吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 專注力有問題嘅小朋友應唔應該去功課輔導班？ ...

自由講場今日: 113|主題: 1355638

收藏本版

發帖

返回列表

跳至頁

查看: 4434 | 回覆: 61

專注力有問題嘅小朋友應唔應該去功課輔導班？ [複製鏈接]

12 3 4

mollybach

大宅

積分: 4486

1^#

發表於 19-7-17 12:28 |只看該作者 |正序瀏覽 |打印

長文，先講講背景：
原先我媽咪同我一家三口一齊住，後來因為爸爸做完大手術，所以我媽咪要返去全力照顧爸爸，我同老公都由上年開始接管返湊小朋友嘅日常生活。
仔仔今年9月升小二，由上年小一開始，因爲我同老公要工作，所以揾咗區內嘅補習社做託管，貪有人接放學又有人督促佢做功課，之後又可以溫埋默書，一石幾鳥好似好理想咁。
之但係，補習老師發現咗阿仔嘅專注力有問題同輕微學障。（下續）

0 0 0

私人傳訊

wolf_woo

別墅

積分: 627

62^#

發表於 19-7-17 18:14 |只看該作者

回覆樓主:

其實功輔班真人無乜用，3個老師湊20個，平均一個睇7個，當你功輔班2小時，120分鐘，都係每個學生分到唔夠20分鐘咋，有自理能力/專心既就夠時間問，否則大部份只係hea...

私人傳訊

nieualma

翡翠宮

積分: 94999

2018復活節勳章

61^#

發表於 19-7-17 18:00 |只看該作者

mollybach 發表於 19-7-17 12:43
所以都有諗緊，自己唔係學歷高，又怕自己教得唔好，我係咪搵返份長工賺多d錢，搵個一對一/專科補習老師比 ...

一對一導師段鐘計，又未必個個都夾到

私人傳訊

1998Ruby1998

子爵府

積分: 13446

親子王國15週年勳章

60^#

發表於 19-7-17 17:56 |只看該作者

回覆樓主:

識小朋友係託管負責人話唔好上，因為自己進度慢，又騷擾其他小朋友。

私人傳訊

mollybach

大宅

積分: 4486

59^#

發表於 19-7-17 17:48 |只看該作者

psac 發表於 19-7-17 17:43
我仔用"小學習字表" 個app, 逐筆跟, 雖然花時間, 但我見佢跟到個大概. 空間感仲要時間缲, 慢慢來 ...

我哋都有download 呢類app，不過整整下佢又分心搞咗其他嘢

私人傳訊

psac

大宅

積分: 4246

牛年勳章開心吸收勳章認識瑞士牛牛第二回認識瑞士牛牛第一回親子王國15週年勳章

58^#

發表於 19-7-17 17:43 |只看該作者

我仔用"小學習字表" 個app, 逐筆跟, 雖然花時間, 但我見佢跟到個大概. 空間感仲要時間缲, 慢慢來

私人傳訊

mollybach

大宅

積分: 4486

57^#

發表於 19-7-17 17:38 |只看該作者

theclacheng 發表於 19-7-17 17:24
我係老師建議留班，吾係我要求，我都想留返個 quote 一兩年後，但老師話越細越好。
...

如果有得留，我會想一年班，打好個底再扶返佢上去，好過夾硬上小二小三，連加減都未打好個底就谷佢上去學乘除，其實好辛苦㗎。
今個暑假，我就係要教到佢d加減數穩固先得，仲要熟返哂小一嘅生字，然後再背乘數表，基本上，暑假係唔屬於佢㗎。

私人傳訊

ka_hei

大宅

積分: 4848

56^#

發表於 19-7-17 17:38 |只看該作者

回覆樓主:

因為佢哋都唔想，下下為左出界或裝字問題，可以由原本好親切嘅關係變到傷害母子感情，所以只要寫到個字，唔太過份我都唔會刷佢，因為刷得多佢都會失去信心

私人傳訊

mollybach

大宅

積分: 4486

55^#

發表於 19-7-17 17:32 |只看該作者

ka_hei 發表於 19-7-17 17:26
個字筆畫等寫錯唔好幫佢改正，照交比學校，等老師知道個問題所在，因為佢一寫錯部首或筆畫，我哋幫佢改正左 ...

