如果你可以一個人負責晒屋企嘢，又井井有條的話，對方可以不勞而獲，自然就會由得你做晒，正常心態喎。如果你就慣佢，又或者唔想煩，當佢投訴威脅就可以解決到問題，自然就當咗呢個係同你嘅相處方式。至於小氣、愛健康、唔暖男等都係性格問題，每個人都有優點缺點，凡事都有正反兩面，你話佢小氣，佢覺得自己有原則，你話佢唔暖男，佢可以話自己冷靜，你以為做晒家務就係對佢好，佢或者覺得係你事事要親力竟為都唔定。
有冇試過溝通？有冇平心靜氣大家傾下對對方嘅期望？每個人對同一件事嘅認知同包容度都唔一樣，但如果冇攤開嚟講，好多嘢或者會有誤解。男人同女人嘅思想構造完全唔一樣，好難可以要佢心領神會，對男人嘅要求係要講出口嘅，正如男人都覺得女人心海底針，我地成日口是心非，男人一樣好頭痛。
正如樓上有會員講：幸福唔係人地俾嘅，係自己俾自己，我覺得我好幸福架，雖然我生活好多嘢都缺乏，但我可以有能力照顧到屋企人，已經係一個好大嘅恩賜嚟。
花旗太太生活在花旗國，留意時差，你問我未必即時答到。
發表於 
返回列表
