婆媳關係 今日: 0 | 主題: 27766

積分: 1650

87^#

發表於 20-4-2 17:55 |只看該作者

honeybaby_419 發表於 20-4-2 14:47
有呀! 我媽都係極其難頂，唔知點解佢咁有自信成日覺得人地對佢好係巴結佢，因為佢叻，其實成日都係吹水，身 ...

你有左bb ，要以佢為先～你媽媽嗰邊就唔好理住喇(emoji)

私人傳訊

積分: 1650

86^#

發表於 20-4-2 17:53 |只看該作者

LOVEIVAN 發表於 20-3-27 09:15
我都有一個惡頂、討厭既（學佬人）亞媽

願聞其詳。。。

私人傳訊

honeybaby_419

複式洋房

積分: 187

85^#

發表於 20-4-2 14:47 |只看該作者

有呀! 我媽都係極其難頂，唔知點解佢咁有自信成日覺得人地對佢好係巴結佢，因為佢叻，其實成日都係吹水，身邊都無個知心朋友係長久，因為佢把口太衰。對住家人把口更衰，呼呼喝喝，想要咩唔鍾意咩都用來罵，潑婦罵街，仲要超傷人自尊超傷人心，最討厭咩都講錢講面。
細個果D唔講，呢幾年佢做既野都好誇張。

我結婚佢唔幫唔到手都算，開頭都話尊重佢，會問左佢意見先。點知佢下下講佢D朋友點點點(都唔知有無呢D朋友)，話人地係五星級酒店擺六十圍，禮金起碼廿萬。我地真係睬佢都傻，完全無考慮過我地經濟條件。最搞笑佢鍾意屋企附近果間五星級酒店擺酒，話就話慳錢等D內地親戚住屋企(不過佢最後無問過D親戚來唔來，會唔會住一晚)，同埋佢話佢可以行過去就飲到我果餐(哈哈哈....主人家擺酒講到好似落街飲茶咁)。之後我地唔揀佢果間, 禮金都唔會比廿萬，佢同我反面，仲鬧我老公無本事，害左佢個女，又叫我唔好返屋企，唔飲我地果餐，仲話禮金唔要喎，又話知道我結婚一D都唔開心，真係好痴線。咁之後搞婚禮一直都唔問佢，其實都幾好，所有野佢無參與，一切都好順利，自己辛苦D返大陸派帖派餅比佢果邊親戚。我爸爸見到我媽咁都覺得好心痛，好怕男家睇我唔起，所以好努力為我安排佢可以做既野，仲有爸爸果邊親戚都好幫得手，我都算好幸福。不過係到臨結婚前果日，我媽又發癲話做乜唔BOOK酒店比佢D親戚住，但我問左人地話唔要，佢又好話我大細超，我話你要BOOK又唔早講，問左佢佢又叫我自己問人(因為佢D脾氣太差，同親戚反埋面，D親戚差D都話唔來飲)。幸好大婚當日一切都順利，佢無發癲。

結婚之後返娘家食飯又係精彩，一係佢自己唔出現，一出現就話自己食飽。嘩，我都唔知佢咩事。仲會找返結婚果陣D野來鬧，有D懷疑佢無中生有，有心破壞我地係D親戚既牙象，好似話我結婚禮金只係比左幾萬、新年派利是派十蚊、D姊妹婚宴後整唔見佢條裙......真係好恐怖。搞到我每次返娘家都覺得好大壓力。

而家我有左BB，但結婚到而家咁耐以來都無問候我，更加唔好話會探下我，最多我返娘家食飯佢有煲湯我飲。咁見唔到面都唔緊要，因為之前社會事件，而家又肺炎。佢唔問候下我都唔緊要呀，因為佢把口都唔係好識關心人。但最變態係佢明知大家對而家D政治睇法好唔一樣，佢會SEND MSG同你拗，但係超無邏輯，仲有好多時都係一D係人都知既假新聞，都唔知咩心態。

我兩公婆都決定算啦，少見少接觸為妙。

私人傳訊

LOVEIVAN

積分: 4947

84^#

發表於 20-3-27 09:15 |只看該作者

我都有一個惡頂、討厭既（學佬人）亞媽

私人傳訊

積分: 7003

83^#

發表於 20-3-10 20:03 |只看該作者

yuenyuen9 發表於 20-3-10 19:43
搞到我想即刻買返本！

你可以先去網上search 下情緒勒索，你會發覺係一種心理行為問題，好似明多咗，但當然可否改善，我自己不太樂觀，因為我媽基本上由我出世我已經知道佢份人係咁，到我老豆到我，未變過

私人傳訊

積分: 1650

82^#

發表於 20-3-10 19:43 |只看該作者

mami42 發表於 20-3-10 03:49
係呀! 我今日已經買咗兩本
我第一次睇大眾心理書可以係差唔多百分之百中
我差唔多做左半世人，而家先知呢 ...

搞到我想即刻買返本！

私人傳訊

積分: 7003

81^#

發表於 20-3-10 04:14 |只看該作者

Ashleycorina 發表於 20-3-10 03:51
原來真係好多人經歷過我之前睇完立即睇童年傷人，呢啲痛真係千絲萬縷
...

不過睇完，明白咗，消化咗，做唔做到又係另一件事, 要令自己有番信心真係唔易㗎

私人傳訊

Ashleycorina

積分: 39838

王國教室勳章

80^#

發表於 20-3-10 03:51 |只看該作者

mami42 發表於 20-3-10 03:49
係呀! 我今日已經買咗兩本
我第一次睇大眾心理書可以係差唔多百分之百中
我差唔多做左半世人，而家先知呢 ...

原來真係好多人經歷過

我之前睇完立即睇童年傷人，呢啲痛真係千絲萬縷

私人傳訊

積分: 7003

79^#

發表於 20-3-10 03:49 |只看該作者

Ashleycorina 發表於 20-3-10 03:35
我前年睇過情緒勒索啲書，發現中國人又好西方國家又好，原來真係好多，有時自己做咗都唔知，因為一代傳一 ...

係呀! 我今日已經買咗兩本
我第一次睇大眾心理書可以係差唔多百分之百中
我差唔多做左半世人，而家先知呢種痛苦叫情緒勒索

私人傳訊

Ashleycorina

積分: 39838

王國教室勳章

78^#

發表於 20-3-10 03:35 |只看該作者

mami42 發表於 20-3-7 19:07
有，個仔有比家用，但只係比家用，佢覺得自己已經做完了，我都有比家用加照顧佢，只係我不停比佢哋消費我 ...

我前年睇過情緒勒索啲書，發現中國人又好西方國家又好，原來真係好多，有時自己做咗都唔知，因為一代傳一代

誠品有

私人傳訊

Ashleycorina

積分: 39838

王國教室勳章

77^#

發表於 20-3-10 03:33 |只看該作者

yuenyuen9 發表於 20-2-28 17:29
但我都幾清楚佢，佢唔會自己諗得通，只會越來越鑽牛角尖端，自己一個人喊哂好委屈咁
...

佢應該都有唔開心過去，冇乜安全感，所以乜都係錢錢錢

但你生完B呢段時間都好重要，你由佢嬲一排至再算，好過大家衝突又唔開心。你宜家最重要自己身體情緒同個B

私人傳訊

crazypaper

積分: 40971

76^#

發表於 20-3-8 10:44 |只看該作者

我覺得錫佢可以內心錫，例如，佢真正需要幫忙或照顧，真正需要錢既時候，會出手。但係平時遇到佢野蠻無理既時候，唔好下下都順從佢，唔需要同佢鬧同佢嘈，只係靜下，唔好佢話乜就乜。你地用咗遷就佢既方式相處咗咁多年，而家係需要好長時間去改變自己，改變對方。

私人傳訊

Butao

積分: 1616

75^#

發表於 20-3-8 01:25 |只看該作者

我老母又係咁親生仔不如近身錢係幾年前我阿婆死佢分左身家先叫好少少佢把口永遠冇好野同佢講買樓又咒你接火棒同佢講喺外國買樓又話你隔山買牛我而家自己有個女我一定唔會好似我老母對我咁咁樣對佢

私人傳訊

積分: 7003

74^#

發表於 20-3-7 19:07 |只看該作者

yuenyuen9 發表於 20-3-7 15:57
聽到都嬲呀
佢真係老馮你要照顧佢架喎⋯⋯咁佢個仔有冇比家用佢呀？
我無你咁孝順，結咗婚我先知 ...

有，個仔有比家用，但只係比家用，佢覺得自己已經做完了，我都有比家用加照顧佢，只係我不停比佢哋消費我，佢哋都覺得理所當然！
之前有網友響呢個post之前介紹過「情緒勒索」，我上網search過，真係同我哋的情況好似，我打算下星期去書局睇吓有冇書賣

私人傳訊

積分: 1650

73^#

發表於 20-3-7 15:57 |只看該作者

mami42 發表於 20-3-7 13:40
梗係冇感激喇！仲成日話我點解間屋咁細（其實已經係三房），我已經比咗全屋大約三分之一的空間佢放自己嘢 ...

聽到都嬲呀

佢真係老馮你要照顧佢架喎⋯⋯咁佢個仔有冇比家用佢呀？
我無你咁孝順，結咗婚我先知咩係自由，所以一定唔會同我媽一齊住

私人傳訊

積分: 7003

72^#

發表於 20-3-7 13:40 |只看該作者

yuenyuen9 發表於 20-3-7 11:15
咁你真係一個超級孝順女！仲會同你媽同住。。。
但你媽唔係應該只想同你細佬一齊住？我媽都係好重男輕女架 ...

梗係冇感激喇！仲成日話我點解間屋咁細（其實已經係三房），我已經比咗全屋大約三分之一的空間佢放自己嘢，仲話我冇本事，我真係比佢激到跳起！佢個仔講過點都唔會接阿媽去佢屋企住，佢話自己唔會比呢件事發生，不過，我媽仍然超like 個仔，仲叫我d小朋友用佢個仔做榜樣！

私人傳訊

sunflower28

禁止訪問

積分: 165

71^#

發表於 20-3-7 12:26 |只看該作者

提示: 作者被禁止或刪除內容自動屏蔽

私人傳訊