吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 喊好定唔喊好？

自由講場今日: 4669|主題: 1353256

收藏本版

發帖

返回列表

跳至頁

查看: 5052 | 回覆: 44

喊好定唔喊好？ [複製鏈接]

12 3

~仔仔媽咪~

水晶宮

積分: 51912

1^#

發表於 20-10-8 22:08 |只看該作者 |正序瀏覽 |打印

我家隻黑貓上個月腎衰竭响屋企過咗身，16歲，陪伴我地13年，我隻貓一斷氣，我喪喊，但我隻佬同我囝到依家都冇流過一滴眼淚，我囝呢次仲反過來入房主動攬住我安慰我，果刻我覺得我囝大個仔咗，上年佢隻黑白貓過身，佢都傷心欲絕喊過幾次，但呢次兩父子完全冇喊，平靜到一個點我有啲擔心佢地屈响心度…依家我囝一直唔會提隻黑貓，我講起黑貓啲生活點滴，我囝只會靜靜地聽，隻佬唔主動講但會陪我講吓…
上星期我買咗好多魔女宅急便隻ジジ黑貓公仔番嚟，因為覺得佢似我隻黑貓，自己張床响我同隻佬之間放咗一隻，我隻黑貓就係响呢樹過身，晚晚我兩公婆爭住摸住隻黑貓公仔瞓，另一隻我平日放响我隻黑貓骨灰上面，番工我會湊隻公仔出街，因為隻黑貓生前好愛出街，我冇喊，但唔知點解，我擺呢隻公仔响自己塊面度掃，我超覺得隻感覺幾乎係我隻黑貓以前摸我塊面親我臉臉果隻感覺，每次哄塊臉响呢隻公仔度，我都好有喊既衝動，因為有我隻黑貓既感覺，覺得係佢親我。可能會有少少過哂火，但真係好掛住佢。我唔知我維持幾耐，可能公司同事覺得我痴咗，但我覺得，我治貓喪至少治一個月。

今日同個囝傾開，我囝由細到大都話要屋企不斷加貓，要滿屋都係貓，但今日，我囝話，養埋屋企剩餘果3隻貓，以後都唔會再養貓。係長大咗識諗，定真係傷心過度，好定壞事，呢刻有啲搞唔清楚。

黑蚊蚊，您過咗身3個星期，但足以令我地改變好多，但度日如年，過去一年我日夜要忙住幫您打皮下水氹您食葯食飯飲水，依家突然乜都唔駛做，媽咪真係好無聊。

0 0 0

私人傳訊

arkuleemama

禁止訪問

積分: 1173

45^#

發表於 20-10-11 13:48 |只看該作者

提示: 作者被禁止或刪除內容自動屏蔽

私人傳訊

雪影

公爵府

積分: 26468

好媽媽勳章

44^#

發表於 20-10-9 11:10 |只看該作者

睇你嘅字，我都好傷感，我有時都諗，如果我狗狗走咗，我會喊幾耐

開心每一天

私人傳訊

rachel_ching

水晶宮

積分: 69600

43^#

發表於 20-10-9 10:50 |只看該作者

回覆樓主:

我都好掛住已過身的貓狗, 希望佢地係天堂活得開心

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

42^#

發表於 20-10-9 10:49 |只看該作者

傷心一定會

私人傳訊

701003

水晶宮

積分: 62683

畀面勳章

41^#

發表於 20-10-9 09:12 |只看該作者

回覆樓主:

隨緣吧！生離死別的傷痛係唔會因經歷得多而減少嘅，但每一次經歷都係修煉，修煉悟性

私人傳訊

KUDOS

珍珠宮

積分: 44520

母親節2025勳章認識瑞士牛牛第一回畀面勳章

40^#

發表於 20-10-9 08:24 |只看該作者

我屋企養嘅西施狗仔都係16歲過身，我全家上上下下都當佢係仔/細佬咁湊大，雖然一家人都好難過，但睇住佢年紀大身體多病痛捱苦嗰段時間，可能都係一種解脫。我覺得係小朋友都鍾意養寵物，好多時飼養嘅責任就落咗響大人度，小朋友就只會同寵物玩，到佢地經歷到寵物嘅生老病死，明白到離別嗰種傷痛，心路就有所改變，知道飼養寵物係要負責任同投放感情嘅，所以就唔會再輕言話養寵物。你仔仔呢個係成長嘅表現，證明佢有責任心，係好事嚟㗎！樓主你亦不要太傷心，我地一樣會緬懷過世嘅親人同寵物，但最緊要係唔好影響生活，要更珍惜身邊嘅親人同寵物吖！

私人傳訊

20162016

翡翠宮

積分: 78872

39^#

發表於 20-10-9 08:23 |只看該作者

~仔仔媽咪~ 發表於 20-10-8 22:08
我家隻黑貓上個月腎衰竭响屋企過咗身，16歲，陪伴我地13年，我隻貓一斷氣，我喪喊，但我隻佬同我囝到依家 ...

