現年41歲，有「小鮮肉收割機」之稱嘅台灣歌手蕭亞軒（Elva）近年屢傳被病患纏身，工作飽受壓力，導致身體出現問題，前年3月更全面停工休養。
（蕭亞軒IG）
直到上年8月Elva接受訪問提到佢停工年半並唔係因為心理問題，而係因為發生浴室意外，心口撞到大理石，致嚴重內傷。本身有支氣管炎嘅她，意外後一度呼吸困難而無法唱歌，令心情跌到谷底。直到遇上細16年男友黃皓先令佢情況穩定，黃皓一直喺Elva身邊無微不至咁照顧，一句「我是一個男人，你可以靠着我」更令蕭亞軒大為感動，坦言有衝動想為男友生孩子，組織家庭。
（網上圖片）
不過尋晚凌晨蕭亞軒突然喺社交平台上載咗一條自拍短片，片中嘅佢頭髮凌亂、神情恍惚，不斷向鏡頭抽泣說：「好冷，可以趕快把門捧（卡）給我嗎？」並配上留言「等了」兩字，但短片上載冇耐就刪除咗，有網民揣測佢飲醉酒，令人非常擔心。
（蕭亞軒微博）
事後蕭亞軒回覆傳媒，指當時想send私人訊息畀男友求救，但就手誤變咗公開訊息，直到有一堆朋友問佢發生咩事佢先發現，蕭亞軒強調自己當下好清醒。
（蕭亞軒微博）
其實上年7月Elva都曾經發放一條1分鐘嘅自拍片，片中兩次喺鏡頭前瞓着，更語無倫次：「我好想我的小孩！我不知道要講甚麼，我會讓我自己慢慢的看到開心的自己跟你們想要看到我，和我想看到的自己。」當佢講到5點幾係平時睡覺時間後，影片結束。而片段附文就寫道：「半夜我好想我的毛小孩，可是我肚子餓了，吃完我就會睡了掰。」
（蕭亞軒微博）
事後Elva公司於微博上解釋：「會發生這樣的情况是因為蕭亞軒的狗狗（毛小孩）生病，她很着急也很擔心，半夢半醒狀態，露出的這個視頻。抱歉讓大家擔心了。」不過大家都係覺得出現咁嘅情況都唔太尋常。
（蕭亞軒微博）
今年4月佢又突然Po出一張耳後位置三吋長嘅血淋淋傷口照，傷口上仲有6粒鋼釘「縫針」，原來傷口係2019年10月造成，佢強調自己唔係想炒作新聞，只係希望大家能夠更珍惜生命。
（蕭亞軒微博）
今年7月佢又再突然自爆自己人生有大事發生，表示：「說了……但遲早，不是好事。希望你們能了解我的朋友。」粉絲都好擔心會有啲咩壞事將會發生。講到咁隱晦，但佢最後叫大家唔好過度聯想，話：「不好的事就是專輯又要延期了？」嬲到唔少網民都話佢「瘋瘋癲癲」，枉費咗佢哋嘅擔心咁話！
***發仔瘟
發表於 
返回列表
