想生BB 今日: 6 | 主題: 109529

積分: 784

1^#

發表於 19-11-22 16:16 |只看該作者 |正序瀏覽 |打印

上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上發生。醫生都只係話1/5機會，好常見。之後去吓旅行，個女功課又忙，好快又放底咗。上個月，又驗到有咗，好開心，覺得今次終於到我。今次又中醫養生，西醫又食黃銅體，覺得今次應該Ok。上星期有少少流啡，即刻仆出去睇醫生，我見到醫生個表情，又係同一個表情，我即刻忍唔住爆喊。唔知點解其實個心好嬲，覺得兩次都係我。之後又係嗰啲機會率嘅理論。今次我比較冷靜，前日去醫院，醫生問我想點處理，我上次因為塞藥之後再刮宮，今次可以直接揀，我好快揀左塞藥。

0 0 0

私人傳訊

oneone_115

複式洋房

積分: 397

32^#

發表於 19-11-26 22:09 |只看該作者

katengan 發表於 19-11-22 16:16
上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上 ...

同路人! 個女7歲，一直都想有第2個，今年1月空心胎，塞藥唔清，之後吸宮。今年9月發現中左，但發現胎停左在第6週，有過之前既經驗，今次直接揀吸宮，感覺會好d。覺得男人係唔會明白女人既感受，今次我自己入院出院覆診，睇中醫調理，我都高齡，感覺有心冇力，唔打算再追啦!

私人傳訊

siupochan14

積分: 701

31^#

發表於 19-11-26 15:50 |只看該作者

回覆 katengan 的帖子

聽到你咁我都好UP SAD

令我諗返3年前都試過，追咗3年到而家都得個空! 仲搞到自己情緒都有問題影響，而家睇緊中醫希望好快有好消息．

私人傳訊

積分: 784

30^#

發表於 19-11-26 00:59 |只看該作者

看到大家嘅留言，覺得自己行嘅路並唔孤單。喺度講咗自己嘅經歷同感受，個心舒服咗好多。

要喊又喊過，傷心又傷心過，係時候要重新出發。相信往後日子一定不能忘記我嗰兩個小天使，但願緣份到時能夠與佢哋再相偶。

有個好朋友喺台灣學佛，同我講這一世所有的相遇，都是上一世的重逢。沒有哪次相遇可以準備，沒有哪次重逢可以預演。今次只是緣份未到。

我阿媽同我講，我阿婆以前唔想要我阿姨，又食中藥落仔，又試過喺木屋屋頂跌落嚟，但係我阿姨痴得好實，乜事都冇。所以我相信緣份到嘅時候，小B一定會痴住我。但係我都會check吓先，如果完全冇問題，我相信只係時機未到。

私人傳訊

ahyeeah

複式洋房

積分: 185

29^#

發表於 19-11-25 23:06 |只看該作者

我都係上年10月空心胎，今年9月8週5就冇心跳。

上個月做晒test話我冇問題，但個心真係好灰..唔知幾時再有...唔知會唔會再有第三次

私人傳訊

陶淵明

積分: 3134

28^#

發表於 19-11-25 21:52 |只看該作者

katengan 發表於 19-11-22 16:16
上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上 ...

知道你嘅身心痛苦，我太太都試過五次流產，其中一次最痛嘅一定係孖胎流產。大細b先後，但之後經過中醫調理，咁就順利自然懷孕生咗個大隻b。
所以呢千祈唔好灰心，唔好咁大壓力，放鬆啲，好快就有好消息

私人傳訊

積分: 784

27^#

發表於 19-11-25 18:49 |只看該作者

wintermamamama 發表於 19-11-25 18:45
聯合醫院吸宮架唔駛刮宮

當然我都想你可以排出組織，唔駛做手術

我上次威爾斯都係吸宮，但我睇返自己病歷，寫住真空吸引+刮宮。
我問醫生唔係話吸咩？佢話主要吸，但為確保乾淨，最後都會刮。

私人傳訊

wintermamamama

積分: 3606

26^#

發表於 19-11-25 18:45 |只看該作者

katengan 發表於 19-11-25 18:38
我都想check，但係唔敢同老公講，今次之後，佢覺得有冇都冇所謂。

上星期二塞咗藥，到今日都有孕吐反應， ...

聯合醫院吸宮架唔駛刮宮

當然我都想你可以排出組織，唔駛做手術

我老公都覺得有一個已經夠，唔想我再受苦，但我未想放棄！我仲想再試....

私人傳訊

積分: 784

25^#

發表於 19-11-25 18:38 |只看該作者

wintermamamama 發表於 19-11-25 17:33
我曾經都好怨天, 點解你要俾我, 跟住又收返?

點解身邊朋友個個都無問題 (當然啦, 可能人地有事無講出黎姐 ...

我都想check，但係唔敢同老公講，今次之後，佢覺得有冇都冇所謂。

上星期二塞咗藥，到今日都有孕吐反應，我覺得又一次失敗咗... ...

我現在乜都唔敢諗，只希望快啲清乾淨，真係唔想再刮多次

私人傳訊

Sikimy

積分: 2347

24^#

發表於 19-11-25 18:12 |只看該作者

回覆 wintermamamama 的帖子

我今次即日來回只係去聯合驗血, 你search 下jm有post張點心紙, 跟住tick你想驗嘅項目。
有d項目只係星期二 & 星期五出報告, 所以我諗住拎齊d報告, 睇下大唔大問題, 之後再打算睇唔睇醫生。

愛群我未聯絡過答唔到你。

有d jm係小x後兩個月去驗, 我就3個月後先驗, 期間食d supplement 希望指數靚d。

另外老公香港已驗精, 我亦已睇董醫生照超聲波（睇卵泡，子宮內膜等等）

私人傳訊

kate_2011

複式洋房

積分: 452

23^#

發表於 19-11-25 17:45 |只看該作者

我都係上年化學，今年空心，調理幾個月再試，再唔得就放棄

身心都已經好疲累

私人傳訊

wintermamamama

積分: 3606

22^#

發表於 19-11-25 17:37 |只看該作者

Sikimy 發表於 19-11-23 11:12
我都有個仔2歲半, 今年已流產2次, 38歲, 下星期會去台灣驗血, 我建議驗血搵原因出來 ...

jm, 你去聯合驗血, 再去愛群睇報告?
我見好多jm都係咁講

你介唔介意講多少少?

我都剛send email俾聯合, 因為我唔知我要驗乜, 要大約幾多錢, 要幾耐先有報告

愛群可以係診症前幾多日預約架? 收費大約如何?

我想知多d, 再計劃下幾時去
我估流產後3個月後先可以去檢驗?
1月新年, 2月我出trip, 所以想3月去驗....諗緊...

(唔好意思,問題多多~~)

私人傳訊

wintermamamama

積分: 3606

21^#

發表於 19-11-25 17:33 |只看該作者

yuiyui82 發表於 19-11-25 17:04
同路人，上年停心跳，今年冇長大.......我都37，心諗生過2胎應該好易，點知生唔出.....
上年諗點解係自己 ...

我曾經都好怨天, 點解你要俾我, 跟住又收返?

點解身邊朋友個個都無問題 (當然啦, 可能人地有事無講出黎姐)?
一次就話唔好彩, 點解要連續兩次?

香港中西醫都覺得唔駛要CHECK原因, 只係不幸, 過半年可以再試
但係我好驚...生理心理上都接受唔到第3次
所以都想去台灣check下
但目前都係睇緊資料, 加上吸宮完都未黎返m, 太急都無用

私人傳訊

yuiyui82

積分: 4306

20^#

發表於 19-11-25 17:04 |只看該作者

wintermamamama 發表於 19-11-22 17:16
我問醫生我駛唔駛做咩檢查, 會唔會有隱性病
我醫生覺得我應該無乜大問題, 因為我後生 (見醫生果陣29歲), ...

