大仔大女媽媽會

收藏本版
發帖
返回列表
跳至頁

首頁
12

尾頁
   0
queeniechan2004


大宅

積分: 2044


1#
發表於 09-5-26 22:42 |只看該作者
Tony又開始唔肯食粥, 佢宜家連糊仔都唔肯食, 一見到隻combi匙更就耍手擰晒頭咁, 有時用筷子餵佢就肯張開口, 但一知道係粥就會九秒九吐番出來, 我發現佢宜家只鍾意自己拎住食既野, 例如麵包, 菜, 生果, 餅乾, 俾佢自己拎住佢可以食成半個鐘, 但我餵佢就乜都唔食, 總之佢乜都吐番出黎啦! d親戚成日話係咪我整得唔好食, 但我肯定唔係, 因為佢根本未試到個味就已經吐左出黎, 根本係甜係咸佢都唔知, 加上咁細個bb, 無理由餐餐都要好好味先食, 咁只會令佢更加重口味, 我真係俾佢搞到好激氣呀.......
我上網搵左好多呢方面既討論, 發現原來好多bb到一歲時都會唔肯食粥, 但全部都係無結論的, 唔知呢度0806有冇BB最近又係咁呢?? 唔該分享下啦

我唸左好耐, 有少少頭緒, 就係tony呢幾日d牙出得勁快, 早幾日得7隻, 仲要有d未出黎咁, 但今日就有8隻, 仲要出左好多, 所以就唔多想食粥, 只愛咬包, 咬生果, 所以好多bb到大約一歲時都會有呢d情況, 就係因為佢地都係出牙高峰期!! 你地又點睇???

[ 本帖最後由 queeniechan2004 於 09-5-26 23:17 編輯 ]
私人傳訊

deen


大宅

積分: 4108


37#
發表於 09-5-28 14:29 |只看該作者
原帖由 queeniechan2004 於 09-5-28 14:06 發表
今日有新進展, 我再次嘗試整abc粉佢食(佢之前唔係咁鍾意, 因為一粒粒野), 用左蕃茄+紅蘿蔔+節瓜做湯底(其實想用蕃茄薯仔, 點知發現個薯仔發左芽, 唯有掉左佢, 改用紅蘿蔔!), 點知佢今次又幾鍾意喎, 本來俾左條菜佢拎 ...

唔會,d小朋友係一段段時間,過一個半個星期比佢食番粥,可能又食架啦!
我阿仔都唔肯食一粒粒的粉,最後要放入攪拌機係咁依攪一攪,變成唔係一粒粒佢 先肯食
私人傳訊

queeniechan2004


大宅

積分: 2044


36#
發表於 09-5-28 14:06 |只看該作者
今日有新進展, 我再次嘗試整abc粉佢食(佢之前唔係咁鍾意, 因為一粒粒野), 用左蕃茄+紅蘿蔔+節瓜做湯底(其實想用蕃茄薯仔, 點知發現個薯仔發左芽, 唯有掉左佢, 改用紅蘿蔔!), 點知佢今次又幾鍾意喎, 本來俾左條菜佢拎住, 唸住又用d"趁亂"既招數, 點知佢食左一兩啖abc粉之後, 竟然主動由個口拎走條菜來食我匙更裡既湯粉, 不過佢要有湯先食, 冇湯佢個樣都衰衰咁, 但點都好啦, 起碼知道左佢鍾意食呢樣野, 我都有番d心機! 不過其實我覺得佢主要係鍾意d湯底, 因為真係幾好味, 我怕佢食開呢d咁好味既, 遲d唔肯食白飯呢
私人傳訊

colettecyk


別墅

積分: 528

好媽媽勳章


35#
發表於 09-5-28 14:04 |只看該作者
Jaden都試過成個月都唔肯食粥仔同糊仔,我就比上海麵、通粉同包包佢食,之後用魚湯同肉湯煮粥仔,過一排就食番喇！每次我餵佢都比隻叉仔佢,叉少少包包比佢自己放入口,又叫佢餵我食,佢餵我時會自己都張開口,我就即刻跟住餵佢囉！依家話麵包唔好食咁多,我就比有機提子乾引佢,可以先浸軟,再將提子乾剪張三小粒,放o係佢面前,比佢自己執黎食,又可以練習下手指仔都唔錯架！依家食幾粒就食哂一碗粥仔喇！

私人傳訊

queeniechan2004


大宅

積分: 2044


34#
發表於 09-5-28 13:59 |只看該作者
我之前都係用呢d方法, 都可以食晒, 但佢開始大, 越來越醒, 呢個方法都越來越無效......

