懷孕前後 今日: 0 | 主題: 330647

積分: 550

1^#

發表於 20-8-21 15:51 |只看該作者 |正序瀏覽 |打印

本帖最後由 z957570 於 20-8-23 19:03 編輯

請關閉帖子

0 0 0

私人傳訊

Molly103

複式洋房

積分: 379

33^#

發表於 20-8-22 22:52 |只看該作者

我之前都係突然有左第3胎，但我最後決定係唔要
個時又攰又作嘔，仲諗係有左定中左肺炎？！
有左個刻真係好迷惘
第一個諗法係生命
第二個諗法係自己未必搞得掂
大仔3歲，細仔先6個月
同老公商量後都好兩難，但考慮左經濟，環境，加上唔想因第三胎而再次忽略2個小朋友
最後選擇左唔要

依個意外令我都好唔開心
因為溝通上始終覺得作為女人，我地責任好大
要同唔要第三胎我都係被人責備，教導個個

我相信你作出決定會好艱難
但請你相信自己
同埋活得開心

私人傳訊

sica3milo

積分: 512

32^#

發表於 20-8-22 21:39 |只看該作者

z957570 發表於 20-8-21 20:57
回覆 mi_mama 的帖子

喺，我算係半個孤兒，細個無感受咩家庭溫暖，大咗亦唔識做人阿媽，出嚟做嘢好簡單， ...

唔會幫你做決定但係我覺得生小朋友除咗俾生命佢
更重要係你是否能夠提供足夠時間和心機去撫養
好明白香港要養育一個小朋友唔容易你哋兩個又要返工其實真係認真考慮是否有足夠時間俾三個小朋友呢個先緊要加油！

私人傳訊

積分: 550

31^#

發表於 20-8-22 21:29 |只看該作者

回覆 viann_655665 的帖子

你都加油呀，bb出生頭一個月好辛苦，捱過日子就好啦

私人傳訊

WLnLbb

積分: 7500

DHA勳章大廚勳章 BK Milk勳章

30^#

發表於 20-8-22 21:20 |只看該作者

z957570 發表於 20-8-22 21:14
回覆 WLnLbb 的帖子

係呀，事業高峰先黎整一件，個腦真係一片空白，仲要日嘔夜嘔，完全唔知為咩，我都希望 ...

走來走去都唔係問題
最大問題係擒來擒去

加油呀你

私人傳訊

積分: 550

29^#

發表於 20-8-22 21:14 |只看該作者

回覆 WLnLbb 的帖子

係呀，事業高峰先黎整一件，個腦真係一片空白，仲要日嘔夜嘔，完全唔知為咩，我都希望呢胎係女，如果三個仔全屋走來走去，真係無眼睇
我無論生唔生呢胎，都會叫老公紮咗去

私人傳訊

WLnLbb

積分: 7500

DHA勳章大廚勳章 BK Milk勳章

28^#

發表於 20-8-22 20:41 |只看該作者

z957570 發表於 20-8-21 20:22
回覆 M.A.C 的帖子

多謝你，其實我老公對我也不錯，只是很木訥，好難逼到佢講內心所想，同埋把口衰d，例如 ...

佢未大過肚
佢唔會知

私人傳訊

WLnLbb

積分: 7500

DHA勳章大廚勳章 BK Milk勳章

27^#

發表於 20-8-22 20:40 |只看該作者

我都3個全部仔
絕對明白你
因為大仔7歲都有ADHD，
呢個疫情仲有埋抽動妥瑞問題，
最難搞既係，因為兩個弟弟唔識弟咩可以跟咩唔可以跟
結果3個都係一樣

第3個係完全唔知情有左
驗到都好驚訝，因為係我事業高峰時期，突然有左，好似摧毁了我咁
但又要諗下
既然上天送得俾你，就有佢既意思
果時一日嘔7次，心諗！仲唔係女仔？
點知都係仔，嘔到仲輕過未有bb果陣
用左4個月接受自己有左

好開心細仔帶來，
令到大仔同2仔相處學習和諧

所以媽媽，你要加油呀！心情唔好
你要知道，而家係荷爾蒙影響緊你
唔係你自己有問題
所以荷爾蒙一適應就會冇事

（我而家等緊第4個女出現，等中）

私人傳訊

積分: 1511

26^#

發表於 20-8-22 17:07 |只看該作者

回覆 z957570 的帖子

其實聽完你講你既故事之後同我一樣，我本身係單身媽媽湊兩個仔，請工人姐姐湊佢地兩個，自己又租樓，自己一個打份工，係上年識左依家老公，意外有左今胎，雖然無你咁成功可以買到樓，無你咁本事可以有理想自己創業，雖然依家我地仲係挨緊⋯但我知足，我無咩要求，只係想一家人簡簡單單，開開心心每日一家人一齊食飯一齊生活。到左我日後生完，安排好有人湊會地，我就出返後做野，我地大家都要加油💪🏻，唔洗怕痛，我地做媽媽係偉大既，痛過先係真正既女人，痛過先有咁既堅持去走日後既路，我仲有兩個星期到預產期啦！我依家就係期待緊緊同bb見面，你都要加油^^祝福你們家庭幸福快樂^^

私人傳訊

20170101

積分: 9312

25^#

發表於 20-8-22 15:00 |只看該作者

helloyvonne2017 發表於 20-8-22 06:37
樓主，我睇你啲回覆，聽你講話屋企唔大，兩個小朋友有SEN，自己同老公份工危危乎，再生第三胎唔知為咩，感 ...

