懷孕前後 今日: 6 | 主題: 330364

積分: 301

1^#

發表於 19-12-16 07:28 |只看該作者 |正序瀏覽 |打印

本帖最後由 akb4488 於 19-12-16 21:03 編輯

我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深呼吸，學習放鬆
但我真係踏出唔到第一步

由細到大我都好驚生仔
由細細個睇bio堂生仔片到身邊開始有朋友生仔會分享佢地的恐怖經歷我每次聽到都拎冷震
由細到大都覺得點解自己係女人要有呢個責任
結左婚好多年一路都無諗住生
但前排同老公傾起佢話其實想試下要小朋友
就算最後唔得唔緊要但起碼想試下同埋佢覺得有小朋友都係件開心事
我已經高齡理性咁睇都應該試下免得以後後悔同埋時間唔等人

咁我同佢agree左要開始試
我一路食緊避孕藥要停藥
然後問題就黎

我覺得自己極唔敢停藥因為我知道一停藥就要開始試
我怕如果真係有左點算
我覺得大肚係一樣好恐怖既事有舊野響個肚入面郁極核突
順產十級痛剪會陰開刀好血腥生完個胸可能會變dur 有紋等等。。
同埋之前睇過新聞陀緊或生緊既時候咩都有可能發生甚至危及生命
覺得成件事好恐怖。。
我係想要細路，但我未至於想要細路想到願意犧牲

我已經連續幾個星期訓唔到教(響諗呢樣野之前係非常開朗)
一合埋眼就係大肚婆尖叫既畫面同埋開刀時既血腥場面
有經歷過的人可以share下經驗? 係我太誇張嗎？我真係好困擾，日日食唔落飯無心機做野，feel到自己有精神病。。。

Update:

好多謝各位回覆你地每個分享我都睇左好多次對我好大參考價值
好感激各位的分享響我咁困擾的時候
咁多好心人分享你地的經歷真係人間有愛
多謝你地
呢件事真係困擾左我十年以上直至而家仍然困擾
所以我好積極咁想諗通迫自己接受
因為如果我再唔理自己的諗法日子只會不斷重覆十年後的我仍然會驚
但現在的我已高齡所以自知時間有限更加係咁迫自己快d唔好咁驚
睇黎要做到完全唔驚係無咩可能原來咁多人都驚唯有驚住黎做呢件事
個個都係驚住生做媽媽真係好偉大
希望我都可以有一日鼓起勇氣去試

有d人又話開刀背脊支針好痛
又有人話生完谷奶痛到爆
真係有好多關要過。。。

0 0 0

私人傳訊

積分: 301

47^#

發表於 19-12-18 18:03 |只看該作者

回覆 firebear 的帖子

多謝你分享丫令我信心多左我都諗住如果有左既話一定會私家生以我咁驚青既性格我已經諗住就算借大耳窿我都要去私家
因為我實在太驚。。

私人傳訊

積分: 301

46^#

發表於 19-12-18 18:03 |只看該作者

回覆 rainbowflower 的帖子

多謝你丫而家努力克服恐懼中。。。呢個post聽到咁多媽媽的分享我信心好似大左
原來咁多人都係驚住生原來我唔係異類

私人傳訊

積分: 301

45^#

發表於 19-12-18 18:02 |只看該作者

回覆 EstrellaDamm 的帖子

多謝你分享正面的經歷呀可能我真係聽左太多恐怖野搞到我有bias
可能聽多d正面例子可以幫我克服到

私人傳訊

cherylloveu

積分: 4664

44^#

發表於 19-12-18 11:54 |只看該作者

本帖最後由 cherylloveu 於 19-12-18 11:57 編輯

加油呀sis ... 我當初都係好抗拒有BB,小朋友。
我完全零母愛同極度討厭小朋友亦好憎係街行到霸王甘既孕婦同拖BB車人!!!!!!!!!!!!!!!!!!!!!!!!!!

我個時會諗佢地除左喊嘈仲識咩, 做人老豆老母除左縱仲會咩

你可想而知我有幾討厭 , 係討厭呢樣野

但慢慢接受左 , 可能因為有老公支持 , 自己接受自己都係好緊要(重點)

係好多野要付出 , 去唔到旅行好痛好恐布

so far我呢刻對住D充滿母愛言論既人都仲係有d頂唔順

但如果你係個現實既人, 可以諗下你老左之後有個仔/女(先不要想乖與否) , 會係一件正面既事

講咁多係想話你知我由崩潰爆喊到而家默默接受只擔心佢健康出世順行就好.....

祝福你, 加油呀

私人傳訊

已刪除用戶

已刪除用户

積分: 8692

43^#

發表於 19-12-18 10:51 |只看該作者

提示: 作者被禁止或刪除內容自動屏蔽

私人傳訊

我做媽媽了

積分: 2004

42^#

發表於 19-12-18 08:06 |只看該作者

回覆樓主：

本帖最後由我做媽媽了於 19-12-18 08:08 編輯

其實你真係唔適合做媽媽,你寧願要自己條命都唔要個BB條命就知道幾自私啦、仲有你高齡唔係一停藥就即刻有BB 㗎如果咁容易呢幾年就唔會咁多人用幾萬蚊去做人工受人啦你都係唔好生BB啦害咗佢一世、做媽媽好偉大㗎可能你未生過你唔會知我有懷孕到而家BB五個月我完全感受到辛苦痛楚無助同埋成日冇教好訓、但係我完全冇後悔生佢出嚟我知道我哋講嘅嘢你唔會鍾意聽但係你未ready真係唔好生啦