久不久就要生離死別真係唔好受，唔係個個都頂得住，只有沒有感情就最瀟灑

私人傳訊

PingWu_FB

男爵府

積分: 5385

虎到金來勳章牛年勳章

38^#

發表於 20-10-9 08:18 |只看該作者

我細個果陣養過只貓
14歲走咗
二十幾歲養只狗
16歲走咗
我估最少十年內唔會再養寵物

私人傳訊

~仔仔媽咪~

水晶宮

積分: 51912

37^#

發表於 20-10-9 08:05 |只看該作者

hap2thousand15 發表於 20-10-8 23:43
佢地三隻貓已經在彩虹橋團聚，無病無痛，媽媽，不要太傷心，總有一日會再見:fortun ...

有阿蚊响彩虹橋，阿寶就唔會咁悶，有蚊哥哥錫，日日幫佢lam毛。傷心總會過去，感激呢度有各位jm陪我傾吓阿蚊，算減輕咗一半心裡鬱悶。謝謝！♡

私人傳訊

~仔仔媽咪~

水晶宮

積分: 51912

36^#

發表於 20-10-9 01:10 |只看該作者

chitchatmommy 發表於 20-10-8 23:35
樓主，睇到你寫嘅嘢，我都忍唔住

我之前貓女好突然咁離世，喊到我

您都加油吖。我都大概接唔住隻蚊突然一日之間咁急轉直下啫。朝早仲識跑出嚟玩衝門同食飯，夜晚就連跳都跳唔到，第二晚閃埋。

我依家仲有3隻老貓照顧，各自都有老毛病，都好攰亦唔想再聽到阿囝好擔心咁話我知今日見到邊隻貓冇心機，但都深知我地依家仲有重任在身，俾佢地安享晚年，開心過日子，所以我都堅持住，會好好加油。

私人傳訊

hker

侯爵府

積分: 23464

35^#

發表於 20-10-9 00:58 |只看該作者

~仔仔媽咪~ 發表於 20-10-9 00:36
我隻蚊走時都有用力用手捉住我嚟抖大氣。佢有幾吓想講野但講唔出，最後有一下喵到小小聲同我講最後說話。 ...

我貓一向是水煲。走之前那晚，無力"煲"了。。。我跟她傾了很久，也捉住她手pray to God!

要哭的，那晚也哭盡了。。。。。

她走了。。。。我淚一早流乾。而且，貓貓終於不用辛苦了（我貓打EPO針被血的。）。。。我貓是Acute Renal, 基本也是死硬。她沒死，我天天也當是last day, 她想吃什麼也可。（但她最愛是腎乾糧，傻豬！）

＝＝＝＝＝
總之。。。。貓貓現在不用辛苦了。也給我們留下很重要的一課。。。。。

我時時覺得，寵物是上天派來的小天使，去成就我們獨特及有愛的人生。

＝＝＝＝
我也堅持不再養（但promise 貓貓，她有本事半年來回來，我再養）。。。。我只是講下。所有貓野也掉晒！

半年期快到時，8號風球晚上，有只小貓b在街上玩。係要跟著我狗（我之前貓狗是好好朋友的）。因是8號風球，我不忍心貓b在街。帶了她回家（街好黑，我不知她什麼樣。細細隻）。。。。也入了我家門。since day 1, 兩個也是好friend 好friend。後來狗狗病了，貓貓日日去陪他。狗狗走了。我貓在門哭叫了兩日。

＝＝＝＝＝
這貓b長大了，跟之前貓貓是一模一樣的。

緣份，是很玄的。隨緣吧。

惜緣，了緣，一切隨緣。。。。但用力去抓緊"當下的connection "

也感謝上天賜我們小天使。令我們人生豐盛及滿滿的愛！

＝＝＝＝＝＝

私人傳訊

~仔仔媽咪~

水晶宮

積分: 51912

34^#

發表於 20-10-9 00:36 |只看該作者

hker 發表於 20-10-8 22:50
我打足4 年。（我貓是急性renal, 個個vet 要我put down, 但貓貓不停叫）。

貓貓好叻好叻。一直也好叻。打 ...