呢d毛病，我之前成日都犯，好執著佢有無出界、上中下嘅空間分配等等，成日都好火滾。
然後去聽下育兒講座，知道有時候佢地都唔想咁，亦明白語言係可以影響到小朋友心理嘅程度可以好大，自己開始學收歛。
如果字好多筆畫，我用三種唔同色嘅原子筆將筆畫寫出嚟，希望佢可以再清晰d每隻字嘅拆解。

私人傳訊

ka_hei

大宅

積分: 4848

54^#

發表於 19-7-17 17:26 |只看該作者

回覆樓主:

個字筆畫等寫錯唔好幫佢改正，照交比學校，等老師知道個問題所在，因為佢一寫錯部首或筆畫，我哋幫佢改正左，老師就唔會睇到佢有咩問題，慢慢嚟，佢唔識寫唔代表佢錯，係因為佢睇到嘅唔係我哋睇到嘅樣，佢睇到個個字，可以會變左一堆嘢或者係公仔，只要佢寫到個字睇到，就算出界都唔好刷走，因為佢無空間感，如果經常刷佢啲字，就變相更加無信心寫字，如果有啲字太多筆畫，佢寫唔到，你可以捉住佢隻手慢慢一筆一筆教佢寫，或者可以將啲字放大，等佢睇得清楚啲，加油呀！

私人傳訊

theclacheng

伯爵府

積分: 17014

MommyPanel勳章 HiPP勳章(1) 2018復活節勳章 BB防敏心得分享勳章瞓得好勳章食得好勳章美好大世界2017勳章 Xmas吸收勳章認識瑞士牛牛第一回育兒性格勳章陪月勳章

53^#

發表於 19-7-17 17:24 |只看該作者

mollybach 發表於 19-7-17 17:20
我同你嘅case真係好似，我亦同阿仔班主任講可唔可以留小一，但老師話男仔話唔埋，將個留班機會放後一兩年 ...

我係老師建議留班，吾係我要求，我都想留返個 quote 一兩年後，但老師話越細越好。

私人傳訊

mollybach

大宅

積分: 4486

52^#

發表於 19-7-17 17:20 |只看該作者

theclacheng 發表於 19-7-17 15:02
其實我同你個CASE有D似,我女幼稚園讀長全日班,自理OK,但學業麻,佢小一時做野好慢,手冊日日抄唔齊,功課又慢, ...

我同你嘅case真係好似，我亦同阿仔班主任講可唔可以留小一，但老師話男仔話唔埋，將個留班機會放後一兩年再睇定d先。
我都好羡慕人哋d小朋友記性好、理解力高，如果自己嗰個都係咁，真係屋企和諧好多。
但係阿Q咁諗，其實只係學障，其他方面佢健健康康，行得走得，已經係好好，同我哋當初陀住佢哋嘅時候所期望嘅，無太多落差，其他嘅可以遷就可以配合嘅就由得佢喇。

私人傳訊

Moti

珍珠宮

積分: 33183

51^#

發表於 19-7-17 17:15 |只看該作者

mollybach 發表於 19-7-17 17:10
係呀，所以有時身邊親人唔明，認為一係放手由得佢錯，錯咗老師會指引佢；一係就轉校或者自己跟⋯⋯覺得我 ...

我覺得你已經有心想唔俾佢去嘅話，咪試吓，唔work先再去。

點評

wcpcelia

發表於 19-7-18 10:46

私人傳訊

ka_hei

大宅

積分: 4848

50^#

發表於 19-7-17 17:13 |只看該作者

mollybach 發表於 19-7-17 17:03
我嗰個仔就正正同你細仔一樣，一份生字做好耐，做下又玩下擦膠碎，又摵下手指皮⋯⋯要響後面睇實佢，久唔 ...

母嬰健康院過左6歲就唔會再幫你做任何嘢，第一班主任唔理，如果你係打電話去問，佢唔理，直接去學校搵副校長傾下再唔係社工都得，第二每年學校都會安排小朋友去做身體檢查，到時你一齊去見醫生或姑娘時講返情況都會寫紙安排排政府醫院做評估，你可以問下協康會有無得申請減免，因為佢課程好似經濟有困難佢可以申請減免，評估唔知有無得申請，你打去問下，未排到任何評估時，你可以留意返小朋友情況，如果功課上有困難，你又覺得佢做耐左個人好攰，雖然未做曬，但唔好免强，我嘅做法係寫紙仔比老師，同老師講小朋友已盡力，但真係好攰，所以做唔到