夫婦情感 今日: 1 | 主題: 42770

積分: 239

1^#

發表於 19-7-9 15:21 |只看該作者 |正序瀏覽 |打印

想問下大家點睇……

同老公結左婚差不多6年,
而家有個2歲既仔仔,
細女10月出世

同我媽一齊住;
有工人姐姐; working mum

剛結婚時老公做緊小生意,一直生意都唔係好好,勉勉強強叫捱到;中間家用已經無點比過; 大部分係我支撐(比屋企); 最後尾生意失敗, 仲要欠好多咭數,但去到最尾一刻先同我講佢有呢D問題;

事後我仲要發現佢原來偷左我D金器去當錢套現,最終我有原諒佢,佢話唔會到做, 亦相信佢會改

中間佢打散工,開始轉行做水電,一直收入都唔穩定;成日話人地拖佢糧,唔準時; 我只可以接受, 明白要時間捱下;係耐不耐話佢要睇情況,一係轉工等等既SUGGESTIONS;

之後份工係叫做較穩定
(唔係散工),但都係成日出糧唔準時;又話要拎D錢出黎買料, 之後先比返錢佢等等問題;

早兩年生左小朋友,請左工人, 湊仔既野已經無倚賴佢,知佢返工時間長,夜晚佢都無湊過,得我自己湊, 點知又發現佢又偷左仔D利事錢去週轉;
個下其實已經好心灰;

小朋友唔理,
屋企既野又唔多理,
所有野都係我主導; 你無錢拎返黎我都無辦法,但點解又要偷!?我之前已經講左佢咁做係好過份亦都好傷害我;

佢唯一答我既理由係佢唔係比我話…….
即係面子問題啦?
點都好,佢話真係知道錯, 唔會再做, 我又信,雖然已經有條剌, 但仲有D希望佢係真心知道錯;

剛剛我都發現佢又偷左仔D金器同利事錢,
咩事!?
又再做? 我已經鎖起左, 佢唔知點樣會知道密碼開到.
但其實我係一定會發現, 因為我係會定期CHECK;

我一直相信你去改,你咩都唔理我都忍, 我明白你辛苦, 咁你有無唸過我要處理屋企所有野都辛苦?

我問佢點解做得出, 佢咩都唔答, 淨係低頭唔出聲,都只係話唔想比我睇唔起,唔想我話?

佢其實唔識理財,以前我有話過幫佢管理,佢唔想我都無迫佢,但既然你唔要人幫,咁自己係咪要唸下方法去解決?

公司要你出錢買料先,唔可以SAY NO?

公司拖糧,落力D 追?

唔好再用信用咭?

以上既野我都講過好多次,
做唔到咩原因?
你有無盡力去做?
我自己感覺無…..

各位,仲可以點樣行落去?

0 0 0

私人傳訊

流星花丸

用戶要求終止服務

積分: 7055

51^#

發表於 19-7-19 19:30 |只看該作者

點解仲同佢生多個

如果自己負擔得起頭家，有工人有阿媽，佢又冇特別顧小朋友友，我唔會要呢個男人，冇佢屋企應該更自在
首要係佢對屋企冇貢獻，仲係負擔

私人傳訊

199707100304

公爵府

積分: 28798

虎到金來勳章牛年勳章

50^#

發表於 19-7-19 14:24 |只看該作者

blytheda 發表於 19-7-10 13:21
我都好晤明，唯一唸到係佢晤想再同我講佢攪晤掂.....
我相信佢無賭錢，但佢成日想佢做生意就真既..做生意 ...

未做過 / 未近距離接觸過「生意」呢樣野既人, 都會以為做生意= 好有錢/ 有啲錢。
我99就是這樣想...........以前C6做生意, 佢以為自己個仔好掂, 成日叫我唔好做, 專心湊仔。
佢根本都唔知/ 唔明, 生意既野, 做得好, 咪有錢人囉 ; 做唔好, 投資眼光差, 時不與我, 有時仲慘過打工幾百倍。
冇糧出之餘, 仲要跑數, 燈油火蠟, 你唔食, 啲員工都要食, 都要出糧呀!