同路人，上年停心跳，今年冇長大.......我都37，心諗生過2胎應該好易，點知生唔出.....
上年諗點解係自己，可能冇緣份，今次直頭崩潰，完全接受唔到，過左半年見到朋友生左，又有左心隱隱痛，宜家有時都想生但唔敢

私人傳訊

nss711

積分: 2466

19^#

發表於 19-11-24 13:22 |只看該作者

本帖最後由 nss711 於 19-11-24 13:23 編輯

我8月化學懷孕，10月決定到台灣抽血檢查，點知抽血時已懷孕，發現有免疫，血栓問題。收了報告要返香港，趕唔切係台灣睇醫生，立即去左sz 保胎(有免疫中心), 每日打針食藥。
抽血抽左6次，到5w 幾hcg 翻倍都正常唔錯，6wk 幾點狀胎芽無胎心，7w 幾香港照都係無，但胎芽有0.4, 去sz 再加多隻免疫藥。今日8w幾，依然無胎心。。。可能今次有2星期心理準備。。。比較接受到。。但暫時仲未知有無勇氣再試。。我連第1胎都未生過。。

私人傳訊

falafalabu

積分: 804

18^#

發表於 19-11-24 10:15 |只看該作者

我諗, 之前會唔會係阿女報夢比哥哥, 數年後會再番嚟. 阿女雖然得幾個月大, 比起同年嘅哥哥成熟、乖好多. 可能個天知道哥哥病患需要人照顧, 所以送個小天使幫佢. 我買咗<謝謝你來當我的寶貝>呢本書, 每次睇我都喊, 我相信你宜家只係緣份未到, bb會搵啱時機番嚟.

私人傳訊

falafalabu

積分: 804

17^#

發表於 19-11-24 10:02 |只看該作者

仲好記得我同佢講嘅嘢:
仔: 媽媽抱住個bb.
我: 個bb係男仔定女仔?
仔: 女仔.
我: bb有冇喊呀?
仔: 冇. (媽媽呢?) 冇. (咁你做咩喊呀?) (答唔到)
我: 爸爸呢?
仔: 抱住我. (爸爸有冇喊?) 冇.

我聽完佢咁講, 以為bb會無事, 點知之後都係唔得... 我好快決定吸宮, 之後無坐小月但開始隔日去跑步練氣瘦身, 呢件事除咗至親, 我冇同其他人提, 同事見我sick leave一排亦冇點問. 直至之前, 喺我仔diagnosed 腦癎嘅同時, 我冇心理準備之後吓有咗, 我唔敢開心亦好驚, 其他人恭喜我我都係話比自己聽, 無論結果係點, 一切緣份乃天注定. 結果順理生咗.

私人傳訊

falafalabu

積分: 804

16^#

發表於 19-11-24 09:48 |只看該作者

見到你嘅post, 諗起我2016嘅小產經歷... 我有個6.5歲大仔, 幾個月前剛生完個細女. 我生我仔時係一擊即中, 無上bk爬文乜都唔識就生咗, 以為生小朋友係想要就. 仔兩歲大時, 我好想生多個, 但搞咗年半都無, 心態由積極變怠慢... 到佢四歲嗰年, 喺無心理準備之下中咗, 好開心諗住終於到時候喇, 點知個胎到6weeks已經生長落後, 7-8weeks無心跳, 之後正式certify. 喺未知真係唔得之前, 有一日阿仔早上好傷心咁喊醒(佢同我瞓), 我問佢仲咩喊, 佢話夢見我抱住個bb女.

私人傳訊

HappyBlueberrie

積分: 1669

15^#

發表於 19-11-24 00:42 |只看該作者

回覆樓主:

我都小產過兩次，第一次係18年9月，第二次係今年8月，打算今個月再嘗試，其實個心真係好掙扎，好怕好怕會再失敗，但又好唔甘心認輸，有時會諗，我係咪注定唔會有小朋友，眼見好多jm話唔放棄就總會有成功嘅一日，我真係好想下一個成功嘅會係自己，報喜嘅會輪到我，但呢個想法，我真係覺得好遙遠，真係諗唔到點樣可以衝破呢個心理關口

私人傳訊

yan1008