吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 計劃緊去首爾旅行，睇咗好多網上資料，得出以下印象。。 ...

親子旅遊今日: 0|主題: 161615

收藏本版

發帖

返回列表

跳至頁

查看: 5636 | 回覆: 34

[韓國] 計劃緊去首爾旅行，睇咗好多網上資料，得出以下印象。。 [複製鏈接]

爸爸爸爸

洋房

積分: 44

1^#

發表於 19-9-16 09:23 |只看該作者 |正序瀏覽 |打印

本帖最後由爸爸爸爸於 19-9-16 09:32 編輯

至於實際上係點真係要去完先知。或者大家比啲意見。。。

宮殿

最多遊客去嘅昌德宮，原本嘅歷史有幾百年，但幾次失火重建又失火又重建，而家好似只係重建咗20年都唔知有冇。。入去只係睇1：1模型，完全冇歷史痕跡。其他宮殿。。話俾我知係唔係真係值得去睇。

怡南島+小法國一日遊

可能有紅葉嘅季節會好啲掛，但其實個地方好似郊野公園咁，只係多咗個火車軌上踩單車嘅嘢。。小法國係韓劇劇景嚟，堆砌咗一咋仿歐嘅建築俾你影下相咁。俾啲未去過歐洲嘅人啱啲，正如未出過國門會覺得世界之窗好正。要我俾 4，5百參加一日團去啲咁嘅地方真心覺得戇居無聊。

DMZ 一日遊

喺個山頭離遠咁望向北韓，基本上乜都冇只係見到北韓旗，需要無限想像，哦，嗰度係北韓呀。其實意義何在？

南山公園，吊車

我無興趣，唔覺會有幾特別。

首爾塔

登塔入場費好似三十幾，平。但睇review 啲人話超多人排隊上去，而且上到去幾分鐘睇完，景又唔係好，個塔本身又唔係好。專程過去好無謂。

博物館

戰爭博物館，本來應該係記錄戰爭嘅可怕，等人懼怕戰爭，或者悼念為國家捐軀嘅英勇軍人。但據review講呢個博物館就搞到個博物館好似好輕鬆咁，總之感覺不對。其他博物館展覽館大概都係大就好大，但展品好少，內容貧乏甚至其中好多展館唔開，即係大而無當。稍為有啲寄望嘅係 Leeum Samsung 藝術博物館。

明洞

基本上係條超多遊客好迫嘅一個地域，成條街都係重覆又重覆嘅藥妝店，sales 會用free gift 嚟引你又去斬你，甚至出手拉你。本地人根本唔會喺嗰度消遣。我比較好奇點解咁多人要住喺明洞。方便日日由朝到晚落街買化妝品？

廣藏市場

一個好大嘅有蓋市集，小食為主。又係充滿外國遊客嘅地方。但小食份量唔少，食二三四樣應該已經好飽。最大問題係好多都單睇外表好難知佢味道如何，結果係容易中伏。

弘大

大學區，年青人聚集，梨花女仔大學可以鴿女。比較多coffee shop 同小店。星期六有市集。可以行下。但問題係我唔係年青人，去到會唔會格格不入。去到先知。

樂天，江南

有錢人區，都會去到此一遊行下嘅。江南有個 coex mall，入面有個書架好高嘅圖書館，會花幾分鐘入去見識下。樂天就主要係個 shopping mall，都會行下。

仁寺洞

老區。會過去行下嘅

東大門設計廣場（DDP）

去到都係同個建築物影下相，我諗都冇其他嘢可以做

北村韓屋

基本上係豪宅，一條街兩旁嘅住宅都係設計到古代建築咁，斜路嚟，有人話行得幾辛苦，而且只可以喺街行，唔可以入去，因為人哋屋企嚟。新嘅古代屋。我無興趣。

因為太多遊客，居民感覺被騷擾，所以而家條街訂立咗條街嘅開放時間，去到5pm。就算平時開放時間內如果講嘢大聲，有機會有人出嚟直斥其非，應該會幾精彩。

梨泰院

喺首爾嚟講算係一個比較國際化嘅地方，外國酒吧餐廳林立。外國人好多，包括好多南亞中東，白人，美軍。。。但亦好多呃遊客嘅嘢，物價一般比其他區高。可能會去睇下，但應該唔會去嗰度食清真，咖喱或者西餐，飲酒喇。