原帖由 deen 於 09-5-28 12:15 PM 發表
我個仔都有差不多的情況,不過比一個玩具或者包包佢拿著,都仲可以食晒成碗....
我阿媽話其實唔單係因為出牙,仲因為佢大個左,野性左喎!
私人傳訊

queeniechan2004


大宅

積分: 2044


33#
發表於 09-5-28 13:57 |只看該作者
尿黃主要成因:

1. 尿黃係飲唔夠水既第一個警號
2. 熱氣(飲唔夠水都會熱氣)

其實飲番多D水就可改善, 再積極D既做法就係煲D清熱野佢飲呀, 有好多選擇, 最簡單既就係開奶茶, 其次就係竹庶紅蘿蔔水, 仲有夏天更可多煲冬瓜湯俾BB飲, 冬瓜可以好多唔同配搭, 加肉又得, 唔加肉又得, 最間單又幾好飲既可以冬瓜+生熟意米+蜜棗, 煲45mins就ok.

原帖由 kaka0608 於 09-5-28 09:52 AM 發表
講開"佢飲左係d尿會清d",想順便問問bb尿黃代表咩?要飲/食咩可以改善?
私人傳訊

deen


大宅

積分: 4108


32#
發表於 09-5-28 12:15 |只看該作者
我個仔都有差不多的情況,不過比一個玩具或者包包佢拿著,都仲可以食晒成碗....
我阿媽話其實唔單係因為出牙,仲因為佢大個左,野性左喎!
私人傳訊

kaka0608


別墅

積分: 807


31#
發表於 09-5-28 09:52 |只看該作者
講開"佢飲左係d尿會清d",想順便問問bb尿黃代表咩?要飲/食咩可以改善?
原帖由 queeniechan2004 於 09-5-28 01:47 發表
近來天氣咁熱, 我都成口煲野俾佢飲了, 主要都係d清熱野(例如冬瓜水, 開奶茶呢d), 佢飲左係d尿會清d, 皮膚好d, 但完全冇增進到佢食慾.......
奶我都係一日三餐, 有時兩餐, 但係我發現就算佢6個鐘唔食野, 佢都唔會對d ...
私人傳訊

queeniechan2004


大宅

積分: 2044


30#
發表於 09-5-28 01:50 |只看該作者
希望真係因為d牙仔啦! 其實只要佢肯食, 佢要我日日整九大鬼我都願意, bb餐餐都食得開心, 飽飽, d媽媽都會有心機好多!

原帖由 rositacmy 於 09-5-27 04:15 PM 發表
Queenie,

唔洗太擔心......"吽牙"lee個階段係咁嫁, oscar(哥哥)以前係咁, 而家osanna(妹妹)又係咁, 早2個月開始, 己唔多唔肯食粥 + 糊仔, 剩係鍾意食生果及yogurt, 我個人覺得無問題喎, 我唔太擔心囉 ...
私人傳訊

queeniechan2004


大宅

積分: 2044


29#
發表於 09-5-28 01:47 |只看該作者
近來天氣咁熱, 我都成口煲野俾佢飲了, 主要都係d清熱野(例如冬瓜水, 開奶茶呢d), 佢飲左係d尿會清d, 皮膚好d, 但完全冇增進到佢食慾.......
奶我都係一日三餐, 有時兩餐, 但係我發現就算佢6個鐘唔食野, 佢都唔會對d粥有興趣, 只愛飲奶奶.......

原帖由 EvakwokMama 於 09-5-27 03:40 PM 發表
杜B早前都有咁既情況,不過依家又好番wor,婆婆有以下解救方法:
(1) 多飲涼水,因為見杜Bo的尿都好黃,而且我當其時都有諗過杜B出牙,飲o的涼水飲o的開奶荼,我地相信係可以減輕不適,而且佢o的尿尿真係無咁黃wor!
(2) 減少 ...
私人傳訊

queeniechan2004


大宅

積分: 2044


28#
發表於 09-5-28 01:42 |只看該作者
星星餅tony已經食厭左好耐喇

原帖由 Baby200806 於 09-5-27 10:28 AM 發表
阿囡8個月已經唔食粥, 開始食大人野, 近一個月都食好少飯, 只喜歡食魚, 蛋黃, 生果. 最近連星星餅都唔食
私人傳訊

queeniechan2004


大宅

積分: 2044


27#
發表於 09-5-28 01:40 |只看該作者
哈哈, 原來個個都係用呢d方法, 一邊俾野佢拎住一邊餵, 無錯呢個方法係可以令佢食晒成碗, 但佢地真係越來越醒呀, 宜家我俾餅佢拎住, 佢食餅時會確保我隻匙更唔係度, 佢先會張開口食餅, 仲要係超快速度放入口, 因為佢唔想我塞到野入去, 真係餵得勁辛苦, 我宜家冇咩望, 只望佢快d出晒d牙, 咁我就可以重獲新生了

