1-3歲 今日: 1 | 主題: 19712

積分: 961

1^#

發表於 19-11-9 22:22 |只看該作者 |正序瀏覽 |打印

之前有發帖問過各位對呢5 間幼稚園既見解，今日終於全部面試完畢，想分享下我既感想

1 ：浸信會呂明才
面試全程係一位老師跟，有家長對話，再黎同小朋友玩遊戲
可能心儀呢間，覺得感覺好好，老師同囝囝溝通得唔錯，本身我仔慢熱既
，都可以係十分鐘內同佢熟到掉低我跟老師去玩，面試過程唔難，睇得出呢間係happy school ，感覺有d似國際學校咁係遊玩中學習

2 ：東華三院捷和鄭氏
面試由兩位老師分別進行，一個同家長傾，一個同小朋友玩，可惜我同老師講得太尊心，完全唔知仔仔做左d咩。。。
呢間對小朋友既日常生活問得好仔細，我諗佢係照顧方面應該會唔錯，聽老師講平時仲會有好多戶外課程，可以俾學生好多接觸課室外地方既機會

3：興華幼稚園
學校好體諒，知道我趕下場面試，入去唔夠三分鐘就有老師黎 in ( 我早左20分鐘到)
面試主要考小朋友疊積木，分顏色，手仔拎野。。。。之類，都係聽指令行動，同其他幾間無咩大分別

4：路德會聖雅各
呢間一眼望落去好多老師都好後生，阿仔好似同姐姐玩咁，唔多專心
面試內容對我仔黎講好難
疊積木8個：我仔最多第6個就冧
穿積木：阿仔得2歲，未訓練過基本上唔識穿
拼圖：完全唔掂
轉積木螺絲：入都入唔到
聽聞學校每天三小時課堂中，有一小時會由外藉老師教授，in 完比較起其他幾間(唔同名校比)，我諗呢間課程會深好多

5：柴灣堂
最後見呢間同其他有d唔同，首先要家長同小朋友做勞作，然後帶小朋友去聽故事，再黎先係單獨面見
由此覺得學校似係傾向邊做邊學既活動教學
比較驚奇係發現有個男老師，其他幾間都唔多見到有，哈哈

0 0 0

私人傳訊

積分: 390

86^#

發表於 19-11-29 14:29 |只看該作者

kayi_jo 發表於 19-11-29 13:21
係呀～～我去到學校通常都影低餐單，呢個都會係我考慮因素～～

另外都要影作息表，之後跟住嚟調較。

私人傳訊

積分: 563

85^#

發表於 19-11-29 13:21 |只看該作者

sun08182003 發表於 19-11-29 07:25
係呀，我星期六1200呀！
講開廚房我都鐘意自設廚房及提供膳食嘅學校。一來外送唔新鮮兼衛生問題，而且返得 ...

係呀～～我去到學校通常都影低餐單，呢個都會係我考慮因素～～

私人傳訊

積分: 390

84^#

發表於 19-11-29 07:25 |只看該作者

kayi_jo 發表於 19-11-28 21:50
我都諗緊下年會唔會再報，k搵間學術嘅可能好少少，不過我想報全日，有concerned聖道明午餐唔係學校廚房整 ...

係呀，我星期六1200呀！
講開廚房我都鐘意自設廚房及提供膳食嘅學校。一來外送唔新鮮兼衛生問題，而且返得學預咗1/3時間會病，減小一種可能都好重要。
話說聽日都要去影低作息時間表，好準備返學前預先調整餐飲及作息時間。

私人傳訊

積分: 563

83^#

發表於 19-11-28 21:50 |只看該作者

sun08182003 發表於 19-11-28 20:50
聖道明我有同事讀過，整體都滿意。我會下年先報K1。
想問星期六路德會你幾點？睇吓會唔會偶遇
...

我都諗緊下年會唔會再報，k搵間學術嘅可能好少少，不過我想報全日，有concerned聖道明午餐唔係學校廚房整，夏天運送驚會唔衛生⋯

我星期六10:00am 呀，你好似12:00？

私人傳訊

積分: 390

82^#

發表於 19-11-28 20:50 |只看該作者

kayi_jo 發表於 19-11-28 20:31
本帖最後由 kayi_jo 於 19-11-28 20:32 編輯

唔會啦，聽日會書面通知放棄學位～

聖道明我有同事讀過，整體都滿意。我會下年先報K1。
想問星期六路德會你幾點？睇吓會唔會偶遇

私人傳訊

積分: 563

81^#

發表於 19-11-28 20:34 |只看該作者

澳門媽媽發表於 19-11-28 20:00
其實我都係今年第一次見呢d方式in，我六年前in嘅啟思都唔係甘in。我初初都好好奇點解用甘既方式in，我都覺 ...

