取於此，分享於此
Link
今次住的大阪合法民宿 Blue Sky house
https://www.facebook.com/BlueSkyOsaka
平機票, 我朋友介紹, 佢幾次都撞到閒日1000蚊來回大阪包稅, 每個月都有優惠但要看準時間按
BEAR's CAFÉ
https://goo.gl/maps/MM3J58RrNpHKNTKc9
國產牛預訂
http://www.1dining.co.jp/shop/aburiya/
激安殿堂電子優惠券網址
https://www.yokosojapanpass.com/donki_fuel/public/coupon/index/0004319
機場快線有7折, 仲可以買好多日本票和卡, 好方便
在fb 和親子群看了幾個月資料,想用有限的預算帶太太和2小孩遊大阪, 成功完成美好的7天大阪回憶, 所以去完我也應盡責的簡單分享下我認為抵的事, 俾新人參考下:
機票我地來回坐peach , 8月去冇辦法用了14000港元吧, 上meethk成日有特價, 我已趁佢減價時買都咁貴,關西機場有分一號和2號大樓, 我這次是在2號大樓下機, 過關後門口就可以坐免費的穿梭把士去1號大樓先可以坐鐵路,放心人人都係那裡等車, 一出門口就係。 在機場下機, 就去機場一號大樓的松屋先填飽個肚, 價格很親民,很大份 (4人約 2000日元) 百幾蚊港元咋。然後就坐南海電鐵直去民宿, 一出站就係 AEON廣場購買些飲品,零食先。
然後走2分鐘左右, 便到達民宿, 呢間民宿很不錯, 感謝谷友介紹,好乾淨、有洗衣機、乾衣機、小廚房, 廁所浴缸, 唔係share house, 工業風個景好開揚 (每晚380港元), 個房東是定居在大阪的香港女仔移民,可以廣東話溝通好正,有幾天早餐是在房間煮(相中的牛肉烏東), 超市買返去好平, 小朋友又可以晏D出門,出去玩時洗衣服, 回到民宿已烘乾可即穿,很方便。
呢間屋附近全部是日本人, 第二朝早就去了一間日本人開的小區cafe店 食左個地道的早餐 (幾百日元咋),個姐姐仔和婆婆好友善, 慢慢用fb 俾相我看因為餐牌只有日文, 介紹有乜好食, 請看相, 超好味, 跟住行就2分鐘, 就可以坐大阪市唯一的百年電車,小時候看日本卡通的電閘和電車終於看到了, 10鐘左右便去到天王寺動物園, 通天閣,特別介紹下那裡有一間激安の殿堂新世界旗艦店, 我買了些手信, 其中萬用刀(相)做手信 (10日元咋),個收銀俾錢時佢都唔信,嘟極都係10日元, 仲有好多好平宜的,買夠1萬仲可以網上拿優惠劵, 即平500和夠5000能退稅8%。
然後我介紹的就是木津市場, 谷友話比黑門市場正好多, 果然真係好正, 蠔700日元隻,吞拿魚拖羅2200,海膽 3000, 帶子2500 看相, 仲有好多好平和正的水果, 推介
有一天去了枚方公園, 記得在klook 買京版鐵路一日劵枚方公園版(好似72.54.45(2-4Y)蚊張), 來回車費+入場也可以平, 枚方公園就4人任玩, 用了 9900日元,唔多人, 好正, 比正價平好多 , 園入邊可以食蛋包飯(相), 好味。
有一天去了京都 , 記得klook買了另外的京版鐵路一日劵, 主要去了伏見稻荷大社和錦市場, 來回約2小時, 值得一去, 因為京都的民宿很貴的, 所以我地6晚都係住大阪
有一天去了萬博城, 其中有一條好長的滑梯, 小朋友玩到唔肯走, 影相又靚, 真係值得一去, 另外有水族館, 入邊仲有白老虎表演(相), 小朋友很喜歡看。
有一晚就去左大家介紹的 難波千日前國產牛了,從住的地方出發,3站15分鐘就到, 3.5歲小朋友唔駛錢的, 都係職員同我講唔計, 又慳返D, D牛真係超正,甜品只可叫一次, 免費的小朋友也有甜品, 記得冰水是免費的,問他們拿便可以 (9500日元4人)
當然難波那天白天去行街,難波、道頓堀、心齋橋、固力果先生這些招牌景點, 中午便去大家介紹-難波的大起水產壽司(相), 又平又好味。
最後大阪天氣好熱, 但我地冇帶好多衫, 來回都係一件行李因為可洗衫好方便,寄倉行李是20KG, 手提行李是每人7KG, 總供我們2大2小就有48KG 行李我地已夠用, 謝謝谷友推薦!!!另外 大阪周遊劵 ICOCA 卡呢D也很有用的, 可自行search 下, icoca 卡就等於香港 的八達通, 去到整個關西地區都岩用, 我今次就用完冇退, 因為肯定有下次。
發表於 
返回列表
