吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 帶住太太好似湊女咁...

夫婦情感今日: 2|主題: 42711

收藏本版

發帖

返回列表

跳至頁

查看: 26968 | 回覆: 128

帶住太太好似湊女咁...

[複製鏈接]

12 3 4 5...7

PTMCYS

子爵府

積分: 13873

1^#

發表於 19-9-17 22:41 |只看該作者 |正序瀏覽 |打印

本帖最後由 PTMCYS 於 19-9-17 22:55 編輯

仔仔讀中學, 多了跟太太拍拖的時間, 開始尋回未生仔前的相處感覺.

上週六, 一早捉仔仔和太太去公眾泳池游水, 住的屋苑都有, 但太細... 一早計劃好, 游完大家去食個高質早餐..... 我和仔仔一早ready, 見太太差不多, 我們企屋門口等太太, 太太攪依樣個樣, 我提她記住帶防晒衣.... 她反過來鬧我們站在門口等她, 令她壓力大...... 我話我地站在門口傾偈, 從來無催過妳, 咁都搵人黎鬧既... 扮無辜..

去到泳池, 我和仔仔換好衫, 在走廊等她, 一路做熱身, 做完熱身都未出黎既? 我同仔仔講, 女人係慢D, 等下啦.... 等等下, 卒之出黎, 見佢鬼鬼祟祟用毛巾包住上身, 問佢做咩無著防晒衣? 佢話忘記帶, 問我應該唔驚啦, 佢內裡係3點色來, 我話緊係唔得, 邊有人係泳池穿三點色, 而且佢好易走光.... 佢話拉上D, 一拉兩球就好似唐朝D 女仔咁谷出來, 我話唔掂, 一係妳坐係池邊包住等我地, 一係回家等..., 唔准游水..., 跟住我話算啦, 池邊太熱, 叫太太反正比左錢, D 頭髮又給水簾弄濕了, 叫佢沖埋涼回家等..... 咁佢又乖乖回家等....

我們游完水, 在附近的博物館旁邊的餐廳食早餐, 因餐廳外表不像餐廳, 我估計太太未必找到, 所以在館門口太陽下等太太行來, 諗住等一陣無所謂......, 我望住屋企方向, 看著錶, 又打whatapp她說步行中, 咦! 無可能未到? 多等一段時間, 她才在我背後反方向來, 原來她兜了一條雙陪的路, 問她為何咁近都唔識, 她說當時腦袋只想這條路, 沒有想太多...

. 我說知妳論盡, 怕你搵唔到餐廳, 專登係門口等妳.... 真係無計錯數...

跟住開心食完早餐回家, 接著再跟太太去街, 仔仔在家..... 見她入了Lift 睇一份簡介, 她站在按鈕旁邊, 之後到另一樓層停下, 有2人入lift, 站在另一邊有門按鈕處談話, 但沒按關門, 我叫太太按, 她不願意下按了. 之後又到另一樓層, 有位菲傭入來, 站在門口, 又不按關門, 全部入等lift 門自行關, 我叫太太按, 她不聽我說.... 離開後我問她, 她說人家最遲入, 應該是他們按, 唔按咪大家都唔好按lor, 我話除非妳站在最入, 不然有責全按lift 門, 不按會影響其他入面搭lift 的人, 唔可以因為其他人不按, 妳就不按, 其他人衰, 唔代表自己要一樣衰, 要由自己做起架, 見她不開心, 不認同的樣子, 由佢......

跟住去了一田買了兩大袋東西, 好重, 又餓, 但太太說未肚餓, 但想飲梳打水, 咁我隨手取罐比佢.... 見佢取袋咁重, 幫佢攞埋..... 本來想回家在樓下食, 但之後我又攰又餓, 開始有D 急, 費事催佢走易鬧交, 我話唔返去食, 搵間坐得好D 既餐廳啦, 佢話手攞住罐野, 會唔比入, 話我買錯左罐裝, 應買枝裝有蓋的.... 我心諗好鬼攰, 仲有咩要求...., 邊有枝裝呀......? 跟住佢又話, 反正佢唔餓, Mc記食啦, 又可以帶罐野入去...., 咁我就一枝箭標左入去, 見到張高枱有兩個位, 好鬼攰, hea 左兩袋野係枱面, 叫太太幫我揸主意買餐, 我睇位...... 但見佢搵來搵去, 我坐係到睇佢攪咩鬼, 又比佢搵到個卡位, 叫我攞野過去,.... 心諗食完就走, 攞來攞去做咩? 不過見佢搵到好位, 無所謂啦, 我放低D 野, 想叫佢買野, 點知比佢講左先, 話佢唔肚餓, 叫我自己買自己鍾意食的....,

我見買野條龍咁長既......