呢個係有雞先定有蛋先嘅問題～ pg係咁因為學校咁in~ 不過面試模式都有d反映學校教育模式～

私人傳訊

積分: 563

80^#

發表於 19-11-28 20:31 |只看該作者

sun08182003 發表於 19-11-28 19:55
咁你會唔會考慮聖道明呀？

本帖最後由 kayi_jo 於 19-11-28 20:32 編輯

唔會啦，聽日會書面通知放棄學位～
始終鐘意收生少嘅學校～

私人傳訊

積分: 24964

79^#

發表於 19-11-28 20:00 |只看該作者

kayi_jo 發表於 19-11-28 19:29
之前in 聖道明我都有類似經驗⋯ 先係玩檯面嘅玩具，老師離遠觀察評分。玩完一輪就去排排坐聽故事+唱遊，純 ...

其實我都係今年第一次見呢d方式in，我六年前in嘅啟思都唔係甘in。我初初都好好奇點解用甘既方式in，我都覺得你嘅解釋合理之余係因為pg已經係玩呢d，所以好多bb都應該比較習慣呢d方式。我見好多bb都好似好叻甘做到呢d唱遊，同手偶say hi，之後我就接受到呢啲方式in，始終都係大趨勢吧。

私人傳訊

積分: 390

78^#

發表於 19-11-28 19:55 |只看該作者

kayi_jo 發表於 19-11-28 19:29
之前in 聖道明我都有類似經驗⋯ 先係玩檯面嘅玩具，老師離遠觀察評分。玩完一輪就去排排坐聽故事+唱遊，純 ...

咁你會唔會考慮聖道明呀？

私人傳訊

積分: 24964

77^#

發表於 19-11-28 19:54 |只看該作者

sun08182003 發表於 19-11-28 17:07
第一：村校同較出名嘅學校我都有IN過，每間學校收生同取錄方式都有差異，呢種遊戲規則一早就知。但我只係 ...

我吾係打手，不過我仔啟思都有offer。我自己覺得就係因為有難度先可以選擇到小朋友，吾通in邊個bb識食奶咩！冇難度叫乜嘢面試，你in左迦南未？人哋歲零in N係看圖識講反比老師知添，例如，公園，波，車。呢d先叫難丫！圍圈坐定做指令已經係基本野啦。

私人傳訊

積分: 563

76^#

發表於 19-11-28 19:29 |只看該作者

sun08182003 發表於 19-11-28 09:19
報名係想去感受吓機構式學校面試同一般村校有咩分別。實地參觀過啟思(杏花村)比我嘅第一感覺係收生人數多 ...

之前in 聖道明我都有類似經驗⋯ 先係玩檯面嘅玩具，老師離遠觀察評分。玩完一輪就去排排坐聽故事+唱遊，純粹睇小朋友反應⋯ 可能有d學校太多報名所以需要以呢種方式去面試，但我個人唔係咁喜歡，始終老師唔係近距離接觸，單靠幾分鐘觀察唔夠深入了解小朋友⋯不過圍圈排排坐面試模式，又未必等於學校傾向收坐定定嘅學生，純粹只係高效率嘅面試模式～我個仔唔係坐定定，會衝出去圈內，都有am offer..
其實名校除左睇小朋友表現，家長都係關鍵之一。普遍學校會鐘意隨和嘅家長、有d傾向有高學歷收入高嘅家長，呢d都係我教幼稚園嘅朋友同我分享～可能你夠隨和，所以啟思收你小朋友呢～

私人傳訊

積分: 390

75^#

發表於 19-11-28 17:07 |只看該作者

澳門媽媽發表於 19-11-28 15:06
吾係名校收生不明，村校你都唔會知佢點收生的。收吾收除咗睇表現，仲有眼緣，有冇兄姐，宗教，舊生。你都 ...

