吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 未婚夫係紀律部隊,但成日亂諗,有冇人可以分享下 ...

夫婦情感今日: 3|主題: 42742

收藏本版

發帖

返回列表

跳至頁

查看: 15633 | 回覆: 43

未婚夫係紀律部隊,但成日亂諗,有冇人可以分享下 [複製鏈接]

12 3

Krius

洋房

積分: 35

1^#

發表於 20-5-26 19:07 |只看該作者 |正序瀏覽 |打印

本帖最後由 Krius 於 20-5-26 19:46 編輯

我有個拍左5年拍ge男朋友，佢近兩個月考到紀律部隊入左學堂，大家已經諗住當佢畢左業就同雙方父母商量定實個日子註冊架啦。依加因為成日冇得見ge關係好辛苦。
雖然佢答應左我話將來唔會對我唔住，但我仲係好擔心，佢偷食／對我唔住只係未發生。我都覺得自己咁諗好衰，但好似趕唔走呢諗法。多左幾次，佢又覺得我唔信任佢，但其實我都好難控制到自己。加上依加一諗到佢將來要番shift，我就諗到好擔心成日見唔到佢。有兩次我都問佢，不如唔好入紀律部隊，我寧願佢搵少啲。佢就冇正面答我，不過我諗佢應該都唔想放棄呢個機會，因為Quit 左可能好難入得番。

0 0 0

私人傳訊

Krius

洋房

積分: 35

44^#

發表於 20-6-8 21:12 |只看該作者

回覆 HFGL 的帖子

明白! 多謝你分享先。番工時間我都應該幾難就佢，但我反而想了解，入職後飯局其實多唔多，通常一星期／一個月幾次左右？　我都了解男人一定要出去食下飯，都想有個心理準備。

私人傳訊

HFGL

男爵府

積分: 7758

43^#

發表於 20-6-8 00:36 |只看該作者

Krius 發表於 20-6-7 23:07
回覆 HFGL 的帖子

可唔可以分享下結婚生活。因為我份工就朝九晚五，放紅日，一諗到將來老公永遠都係輪班， ...

我同我老公一樣都係要返shift，不過我老公個部門就隨時都需要遲收工，我份工就準時打卡放工。我地都拍左拖8年幾，一直都係大家一樣返shift,其實都係盡量大家互相就，夾時間見下對方。佢份工會難啲調例假，但我部門會易啲調所以通常都係我就佢多。不過你要預左結婚後可能好多時佢都要返通宵更得返你自己一個夜晚係屋企訓。
應酬方面，我勸你俾多啲自由男朋友，要學識唔好圍住個男朋友轉。咁樣大家都會輕鬆啲，你依家太集中係男朋友度。
記住，命裡有時終須有；命裡無時莫強求，雖然好老土，但係係真既。

私人傳訊

Krius

洋房

積分: 35

42^#

發表於 20-6-7 23:35 |只看該作者

我本身個人就係幾規律，朝朝起身番工放工，放工番屋企食飯，之後睇書，再睇下劇，定期去畫班同讀啲課程，朋友圈子穩定（但都比較細），keep住每兩三個月食下飯果堆。拍拖果時男朋友啲生活都同我差唔多，依加就佢要跳出舒適圈，我要重新適應過大家生活模式，私心諗，其實我並唔太想改變，但就變相好似阻佢發展咁。

私人傳訊

Krius

洋房

積分: 35

41^#

發表於 20-6-7 23:07 |只看該作者

回覆 HFGL 的帖子

可唔可以分享下結婚生活。因為我份工就朝九晚五，放紅日，一諗到將來老公永遠都係輪班，仲要成日冇得一齊放假，紅日想拎多幾日去旅行都未必批。而家庭崗位可能因為對方工作時間問題大部份落左係自己身上，就覺得好冇安全感。加上我另一樣都幾擔心就係，因為我同佢一齊果時已經講明其實我好憎男人放工去埋曬啲唔知咩飯局，去飲酒果類。（而其實一路而來，佢番文職都好少應酬同飯局）。我同佢講佢想放鬆可以搵啲令我冇咁擔心，例如：行下山，釣下魚，砌模型，玩耳機果啲；之後又怕佢同事要落酒吧，我唔俾會唔會好影響到佢仲際關係／進升機會。原本佢番文職，依加忽然要轉紀律部隊，我覺得轉變太大。初初其實佢都係陪人考，（佢性格真係好易受朋友影響），我都冇諗過佢入到去，依加越諗好似越多問題會發生。其實佢都有提過，唔想我對佢冇信心，但我覺得我冇信心係第一點，另一點就係大家個生活模式會變得好唔同，我冇信心可以好好相處到。

私人傳訊

露比EE

侯爵府

積分: 23527

40^#

發表於 20-6-7 11:08 |只看該作者

Krius 發表於 20-5-26 19:07
我有個拍左5年拍ge男朋友，佢近兩個月考到紀律部隊入左學堂，大家已經諗住當佢畢左業就同雙方父母商量定實 ...