原帖由 kb7724 於 09-5-27 10:09 AM 發表
翁b前兩個月已經係咁, 佢仲要大鑊到唔止唔食粥, 連奶佢都唔食, 全日梗梗食250-350ml就收手, 持續咗2個月.....我已經諗盡辦法, 連奶粉換過, 都係無用! 唯有晚上轉食半碗奶糊!
至於粥仔, 佢只會食幾匙, 1/4碗都無.....幾匙之後, 我就會用小虫媽既方法, 等佢坐定定等我哋食晚飯, 我哋會一齊食飯, 左邊果個用其他食物利誘佢, 右邊就快快手餵粥入佢口! 不過佢哋好醒架, 試多幾啖唔對路就要自己揸住你左邊既筷子, 咁先確保真係食到左邊既餸! 如事者又用餸又用餅咁先可以"呃"佢食一碗粥, 不過要粒幾鐘.....(以前食一碗連飲水都唔使10分鐘) 但係只可以晚上用呢個方法, 因為日頭得姐姐一個, 好難左右夾攻. 所以中午果餐我轉咗食"上海麵 / abc粉同湯飯, 不過都係食大半碗....
呢個星期開始好d, 我發現翁b原來係出牙, 一出就上面3隻, 下面兩隻! 上面其中兩隻都見到一行白色, 下面都仲係一點! 沉日同翁b上磅...... 同2個月之前, 只係重咗半磅 我真係好驚出街比人響背後鬧, 點解個父母都肥c大隻, 個b咁瘦架...... 不過最緊要健康!

queenie你放心, 唔使灰心喎, 9乘9係tony仔吽牙, 你咁好心機湊tony仔, 一定攪得掂既, 呢段時間好快過架, d牙仔出咗就會好d!
私人傳訊

queeniechan2004


大宅

積分: 2044


26#
發表於 09-5-28 01:30 |只看該作者
其實我所講佢唔肯食粥, 係比較杰的粥(爛飯), 反而真係稀d既粥佢就會食多少少, 因為唔洗咬, 一野吞落去

原帖由 Lorraine0601 於 09-5-27 12:58 AM 發表
how about rice? 粥 can is kinda messy if they dont want to eat rice is easier to clean afterward
my baby like rice more jsut drink more water or juice after the meal
私人傳訊

queeniechan2004


大宅

積分: 2044


25#
發表於 09-5-28 01:27 |只看該作者
你講呢d方法, 多數我都試過晒, 好多已經唔work了, 加上佢唔鍾意咬下先吞, 要咬既一粒粒野佢一定吐晒出來, abc或通心粉我都試過, 佢一食個樣好似食臭臭咁, 衰都冇人有, 希望佢真係吽牙仔先暫時唔like食飯啦!

原帖由 南瓜車公主 於 09-5-26 11:57 PM 發表
可能出牙都有關ge,or咁上下大的bb都會咁......小薯之前有一排又係咁,激到我死
我果時又係上網睇好多資料,睇黎睇去沒下文
佢原來真係吽牙,吽左好一排後,一次過出4隻牙,隨住佢d牙出黎多左,佢又開始肯食,但口味 ...
私人傳訊

queeniechan2004


大宅

積分: 2044


24#
發表於 09-5-28 01:23 |只看該作者
abc粉佢唔like, 三文魚佢都唔like, 試過晒架喇~

原帖由 龍宝宝0227 於 09-5-26 11:40 PM 發表
妳可以試下煮 abc 意分 + 南瓜 + 三文魚
私人傳訊

queeniechan2004


大宅

積分: 2044


23#
發表於 09-5-28 01:21 |只看該作者
Tony都試過呢個階段(即係睇下係乜先食), 但已經過左喇, 佢宜家連睇都唔睇, 直接唔食或者直接吐晒出來, 有時佢吐左出黎先知原來係好味野, 佢會張番開個口等我再放入去, 你話死唔死! 宜家佢好鍾意用手食野, 乜食具都唔用佢反而會食多d, 今日我將d節瓜切片蒸熟, 另外再煮熟d菜(成條上), d魚又係另外整到一舊舊, 佢自己用手食晒, 咁我就"趁亂"將d爛飯塞入佢個口, 好彩都食晒一碗飯, 真係好似打丈咁呀, 餵完佢我謝左啦~

原帖由 小虫媽媽 於 09-5-26 11:35 PM 發表
臭虫又係唔肯食粥 / 糊, 都好耐喇, 2-3個月度啦! 基本上用佢只匙更都唔肯. 佢通常都係睇下更裡面係物東東先食. 我地都試過用筷子餵, 開頭1/2啖 OK, 之後又唔得. 又試過用其他匙, 又係開頭得, 之後又唔得!