我隻蚊走時都有用力用手捉住我嚟抖大氣。佢有幾吓想講野但講唔出，最後有一下喵到小小聲同我講最後說話。每次回想佢抖氣時個樣，我都擔心佢係咪走得好辛苦…我連佢咁樣抖大氣（好似人仔發燒咁抖大氣）我都唔想，因為覺得佢係辛苦，但心諗，已經冇想像中或响網上流傳講腎衰竭貓過身咁痛苦，可能跟阿寶有比較，佢冇食唔到野，走果日灌食佢都好乖肯吞，又冇好似阿寶瘦到得一條線亦冇痾唔出便便或瀨屎，只係後腳冇力行唔到，响我床尿尿幾次而已。我但願我俾佢安寧治療唔俾佢住院既決定係正確。
佢走果日咁啱要覆診，原本佢冇力咁瞓响貓背囊度，貧血到只有單位數，行經街市魚檔，咁啱魚檔叔叔劏咗一枱新鮮大魚，隻蚊聞到魚腥即刻奇蹟地有力企起身仲竪高哂耳仔探頭望到實，果吓真係笑咗。我又俾對白:「見過大魚未呀lang仔！」我老公即刻接話:「隻蚊後生時【撈海鮮（開海鮮酒家）】架！龍蝦都打死幾隻啦！」呢個係隻蚊最後送俾我地歡樂時光，隻蚊永遠係我家【歡樂先生】。

私人傳訊

evip

公爵府

積分: 28897

虎到金來勳章 15週年勳章親子王國15週年勳章

33^#

發表於 20-10-9 00:32 |只看該作者

~仔仔媽咪~ 發表於 20-10-8 23:32
我呢兩隻黑貓真係好生性。
隻寶上年走果日已經食唔到野，我湊佢見醫生，我同佢講，等埋哥哥放學番嚟睇您先 ...

蚊蚊好乖好叻。你放心，不用掛心了。

私人傳訊

Lofun1874

禁止訪問

積分: 1355

32^#

發表於 20-10-9 00:22 |只看該作者

提示: 作者被禁止或刪除內容自動屏蔽

私人傳訊

Szemingsze

禁止訪問

積分: 973

31^#

發表於 20-10-9 00:18 |只看該作者

提示: 作者被禁止或刪除內容自動屏蔽

私人傳訊

~仔仔媽咪~

水晶宮

積分: 51912

30^#

發表於 20-10-9 00:16 |只看該作者

SaMaMaSa 發表於 20-10-8 22:49
有時動物要走，主人對動物情會令佢更唔捨得人間，生死有別，我想我都會俾自己瘋狂喊一兩星期再上路，這樣 ...

依家我仲有3隻貓陪伴，都13歲，既然我囝都決定唔會再收養新貓，我更珍惜依家仲有貓兒陪伴既幸福日子。

私人傳訊

~仔仔媽咪~

水晶宮

積分: 51912

29^#

發表於 20-10-9 00:13 |只看該作者

ming1020 發表於 20-10-8 22:41
本帖最後由 ming1020 於 20-10-8 22:43 編輯

我而家有一隻14同16歲既貓，16歲個隻上星期check到甲狀腺 ...

我地都有諗安樂死呢樣野，對上果隻寶癌症，其實我一開始想俾佢安樂死，但屋企兩父子喊哂唔肯仲堅持要醫，幾貴幾辛苦都要醫阿寶，結果果半年唔止我湊貓湊到瘦同攰，隻寶真係好辛苦，呢吓係個好差既經驗。

呢次隻蚊腎衰竭，其實除咗貧血暈，佢冇其他唔舒服，我綜合哂網上既意見同經驗，我地至咁堅持唔打針去，但同時唔俾佢住院，因為次次住院都中cat flu,同埋唔想搞到阿寶咁，驚住咁過埋剩餘既日子，俾佢住响自己地方自由自在，再者，住院都只不過拖長佢唔舒服既時間，好冇意思，既然腎衰竭冇得好番，冇得變番以前冇病時咁，我地揀咗安寧治療，皮下水照打，腎糧照食，保健葯照食，見佢都末期，最後果個月我俾佢食好好味既罐罐，雖則我都有諗係咪我俾零食罐至加快佢去到盡頭，但回想番佢果一個月食得零舍開胃開心，總算走前佢仲食好住好，而唔係餓住悶住咁離開。