夫婦情感 今日: 2 | 主題: 42740

積分: 454

1^#

發表於 19-12-18 20:57 |只看該作者 |正序瀏覽 |打印

本帖最後由明月幾時有於 19-12-18 20:59 編輯

開了一個新的帳戶，說一個故事。

那一年，我在網上認識了一個男孩，當時失戀了，只想認識人，說說話，沒有想過要交朋友，沒有想過要見面。就那一年，有一個比我少幾年的男孩給我私訊，那個年代智能電話還未很普及，男孩想跟我電話短訊聯絡，我說我不習慣給陌生人電話，最後我們用電郵交往，就這樣做了筆友大半年，到最後還交換了電話，開始電話短訊，以及漫長夜晚煲電話粥的日子。

終於到了第一次約會，感覺這個男孩很奇怪，外表斯斯文文，但第一次跟我約會的地點，卻是去看凍肉店，我初時以為他想不到去那裏，便隨便進入一間店，到後來我才知道，他真的很喜歡看食材。

0 0 0

私人傳訊

魔鏡魔鏡

積分: 1428

325^#

發表於 20-4-8 00:50 |只看該作者

明月幾時有發表於 19-12-19 23:33
其實呢件事，係現在進行式，樓上有人問我，仲愛唔愛我老公，我唔識答。

而定我諗嘅唔係原諒？修補？定係咩 ...

或者轉個角度諗5歲忘記得好快總好過10幾歲先見到老豆老母吵架離婚咪仲心痛

私人傳訊

tingting2200

子爵府

積分: 14249

324^#

發表於 20-4-7 11:05 |只看該作者

明月幾時有發表於 20-4-4 01:59
由於我發現我自己都依然係做緊獨腳戲，所以又唔知幾時開始我就唔再send訊息俾佢，係屋企我哋會繼續好和諧， ...

其實你對佢仲有情義，仲想修護彼此關系，會唔會考慮一齊去見輔導？

雖然唔係對每對夫婦都有好大改善，但至少大家溝通可以好d，了解對方深層感受多d

私人傳訊

syc7

積分: 1801

323^#

發表於 20-4-6 22:27 |只看該作者

本帖最後由 syc7 於 20-4-6 22:29 編輯

米仔蘭發表於 20-4-5 10:01
折磨，佢返屋企好似酒店住客，話題只係圍繞個女，佢唔返黎，你亦無權過問，渡日如年。最後，佢搬走左，最初 ...

睇完你寫嘅有啲想喊，一方面係替妳高興，妳終於見到晴天！阿女咁生性咁乖，仲要無比父母離婚影響到佢嘅成長。

私人傳訊

米仔蘭

子爵府

積分: 11604

2025勳章 2025勳章蛇年勳章 2024年龍年勳章 2023年兔年勳章虎到金來勳章

322^#

發表於 20-4-5 10:01 |只看該作者

折磨，佢返屋企好似酒店住客，話題只係圍繞個女，佢唔返黎，你亦無權過問，渡日如年。最後，佢搬走左，最初係好痛苦，蒂住個女，睇佢功課，考試溫習，但佢很懂事，沒有令我失望。佢走咗，長遠來說是一種解脫。因為不相愛的人，終日沒有溝通，在家單單打打，呀吵鬧吵鬧，個女愈來愈大，她會看在眼裏，心智和情緒定必受影響。我想話，最難過嘅時候總會過去，與其這樣下去，不如灑脫一點，反而這樣對你同阿女會更好。

私人傳訊

米仔蘭

子爵府

積分: 11604

2025勳章 2025勳章蛇年勳章 2024年龍年勳章 2023年兔年勳章虎到金來勳章

321^#

發表於 20-4-5 09:45 |只看該作者

樓主，當初我和你一樣，怕離婚會令個囡無得和爸爸見面，缺乏父愛，甚至乎想得更遠，會影響佢對男人既睇法不結婚生仔，會喜歡同性....會在同學面前自卑，令佢無心向學等...但這些憂慮都是多餘的。相反我的女兒讀書經常名列前茅，我不曾對她說爸爸的壞話，只經常對她說要好好努力讀書，要爭氣！佢做到了。現在讀大學的她，沒有討厭男人，沒有喜歡女人，還想生很多孩子。近幾年，和爸爸見面多了，爸爸很錫佢，阿囡亦感覺到。雖然我哋離左婚但我倆對她的愛沒有減小。這麼多年來，我不曾對女兒說過他壞話（當時離婚係因為佢識左個大陸女人迫我離婚）我無得選擇，當時幾年時間非常

私人傳訊

syc7

積分: 1801

320^#

發表於 20-4-4 18:17 |只看該作者

本帖最後由 syc7 於 20-4-4 18:18 編輯

明月幾時有發表於 20-4-4 09:23
有時我會諗，其實係咪佢識番嚟屋企就算呢，起碼小朋友仲可以有機會見下佢，而佢亦仲會分擔小朋友開支，如 ...

即係咁，如果分開咗，個男人就會唔多見仔女，又唔肯畀錢嘅話，咁呢啲男人同佢扮一家人咁生活落去我都覺得費事！冇必要為佢完呢場戲,等佢響小朋友面前扮好人。呢咁嘅人都唔係真心錫仔女，留嚟扮齊腳做乜？！

私人傳訊

syc7

積分: 1801

319^#

發表於 20-4-4 18:12 |只看該作者

DengCK 發表於 20-4-4 10:20
小朋友亦會睇到父母無交流無愛在當中。如果佢地知道父母純粹因為佢而唔分開更加會內疚，我覺得你唔需要太c ...

我認同，呢個問題真係要諗返自己多啲，我哋要開心，先有能力繼續帶住小朋友成長。

私人傳訊

syc7

積分: 1801

318^#

發表於 20-4-4 18:10 |只看該作者

abacad 發表於 20-4-4 02:02
好明顯你老公個人返左黎，但個心未返黎，咁嘅生活方式真係聽見都覺得辛苦，你點捱？
...

我捱緊

私人傳訊

DengCK

男爵府

積分: 5979

317^#

發表於 20-4-4 10:20 |只看該作者

明月幾時有發表於 20-4-4 09:23
有時我會諗，其實係咪佢識番嚟屋企就算呢，起碼小朋友仲可以有機會見下佢，而佢亦仲會分擔小朋友開支，如 ...

小朋友亦會睇到父母無交流無愛在當中。如果佢地知道父母純粹因為佢而唔分開更加會內疚，我覺得你唔需要太concern離婚後對仔的影響，因為離同不離都有缺點

私人傳訊

積分: 454

316^#

發表於 20-4-4 09:23 |只看該作者

DengCK 發表於 20-4-4 07:52
我覺得你老公唔係揀左屋企，只係個大陸女人呃完錢走人/俾佢識穿左等等，佢只能夠選擇屋企。好快又俾第二個 ...

有時我會諗，其實係咪佢識番嚟屋企就算呢，起碼小朋友仲可以有機會見下佢，而佢亦仲會分擔小朋友開支，如果分開，以佢性格，邊有可能仲抽空抽小朋友，錢更加唔會比到而家咁。
有時見到一些post係講緊青少年見到自己父母各有另一半在外嘅一點心情同感受，雖然我同佢而家表面無野，咁將來呢，如果發展成咁，小朋友一樣會唔開心同接受唔到，定係早一點讓佢知道，爸媽要分開，但同讓愛佢呢