第一：村校同較出名嘅學校我都有IN過，每間學校收生同取錄方式都有差異，呢種遊戲規則一早就知。但我只係想講要一歲多小朋友乖乖哋玩Group In 其實真係有一定困難，一定要事前做定準備，重要識「快D拍手，加分嫁」。

第二，我純粹分享啟思(杏花村)Open Day 及面試期間對學校設施及教師表現嘅觀察及體驗，並無針對面試模式多過睇學校？

第三：明明之前你先指出原來比較出名如「明慧，合一堂，都係甘in，呢個in法係似Pg的，上Pg都係甘上，我見好多國際學校同出名嘅學校都係甘in」.......做咩忽然變成係我一直強調名校先會咁In？BTW 都好多謝你提供寶貴經驗，往後如果有意報考呢批比較出名o既學校都可以有一個參考

。

第四：我仔當日表現咁差啟思(杏花村)都出Offer，真係令我一頭黑人問號。但你一番說話令人豁然開朗：成功除左實力，運氣都好重要。佢咁曳都有Offer咁佢一定偽運氣爆棚了。

最後真心想問一句：你係咪打手？

私人傳訊

積分: 24964

74^#

發表於 19-11-28 15:06 |只看該作者

sun08182003 發表於 19-11-28 14:35
我仔當日發曬脾氣無跟指示做竟然都有offer，只能夠講係幸運。雖然我哋決定唔take offer，但諗返起當日有一 ...

吾係名校收生不明，村校你都唔會知佢點收生的。收吾收除咗睇表現，仲有眼緣，有冇兄姐，宗教，舊生。你都唔會知村校收生準則！你一直強調名校先會甘in，我只是想講，不論名吾名校，咁in只係一個方式。而且出名到學之園，維記佢哋可能又係另一個in法啦。你似只係針對個面試模式多過睇學校囉。

私人傳訊

積分: 390

73^#

發表於 19-11-28 14:35 |只看該作者

澳門媽媽發表於 19-11-28 14:23
仲有一點，如果個個小朋友都可以一模一樣甘做到要求，甘就吾需要面試啦。考得都係想揀小朋友啫，如果你小 ...

我仔當日發曬脾氣無跟指示做竟然都有offer，只能夠講係幸運。雖然我哋決定唔take offer，但諗返起當日有一名家長喺臨走時都細細聲提個女：快D拍手，加分嫁

。我呢家諗返轉頭既然名校收生方式不明，下年考K1再挑戰時唔需要做作，輕鬆愉快哋去就可以了

私人傳訊

積分: 24964

72^#

發表於 19-11-28 14:23 |只看該作者

sun08182003 發表於 19-11-28 14:07
其實要一個1歲鬆D嘅小朋友可以乖乖坐定定聽/做指令已經好犀利。只能夠講名校自然有佢嘅收生方式，見識完 ...

仲有一點，如果個個小朋友都可以一模一樣甘做到要求，甘就吾需要面試啦。考得都係想揀小朋友啫，如果你小朋友做吾到坐定定做指令，而學校又唔收你小朋友，只能怪自己小朋友技不如人，即使人地同你一樣表現收左都好，不要忘記，世界上有一種實力係你冇得控制嘅，呢個實力叫幸運！好多人有抽獎運，呢個都係實力的一種，升小時就明白啦。

私人傳訊

積分: 24964

71^#

發表於 19-11-28 14:18 |只看該作者

sun08182003 發表於 19-11-28 14:07
其實要一個1歲鬆D嘅小朋友可以乖乖坐定定聽/做指令已經好犀利。只能夠講名校自然有佢嘅收生方式，見識完 ...

其實都吾係個個肯自己坐定定，不過我覺得肯坐同做指令都唔係收生準則。我仔考明慧喊住in，一樣有上午班N的offer。我唔覺得名校收生方法有乜問題，我覺得應該接受一下新事物仲好啦。

私人傳訊

積分: 390

70^#

發表於 19-11-28 14:07 |只看該作者

澳門媽媽發表於 19-11-28 13:56
但係好多學校都係甘in小朋友。以我所知，明慧，合一堂，都係甘in，呢個in法係似Pg的，上Pg都係甘上，我見 ...

其實要一個1歲鬆D嘅小朋友可以乖乖坐定定聽/做指令已經好犀利。只能夠講名校自然有佢嘅收生方式，見識完長知識

私人傳訊

積分: 24964

69^#

發表於 19-11-28 13:56 |只看該作者

sun08182003 發表於 19-11-28 09:19
報名係想去感受吓機構式學校面試同一般村校有咩分別。實地參觀過啟思(杏花村)比我嘅第一感覺係收生人數多 ...

但係好多學校都係甘in小朋友。以我所知，明慧，合一堂，都係甘in，呢個in法係似Pg的，上Pg都係甘上，我見好多國際學校同出名嘅學校都係甘in。村校就多數一枱玩具比小朋友任玩，老師係旁邊做指令甘。其實啟思一早賣左比大陸集團，佢d老師都係好green。

私人傳訊