算啦, 死死地氣去買, 點知行兩步, 佢加了句, 買盒Mc樂雞比佢, 當堂啤一聲, 苦笑一下, 係到諗, 點解今日覺得佢成個細路女要湊架.... 唉! 邊個叫佢係我老婆....頂硬上啦....! 大海無量嘛......

0 0 0

私人傳訊

laukkk

珍珠宮

積分: 39910

129^#

發表於 19-11-3 17:01 |只看該作者

回覆樓主:

麥記果度我想講應該大多數太太都會咁，我絕對鍾意坐卡位多過高櫈
仲有一定係老公負責買，我亦都會搭單麥樂雞

都係果句啦，老婆自己揀既

私人傳訊

PTMCYS

子爵府

積分: 13873

128^#

發表於 19-11-1 07:28 |只看該作者

mingmama 發表於 19-10-30 13:59
呵呵寵妻文～唔係淨係我一個話樓主寵妻架

寵是錯都不說，由对方繼續。我的只是錫，錫太太是應該的。

私人傳訊

PTMCYS

子爵府

積分: 13873

127^#

發表於 19-11-1 07:20 |只看該作者

taidou 發表於 19-11-1 00:48
其實我唔太覺得你太太有咩大問題，每個人都有唔同的特質，佢處事似乎唔太完美，但全都係小事，可能大事精 ...

其實男人在大圍責任上照顧太太，係理所當然的事，亦要表現得大方，女人在細微上事實比男人優勝，所以在家庭生活的細緻裡，得到太太的照顧，大家互相緊扣，形成一個互動有愛的家庭很重要的，我都係履行我的部份，緊守岗位啫，唔覺得係享受，係要做的份內事，這個堅持係無時間限制的。

私人傳訊

taidou

男爵府

積分: 6704

126^#

發表於 19-11-1 00:48 |只看該作者

PTMCYS 發表於 19-9-17 22:41
仔仔讀中學, 多了跟太太拍拖的時間, 開始尋回未生仔前的相處感覺.

上週六, 一早捉仔仔和太太去公眾泳池游 ...

其實我唔太覺得你太太有咩大問題，每個人都有唔同的特質，佢處事似乎唔太完美，但全都係小事，可能大事精明吧。唔好介意，我覺得你太計較，所指出的都係無傷大雅的小事。

睇埋你其他回覆，知道你其實都享受照顧太太的，祝你倆白頭到老。

私人傳訊

mingmama

子爵府

積分: 10692

125^#

發表於 19-10-30 13:59 |只看該作者

LOVE074 發表於 19-10-30 10:37
早晨～其實看完樓主您的POST後，之後我真的多了機會從男性角度出發，多了機會考慮他的感受。所以很謝謝您 ...

呵呵

寵妻文～唔係淨係我一個話樓主寵妻架

私人傳訊

PTMCYS

子爵府

積分: 13873

124^#

發表於 19-10-30 11:41 |只看該作者

luckybob 發表於 19-10-30 10:17
咪大環山泳池。
你都有你道理，不過兩個人相處都係講遷就。

咪大環山泳池。--> 咁這區人有福了, 這機會不屬我的, 我這區人好保守....... 不過妳這邊泳池以前廿多歲去學過游水...

私人傳訊

LOVE074

子爵府

積分: 10602

123^#

發表於 19-10-30 10:37 |只看該作者

本帖最後由 LOVE074 於 19-10-30 10:37 編輯

PTMCYS 發表於 19-10-30 08:41
哈哈, 不用sorry 咁認真, 我的分享基本上有一成人會"思考"或"參考得到" 就沒浪費了.