南大門東大門

個名令我諗起深圳東門，所以冇心機去睇佢啲資料。。

表演娛樂

有幾樣比較出名嘅舞台表演，nanta 亂打 show，我 YouTube 睇過下片段，覺得個幾鐘睇呢啲嘢比較考我耐性，雖然好多人話好睇。hero painters 我book咗呢個。 Fireman，再睇下去到行程，如果無咩嘢做可能會睇埋呢個。另外我book 咗玩一節 escape room，有信心呢個比較好玩。4D/3D 畫俾人影相嗰啲，其實之前喺其他地方都去過，到時再睇下去唔去。

食嘢

會食幾餐人均200嘅韓式嘢，孔陵一隻雞，海鮮鍋，橋村炸雞，姜虎東白丁或者馬場畜產物市場或者其他地方食烤肉，炭火烤鰻魚，或者。。仲有咩介紹？

0 0 0

私人傳訊

tammykam01

男爵府

積分: 9365

35^#

發表於 19-9-27 10:05 |只看該作者

noblecatxoxo 發表於 19-9-27 10:01
回覆 tammykam01 的帖子

咁我報個唔包餐既團喇

私人傳訊

noblecatxoxo

大宅

積分: 2213

34^#

發表於 19-9-27 10:01 |只看該作者

回覆 tammykam01 的帖子

咁我報個唔包餐既團喇

私人傳訊

tammykam01

男爵府

積分: 9365

33^#

發表於 19-9-26 12:12 |只看該作者

noblecatxoxo 發表於 19-9-26 12:04
唔食得辣咪冇野食囉?

南怡島附近有一些食堂。

私人傳訊

noblecatxoxo

大宅

積分: 2213

32^#

發表於 19-9-26 12:04 |只看該作者

tammykam01 發表於 19-9-26 10:28
我去年參加kkday一日本地團，行程包括明洞上車，三文治早餐......,其中Railbike(江村鐵道自行車很好玩.... ...

唔食得辣咪冇野食囉?

私人傳訊

tammykam01

男爵府

積分: 9365

31^#

發表於 19-9-26 10:28 |只看該作者

爸爸爸爸發表於 19-9-16 09:23
至於實際上係點真係要去完先知。或者大家比啲意見。。。

宮殿

我去年參加kkday一日本地團，行程包括明洞上車，三文治早餐......,其中Railbike(江村鐵道自行車很好玩.....午餐辣鷄炒飯，泓大下車，團費$428港元，我覺得ok。

私人傳訊

爸爸爸爸

洋房

積分: 44

30^#

發表於 19-9-26 10:11 |只看該作者

回覆樓主：

本帖最後由爸爸爸爸於 19-9-26 10:22 編輯

另一種係炭爐，收費6000 一個人，但留意唔係去郊野公園BBQ嗰啲，係韓式餐廳常見嘅，下面嘅碳會燒得好紅，熄咗爐都會紅一陣。

我哋用炭爐。

有件怪事，榻榻米枱有個男食客中途起身應該係想去toilet，但發覺唔見咗對鞋。搵勻周圍都唔見，唯有著住店舖嘅拖鞋去toilet。埋單時店員比咗對細兩個碼嘅波鞋佢著走，多番道歉，後來比咗相等港幣百幾蚊嘅韓won 佢當係賠償。。不過班人都係得啖笑

另外，食完你成身都會係油煙，切忌著飲衫去食。

私人傳訊

爸爸爸爸

洋房

積分: 44

29^#

發表於 19-9-26 10:06 |只看該作者

回覆樓主：

本帖最後由爸爸爸爸於 19-9-26 10:17 編輯

啲肉按需要切好放入發泡膠盒（好似超市買肉嗰啲，不過質地較硬），再用保鮮紙包住。呢個盒佢哋燒烤完之後會去燒烤店攞返重用，所以大家盡量唔好整邋遢佢。

店員帶我哋去附近一個2樓燒烤店，去到時非常熱鬧，要等六七分鐘先有枱。香港人佔起碼一半，好似唔多見有大陸人。