私人傳訊

DengCK

男爵府

積分: 5979

315^#

發表於 20-4-4 07:52 |只看該作者

明月幾時有發表於 20-4-4 02:35
其實一直咁落去唔係唔得，但係可以維持到幾耐，呢個就係我諗緊嘅問題

我覺得你老公唔係揀左屋企，只係個大陸女人呃完錢走人/俾佢識穿左等等，佢只能夠選擇屋企。好快又俾第二個呃。

佢對你已經無哂感情，其實好多人離婚，夾硬有名無實，爸爸在家只玩電話，唔陪玩，我唔覺得個女會感覺到開心。

樓主努力儲多d本錢，有機會就走啦，無謂浪費時間光陰在呢個男人身上。話唔定仲可以遇到個第二春

私人傳訊

積分: 454

314^#

發表於 20-4-4 02:35 |只看該作者

abacad 發表於 20-4-4 02:02
好明顯你老公個人返左黎，但個心未返黎，咁嘅生活方式真係聽見都覺得辛苦，你點捱？
...

其實一直咁落去唔係唔得，但係可以維持到幾耐，呢個就係我諗緊嘅問題

私人傳訊

積分: 454

313^#

發表於 20-4-4 02:34 |只看該作者

abacad 發表於 20-4-4 02:02
好明顯你老公個人返左黎，但個心未返黎，咁嘅生活方式真係聽見都覺得辛苦，你點捱？
...

其實而家還算可以，因為佢好少係屋企，事實佢工作都好忙，但有幾多係工作，有幾多係出咗去？我冇再深究。因為我都已經唔再執着，旁人聽起嚟好似好辛苦，但其實我已經冇咗呢個感覺，就好似同屋主咁。
所以我先至思考緊，其實大家係咪可以坦白咁講，在商討一個新嘅相處模式，起碼唔好扮關心，又或者唔好期望對方會再關心

私人傳訊

abacad

積分: 311

312^#

發表於 20-4-4 02:02 |只看該作者

明月幾時有發表於 20-4-4 01:56
由新年到而家四月啦，初初佢話會揀返屋企，我都同佢講我哋嘅溝通太少，以後要溝通返多啲，但係就只有我不停 ...

好明顯你老公個人返左黎，但個心未返黎，咁嘅生活方式真係聽見都覺得辛苦，你點捱？

私人傳訊

積分: 454

311^#

發表於 20-4-4 01:59 |只看該作者

由於我發現我自己都依然係做緊獨腳戲，所以又唔知幾時開始我就唔再send訊息俾佢，係屋企我哋會繼續好和諧，盡量我都唔會同佢有衝突，我唔會再黑佢面，大家好似扮緊相敬如賓咁，佢得閒又係對住個電話，我就專心對住個女，同樣亦都專心對住個電話。

響呢段期間，其實我做返好多自己想做嘅嘢，開始搵返我自己，對於呢段關係我已經覺得好攰，都算係放棄狀態，對佢我係仲有感情，即係對一個親人嘅感情，但係咪要咁樣繼續落去我都唔太肯定，近來開始諗緊，我哋應該繼續扮落去，定係商討一個新嘅相處模式？
坦白為咗小朋友，我唔係幾想分開，但係而家咁樣膠着嘅狀態，亦係好煩惱。

私人傳訊

積分: 454

310^#

發表於 20-4-4 01:56 |只看該作者

由新年到而家四月啦，初初佢話會揀返屋企，我都同佢講我哋嘅溝通太少，以後要溝通返多啲，但係就只有我不停send訊息俾佢，佢有時會應，有時忙亦唔回應，佢忙唔應都唔緊要，但係佢從來就冇主動俾信息我，幾點返工，幾點放工，放工係咪即刻返嚟，定係食埋野先返，要我問我先會知，我唔問都係唔會知。
初頭我都有關心佢多啲，整宵夜等佢返嚟。但久而久之我發現，其實佢話返嚟呢個屋企，但係佢冇做過任何補償嘅嘢，不論係對我，定係對個屋企，佢雖然錫小朋友，但係都好少同佢玩，大家就好似當冇事發生一樣，繼續咁生活，溝通依然係冇嘅。

私人傳訊