偷食係不分行業，不分男女喎，主要睇人！

私人傳訊

WinseyHui

複式洋房

積分: 342

39^#

發表於 20-6-2 00:45 |只看該作者

Krius 發表於 20-5-26 19:07
我有個拍左5年拍ge男朋友，佢近兩個月考到紀律部隊入左學堂，大家已經諗住當佢畢左業就同雙方父母商量定實 ...

本帖最後由 WinseyHui 於 20-6-2 00:48 編輯

我覺得女人唔可以成日以男人為中心！會令佢好辛苦！我老公都係紀律部隊，有時會同同事去酒吧飲下酒輕鬆下！我唔會特別管住佢！我永遠都係咁同佢講，我既世界都好大，我都有夢想，但我願意陪你儲錢置業，結婚生兒育女，做一位好太太好媽媽！若你不珍惜，我必放手重新追尋我夢想！女人一定要識愛錫自己，和做好自己！對男人一定要好似放風箏咁，收放自如！如果女人成個人生都圍住個男人轉，除左令個男人辛苦外，自己都辛苦！我地要做個聰明既女人，不阻礙男人事業和追夢，也能令佢自願顧家，起碼唔好搞到佢驚左番屋企對住頭家！

私人傳訊

manching815

別墅

積分: 734

38^#

發表於 20-5-29 17:57 |只看該作者

我擔心既係唔係你男友有女人離開你.....係遲早頂你唔順呢D疑神疑鬼既性格而離開你

你男朋友有理想..有抱負..........但現在你變了佢既包袱

私人傳訊

Macusmama

珍珠宮

積分: 30595

37^#

發表於 20-5-29 17:12 |只看該作者

hedhed 發表於 20-5-26 19:21
10個男人10個都想偷。今日唔偷，無人保証成世唔偷，之但係你日日喊苦喊忽，係我都想搵個開心女仔同我做人世 ...

SPECIAL POLICEMEN,十個有9 個都出面玩女人,唔係女人就係賭錢...

你自己小心啦...我前夫也是警察,佢大話到你折唔穿佢...無錢仲嫖賭飲吹,好叻..
那個小三也是那裡認識的...
我身邊的單親有多位前夫也是POLICEMAN,又係衰久錢,SO離婚...
你自己想想..而家唔壞,但佢地跟大隊,(埋堆)...
有D唔打算升職,個人傻下傻下個隻咪唔偷食,同事叫佢STUPID 仔或X九仔...個D唔醒咪唔出軌...唔出去玩..

私人傳訊

十一哥

公爵府

積分: 29733

父親節2025勳章 2025勳章蛇年勳章虎到金來勳章

36^#

發表於 20-5-28 16:22 |只看該作者

fixfi 發表於 20-5-28 15:04
我老公都係紀律部隊返一放二
我都明白你但都驚唔到咁多
要偷一個鐘時間都已經可以偷

岩, 只要開心就得, 唔唸咁多反而仲開心.

私人傳訊

fixfi

複式洋房

積分: 206

35^#

發表於 20-5-28 15:04 |只看該作者

我老公都係紀律部隊返一放二
我都明白你但都驚唔到咁多
要偷一個鐘時間都已經可以偷
咩職業都好佢係要偷都總會偷到
都係睇佢本身性格大家相處
大家都係講個信字
諗太多盞自己疑神疑鬼唔開心

私人傳訊

秋天與楓葉

珍珠宮

積分: 32599

34^#

發表於 20-5-28 14:01 |只看該作者

Krius 發表於 20-5-27 22:25
我諗我對佢應該要有多啲信心，其實佢就未有過壞紀錄，但其實佢本身番文職都好多時同朋友出去食飯就特登關機 ...

男人最忌無面
如果明知男朋友同朋友聚會，成日都打電話俾佢，佢會俾班朋友笑，佢會覺得無面
或者佢無聽電話，女方追問點解唔聽電話，怕煩自然熄電話/唔聽電話

會唔會出軌係視乎個人道德觀念，同職業無關，亦同朋友無關

你受原生家庭影響感情觀，可以嘗試接受心理輔導

私人傳訊

ayalick

男爵府

積分: 5832

33^#

發表於 20-5-27 23:22 |只看該作者

咁係原生家庭影響左你
未偷食就覺得佢偷食，佢真係會好快偷食
同朋友食飯都關電話，係咪你明知佢同朋友食緊飯，你都成日call 佢？
多信任，多支持，祝好運！

私人傳訊

Krius

洋房

積分: 35

32^#

發表於 20-5-27 22:38 |只看該作者

反而我想知我個情況使做坊間果啲婚前輔導，唔知會唔會幫到我多啲

私人傳訊

Krius

洋房

積分: 35

31^#

發表於 20-5-27 22:25 |只看該作者

我諗我對佢應該要有多啲信心，其實佢就未有過壞紀錄，但其實佢本身番文職都好多時同朋友出去食飯就特登關機／唔聽電話，佢份人比較重朋友（好聽啲），難聽啲就成班人做咩佢就好易做咩。本身佢文職果度其實都好少女同事，啲飯局朋友我都識，先叫冇咁擔心。加上本身我原生家庭老豆出過好幾次軌，我媽忍完再忍，依加冇離婚，但成日係我面前講男人信唔過，我都幾大壓力。