吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 懷孕中，喊左十幾分鐘，希望有人幫幫手 ...

懷孕前後今日: 8|主題: 330405

收藏本版

發帖

返回列表

跳至頁

查看: 9428 | 回覆: 31

懷孕中，喊左十幾分鐘，希望有人幫幫手 [複製鏈接]

Behappynow

民房

積分: 23

父親節2025勳章

1^#

發表於 20-10-8 21:08 |只看該作者 |正序瀏覽 |打印

事咁的，我宜家第13週，開始感覺到自己控制唔到自己既脾氣，火話黎就黎..
不過，我有個孤寒既男友，我地係未婚懷孕，重點佢到今時今日依然唔會就哂我，我想買件攬枕，俾佢話我係購物狂，點解唔去實店買，試都未試，但事實佢都唔會有咩時間陪我，反正最後咁少野買唔成。係99屋企，99係女王，日睇夜睇新聞，佢都開聲話想轉台，99一句話唔得就收左聲，廳又俾99擺佔哂，連sofa都冇位坐，唯有死忍，最慘裝修期間，放住d野係廳都話。99最近私下話我好少郁動，好似中意宅係屋企，其實佢完全估錯哂我，我係中意戶外既人，中意遊山玩水，每日都迫我男友陪我散步，我宜家大肚我可以咩？我真係唔介意做家務當郁動下，但我拉埋男友嘗試去做又俾你地趕出黎，因為我同佢都習慣2個人一齊洗冇咁無聊！咁我咪唔敢做，我真心唔明99想我點..我男友十分孤寒，買任何野都no左先，然後不停反駁我講廢話，可能咁我先喊左咁耐..如果你地留言係鬧我既，希望你唔好留，因為我驚睇到會再喊多次..希望有多d正面既留言同解決方案⋯⋯因爲我已經唔想同佢結婚，佢都親口同我講佢都覺得佢宜家好難頂我（我又想喊..）

0 0 0

私人傳訊

Byyan

大宅

積分: 1228

32^#

發表於 20-10-12 19:17 |只看該作者

Behappynow 發表於 20-10-8 21:08
事咁的，我宜家第13週，開始感覺到自己控制唔到自己既脾氣，火話黎就黎..
不過，我有個孤寒既男友，我地係 ...

控制好心情呀，成日吾開心會對bb吾好

私人傳訊

mrslee2011

禁止訪問

積分: 1838

31^#

發表於 20-10-11 23:16 |只看該作者

提示: 作者被禁止或刪除內容自動屏蔽

私人傳訊

太平公主

男爵府

積分: 6421

30^#

發表於 20-10-10 11:01 |只看該作者

Joey1088 發表於 20-10-10 10:17
分析得好好，但我估樓主應該係完全冇經濟能力同埋真係太倚賴！

男家好有錢？如果唔係我建議樓主 ...

絕對係，我買貴野就算老公唔想我買，只要我好鍾意就堅持要買，佢都唔會再講啲咩，使自己錢根本唔使佢同意，爽啊

私人傳訊

Joey1088

大宅

積分: 1712

29^#

發表於 20-10-10 10:17 |只看該作者

Nbs 發表於 20-10-8 21:41
1.大肚唔使人人就晒你嘅
2.大肚都可以自己出街，你想去買嘢咪自己去
3.好多bb /媽媽嘢確係實店有得睇好D， ...

分析得好好，但我估樓主應該係完全冇經濟能力同埋真係太倚賴！

男家好有錢？如果唔係我建議樓主搵番份工自力更生！好過買個媽媽枕都要問人.....

我買野都會同老公傾，但佢唔俾買我又好想要我都會自己買唔理佢

自己賺錢自己洗都好開心架！

私人傳訊

castle100

珍珠宮

積分: 30328

28^#

發表於 20-10-9 22:55 |只看該作者

嫁咁嘅人仲衰過單親！考慮清楚三思而後行！

私人傳訊

Jennjf

大宅

積分: 1426

27^#

發表於 20-10-9 19:35 |只看該作者

我老公都唔會同我去街，好多時去邊到邊到都係自己，習慣左都無咩問題，仲好添，如果佢起度我仲無得慢慢行慢慢揀，成個催命符咁！哈哈

私人傳訊

M.A.C

伯爵府

積分: 17773

26^#

發表於 20-10-9 19:17 |只看該作者

照你講，你和男朋友係無計劃下懷孕，但你男朋友有無話會同你結婚先？
唔係有左就一定做硬佢老婆，你先搞清楚男朋友有無心娶你！？
有群友講得啱，即使有左唔一定要結婚，你必須要評估，自己有無能力做單親媽媽至好生bb，唔好為嫁而嫁。

男朋友連買個孕婦枕頭都鬧你，你真係要諗清楚係咪要結婚做人世……

人地亞媽的屋永遠不會是你的家，你最好就諗定自己條後路。未嫁就唔好入去住。除非你諗定長期做抗戰勇士，決一死戰。

私人傳訊

SmileCheung

大宅

積分: 2005

25^#

發表於 20-10-9 19:05 |只看該作者

回覆樓主:

已經就嚟做啊媽，要學識獨立啦。
1個人散步，1個人行山，1個人買菜煮飯吃飯洗碗。
到你生咗BB，可能情況更差，因為你條佬唔企你果邊，因為你唔係99個女，因為你係BB個媽，所有所有只有你自己面對，例如坐月屋企沒米開飯你要出街買，BB喊全家人怨你沒照顧好，BB漏尿濕床單你搞掂，自己凑B - 沒得食沒得瞓沒人可惜。
我只係過路人，生完，我迎接嘅唔係開心，係抑鬱