而家我地 ...
私人傳訊

ivy230608


別墅

積分: 928

好媽媽勳章


22#
發表於 09-5-27 16:52 |只看該作者
係呀！　吽牙呢個階段都頗長ga,我囝囝已經出咗8隻牙，我經驗係每次準備出牙之前到出到見到一大半隻牙就係佢哋最辛苦嘅時間喇，呢段時間會有以下情況(1)唔太肯食粥(2)食物要有咬口（因為牙癢）(3)好忟憎，成日咬人"博"頭(4)半夜成日醒(5)我覺得有時便便仲好唔正常tim,有時會爛ｄ嫁(不過就唔肯定係咪關吽牙事喇。
我就用咗以下方法處理，睇吓有冇用喇：
我有時煲爛粥飯／通粉／面飽＋粥／燕麥糊＋南瓜蓉／番薯蓉，有時都唔肯食就比餅餅同比白飯＋湯比佢另外，我間中用唔同質料或不同Size的匙都有用，我試過佢要自己"不",我就渣住佢隻手仔滿足下佢，都work ga. 一星期比一次開奶茶／紫草蓉＋兩條瓜條／紅蘿白＋粟米＋生熟薏米+兩條瓜條亞嫂話等佢哋舒服ｄ喎；另外我都會比ｄ生果同牙仔餅佢咬下，佢會舒服ｄga.ｅ＋暫時告一段落，可以舒服下，因為停止吽牙喇，唔知第9第10隻牙會唔會更加唔舒服呢，做媽媽真係好辛苦呀！
最後我提醒一下:
bｂ吽牙真係好唔舒服ｇａ，我哋一定要更加啺佢哋同要留意佢哋嘅需要呀，佢哋都唔想禁忟架！
bb唔會因為出牙而發燒的，發燒是因為ｂｂ牙癢，周圍哎嘢，哎咗ｄ唔乾淨嘅嘢至會發燒咋，所以吽牙期間一定要保證佢哋接觸到嘅嘢要乾淨ｄ包括婆婆、工人姐姐件衫呀（因為亞ｂ一定會哎"博"頭同衫袖ga)　
私人傳訊

rositacmy


大宅

積分: 1474


21#
發表於 09-5-27 16:15 |只看該作者
Queenie,

唔洗太擔心......"吽牙"lee個階段係咁嫁, oscar(哥哥)以前係咁, 而家osanna(妹妹)又係咁, 早2個月開始, 己唔多唔肯食粥 + 糊仔, 剩係鍾意食生果及yogurt, 我個人覺得無問題喎, 我唔太擔心囉
因為lee個階段唔會維持好耐, 俾小小時間佢地, 一出完牛, 就無事嫁啦

我地大人牙痛, 都無心機食野啦
Hello, MY NAME IS ~~~ OSCAR ~~~
私人傳訊

EvakwokMama


複式洋房

積分: 134


20#
發表於 09-5-27 15:40 |只看該作者
杜B早前都有咁既情況,不過依家又好番wor,婆婆有以下解救方法:
(1) 多飲涼水,因為見杜Bo的尿都好黃,而且我當其時都有諗過杜B出牙,飲o的涼水飲o的開奶荼,我地相信係可以減輕不適,而且佢o的尿尿真係無咁黃wor!
(2) 減少奶量(3餐改2餐),其實原本想滿1歲先改,但係見佢無咩胃口食粥仔,婆婆話不如少吃一餐,吾洗BB個肚飽飽濟濟,無胃口.我減咗臨瞓o個餐奶(9pm),咁晚上粥仔就夜少少先食(7pm),再加o的生果就算.其實生果都有開胃作用!

杜b吾肯食野o個陣,都不知幾煩,婆婆仲好鬼嬲.不過我又覺得有時只係過度期,好多時過一陣就無事,媽媽們亦吾洗太緊張.( .....我知我講就容易!)
私人傳訊

QueenieYan


大宅

積分: 1251


19#
發表於 09-5-27 15:39 |只看該作者
我阿同他地bb一樣.我同工人每日都諗點樣調較粥/飯既質感 (要有小小水,但太多又唔鍾意食),今日鍾意食粥,但聽日又鍾意食飯,總之每日胃口都唔同. 食一兩下就扭計.但見到大人食飯,佢又要食大人野.飲奶已比以前小左,只可每餐6安. 我工人話比我知,阿囡鍾意食啲野可以咬下咬下,例如鮮冬菇,豆,米線等等. 我之前諗佢點計禁扭計.原來佢可以在出牙.佢已出了7隻牙.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy