婆媳關係 今日: 5 | 主題: 27777

積分: 45

1^#

發表於 20-1-4 02:41 |只看該作者 |正序瀏覽 |打印

本帖最後由 qwq_12 於 20-1-6 00:09 編輯

因為實在無地方可以申訴，都唔知點做好，所以想問下大家既意見。我對呢段感情好認真，希望唔好因為年齡而輕視我既煩惱，當學下野都好。

貪心既奶奶
明明屋企好地地，係都要搬人地唔要既兩張中式木椅，搞到成間屋明明唔係果種風格，搞到好格格不入咁。你就話：「你唔想要咪遲下dum左去囉！］但係我敢咩。。啲語氣囂張到。。
另外，人地啲呀姨比佢既餸呀，菜，水果呀。佢拎一大堆返黎放滿個雪櫃，跟住食唔哂又怪我地唔食，從來無諗過我地鍾唔鍾意食既。而且佢自己又唔食照dum，跟住又比說話我地聽，搞到我地好似浪費佢啲野食咁。

被寵慣既奶奶
男家果邊個啲人個個都寵慣個奶奶（尤其係老爺），搞到奶奶小氣又霸道加上佢更年期，更嚴重。返到屋企就指定一定要自家煮飯食，仲要係我地煮，而且煮得唔好食又係度嫌三嫌四。
跟住煮飯，洗碗，洗衫晾衫，掃地都係我做。佢仲要覺得好理所當然咁，有人黎仲指定叫我搞衛生！佢自己咩都唔幫手。
佢又嫌我晾衫晾得唔好自己再晾過，掃地又係！其實你唔滿意咪講囉，又粒聲唔出黑哂面咁自己再做過！
自從佢搬返黎住，廁所櫃全部放既係佢啲美容產品，好啦。就佢！加多個架係旁邊，隔日，都可以放滿哂佢啲野。原本得一隻杯我同老公用，佢一黎自己又唔買隻杯，又唔出聲，有舊又唔用舊。就霸埋黎用，之後買過隻新既杯讓舊果隻比佢用，你以為完啦咩？我見佢舊果隻杯黑哂就知佢無用！而且我起床見到自己同老公果隻杯有泡！就知道原來佢當舊果隻杯做擺梳！唔怪得黑哂！當下我即刻買過隻加dum左佢果隻舊杯，再同老公講叫佢同奶奶講清楚邊隻係佢既。真係一啲衞生常識都無！！另外仲要係咁叫我用佢啲護膚品，但係我無呢個習慣同人共享（都係唔衛生），佢就以為我嫌棄佢。

冷言冷語既奶奶
上面講到我晾衫，我從細到大都無咩點做過家務，但我願意學。我去幫手晾衫果陣（洗完衫無人打算去晾），唔小心將佢就黎乾果啲整濕左少少。跟住佢就接落黎鬧：「有咩理由咁蠢架？晾衫唔識分開放架？（以下省略一千字」，但係果陣已經係超多衫一齊洗，反而唔夠位晾先好迫咁。其實佢可以她好地教我而唔係話我蠢囉。
好啦，到買傢俬要自己砌，砌完幾個鍾後佢返到黎。我問佢想放咩落去，佢居然答我：「反正你地都會放哂啲垃圾落去架啦」我以為聽錯，我再問佢一次，佢居然再大大聲聲講多一次。我個心當唐好似碎左咁，為左屋企多啲空間無咁亂，佢一句裝垃圾就算。。
佢搬黎之前我地不嬲有養開寵物，佢一搬黎就下馬威，話要dum哂佢。。我同老公都堅決反對佢先勉強接受。。有次煮飯遲左，到佢返黎先開始煮（因為佢成日話啲呀姨比野食佢佢好飽），跟住佢就話：「有心就唔會呢個時候先煮啦」。

唔識溝通既奶奶
即使我不滿佢，我自問都無表現出黎，甚至仲以我方式關心佢。佢話無衫就買衫比佢，佢無咩就買咩，佢講佢日常生活既野我就靜靜地坐係度聽（聽完我都唔知比咩反映就跟住佢笑果隻。想出街食飯我就叫老公同佢講聲，咩節日快樂果啲又係我提老公叫佢講既，佢要搬黎就買個衣櫃比佢用，佢唔想剝蝦我就幫埋佢剝。老實講我先識奶奶一年，做到咁已經好尊重啦掛？
反而我最近唔係屋企佢就惡人先告狀，同我老公講我唔尊重佢，成日黑佢面又剩。話我啲語氣唔好，但我自問係正常語氣，而且好難一直笑笑口咁掛？我老公幫我解釋佢又轉移話題，完全有佢講無人講咁。

我既心聲
我其實都知道自己有好多不足，但係作為奶奶既佢點解唔可以多啲包容溝通？日日比佢咁精神折磨左一年，隔唔耐都可以有啲令我好沮喪既事情發生。一同佢溝通就開始「我咩都唔聽咩都你衰」既模式，搞到我真係唔知點同佢相處落去，雖然老公都有幫我頂罪，但係佢對個仔一樣係咁。
麻煩大家比啲意見我。。的真係唔知點做，最壞既後果就係分手，我真係唔想咁。

