我記得我有個舅父，我地逢星期日去亞婆屋企食飯，佢就係到用教父既方式同我地講道理，唉～～～佢唔煩我地都嚴佢長氣，點ｑ知原來以前好ｑ爛賭，可能我父母都已經知道，不過，無同我地三姐妹講，亞媽就曾經吩咐過我地如果尼個舅父問我地ｄ野，千祈唔好講，我地問點解，亞媽又唔講，咪唯有照做。
最後，發生左以下既事，終於知道點解啦，原來怕個衰舅父套我地ｄ資料攞去借錢！
跟住有年，我亞媽接到由我個好ｑ爛賭既舅父打黎，同亞媽講 "細妹，我對你唔住（不斷重覆講好多次）"，跟住我亞媽緊係問乜事啦，佢話我同老婆要丟低兩個仔女，原來佢因為賭錢，問財務公司借錢，點知又無能力還錢，其實真係唔關我地事，點知佢話諮詢人係寫左我老豆既公司同聯絡人資料，我個衰人舅父仲叫我亞媽快ｄ搬，如果唔係就會有追債既人上門，我亞媽當然嚇到喊，但我老豆唔知點解又唔驚喎～～～個一刻直頭想同佢脫離兄妹關係。
跟住我家姐知道尼件事後，第二朝一早打比個衰舅父，不停咁鬧佢（唔知有無用到粗口添），不過，自從我家姐鬧過佢之後，個衰舅父就收心養性，當然，我亞媽最後同衰舅父個外父外母、老婆一齊攞錢還債，個衰舅父就逐ｄ還番ｄ錢比我亞媽，從此衰舅父就無再賭啦。
其實我都有幾個舅父，當中有２個（一個係大老、一個係細佬），因為學壞左（其中一個已經去世），學人high野、仲有其他野，不過，佢地好有義氣，因為佢地就算衰左，都唔會連累家人，因為禍不及妻兒，雖然佢地當時唔係做正行，但我好欣賞同尊敬。
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
發表於 
妳老公真係一個不拆不扣ge好人 
goodnight!)
。
返回列表
