣寶就可以慳好多去洗衣鋪既錢, 或者買部乾被乾衣機都可以放衣物、雜物入去焗。
鞋類 ~ 先用吸塵機吸全對鞋。然後如果可以既就淘寶或市面都有乾鞋機。吹完再用火酒噴。內外都要噴。一定要獨立一對一對鞋放入密封袋封實。
雜物 ~ 有電既帶電既、書本、等等…就用吸塵機吸晒佢地表面隆隆lala位。然後可以用75%家用火酒抹。抹完吹乾落de粉然後入落個膠袋密封你個記號已清理。封口，唔好比佢穿隆就可以。
De粉+白薑菌再加埋無敵仕(布質用)+熱力。係最天然最無毒。滅蝨方法。
儘管通常能夠在臥室的床鋪及周邊能夠發現臭蟲的存在，但其活動範圍遠不止這些，其中包括：
1 、牆壁的電源插座後面。
2 、布藝家具，特別布藝沙發和其它人們能夠躺臥的家具(窗簾都係重點)。
3 、窗套、門套、踢腳板等裝飾物的後面或下面。
4 、木地板下面。
5 、地毯內或地毯的周圍。
6 、牆壁上鬆懈的壁紙後面。
7 、書桌或床頭櫃的檯燈下面。
8 、木質家具的螺絲孔內。
9 、家具上的裂縫內、接縫處或結合處。
10 、電纜和管道的後面和下面。
11 、鏡框或畫框的後面。
12 、衣帽架、儲物箱內等場所。
(以上12項地方，都係落DE粉既重要地點)
落de粉位置
1 牆壁的電源插座後面。
2 布藝家具，特別布藝沙發和其它人們能夠躺臥的家具。
3 窗套、門套、踢腳板等裝飾物的後面或下面。
4 木地板下面。
5 地毯內或地毯的周圍。
6 牆壁上鬆懈的壁紙後面。
7 書桌或床頭櫃的檯燈下面。
8 木質家具的螺絲孔內。
9 家具上的裂縫內、接縫處或結合處。[噴完再貼膠紙封住]
10 電纜和管道的後面和下面。
11 鏡框或畫框的後面。
12 衣帽架、儲物箱內等場所。
13. 拉開床櫃唔好貼牆、所有木櫃腳邊沿、背板。床頭尾板床板la位、腳位、邊邊位。床板下內櫃桶裡面角、內板。
14.牆腳邊位地下。牆上先用水噴輕輕噴濕小小立即再噴上DE。[近天花位置]
如木床板可用畫筆、油掃輕輕掃一層響表面。[木櫃背都可以咁樣做法]
另床 la 如果噴唔到入去、可用A4紙插落床la 再從A4紙 Sir DE粉落去。跟住用玻璃膠之類既野封邊位。
鞋櫃、電器、鞋類做法
~ 用封家私既透明膠封住佢幾個月 或 曬太陽，電視呢D有螢幕既吾矖得, 鞋就用風筒吹或steam
新床玉新床、傢俬做法
~ 床玉套一定要比床玉先到。床玉一到就先好拆床玉同床玉套包裝。立即套上。
~ 新床到左一定要用吸塵機吸。內內外外都要吸。櫃桶一定要拉開埋出黎吸。
~ 所有新傢俬都要搵玻璃膠唧上去la位、接駁位。總之之後唔會陏既位都要唧上封隆、La位。
~ 見木既地方即係雜木壓成既木。通常都會響果d位置發現蝨竇。所以一定要用油漆或強力闊身既膠紙貼實。
~ 組合床都係咁樣做法。不過組合床床頭尾位都會有空置位置。果d位置可以落大量de粉落去。
~ 所有床、傢俬、都唔好貼牆泊。最好留有少少la位。牆同傢俬之間都要落大量DE粉。
問答區：
問：DE粉要隔幾耐做一次？
答：DE粉每7-10日做一次。第一次落完之後。隔7-10日再做。係先蒸(如果有蒸機)後用吸塵機吸走之前既DE粉。然後再吹乾蒸既地方。再落新DE粉。
無敵仕都係大約半個月噴一次。
問：白薑菌要隔幾耐再做？
答：隔兩星期，仲發覺有，可以補多次
問：晚上如何防止比蝨咬？
答：DE粉果度有支防蝨咬既噴霧。每隔4個鐘頭要補噴一次。不過我自己就將噴霧噴落枕頭被鋪。
有人月用過話薰衣草精油噴左上去可以防蝨咬。另一隻係苦楝精油。
另外仲有一個方法 - 用簿身闊邊既雙面膠紙圍住床單四邊痴住。即係落膠紙陣, 有蝨走上黎都會痴住先。
來源自哈哈媽咪群組
baby_lctlct 發表於 21-2-15 03:15
你好，哈哈媽咪，可否幫我睇下我係咪俾蚤咬？非常感謝
發表於 
發表於 
返回列表