0 0 0

私人傳訊

積分: 45

39^#

發表於 20-1-6 02:00 |只看該作者

回覆華妹妹的帖子

多謝你講哂你多年學既野比我知，真係好實用！

因為婆媳關係真係門大學問，我今後會盡量嘗試一下你講既方法！
如果有機會可能會補上後續～希望會無啦

私人傳訊

積分: 21542

38^#

發表於 20-1-6 00:33 |只看該作者

提示: 作者被禁止或刪除內容自動屏蔽

私人傳訊

積分: 21542

37^#

發表於 20-1-6 00:26 |只看該作者

提示: 作者被禁止或刪除內容自動屏蔽

私人傳訊

積分: 45

36^#

發表於 20-1-5 23:59 |只看該作者

本帖最後由 qwq_12 於 20-1-6 00:01 編輯

回覆 Nagomi 的帖子

多謝回應！就係因為我越同佢住落去就越唔開心。。所以先發現自己係盲從，睇完大家既意見我先明白原來係唔可以咁樣盲從，自己唔開心得黎仲比佢得寸進尺！因為我以前以為婆媳關係就係：佢係老人家，所以事事都要就佢。
老公果方面我同佢傾過之後都有幫我出聲，但係佢自己都係比奶奶咁對既，所以佢都做唔到太多野。
但係起碼知道有人係支持我既。

私人傳訊

積分: 45

35^#

發表於 20-1-5 23:54 |只看該作者

回覆華妹妹的帖子

多謝回覆！華妹妹你個處理方法真係好正！而且合理！
但係我想請教一下，如果試左呢個方法之後奶奶話我駁嘴同佢係佢啲wechat群度同親戚報串，咁應該點做好

私人傳訊

積分: 21542

34^#

發表於 20-1-5 18:13 |只看該作者

回覆樓主:

提示: 作者被禁止或刪除內容自動屏蔽

私人傳訊

Nagomi

大宅

積分: 3178

33^#

發表於 20-1-5 16:15 |只看該作者

回覆樓主:

樓主你太冧善！呢D人係度擺奶奶款，你駛咩比面佢

, 佢又唔係生你養你果個，要擺款叫佢對住自己仔女擺，你越退佢就越得戚，雖然話你重視同老公感情，但都唔可以盲從，正好係呢件事上睇下老公點處理，佢係明白事理的話，應該知道誰是誰非

私人傳訊

積分: 45

32^#

發表於 20-1-5 02:35 |只看該作者

本帖最後由 qwq_12 於 20-1-5 02:38 編輯

回覆 cheechi 的帖子

其實你係味心理專家黎

反而你解釋左我更加覺得佢咁做係佢既情況下又真係合理，因為大姑奶早就嫁左人，老公無咩點關心佢（同我一樣唔識同佢相處）。
過多排又打回原型或者真係做戲既話（如果係咁我對佢既信任度會直降為0

），我真係好似之前樓上比既意見咁，咩都唔理佢算了。
我真係學到好多野！真心多謝你，因為看似只係一個普通既回答，但係真係幫到我未來既人生。因為奶奶我同老公既關係都開始惡化（不過依加無事了）。

係度都多謝各位既回覆！
因為我真係唔識點同奶奶相處，係度先知原來我呢種行為係唔算唔尊重佢，一步步教我點應對奶奶。
再次多謝各位既回覆！

私人傳訊

cheechi

伯爵府

積分: 18669

畀面勳章

31^#

發表於 20-1-5 02:07 |只看該作者

qwq_12 發表於 20-1-5 01:45
回覆 cheechi 的帖子

你既意見真係幫到我好多！！我會嘗試一下照住你講既做！大姑奶同老公幫口係因為佢地 ...

本帖最後由 cheechi 於 20-1-5 02:10 編輯

唔使客氣，好似其他JM咁講，如果奶奶喊/大吵大鬧，你唔好比特別既注意力或買佢怕，唔理佢就可以，有時成年人都好似小朋友咁，會seek negative attention ,如果佢透過喊/吵鬧獲得你地更多注意力（正或負面）或對佢既忍讓，反而鼓勵左佢呢種不當行為，以後就更多哭喊吵鬧行為。相反，如果奶奶釋出善意，如幫你洗寵物寵，你都可以講句多謝，但一定要適可而止，小心佢以為你心軟而點返你轉頭做野，始終姜係老既辣，佢可能係做戲比個女睇。
加油！

點評

cathngai

發表於 20-1-6 08:47

私人傳訊

積分: 45

30^#

發表於 20-1-5 01:51 |只看該作者

回覆藍尾巴的帖子

多謝回覆！依加大姑奶幫左口之後情況好似好轉（？）但係如果下次再遇到呢啲情況我會試下你既方法！因為再忍真係會焗出病！

私人傳訊

積分: 45

29^#

發表於 20-1-5 01:48 |只看該作者

本帖最後由 qwq_12 於 20-1-5 01:55 編輯

回覆做個靚太的帖子

多謝回覆！係，依加真係唔敢計劃生b住，以前仲以為佢好奶奶果陣就話想諗定幾歲生咁。依加真係不了，起碼未來幾年都唔會。
我都唔會想比佢湊我既bb..

私人傳訊

積分: 45

28^#

發表於 20-1-5 01:45 |只看該作者

回覆 cheechi 的帖子

你既意見真係幫到我好多！！我會嘗試一下照住你講既做！大姑奶同老公幫口係因為佢地都知道奶奶咁既情況真係唔得，如果再咁比佢精神折磨我真係人都癲！
現時大姑奶同左奶奶傾，佢開始有少少知錯既feel，仲幫我兩隻寵物清籠。
但係都係要再觀察！！

私人傳訊