私人傳訊

sakurawings85

積分: 2387

41^#

發表於 19-12-18 02:33 |只看該作者

我係一個好怕好怕痛既人，由細到大都話唔會生仔，因為我以為應該會痛死，黎m之後一直有m痛，痛幾個鐘郁唔到果種，以為有肌肉瘤之類，check 完咩事都冇，醫生斷定我係對痛感接受程度比其他人低

其實一直都冇想要小朋友，尤其是我怕痛既程度去到咁，但最後結左緍老公想要奶奶又追，半推半就就有左，老公一直都同我講，我咁怕痛唔開刀會頂唔順，開刀如果搵到好醫生，原來真係會唔痛

我都聽人講無痛枝針好粗好痛，但我竟然真係唔覺得痛
有時d野真係煮到埋黎先食，唔洗唸咁多，又如果真係唔想生，咪領養囉，而家好多人揀領養tim

私人傳訊

Cindycyy

積分: 345

40^#

發表於 19-12-18 00:18 |只看該作者

回覆 akb4488 的帖子

樓主，你有沒諗過去美國搵代孕？
你未有就已經甘負面，我驚你有佐情緒更差，到時唔係你話想生就可以順利甘生，你既情緒分分鐘影響到個胎

呢度好多jm俾好多懷孕生仔既經驗你，其實你之前睇甘多資料都心裡有數，但係問佐甘多聽佐甘多樓主都仲係抗拒（我覺得用驚呢個字唔岩，係抗拒。好似樓主講，點解係女人有呢個責任，唔想生既話可以搵幾百種理由驚，明明機率唔高既野eg生仔會死，都可以無限放大）。

我覺得樓主你真係諗清楚，你一直提老公想要同高齡，感覺好似人地逼緊你。如果你想生但係驚既話，建議樓主搵專業既心理醫生傾下。如果唔想生就唔好勉強自己。

私人傳訊

firebear

積分: 1321

39^#

發表於 19-12-17 23:28 |只看該作者

akb4488 發表於 19-12-16 07:28
我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深 ...

本帖最後由 firebear 於 19-12-17 23:29 編輯

我都好驚架，儲錢丫！去私家醫院生，背脊開刀支針唔痛架，插手背種豆支針痛啲，私家醫院會打支止痛針先，後打背脊開刀支針。開刀唔血腥，縫好已經無血，醫生清理好晒抹乾淨。我又唔覺得個肚有bb 核突，個種感覺好奇妙架，有機會要試試！我胸無墮無紋無中線無嘔，攝影師都讚我個肚靚！佢話就算有，都好正常，唔鍾意可以執相執走，無啦啦唔會俾個肚人睇呀

由大肚起我好勤力日日沖完涼搽油。順產都可以打無痛分娩針。餵奶我餵到2 歲，你怕谷奶痛，可以餵奶粉，奶粉都好架，人奶有抗體，bb 抵抗力好d。我覺得你嘅問題，只要去私家醫院就解決到，私家醫院有得揀。

私人傳訊

rainbowflower

積分: 2400

38^#

發表於 19-12-17 22:47 |只看該作者

新手入門發表於 19-12-17 20:38
能否懷孕我覺得都係天賜俾我地，有啲人好努力但都唔中，如果你無避孕情況下，個天都賜左bb俾你，你應該要好 ...

無錯

隨遇而安係最好無避孕都唔係一定會有係緣份黎我都係無避既情況下等佢順其自然就中左醫生果陣仲問我想要男仔定女仔我話無所謂啦都係天賜既宜家都無諗太多盡左自己本份乖乖戒口同唔好撞親佢

私人傳訊

新手入門

洋房

積分: 81

37^#

發表於 19-12-17 20:38 |只看該作者

能否懷孕我覺得都係天賜俾我地，有啲人好努力但都唔中，如果你無避孕情況下，個天都賜左bb俾你，你應該要好好珍惜

私人傳訊

新手入門

洋房

積分: 81

36^#

發表於 19-12-17 19:51 |只看該作者

樓主唔好向最壞方面諗，即使係高齡都唔代表一定會無左條命，我朋友個媽都4x歲生第二胎，2胎相差2x年，但生產過程都好順利，第二胎都好健康，依家岩岩升小一添。
懷孕過程每個準媽媽都會有啲身心既變化，但我覺得變化都會過去，生完就會無事，雖然十個月時間好長，但當你捱過左，bb出左世你就會覺得好值得，值回票價(emoji)(emoji)同時呢十個月你可以做下女皇，盡情叫老公幫手做家務同服侍你(emoji)
頭幾個月你就會見到bb大得好快，好快識得望住你笑想同你玩，果種冧之之真係要做父母先會明(emoji)

私人傳訊

wintermama

男爵府

積分: 5268

好媽媽勳章親子達人勳章

35^#

發表於 19-12-17 18:44 |只看該作者

回覆樓主:

生小孩，心理質素好重要，直接影響你健康及胎兒。以睇你所描述及高齡，綜合各因素評估，為了你自己的健康，不建議你懷孕。
不用怪責自己，你沒有錯，亦不誇張。因每人所面對的恐懼都不同，你已很努力去嘗試，隨心隨緣去面對。
比自己繼續開心活每一天。

私人傳訊

Lily2020