私人傳訊

Joey1088

積分: 1722

24^#

發表於 20-8-22 14:07 |只看該作者

z957570 發表於 20-8-22 09:27
回覆 viann_655665 的帖子

謝謝你，你講得無錯，難關走過咗，睇返轉頭又唔係咁難，其實我都唔係第一次意外 ...

嘩！樓主，你好西利..... 咁細個帶住個仔都捱到！我相信今次你都一定得嘅！

男人呢家野，咪咁上心喇！我老公都係冇計劃又係成日話船到橋頭自然直果種人 ..... 我地好辛苦先有小朋友，但我作嘔佢都唔會理我，淨係成日扮我作嘔d聲，又唔會安慰下... 淨係識打機！仲話我都幫唔到你架，唔通我入黎睇住你嘔咩？！我都好嬲，佢有時仲問我嘔夠未

我細佬都問過我，點解你洗咁多錢又辛苦，生出黎又唔湊（兩公婆都要搵食） .... 問我點解仲要生？！我果下真係答佢唔到！

我以前都會係諗好多野，計劃好晒嘅人！但人生就係咁.... 好多野估唔到.... 預計唔到！放鬆心情..加油！

私人傳訊

matcha-moo

積分: 6852

23^#

發表於 20-8-22 12:05 |只看該作者

z957570 發表於 20-8-22 09:27
回覆 viann_655665 的帖子

謝謝你，你講得無錯，難關走過咗，睇返轉頭又唔係咁難，其實我都唔係第一次意外 ...

你好堅強呀！之前咁差嘅環境都捱得過，又未到高齡，相信如果你今次決定要都一定可以捱過。其實你老公無意見都未必係壞事，至少可以俾你自己決定。

私人傳訊

積分: 550

22^#

發表於 20-8-22 09:30 |只看該作者

回覆 helloyvonne2017 的帖子

我好矛盾，論環境我未差到養唔起，儲來創業果筆錢，慳慳地都夠我唔做嘢湊細細b幾年，但真係有堆取捨，要委屈兩個仔，委屈下自己，唔好講理想啦，又要講返現實。但因為自己唔想再受壓力而唔要細細B，我又覺得自己好自私，受良心責備。

私人傳訊

積分: 550

21^#

發表於 20-8-22 09:27 |只看該作者

回覆 viann_655665 的帖子

謝謝你，你講得無錯，難關走過咗，睇返轉頭又唔係咁難，其實我都唔係第一次意外懷孕，21歲就係有咗唔忍心唔要，做咗未婚媽媽，大仔出生3個月，佢老豆就失蹤，我當時無嘢做，積蓄得幾萬，租緊樓，亦無娘家可以返，自己都未大得透帶住個nb，真係想自殺。
頹廢咗一個月左右我就收拾心情搵工，搵托兒，路係人行出黎ga, 一個人搵工，一個人搵屋搬，一個去請工人姐姐，學理財，點樣搵萬零蚊，要交租，要養起工人姐姐同阿b，睇返轉頭，又真係唔知自己點捱得過，淨係記得當時日日帶飯，個人0娛樂，有時間唔係做part time賺錢，就係諗辦法慳錢，香港係一個好富裕的地方，只要你唔嫌二手唔嫌殘舊，好多免費同低價物品可以徵，唔駛用好多錢，阿b一樣有好多衫好多玩具。放假咪去公園放電，唔駛錢，再唔係就康文署兒童遊戲室，基層生活都可以好多姿多采。

我捱咗幾年月光族生活，排到公屋上樓，後來工作上有升職加薪，經濟壓力鬆咗，又識到而家老公，再生細仔結婚買居屋，細仔腳頭都旺我哋，呢幾年係收成期，順風順水，本來儲咗d錢打算完咗份工後創業，現在來一個細細b，係真係打亂咗鋪排好的計劃。我知生出來，我實捱得過，不過怕痛而已。

私人傳訊

helloyvonne2017

積分: 1396

20^#

發表於 20-8-22 06:37 |只看該作者

樓主，我睇你啲回覆，聽你講話屋企唔大，兩個小朋友有SEN，自己同老公份工危危乎，再生第三胎唔知為咩，感覺你多少心入面已經有決定，只係要做呢個決定好難，亦都唔忍心。我傾向覺得你隨心而行會冇咁大心理負擔，如果勉強承擔一啲而家諗起都已經咁大壓力嘅負擔，對你同對全家人都冇好處，要錫自己啊！