私人傳訊

太平公主

男爵府

積分: 6421

24^#

發表於 20-10-9 16:13 |只看該作者

唔知你洗衣袋洗衫，都要兩個人一齊做？咁都要搵伴，自己一個都可以落街散步啫

睇返你睇果啲其實全部都係好小事，無謂放到咁大令自己唔開心

間屋係老爺奶奶嘅，咁佢鍾意坐梳化睇電視冇咩唔啱，幾十年黎佢都係咁喎

私人傳訊

Paklun

別墅

積分: 659

23^#

發表於 20-10-9 14:21 |只看該作者

全部都係雞毛蒜皮嘅嘢.....啲啲都要就晒你....暈，
.你想個世界圍住你嚟轉，首先你要有本事做世界嘅中心。

私人傳訊

1201Lemon

大宅

積分: 1442

22^#

發表於 20-10-9 10:50 |只看該作者

bsg 發表於 20-10-9 10:07
Agree我使自己錢吹咩

係架，好似Bb 啲嘢佢哋成日話用老公細妹淨返果啲就得，但首先佢果兩個係仔，細果個嚟緊都3歲喇，好多嘢都又殘又舊有啲仲過埋期，所以好多我都自己買過新嘅比Bb，雖然我老公覺得用得唔好嘥，同佢解釋完點解要買新點解唔用佢細妹果啲，最後佢都明有時有啲Bb 嘢佢會主動比錢，但啲衫仔佢覺得可以著返開頭佢有講話唔使買新，但佢見我自己比錢所以都無咁好氣同埋都無阻止我，始終我果個係女而佢個妹果兩個係仔，無理由個女連一件女仔衫都無，我老爺都有話做咩咁多女仔衫，我話我個妹好錫Bb 買咗好多新衫比佢，佢都無聲出，吹咩

私人傳訊

bsg

男爵府

積分: 6171

21^#

發表於 20-10-9 10:07 |只看該作者

1201Lemon 發表於 20-10-9 06:06
完全同意女人要經濟獨立，有時用自己錢買嘢比Bb 買完之後老公同老爺奶奶都無聲出，因為我係用自己錢去買， ...

Agree我使自己錢吹咩

私人傳訊

noodle_noodle

侯爵府

積分: 20338

20^#

發表於 20-10-9 08:46 |只看該作者

回覆樓主:

我一開始睇就見到你話無就哂你已經覺得出事，點解你會覺得人地要就哂你？

私人傳訊

Seanachoy

禁止訪問

積分: 1167

19^#

發表於 20-10-9 07:10 |只看該作者

提示: 作者被禁止或刪除內容自動屏蔽

私人傳訊

1201Lemon

大宅

積分: 1442

18^#

發表於 20-10-9 06:27 |只看該作者

有咗最緊要係多休息，唔好咁粗勞，做家務依啲最好等生完之後先，而家最緊要係養好胎，大肚婆要訓多啲先會長胎，孕婦枕最好係自己親身去揀，咁先摸到個質地係點同埋啱唔啱自己，因為我第一個枕都係自己網上買點知買到返嚟個枕頭位訓落去好似窩咗落去咁，訓到條頸好唔舒服，加上係全包型，整到成個人好似比嘢包住咁，開冷氣都搞到成身汗，後尾個枕都係無要到，因為睡眠質數緊要，之後發現其實買個硬身少少嘅枕頭返嚟頂一頂個背脊仲舒服，早知係咁就唔使行咁多冤枉路，我老公都係睇錢睇得比較緊嘅人嚟，所以個枕佢一路都話我，由掉嘅時候開始講到我而家就嚟生都仲講緊

私人傳訊

1201Lemon

大宅

積分: 1442

17^#

發表於 20-10-9 06:06 |只看該作者

SaMaMaSa 發表於 20-10-8 22:40
唔係想話你，不過一個女人經濟一定要有自主權，如果你用自己錢我諗你男友都唔敢出聲
...

完全同意女人要經濟獨立，有時用自己錢買嘢比Bb 買完之後老公同老爺奶奶都無聲出，因為我係用自己錢去買，最多咪心入邊覺得我大洗

私人傳訊

Hellobelloo

複式洋房

積分: 191

16^#

發表於 20-10-9 05:44 |只看該作者

Behappynow 發表於 20-10-8 21:08
事咁的，我宜家第13週，開始感覺到自己控制唔到自己既脾氣，火話黎就黎..
不過，我有個孤寒既男友，我地係 ...

樓主，懷孕情緒真係比較波動，身體已經不適，特別第一胎仲有好多野買/學/處理/要知道，頭到爆。另一半既支持同體諒好重要。

我唔清楚你地家庭經濟係點，生一個bb好多洗費，經濟洗費既分配傾左未？會唔會佢自己都好大經濟壓力想你分擔部分？你男友有心理準備做爸爸未？我見你話洗碗買野散步都想人陪，做媽媽啦，要開始獨立少少，會唔會試下自己落街散下步，自己去下實體店買d輕便bb野？你男友可能收工都累想有少少私人時間。

間屋係99，佢不嬲霸住sofa睇新聞係佢既生活習慣，你要理解佢真係唔需要讓你。至於99話你地亂放野，我既做法係會耐心解釋點解放廳同埋幾時會處理返。relax