樓主, 如果佢肯改, 都還好, 為了小朋友都可以俾機會佢。
不過, 大前題真係要坦白, 沒有錢, 大家有商有量, 唔係做埋啲偷雞摸狗的事。
一家人都要防來防去, 實在感覺好差。
以後盡量有多錢/ 金飾都唔好放在家了, 一來你C6有前科, 二來有工人也不好放太多CASH / 金在家。

若然佢去到一次又一次爭落周身債, 都真係要諗清楚, 係咪要棄船。
唔為自己, 都要為兩個細著想。邊得黎咁多錢一次又一次幫佢填氹。
如果証實佢有小3, 就更加要放手。直頭趕佢走啦~ 既然有人接手, 更加要送佢出門口。
明白決定好難下, 我都係過來人, 叫人當然容易, 但自己時, 又係咪咁輕易放下.....

Nothing is prefect in this world. We all are perfectly imperfect.

私人傳訊

199707100304

公爵府

積分: 28798

虎到金來勳章牛年勳章

49^#

發表於 19-7-19 14:04 |只看該作者

本帖最後由 199707100304 於 19-7-19 14:26 編輯

MGM_DRAGON 發表於 19-7-9 16:14
日常生活入面
一直有人拖你後腳
我估你好清楚果種無力感

完全明白個種感受。
樓主你的CASE 跟我很像..............

我C6都試過一次, 偷了孩子錢箱幾千元。
個下感覺真係好恐怖, 一家人呀?!
你缺錢就出聲, 咁樣有咩意思。
當時仲要係仔仔發現, 打開錢箱, 錢都不見了。
佢亦承認了係佢自己拎.................佢話因為佢朋友問佢借, 所以佢拎了。(可能知我一定不會借)
P.S. 平日出糧,佢既錢係俾哂我的, 因佢知自己一定很快花光。

仔仔當下爆喊........真的好傷人。
自己都沒面子啦! 做爸爸做到這個樣子。
可能係咁, 之後佢都沒有了。有錢時會放返少少入仔仔錢箱。

我選擇原諒。
但其實心裡不好受。
覺得一個男人, 連少少錢都管理唔到。
以往佢都試過搞生意, 又是失敗, 每每爭人錢, 我就幫佢頂。
有時想, 如果不是他, 我應該可以儲了很多錢, 不用常常為錢愁。
也想過放棄他................但是性格問題, 佢沒有了我和仔仔, 我好清楚佢, 佢一定會去死。所以我都做唔出。
托賴, 現在好似好了些, 不過性格卻越來越孤癖。有時都難以溝通.................

Nothing is prefect in this world. We all are perfectly imperfect.

私人傳訊

雞骨草

積分: 369

48^#

發表於 19-7-19 13:51 |只看該作者

blytheda 發表於 19-7-9 15:21
想問下大家點睇……
同老公結左婚差不多6年,
而家有個2歲既仔仔,

當斷則斷

私人傳訊

舒莉莎

積分: 1451

47^#

發表於 19-7-14 00:05 |只看該作者

MGM_DRAGON 發表於 19-7-9 15:40
理財不善嘅人
通常都係性格有缺憾
管理唔到自己

我前度完全係咁

佢衰到偷我提款卡，又叫我去借財仔，再加上喺電話公司冒我簽名
佢宜家嘅現任就係我哋之間嘅小三...
借咗我六位數仲要偷偷地同個女人同居
最後我仲要被指責係我一直唔結婚令佢變心

至今兩年了...我未完全忘記受過嘅傷害

不過宜家身邊有個雖然唔係男友但肯時刻陪住我又唔介意付出嘅佢...
大家開心就夠

私人傳訊

sasatt

伯爵府

積分: 19769

46^#

發表於 19-7-13 22:00 |只看該作者

回覆樓主:

佢應該出面爭左人好多錢
你一係離婚
一係幫佢還晒
但可能會再借

私人傳訊

Poohpooh_bb

積分: 3549

45^#

發表於 19-7-13 21:36 |只看該作者

我今朝都發現佢偷左我地兩個草起既錢

私人傳訊

迷你鬆弛熊

積分: 1861

44^#

發表於 19-7-13 16:06 |只看該作者

blytheda 發表於 19-7-9 16:43
小朋友的確係我既最大既考慮因素，因為我真心覺得好對晤住小朋友....