私人傳訊

積分: 1511

19^#

發表於 20-8-22 03:22 |只看該作者

回覆 z957570 的帖子

除左攪到自己好似痴左線一樣⋯仲有害喜令到我食唔到野⋯成日作嘔，成日都會亂諗野，當時我一知道自己有左就無返工，得我老公一個返工，開支都好大，屋企租金一個月差唔多兩萬，我老公一個月搵錢唔多，如果兩公婆一齊做野都夠食夠住同洗⋯但我已停工，我只好用自己儲落既錢去渡過呢個孕期，其實好多野都好擔心，擔心開支，加上2月份炒左工人，無左工人咩都要自己親力親為⋯我同我老公罵交多左，跟住慢慢自己調整自己心態⋯因為仲有兩個仔，同自己講，到時生完之後再請工人，自己同老公一齊努力搵錢，因為呢個係我地做父母責任，我生bb我媽講到明唔湊⋯得得奶奶幫手，我奶奶主力幫手煮野食俾我同煲湯俾我，我老公就負責同bb沖涼，照顧兩個仔，跟住仲要返工，放左工返黎晚上就我地兩公婆輪流湊bb...我我以前係一個好負面既人，慢慢我開始調整自己，唔好諗咁多負面既野，因為我地人一世生活係點樣係我地自己去控制⋯食幾多著幾多整定，不過我相信自己肯努力，上天一定唔會俾你難過同餓死，好多時候我地做人地老婆唔一定要靠自己老公，我地可以更強，只要堅持同堅定既信心，好多野都可以一一咁解決同經驗會帶俾我地上一課⋯當你過左每一個難關，解決左每一樣難題，你望返轉頭其實唔係真係咁難⋯加油，我得，你一樣得

私人傳訊

積分: 1511

18^#

發表於 20-8-22 03:09 |只看該作者

回覆 z957570 的帖子

其實懷孕開頭既時候，我除左迷惘，仲有百感交集，我份人都比較鐘意諗最懷打算⋯有左個刻我係好驚訝，跟住個心又開心，跟住又好驚又擔心等等所有感覺好難形容，當我驗左有bb個刻，我係洗手間既時候，我既手係震既，我老公係廳，個晚我地打邊爐，仲未開始食野既⋯我係次所出返黎個刻我心情又興奮又開心又擔心⋯個晚打邊爐未開始晚時候，我仲同我老公講，我仲未黎m...我就買左支涼茶，我老公話：係囉⋯飲支涼茶睇下會唔會通一通d月經唔洗谷住⋯咁我買完支涼茶之後我洗走我老公返屋企先，我去左藥房買左2支驗孕棒⋯叫工人放係次所收埋唔好俾我老公見到⋯跟住我想係打邊爐開始之前，我打算驗左之後安心可以飲涼茶，點知一驗就驗左兩條好淺色既線，對於我地生左兩個既媽媽有經驗當然一睇就知道中左⋯當晚我都無同我老公講，因為我未有心理準備，我只係信息左我兩個朋友，同左我兩個朋友講⋯之後過左兩日我先同我老公講⋯我老公晚反應係：佢尊重我决定，佢話我想生就生，唔想生就想另外方法⋯當時我都好開心，因為佢俾個决定權我，不過我拜佛既，我無論如何都唔會落bb...唔知道點解，一知道有左開始⋯我頭一個月開始額頭生痘痘⋯我本身係唔生痘痘既人，我接受唔到額頭不停生痘痘，跟住一路生，生到全臉，頭髮頭皮同埋條頸都係痘痘，我簡直情緒低落到完全唔想見任何人，加上害喜得好緊要，成日同老公罵交，發好多皮氣，好易就發皮氣⋯成日喊⋯時新年，疫情岩岩爆發⋯攪到自己好飲痴左線一樣

私人傳訊

積分: 550

17^#

發表於 20-8-22 00:53 |只看該作者

回覆 viann_655665 的帖子

你點跳出呢個迷惘狀態？我岩岩同老公傾緊佢份工，佢續約個月份就正正係預產期，如果到時真係唔好彩唔續約，bb又日喊夜喊，日子真係會好難過。佢支支吾吾，然後話真係都無計。
講完大家靜咗兩句，轉頭老公已經扯緊鼻鼾

私人傳訊

積分: 1511

16^#

發表於 20-8-22 00:22 |只看該作者

回覆 z957570 的帖子

其實唔好成日諗負面野，活得係呢個個個世界上，總會有解決方法，最緊要唔好放棄，依家可能會比較吃力/辛苦，但係小朋友慢慢長大，一個家庭多d人開心好多⋯有兒女一齊成長⋯歡笑聲都多左，我都意外有左第三個小朋友，我當初好迷惘⋯但係呢份係上天俾自己既禮物⋯好多人想要都無，所以要珍惜，我依家倒數緊⋯就快生啦⋯你都要加油⋯無罰係解決唔到，放鬆心情，好好咁享受自己懷孕過程，做媽咪係偉大的，加油啊^^支持你

私人傳訊