之前見依到來來去去 ...

早晨～其實看完樓主您的POST後，之後我真的多了機會從男性角度出發，多了機會考慮他的感受。所以很謝謝您的分享，期待您下次的寵妻文哈哈

私人傳訊

luckybob

大宅

積分: 3532

122^#

發表於 19-10-30 10:17 |只看該作者

PTMCYS 發表於 19-10-30 08:48
會否係你大男人引致的問題呢--> 男人有時要大男人, 要有霸氣才是man, 除一些我堅持無空間的事情外, 我一般 ...

咪大環山泳池。
你都有你道理，不過兩個人相處都係講遷就。

私人傳訊

PTMCYS

子爵府

積分: 13873

121^#

發表於 19-10-30 08:48 |只看該作者

luckybob 發表於 19-10-29 10:10
我都係。佢唔介意，你理得人，我都係咁，我老公都無話我。其實你太太咁，會否係你大男人引致的問題呢？
...

會否係你大男人引致的問題呢--> 男人有時要大男人, 要有霸氣才是man, 除一些我堅持無空間的事情外, 我一般都係小男人, 比佢處理, 作狀怕佢....., 咁樣的家庭才會有趣, 唔可以成日自己話事惡晒的, 女人要有自信, 當然每個人都要.

講返3點式, 妳係邊個場游先, 要睇下真定假.....

私人傳訊

PTMCYS

子爵府

積分: 13873

120^#

發表於 19-10-30 08:41 |只看該作者

LOVE074 發表於 19-10-28 17:43
SORRY，初黎報到，頭先第一次見樓主您既POST，當下真係咁覺得。之後睇其他ＰＯＳＴ，再見到樓主您既回覆身 ...

哈哈, 不用sorry 咁認真, 我的分享基本上有一成人會"思考"或"參考得到" 就沒浪費了.

之前見依到來來去去都好灰, 才分享一下, 希望多一個角度參考夫妻間的事情或原來有人這樣想和處理.......

私人傳訊

PTMCYS

子爵府

積分: 13873

119^#

發表於 19-10-30 08:26 |只看該作者

hyhyhy 發表於 19-10-29 13:25
當你買咗罐裝，心諗: 「好鬼攰，仲有咩要求」，可能你太太響lift同泳池都諗緊同一句嘢 ...

咁又唔會, 太太係個簡單的人, 雖然有自己的性格和空間, 但基本上要人帶著的女人來.

我睇得出你係爲佢好 ---> 大家都係走同一條人生路的人, 唔為佢好為邊個好呢!

私人傳訊

hyhyhy

別墅

積分: 748

118^#

發表於 19-10-29 13:25 |只看該作者

回覆樓主:

當你買咗罐裝，心諗: 「好鬼攰，仲有咩要求」，可能你太太響lift同泳池都諗緊同一句嘢

不過我睇得出你係爲佢好

私人傳訊

luckybob

大宅

積分: 3532

117^#

發表於 19-10-29 10:10 |只看該作者

Hoining 發表於 19-9-17 23:56
我去泳池都係著三點式，諗唔到有咩問題

我都係。佢唔介意，你理得人，我都係咁，我老公都無話我。其實你太太咁，會否係你大男人引致的問題呢？

私人傳訊

LOVE074

子爵府

積分: 10602

116^#

發表於 19-10-28 17:43 |只看該作者

PTMCYS 發表於 19-10-28 17:28
哈哈，你理解到什麼就什麼，不是重點。
成個女人又好，當我真係女人都好，不要緊的，get 唔到就get 唔到 ...

SORRY，初黎報到，頭先第一次見樓主您既POST，當下真係咁覺得。之後睇其他ＰＯＳＴ，再見到樓主您既回覆身影，睇得出您係好愛錫太太，夫妻相處之道有自己一套，只係想分享比男士女士們知。我媽好似樓主您咁，哈哈，每個小事都打到好長篇，做女既會覺得佢好長氣，所以睇完您就如睇我媽既短訊咁（笑）謝謝您既回覆，令我有機會向您示好。