我要啲時間去唸清楚自己點樣安排單 ...

千萬唔好覺得對唔住小朋友，小朋友對住咁既父母成長會有陰影。我就係一個好例子，小時爸爸呃我話儲起利是錢，原來自己用曬，仲要死唔俾我睇本簿仔。俾三千家用我媽，之後拎夠4000。電話新款一出即換機，因為死要面。係成二十年前差成百萬卡數，要按樓還，第二次直接要賣樓還錢。仲要包二奶同二奶係大陸供樓。令我之後係金錢上完全唔信人，某程度上有d守財奴性格。每一個男友都要掌控所有財政。好彩依家我家離左婚，我先至冇呢一件嘢跟身。所以樓主為下一代，速速解決吧！

私人傳訊

jasminewan35

男爵府

積分: 7999

43^#

發表於 19-7-13 12:14 |只看該作者

回覆 MGM_DRAGON 的帖子

我都有朋友老公係咁，咩都賴人哋度

私人傳訊

可愛的小琴

積分: 3547

42^#

發表於 19-7-12 03:54 |只看該作者

咁似我個ex既？

佢既行為又係偷阿仔d利是錢，我同阿仔既金器，仲有我既提款卡！

我放棄左佢lu! 樓主諗清楚，加油

私人傳訊

Cqy00

積分: 2375

41^#

發表於 19-7-10 23:30 |只看該作者

回覆樓主：

本帖最後由 Cqy00 於 19-7-10 23:50 編輯

。

私人傳訊

jeremylui83

子爵府

積分: 14244

畀面勳章

40^#

發表於 19-7-10 17:35 |只看該作者

blytheda 發表於 19-7-10 13:21
我都好晤明，唯一唸到係佢晤想再同我講佢攪晤掂.....
我相信佢無賭錢，但佢成日想佢做生意就真既..做生意 ...

叫佢搬，趕佢走

私人傳訊

Heman2001

男爵府

積分: 7494

39^#

發表於 19-7-10 15:29 |只看該作者

blytheda 發表於 19-7-10 13:25
佢之前都話還清左條數，但有次我都無意發現應該仲有小數未還哂，我見數目晤大我無出聲，我都知佢晤想我知 ...

佢消費模式係點？

另外好唔明點解佢咁唔想講自己既困境俾妳知？妳係佢老婆喎...

私人傳訊

tansyneko

琥珀宮

積分: 152982

38^#

發表於 19-7-10 13:34 |只看該作者

其實明知咁,你都仲有勇氣同佢生第二個,樓主真心勇,亦應該唔會打算離婚？

單親不可怕,假單親先可怕

私人傳訊

積分: 239

37^#

發表於 19-7-10 13:25 |只看該作者

connie1212 發表於 19-7-9 21:06
我前夫和樓主c6一樣，不斷偷我d金器去買仲衰到唔認，差30幾萬咭數唔講比我發現就叫我去做單保，好啦諗住捱3 ...

佢之前都話還清左條數，但有次我都無意發現應該仲有小數未還哂，我見數目晤大我無出聲，我都知佢晤想我知，咁我咪晤出聲，希望佢自己攪好

但我唸佢一日晤改變自己消費模式同手法，問題永遠都係到
重點係佢晤想我插手
咁我根本無辦法改變件事

私人傳訊

積分: 239

36^#

發表於 19-7-10 13:22 |只看該作者

油麥麥發表於 19-7-9 22:51
先要清楚佢的錢去咗邊，收入同支出，仲有無不良嗜好

佢晤會公開俾我睇

私人傳訊

積分: 239

35^#

發表於 19-7-10 13:21 |只看該作者

jwy2 發表於 19-7-9 23:27
小心佢係出面搵快錢。

都避免晤到，佢已經晤理我勸繼續做自己想做既事

私人傳訊