shannon_fky4186 發表於 19-7-12 09:47 
但你前夫咁樣身教你D女，將來有日你離開呢個世界，邊個供養佢地呢？
希望我為佢地既生計打拼既身教可以平衡翻佢地。
我響香港長大見好多身邊既同學媽咪都係全職留家唔使出去搵錢同人打工，有老公養過世，有老公出去受老世氣。我D同學做人子女時有咁既媽咪身教，咪有個啊爸身教來平衡翻。
最差既情況（其實係我覺得差啫，未必個個女人好似我如此咁唔夠老公使用），係我D女又揀左個好似佢地啊爸咁冇生計智慧同能力既男人做老公。結果我D女步我後塵，做個職業婦女，佢地老公做全職留家唔使出去同人打工，受人氣。
只是我更失敗，出去忍辱負重，翻到屋企仲要受前夫氣。
不過我唔會期望我D女會好似我咁搵到錢，曾經一人搵錢養起四伙獨立柴米油鹽既家庭開支，但係要自給自足唔係咁難既。我唔鼓勵佢地生子女。但求自己搞掂自己就好。
我前夫都教我地D女要做嘢搵錢自給自足。先搞好三自先搵人結婚。唔結婚冇子女都無所謂。
三自係：經濟獨立，生理需要獨立，情緒（感情）獨立
我前夫話我搵得多，佢出去做賺得小，付出多回饋小，唔值得佢去做嘢。佢留家既貢獻仲大，所以唔做。
我問：「咁啫係，一係你捱，一係我捱，你請願我來捱？」
佢答：「係吖」
佢完全睇唔到我骨子裏係個何其小女人，幾咁雖要一個大男人為我出去擋風雨。我已經唔要佢對我專一，只需要佢唔使我為錢為生計出去同人打工。我完全願意留家頂佢果份宅男工來做。而且我比佢做得更好。
最後捱到我憂鬱症爆發，而且我現在既先生已經擔起曬我同我父母既生活，更願意接過我D女過來養埋佢地，只要佢可以自己養到自己。咁佢先支持我辭職，提早退休，但佢支持我既方法係 仍然攬住D女唔放，還要帶佢地搬到老遠來節省開支，都唔選擇留低近我身來博一博出去搵嘢做，因為佢根本對佢自己搵嘢做冇信心。佢而家Lee份完全留家做既兼職都係我識人介紹畀佢做既。佢D生計低能，唔係身教出來嫁，而係自身帶埋來嫁。所以，我預左我D女將來都係咁似佢啊爸，但我唔會怪係身教囉。係佢地既資質就係得咁多。但係，到時佢地已經係成人，要為自己既選擇負責任。我死左，佢地自身滅係佢地既選擇。唔關我事。
Love is when the other person’s happiness is more important than your own ~ H. Jackson Brown
發表於 
唉。。。我媽成日都話我老豆唔知係咪更年期心理不平衡，但我c6咁後生都係咁呀，不過睇左呢個post先知原來咁多男人都咁變態又小器。
。
返回列表
